ပြည်ထောင်စု ငြိမ်းချမ်းရေး ဆွေးနွေးမှု ပူးတွဲ
ကော်မတီ၏ လုပ်ငန်း ကော်မတီ အစည်း အဝေးများကို ယနေ့ နံနက်ပိုင်းတွင် နေပြည်တော်ရှိ အမျိုးသား
ပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာနရှိ သတ်မှတ်နေရာ အသီးသီးတွင် စတင်ကျင်းပရာ
အစိုးရ၊ တိုင်းရင်းသား လက်နက်ကိုင် အဖွဲ့အစည်းများ၊ နိုင်ငံရေး ပါတီများနှင့် ပြည်ထောင်စု
ငြိမ်းချမ်းရေး ဆွေးနွေးမှု ပူးတွဲ ကော်မတီဝင်များ ပါဝင်သည့် လုပ်ငန်း ကော်မတီဝင်များ
တက်ရောက်ကြသည်။
နိုင်ငံရေးကိစ္စရပ်များ
နိုင်ငံရေး
ကိစ္စရပ်များ ဆွေးနွေးမှု လုပ်ငန်းကော်မတီ အစည်းအဝေးကို
သတ်မှတ်နေရာ၌ ကျင်းပရာ ဒေါက်တာ လျန်မှုန်းဆာခေါင်းက ဦးဆောင်၍ ဗိုလ်မှူးချုပ် တင်အောင်၊
ဗိုလ်မှူးချုပ် လှသန်းမောင်၊ ဦးဌေးဝင်းအောင်၊ ဦးအောင်လွင်ဦး၊ ဒေါက်တာစိုင်းဦး၊
စောအယ်ကလူစေး၊ စောစံငြိမ်းသူ၊ စောကူးကူ၊ စိုင်းဘိုးအောင်၊ ဒေါက်တာတူးဂျာနှင့် ဦးအောင်ကြည်ညွန့်တို့က
ယခင်လုပ်ငန်း ကော်မတီ၏ အခြေခံမူ ၂၀ ချက်အပေါ် ပြန်လည် သုံးသပ် ဆွေးနွေးကြသည်။
လူမှုရေးကိစ္စရပ်များ
အလားတူ လူမှုရေး ကိစ္စရပ်များ ဆွေးနွေးမှု လုပ်ငန်း ကော်မတီ၌ ဦးစိုင်းလနှင့် ဦးနိုင်ငံလင်း
တို့က ဦးဆောင်၍ ဗိုလ်ချုပ်နေလင်း၊ ဒေါ်ဇင်မာအောင်၊ ဦးနိုင်ဆွေဦး၊ ခွန်သောမက်စ်၊ ဒေါ်
အေးသီတာမြင့်၊ ဦးတင်ဆွေ၊ ဦးဆမ်းဆောင်ကားနှင့် ဦးရွှေမင်း တို့က ယခင် ကျင်းပခဲ့သည့်
လုပ်ငန်းကော်မတီ၏ ရလဒ်များအပေါ် သုံးသပ် ဆွေးနွေးကြသည်။
စီးပွားရေး
ကိစ္စရပ်များ
ထို့ပြင် စီးပွားရေး ကိစ္စရပ်များ ဆွေးနွေးမှု လုပ်ငန်း ကော်မတီ၌ ဦးလှမောင်ရွှေ၊ ဒေါ်စောမြ
ရာဇာလင်းနှင့် မင်းကျော်ဇေယျာဦးတို့က ဦးဆောင်၍ ဗိုလ်မှူးချုပ် သိုက်စိုး၊ မိကွန်ချမ်း၊
ဆလိုင်း ထလာဟေး၊ ပဒိုစောတာဒိုမူး၊ စိုင်းလျန်း၊ ခွန်တင်ရွှေဦး၊ ဦးထွန်းနိုင်၊ ဦးသိန်းထွန်း၊
ဦးမားကို့စ်နှင့် ဦးသာထွန်းလှ တို့က စီးပွားရေး ကဏ္ဍ၌ ရှမ်းပြည်နယ်မှ တင်သွင်းလာသည့်
စာတမ်းအပေါ် သုံးသပ် ဆွေးနွေးကြသည်။
လုံခြုံရေးကိစ္စရပ်များ
အလားတူ လုံခြုံရေး ကိစ္စရပ်များ ဆွေးနွေးမှု လုပ်ငန်း ကော်မတီ၌ ဗိုလ်ချုပ် စိုးနိုင်ဦး၊
ဦးမျိုးဝင်းနှင့် ဦးတာလှဖေတို့က ဦးဆောင်၍ ဗိုလ်ချုပ် တင်မောင်ဝင်း၊ ဗိုလ်မှူးချုပ်
စိန်ထွန်းလှ၊ ဦးအင်ထုံးခါးနော်ဆမ်၊ ဦးကျော်ကျော်ဟန်၊ ပဒိုစောအောင် ၀င်းရွှေ၊ ပူးထက်နီ၊
ဒေါက်တာ အောင်မြတ်ဦးနှင့် ဒေါ်နန်းခင်စိန်မြင့် တို့က ကော်မတီ၏ နိုင်ငံတော် ကာကွယ်ရေး
ဆိုင်ရာ ကိစ္စရပ်များ ခေါင်းစဉ်အောက်မှ ကာကွယ်ရေး ဆိုင်ရာ မူဝါဒ နှင့်စပ်လျဉ်း၍ ဆွေးနွေးကြသည်။
မြေယာနှင့်
သဘာဝ ပတ်ဝန်းကျင် ဆိုင်ရာ
ထို့အတူ မြေယာနှင့် သဘာဝ ပတ်ဝန်းကျင် ဆိုင်ရာ မူဝါဒကိစ္စရပ်များ ဆွေးနွေးမှု လုပ်ငန်း
ကော်မတီ၌ ဦးအောင်စိုးနှင့် ခွန်မြင့်ထွန်း တို့က ဦးဆောင်၍ ဗိုလ်မှူးချုပ် အောင်သိန်းဦး၊
ဦးစိုးဝင်း၊ ဦးဇော်မင်းလတ်၊ ဦးဆန်နီ၊ စောဒဲနယ်လ်၊ စိုင်းစိုင်းငင်း၊ ဒေါ်ဒွဲဘူ၊ ဦးလှခိုင်၊
ခွန်ထွန်း ရွှေနှင့် ဦးအိုက်ဆော တို့က ရှမ်းပြည်နယ်မှ တင်သွင်းလာသည့် မြေယာကဏ္ဍဆိုင်ရာ
စာတမ်း အပေါ် သုံးသပ် ဆွေးနွေးကြသည်။
လုပ်ငန်း ကော်မတီအလိုက် ဆွေးနွေးပွဲများကို
ယနေ့မှ မေလ ၉ ရက်အထိ ကျင်းပ သွားမည်ဖြစ်ပြီး ပြည်ထောင်စု ငြိမ်းချမ်းရေး ဆွေးနွေးမှု
ပူးတွဲကော်မတီ၏ အတွင်းရေးမှူး အဖွဲ့ အစည်းအဝေးများကို မေလ ၁၀ ရက်မှ ၁၃ ရက်အထိ ဆက်လက်
ကျင်းပ သွားမည် ဖြစ်သည်။
ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ၏
လုပ်ငန်း ကော်မတီ အနေဖြင့် နိုင်ငံရေး ဆွေးနွေးပွဲများတွင် ဆွေးနွေးမည့် အကြောင်းအရာများ
အပေါ် အခြေခံ၍ စနစ်တကျ စီမံ ဆောင်ရွက်နိုင်ရန် အတွက် လုပ်ငန်း ကော်မတီ ၅ ခုကို ၂၀၁၇
ခုနှစ် ဖေဖော်ဝါရီလ ၁၆ ရက်တွင် ဖွဲ့စည်းခဲ့သည်။
သူရဇော်၊
မီမွှေးသန့် (သတင်းစဉ်)
No comments:
Post a Comment