မောင်ချင်းဆွေ
ချင်းပြည်နယ်သည်
မြန်မာနိုင်ငံ၏ အနောက်ဘက်ဒေသ ဖြစ်သည်။ စစ်ကိုင်းတိုင်းဒေသကြီးနှင့် မကွေး တိုင်းဒေသကြီး၏
အနောက်ဘက်၊ ရခိုင်ပြည်နယ်၏ မြောက်ပိုင်း၊ ဘင်္ဂလားဒေ့ရ်ှနိုင်ငံ၏ အရှေ့ဘက်၊ အိန္ဒိယ
နိုင်ငံ၏ အနောက်မြောက်ဘက်၊ မီဇိုရမ်ပြည်နယ်၏ အရှေ့ဘက်တွင် တည်ရှိသည်။
တောင်စွယ်တောင်တန်းများဖြင့် ဖွဲ့စည်းထားသည့် အဆိုပါဒေသသည် ချင်းလူမျိုးများ၏ ဌာနေ
ချင်းတောင်ပင်ဖြစ်သည်။
ချင်းပြည်နယ်သည်
ကန်ပက်လက်မြို့နယ်၊ မင်းတပ်မြို့နယ်၊ ပလက်ဝမြို့နယ်၊ မတူပီမြို့နယ်၊
ဟားခါးမြို့နယ်၊ ဖလမ်းမြို့နယ်၊ တီးတိန်မြို့နယ်၊ တွန်းဇန်မြို့နယ်နှင့်
ထန်တလန်မြို့နယ် ဟူသည့် ကိုးမြို့နယ်ဖြင့် ဖွဲ့စည်းထားသည်။
ချင်းပြည်နယ်
မြောက်ပိုင်းနှင့် တောင်ပိုင်းကို ဆက်သွယ်ထားသည့် လမ်းများတွင် တံတားများ
တည်ဆောက်နေဆဲ ဖြစ်ပြီး ဆောက်လုပ် ပြီးစီးပါက ချင်းပြည်နယ် တောင်ပိုင်းနှင့်
မြောက်ပိုင်း တစ်မြို့နယ်နှင့် တစ်မြို့နယ် ဆက်သွယ်ရေး အဆင်ပြေလာမည် ဖြစ်သည်။
၂ဝ၁၇ ခုနှစ် ဖေဖော်ဝါရီ
၂၇ ရက်မှ မတ် ၁ ရက်အထိ ချင်းပြည်နယ် ထန်တလန်မြို့တွင် အမျိုးသားအဆင့်
နိုင်ငံရေးဆွေးနွေးပွဲ အောင်မြင်စွာ ကျင်းပပြီးစီးခဲ့သည်။
မင်းတပ်မြို့၌ ၂ဝ၁၇
ခုနှစ် ဇန်နဝါရီလတွင် မဟာဓာတ်အားလိုင်း လျှပ်စစ်မီး ရရှိထားပြီးဖြစ်ကာ
ကျန်ရှိနေသေးသော ပလက်ဝ၊ မတူပီ၊ ကန်ပက်လက်မြို့တို့တွင်လည်း မဟာ ဓာတ်အားလိုင်း
လျှပ်စစ်မီးရရှိရန် ချင်းပြည်နယ်အစိုးရက ဆက်လက် ဆောင်ရွက်နေသည်။
ချင်းပြည်နယ်ဝန်ကြီးချုပ်
ဦးဆလိုင်းလျန်လွယ်က ''တစ်နှစ်တာအတွင်း လုပ်ဆောင်မှုကတော့ အထူးသဖြင့် လမ်းပန်း
ဆက်သွယ်ရေးကို အဓိကထားပြီး အကောင်အထည်ဖော် ဆောင်ရွက်လျက်ရှိပါတယ်။ ချင်းပြည်နယ် တောင်ဘက်စွန်းနဲ့
မြောက်ဘက်စွန်း မိုင်ပေါင်း ၅ဝဝ ကျော်ကို ၁၂ နာရီနဲ့ သွားနိုင်တဲ့လမ်း ဖြစ်အောင်
ကြိုးစားနေပါတယ်။
''ကျီးခါးမြို့နယ်
အင်ဖာလ်မှာဆိုရင် အေးအီးယာန်းနဲ့ ခင်မာန်းရွာကြားမှာ တံတားထိုးပြီး
နယ်စပ်ဈေးဖွင့်ဖို့ စီစဉ်ထားတာ ရှိပါတယ်။ တွန်းဇန်မြို့နှင့်
ကျီးခါးမြို့ကြားမှာရှိတဲ့ နတ်ဇန်တံတားကို တည်ဆောက်နေဆဲ ဖြစ်ပါတယ်။ ပေ ၄ဝဝ
အရှည်ရှိတဲ့ နှာရိန်နဲ့ ရီဇွာ ကြား ဘွေနူးတံတား၊ မြစ်ရည်တံတားကို လက်ရှိ
တည်ဆောက်နေဆဲ ဖြစ်ပါတယ်။ တွန်းဇန်တံတား ပေ ၆ဝ၊ အိုင်စီတံတား၊ တီးတိန်နဲ့
တွန်းဇန်ကြားမှာ ဗာလ်ကျင်း တံတားပေ ၆ဝ နီးပါးရှိပါတယ်။ ကလေးနဲ့
နတ်ချောင်းကြားမှာရှိတဲ့ ငစစ်ဗားက တံတား ပေ ၆ဝ ၊ အိုင်စီတံတားကြီး တည်ဆောက်လျက်
ရှိပါတယ်''ဟု ပြောသည်။
ချင်းပြည်နယ်သည်
ကုန်းလမ်းခရီးဖြင့်သာ ဆက်သွယ်နိုင်သည့် ပြည်နယ်ဖြစ်ပြီး လမ်းပန်း ဆက်သွယ်ရေး ပြတ်တောက်မှုများ၊
စားနပ်ရိက္ခာ ပြတ်တောက်မှုများနှင့် ကြုံတွေ့ရသည့်အချိန် ရှိခဲ့သည့်အတွက် ယခုအခါ
ချင်းပြည်နယ် မြောက်ပိုင်းတွင် အပြည်ပြည်ဆိုင်ရာ လေယာဉ်ကွင်း တည်ဆောက်ရန်နှင့်
ချင်းပြည်နယ် တောင်ပိုင်းတွင် သင်္ဘောဆိပ်ကမ်း တည်ဆောက်ရန် ပြည်နယ်အစိုးရက
စီစဉ်ဆောင်ရွက်နေသည်။
အစိုးရသစ် တက်ပြီးနောက်ပိုင်း
ချင်းပြည်နယ်အတွင်း အလုပ်အကိုင်နှင့် စီးပွားရေး အခွင့်အလမ်းများ တိုးမြှင့်ဖန်တီးပြီး
ဒေသဝမ်းစာဖူလုံရေး၊ ဆင်းရဲနွမ်းပါးမှု လျှော့ချရေးကို ဦးတည်ရည်မှန်း ဆောင်ရွက်လျက်ရှိရာ
ဒေသနှင့် ကိုက်ညီသည့် စိုက်ပျိုးရေး မွေးမြူရေး လုပ်ငန်းများ ဖွံ့ဖြိုးလာစေရေး၊
အခြေခံ အဆောက်အအုံများ ပိုမိုကောင်းမွန်လာရေး၊ အသေးစား၊ အလတ်စား စက်မှုလက်မှု
ဖွံ့ဖြိုးတိုးတက်ရေး၊ လူ့စွမ်းအား အရင်းအမြစ်များ ဖွံ့ဖြိုးတိုးတက်ရေး၊ သဘာဝ ပတ်ဝန်းကျင်ကို
စဉ်ဆက်မပြတ် ဖွံ့ဖြိုးတိုးတက်အောင် ဆောင်ရွက်ရေး၊ မြို့ပြဖွံ့ဖြိုး စည်ပင်သာယာရေး လုပ်ငန်းများ
ပိုမိုမြှင့်တင် ဆောင်ရွက်ရန်၊ ပညာရေး၊ ကျန်းမာရေးနှင့် အခြားဝန်ဆောင်မှု လုပ်ငန်းများကို
တိုးမြှင့်ဆောင်ရွက်ရန်နှင့် လမ်းပန်း ဆက်သွယ်ရေး လုပ်ငန်းများ တိုးမြှင့် ဆောင်ရွက်ရန်
မူဝါဒများထားရှိ ဆောင်ရွက်နေသည်။
''ချင်းပြည်နယ်မှာ
လမ်းပန်း ဆက်သွယ်ရေးအတွက်လည်း လေယာဉ်ကွင်း ၊ သင်္ဘောဆိပ်ကမ်း၊ ဘူတာရုံ မရှိတာကြောင့်
ကျွန်တော်တို့အနေနဲ့ ချင်းပြည်နယ် ဖလမ်းမြို့မှာ ပြည်တွင်း ပြည်ပနဲ့ ဆက်သွယ်နိုင်တဲ့
အပြည်ပြည်ဆိုင်ရာ လေယာဉ်ကွင်း တည်ဆောက်ပြီး လေယာဉ် အမြန်ဆုံး ဆင်းနိုင်အောင်
ကြိုးစား ဆောင်ရွက်နေပါတယ်။ နိုင်ငံတော်သမ္မတ ဦးထင်ကျော်နဲ့ ဒုတိယသမ္မတ
ဦးဟင်နရီဗန်ထီးယူတို့ လာရောက် လေ့လာ ကြည့်ရှုစစ်ဆေးပြီး လိုအပ်တာတွေ
လမ်းညွှန်ခဲ့ပါတယ်။ ကျွန်တော်တို့အနေနဲ့ မကြာမီဖွင့်လှစ်နိုင်ဖို့
ကြိုးစားနေပါတယ်။
''နောက် ပလက်ဝမှာလည်း
သင်္ဘောဆိပ်ကမ်းကို မင်းတပ်နဲ့ ပူးပေါင်းပြီး လုပ်ဆောင်နေတဲ့ သင်္ဘောဆိပ်ခံ တံတားကြီးဟာ
အိန္ဒိယကုမ္ပဏီကနေ တည်ဆောက်ပေးတာ ဖြစ်ပါတယ်။ အခု ဆောက်လုပ်တာ ပြီးသွားပြီ ဖြစ်ပါတယ်။
ချင်းပြည်နယ်အနေနဲ့ ရေလမ်း၊ ကုန်းလမ်း၊ လေကြောင်းစတဲ့ နိုင်ငံခြား ထွက်ပေါက် ရှိတဲ့အခါ
ကုန်သွယ်ရေး၊ စီးပွားရေးလုပ်ငန်းများ မြန်မြန်ဆန်ဆန် တိုးတက်လာမယ်လို့
မျှော်လင့်ပါတယ်''ဟု ပြည်နယ်ဝန်ကြီးချုပ်က ပြောသည်။
၂ဝ၁၅ ခုနှစ်
ကိုမန်မုန်တိုင်းကြောင့် ချင်းပြည်နယ် နေရာအနှံ့အပြားတွင် ဘေးအန္တရာယ်များ
ကြုံတွေ့ခဲ့ရပြီး သဘာဝဘေးသင့် ပြည်သူများအတွက် နေရာချထားပေးပြီး ဖြစ်သည်။ အခြေခံ အဆောက်အအုံများ
ပိုမိုကောင်းမွန် လာရေးနှင့် မြို့ပြဖွံ့ဖြိုး စည်ပင်သာယာရေး လုပ်ငန်းများ ပိုမိုမြှင့်တင်ရန်
စီစဉ်ဆောင်ရွက်လျက် ရှိသည်။
ချင်းပြည်နယ်ဝန်ကြီးချုပ်က
''ချင်းပြည်နယ်အတွင်းမှာ အစိုးရအနေနဲ့ Town Plan ရေးဆွဲထားတာ ရှိပါတယ်။ ဟားခါး၊
ဖလမ်း၊ ပလက်ဝဆိုပြီး မြို့သုံးမြို့ကို Town Plan ရေးဆွဲပြီး မြို့သစ်စီမံကိန်း၊
မြို့ပြစီမံကိန်း ဖွံ့ဖြိုး တိုးတက်ဖို့ အရေးတကြီး ဆောင်ရွက်လျက် ရှိပါတယ်။
ကျန်တဲ့မြို့တွေကိုလည်း မြို့ပြစီမံ ကိန်းအဖြစ် ဆက်လက် ရေးဆွဲပြီး အကောင်
အထည်ဖော်ဖို့ စီစဉ်ထားပါတယ်။
''ချင်းပြည်နယ်ရဲ့
သဘာဝတောတောင် အလှတွေကို လာပြီးတော့ လေ့လာချင်တဲ့ ကမ္ဘာလှည့် ခရီးသည်တွေ
လာနိုင်အောင် ခေါ်နူးဆုမ် Natural Park နဲ့ ဖလမ်းမြို့နယ်မှာလည်း
ဇိန်မှုတောင်ပတ်ဝန်းကျင် ဧက ၁ဝဝဝဝ ကျော် ကြိုးစားဖော်ဆောင်လျက် ရှိပါတယ်။ အဲဒါတွေ အောင်မြင်ရင်
လမ်းပန်းဆက်သွယ်ရေး၊ တစ်ဖက်က နိုင်ငံခြားကနေ လာရောက်ကြမယ့် ကမ္ဘာလှည့်ခရီးသည်တွေ၊
ဟိုတယ်နှင့် ခရီးသွားလုပ်ငန်းလည်း ချင်းပြည်နယ်မှာ အကောင် အထည်ဖော်ဖို့
စီမံကိန်းရေးဆွဲပြီး ဆောင်ရွက်လျက် ရှိပါတယ်''ဟု ချင်းပြည်နယ် ဝန်ကြီးချုပ်က
ပြောသည်။
ချင်းပြည်နယ် ဖွံ့ဖြိုးတိုးတက်ရန်
အသေးစား၊ အလတ်စား၊ စက်မှုလက်မှုလုပ်ငန်း ဖွံ့ဖြိုးတိုးတက်ရေး အတွက် အားသွန်ခွန်စိုက်
ဆောင်ရွက်လျက် ရှိကြောင်း ဝန်ကြီးချုပ်က ပြောကြားရာတွင် ''အိမ်တွင်းမှု စက်မှုလက်မှု လုပ်ငန်းနဲ့
ပတ်သက်ပြီး ဟားခါး၊ ဖလမ်း၊ မင်းတပ်မြို့နယ်တို့မှာ စက်မှုလက်မှု လုပ်ငန်းအနေနဲ့
ရက်ကန်းကျောင်းမှာ စက်ရက်ကန်းနဲ့ အထည်တွေ ထုတ်နေတာရှိပါတယ်။ ပိုးထည်လုပ်ငန်း
တွင်တွင်ကျယ်ကျယ်နဲ့ လုပ်မယ်ဆိုရင် ချင်း ရိုးရာဝတ်စုံတွေကို ထုတ်လာမယ်။
ထုတ်လာပြီးတော့ တစ်ဖက်က ပိုးမွေးမြူရေး လုပ်ငန်းလည်း အောင်မြင်လာမယ်။ တစ်ဖက်က
အိမ်တွင်းစက်မှုလက်မှု ထွန်းကားလာရင် အလုပ်လက်မဲ့ကိုလည်း ဖြေရှင်းနိုင်မှာ ဖြစ်ပါ
တယ်''ဟု ပြောသည်။
ပညာရေး၊ ကျန်းမာရေးနှင့်
အခြား ဝန်ဆောင်မှုလုပ်ငန်းများ တိုးမြှင့်ဆောင်ရွက်ရန် စီစဉ် ဆောင်ရွက်နေပြီး
ဟားခါးကောလိပ်ကို ဒုတိယသမ္မတ ဦးမြင့်ဆွေ တက်ရောက် ဖွင့်လှစ်ပေးခဲ့ကြောင်း၊ ပညာရေး ကောလိပ်ကိုလည်း
ဟားခါးတွင် ဆက်လက် တည်ဆောက်လျက် ရှိကြောင်း၊ ၂ဝ၁၇-၂ဝ၁၈ ပညာသင်နှစ်တွင်
ဖွင့်လှစ်နိုင်အောင် ကြိုးစား ဆောင်ရွက်နေကြောင်း၊ ဖလမ်းမြို့ရှိ
စိုက်ပျိုးရေးသိပ္ပံကိုလည်း ဒုတိယသမ္မတ ဦးဟင်နရီဗန်ထီးယူ တက်ရောက်ပြီး
ဖွင့်လှစ်ပေးခဲ့ကြောင်း၊ ဟားခါးတွင် နည်းပညာ တက္ကသိုလ် ဖွင့်လှစ်နိုင်ရန်
ကြိုးစားလျက် ရှိကြောင်း၊ မင်းတပ်မြို့နှင့် မတူပီမြို့တို့တွင်လည်း ကောလိပ်များ
ဖွင့်လှစ်နိုင်ရန် တင်ပြထားကြောင်း ချင်းပြည်နယ် ဝန်ကြီးချုပ်၏ ပြောကြားချက်အရ သိရသည်။
ပြည်နယ်ဝန်ကြီးချုပ်က
''နိုင်ငံတော် အကြီးအကဲတွေ လာတဲ့အချိန်မှာ ကျွန်တော်တို့ ဟားခါးမြို့သစ် ကတ္တရာ လမ်းခင်းနိုင်ရေး
အတွက် စီမံကိန်းရေးဆွဲပြီး တင်ပြခဲ့ပါတယ်။ ရေ၊ မီး၊ လမ်းအားလုံး မကြာမီမှာ အဆင်ပြေ
သွားမှာ ဖြစ်ပါတယ်။ ဖလမ်းမြို့မှာရှိတဲ့ ရေပေးဝေရေး လုပ်ငန်းက ၂ဝ၁၅ ခုနှစ်မှာ
မိုးရွာသွန်းလို့ ပျက်စီးသွားတဲ့အတွက် ဖလမ်းမြို့ ရေရရှိအောင် နိုင်ငံတော်ကို
တင်ပြတဲ့အခါ နိုင်ငံတော်သမ္မတရဲ့ သီးသန့်ရန်ပုံငွေကနေ သန်း ၅ဝဝဝ ချထားပေးပါတယ်။
အဲဒီသန်း ၅ဝဝဝ နဲ့ ဖလမ်းမြို့ ရေပေးဝေရေး လုပ်ငန်းကို တင်ဒါခေါ်ယူပြီး ကျွမ်းကျင်တဲ့
ပညာရှင်တွေနဲ့ ဆက်လက် ဆောင်ရွက်နေပါတယ်။ ရေပေးဝေရေး လုပ်ငန်းအောင်မြင်ရင်
ဖလမ်းမြို့တစ်မြို့လုံး ဒုက္ခရောက်နေတဲ့ ရေရှားပါးမှု ပြဿနာဟာ အဆင်ပြေသွားမှာ ဖြစ်ပါတယ်''ဟု
ပြောသည်။
ချင်းပြည်နယ်၌
အလုပ်အကိုင်နှင့် စီးပွား အခွင့်အလမ်းများ တိုးမြှင့်ဖန်တီးပေးခြင်းဖြင့်
၂ဝ၂ဝ-၂ဝ၂၁ ဘဏ္ဍာနှစ်တွင် ဒေသဝမ်းစာ ဖူလုံပြီး ဆင်းရဲနွမ်းပါးမှုကို သိသာစွာ လျှော့ချ
နိုင်ရေးအတွက် ပြည်နယ်အစိုးရအဖွဲ့က ဦးတည်ရည်မှန်း ဆောင်ရွက်နေခြင်း ဖြစ်သည်။
ပြည်နယ်အစိုးရသည်
ဒေသနှင့်ကိုက်ညီသော စိုက်ပျိုး မွေးမြူရေးလုပ်ငန်းများ ဖွံ့ဖြိုးလာစေရေး၊ အခြေခံ အဆောက်အအုံများ
ပိုမိုကောင်းမွန်လာရေး၊ အသေးစားနှင့် အလတ်စားလုပ်ငန်းများ ဖွံ့ဖြိုးတိုးတက်ရေး၊
လူ့စွမ်းအား အရင်းအမြစ်များ ဖွံ့ဖြိုးတိုးတက်ရေး၊ သဘာဝ ပတ်ဝန်းကျင်ကို စဉ်ဆက်မပြတ်
ဖွံ့ဖြိုးတိုးတက်အောင် ဆောင်ရွက်ရေး ဟူသည့် မူဝါဒများဖြင့် ဆောင်ရွက်လျက် ရှိသည်ဟု
ဆိုသည်။
ကုန်းမြင့်လယ်ယာများ
တိုးတက်ဖော်ထုတ်ရန်နှင့် အော်ဂဲနစ်စိုက်ပျိုးရေး အပါအဝင် ဝင်ငွေရသီးနှံများ
တိုးမြှင့် စိုက်ပျိုးထုတ်လုပ်ရန်၊ ဒေသနှင့်ကိုက်ညီသော မွေးမြူရေးလုပ်ငန်းများ
ပိုမိုဖွံ့ဖြိုး တိုးတက်လာအောင် ကြိုးပမ်းဆောင်ရွက်ရန်၊ ပြည်နယ်အတွင်း၊
ပြည်နယ်အတွင်းနှင့် အပြင် လမ်းပန်းဆက်သွယ်ရေး ပိုမိုကောင်းမွန်နိုင်ရေး ဆောင်ရွက်ရန်၊
အိမ်တွင်း တစ်နိုင်တစ်ပိုင်နှင့် အသေးစား၊ အလတ်စား လုပ်ငန်းများ
ဖွံ့ဖြိုးတိုးတက်ရေး အားပေးမြှင့်တင် ဆောင်ရွက်ရန်၊ လျှပ်စစ်ဓာတ်အား ပိုမိုရရှိရေး
ဆောင်ရွက်ရန်၊ သဘာဝ အခြေခံ ခရီးသွားလုပ်ငန်း ပိုမိုဖွံ့ဖြိုးတိုးတက်ရေး
ဆောင်ရွက်ရန်၊ မြို့ပြဖွံ့ဖြိုး စည်ပင်သာယာရေး လုပ်ငန်းများ ပိုမိုမြှင့်တင် ဆောင်ရွက်ရန်၊
လူ့စွမ်းအား အရင်းအမြစ် ဖွံ့ဖြိုးတိုးတက်ရေးကို မြှင့်တင်ဆောင်ရွက်ရန်၊ ပညာရေး၊
ကျန်းမာရေးနှင့် အခြားဝန်ဆောင်မှု လုပ်ငန်းများ တိုးမြှင့်ဆောင်ရွက်ရန်၊ ပြည်သူများ
အလုပ် လက်မဲ့လျော့နည်းပြီး ဆင်းရဲမှု လျော့ကျလာစေရန်အတွက် အလုပ်အကိုင် အခွင့်အလမ်းများ
တိုးမြှင့်ဖန်တီးပေးရန်၊ ပြည်တွင်းနှင့် နိုင်ငံတကာ ရင်းနှီးမြှုပ်နှံမှုနှင့်
ဖွံ့ဖြိုးတိုးတက်ရေး ဆိုင်ရာ အထောက်အပံ့များ တိုးတက်ရရှိရေး ဆောင်ရွက်ရန်၊ နယ်စပ်ကုန်သွယ်မှု
ပိုမိုတိုးတက်နိုင်ရေး ဆောင်ရွက်ရန်၊ ချင်းပြည်နယ် လူမှုစီးပွား ဖွံ့ဖြိုးတိုးတက်မှုဆိုင်ရာ
သုတေသနလုပ်ငန်းများကို အားပေးမြှင့်တင် ဆောင်ရွက်ရန်ဟူသည့် ရည်မှန်းချက်များ ထားရှိပြီး
ချင်းပြည်နယ် တိုးတက် ဖွံ့ဖြိုးရေးအတွက် ပြည်နယ်အစိုးရက ကြိုးပမ်း ဆောင်ရွက်လျက် ရှိပါကြောင်း
ရေးသား တင်ပြလိုက်ရပါသည်။ ။
No comments:
Post a Comment