ညောင်တုန်း ဖေဖော်ဝါရီ ၂၈
ဧရာဝတီတိုင်းဒေသကြီး၊ မအူပင်ခရိုင်၊
ညောင်တုန်းမြို့နယ် လွှတ်တော်ကိုယ်စားလှယ်များ၊ ဌာနဆိုင်ရာအကြီးအကဲများ၊ မြို့နယ်အတွင်းရှိ
ရပ်ကွက်/ကျေးရွာ အုပ်ချုပ်ရေးမှူးများ တွေ့ဆုံဆွေးနွေးပွဲကို ဖေဖော်ဝါရီလ ၂၈ ရက် နေ့
နံနက် ၁၀ နာရီတွင် မြို့နယ်အထွေထွေ အုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပခဲ့သည်။
အဆိုပါအစည်းအဝေးတွင် တိုင်းဒေသကြီးလွှတ်တော်ကိုယ်စားလှယ်
ဦးကျော်ဆန်းမှ အဖွင့်အမှာစကား ပြောကြားပြီး မြို့နယ် အထွေထွေအုပ်ချုပ်ရေးဦးစီးဌာနမှ
ဒုတိယမြို့နယ်အုပ်ချုပ်ရေးမှူး ဦးအောင်ဘော်က တက္ကသိုလ်ဝင်စာမေးပွဲ ဖြေဆိုမည့် ကာလကို
မကြာမီရောက်တော့မည် ဖြစ်သည့်အတွက် ကျောင်းသား/ကျောင်းသူများအား စာကျက်ရာတွင် အနှောင့်အယှက်
မဖြစ်စေရန်အတွက် အသံချဲ့စက်များအား ဆူညံစွာမဖွင့်ရန်နှင့် လုံခြုံရေးအထူး ဂရုပြုဆောင်ရွက်ရန်
ပြောကြားခဲ့သည်။ ထို့နောက် ရပ်ကွက်/ကျေးရွာ အုပ်ချုပ်ရေးမှူးများ၏ သိလိုသည့်မေးမြန်းချက်များကို
မြို့နယ်ဒုတိယအုပ်ချုပ်ရေးမှူး ဦးအောင်ဘော်၊ လွှတ်တော်ကိုယ်စားလှယ်များနှင့် ဌာနဆိုင်ရာတာဝန်ရှိသူများက
ပြန်လည်ရှင်းလင်းခဲ့ကြောင်း သိရသည်။
(မြို့နယ် ပြန်/ဆက်)
No comments:
Post a Comment