အင်းတော် မေ ၂၈
မြို့နယ်အမျိုးသမီးရေးရာအဖွဲ့နှင့်
မြို့နယ်ကြက်ခြေနီအသင်းတို့ ပူးပေါင်းဖွင့်လှစ်သည့် ရှေးဦးသူနာ ပြုစုနည်း (ကြက်ခြေနီ)
သင်တန်းဖွင့်ပွဲ အခမ်းအနားကို စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့ မြို့နယ်အထွေထွေ
အုပ်ချုပ်ရေး ဦးစီးဌာနရုံး၊ အစည်းအဝေးခန်းမတွင် ၂၀၁၇ ခုနှစ် မေ ၂၈ နံနက် ၉ နာရီ အချိန်က
ကျင်းပပြုလုပ်သည်။
အခမ်းအနားတွင် မြို့နယ်စီမံခန့်ခွဲမှုကော်မတီဥက္ကဋ္ဌ
ဦးမြတ်ကိုထွေးနှင့် မြို့နယ်ကျန်းမာရေးဦးစီးဌာန၊ မြို့နယ်ဆရာဝန်ကြီး ဒေါက်တာကျော်ကျော်လင်းတို့က
အဖွင့်အမှာစကားပြောကြားခဲ့ပြီး မြို့နယ်အမျိုးသမီးရေးရာဥက္ကဋ္ဌ ဒေါ်ဝေညှိက သင်တန်း ဖွင့်လှစ်ရခြင်းနှင့်ပတ်သက်၍
ရှင်းလင်းပြောကြားခဲ့သည်။ ထို့နောက် အင်းတော်မြို့နယ် အမှတ်(၂) တိုင်းဒေသကြီး လွှတ်တော်ကိုယ်စားလှယ်
ဦးသန်းဝင်းနှင့် တာဝန်ရှိသူများက သင်တန်းသား/သူများအား ကြက်ခြေနီအသင်းဝတ်စုံ တစ်စုံစီကို
ထောက်ပံ့ပေးအပ်ခဲ့သည်။
အဆိုပါသင်တန်းသို့
အင်းတော်မြို့ပေါ်လေးရပ်ကွက်မှ သင်တန်းသား/သူ (၂၀) ဦး တက်ရောက်ပြီး၊ သင်တန်းနည်းပြ
အဖြစ် မြို့နယ်ကြက်ခြေနီအသင်းဥက္ကဋ္ဌ ဒေါ်ခင်ဝင်းကြည်နှင့် တပ်ဖွဲ့မှူးသုံးဦးတို့က ရှေးဦးပြုစုခြင်းနည်း၊
လူနာသယ်ဆောင် နည်း၊ လူနာကိုင်သွယ်နည်း၊ လူနာဆန်းစစ်ခြင်းနည်း၊ ဒဏ်ရာဆန်းစစ်ခြင်းနည်း၊
သဘာဝဘေးအန္တရာယ်အကြောင်း၊ TV ရောဂါ၊ HIV ရောဂါ၊ ငှက်ဖျားရောဂါအကြောင်း၊ အသက်ရှုလမ်းကြောင်းဆိုင်ရာ၊ သွေးလွန်တုပ်ကွေးရောဂါဆိုင်ရာနှင့်
ရောဂါကာကွယ်ရန် နည်းလမ်းများကို နံနက် ၉ နာရီမှ ညနေ ၄ နာရီအချိန်ထိ လေးရက်ကြာ သရုပ်ပြသင်ကြားပို့ချ
သွားမည်ဖြစ်ကြောင်း သိရသည်။
(ကျော်မြိုင်) အင်းတော်
No comments:
Post a Comment