ပြန်ကြားရေးဝန်ကြီးဌာနနှင့်
မန္တလေးတိုင်းဒေသကြီး အစိုးရအဖွဲ့တို့ ပူးပေါင်းကျင်းပမည့် ကလေးစာပေပွဲတော် (မန္တလေး)
အောင်မြင်စွာ ကျင်းပနိုင်ရေး ညှိနှိုင်းဆွေးနွေးပွဲကို မန္တလေးမြို့၊ ချမ်းမြသာစည်မြို့နယ်ရှိ
မြန်မာ့သတင်းအချက်အလက်နှင့်နည်းပညာတက္ကသိုလ်(MIIT) ၌ ဇန်န၀ါရီ ၃ ရက် နံနက် ၉ နာရီ ခွဲ
က ကျင်းပပြုလုပ်ခဲ့သည်။
ရှေးဦးစွာ
မန္တလေးတိုင်းဒေသကြီးအစိုးရအဖွဲ့ဝင် ရှမ်းတိုင်းရင်းသားရေးရာဝန်ကြီး ဦးစိုင်းကျော်ဇော
က အဖွင့်အမှာစကား ပြောကြားခဲ့သည်။
ထို့နောက်
ပြန်ကြားရေးဝန်ကြီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှ ညွှန်ကြားရေးမှူးချုပ်
ဦးမောင်ဖေက ကျင်းပမည့် အစီအစဉ်များနှင့် ပတ်သက်၍ ရှင်းလင်းပြောကြားပြီး တက်ရောက် လာသော
အဖွဲ့အစည်းအသီးသီးမှ တာဝန်ရှိသူများ က သိရှိလိုသည်များအား အကြံပြု ဆွေးနွေး ခဲ့ကြသည်။
အဆိုပါကလေးစာပေပွဲတော်
(မန္တလေး)သည် ဇန်န၀ါရီလ ၂၇၊၂၈၊၂၉ ရက်များတွင် မြန်မာ့သတင်း အချက်အလက်နှင့်နည်းပညာတက္ကသိုလ်(MIIT)
တွင် ကျင်းပသွားမည်ဖြစ်သြည်။ ကလေးစာပေပွဲတော်သို့ မည်သူမဆို လွတ်လပ်စွာလာရောက် လေ့လာနိုင်ပြီး
ကလေးစာပေပြပွဲ၊စာအုပ်ဈေးရောင်း ပွဲတော်နှင့် ပြပွဲပြိုင်ပွဲများ၊ ကလေးများပျော်ရွင်ဖွယ်ဖျော်ဖြေရေးအစီအစဉ်များ၊
ကလေးများအနေဖြင့် ကာတွန်းရေးဆွဲ ခြင်း၊ ပန်းချီရေးဆွဲခြင်း၊ အရုပ်ဆက်ခြင်း၊ဆေးရောင်ခြယ်ခြင်း၊
ပုံပြောပြိုင်ပွဲ၊မြန်မာ့ရိုးရာရုပ်သေးပွဲအစီအစဉ်များ၊ မျက်လှည့်အစီအစဉ် များ၊ ဖျော်ဖြေပွဲများ၊
ကလေးများအတွက် ပျော်ရွင်ဖွယ်ကစားနည်းများ စုံစုလင်လင်ပါဝင်သွားမည်ဖြစ်ပြီး ကဏ္ဍအလိုက်
ပြိုင်ပွဲများကို ကျင်းပသွားမည်ဖြစ်ရာ ကလေးစာပေပွဲတော်
နောက်ဆုံးနေ့တွင် ဆုများချီးမြှင့်သွားမည် ဖြစ်ကြောင်း သတင်းရရှိသည်။
မန္တလေး
(ပြန်/ဆက်)
No comments:
Post a Comment