Monday, January 30, 2017

ပြတိုက်စီမံခန့်ခွဲမှုနှင့် ယဉ်ကျေးမှုအမွေအနှစ် ပစ္စည်းများ ထိန်းသိမ်းမှုဆိုင်ရာ အလုပ်ရုံဆွေးနွေးပွဲ ကျင်းပ


နေပြည်တော် ဇန်နဝါရီ  ၃၀  
သာသနာရေးနှင့်ယဉ်ကျေးမှုဝန်ကြီးဌာန၊ ရှေးဟောင်း သုတေသနနှင့် အမျိုးသားပြတိုက် ဦးစီးဌာနနှင့် သြစတြေးလျနိုင်ငံ Aus Heritage တို့ပူးပေါင်းကာ အမျိုးသား ပြတိုက်(နေပြည်တော်)တွင်  ဇန်နဝါရီ (၃၀)ရက်မှ ဖေဖော်ဝါရီ (၂)ရက်အထိ
ကျင်းပမည့် ပြတိုက်စီမံခန့်ခွဲမှုနှင့် ယဉ်ကျေးမှုအမွေအနှစ်ပစ္စည်းများ ထိန်းသိမ်းမှု ဆိုင်ရာ အလုပ်ရုံဆွေးနွေးပွဲ ဖွင့်ပွဲအခမ်းအနားကို အမျိုးသားပြတိုက် (နေပြည်တော်)၌ ယနေ့ နံနက်(၉)နာရီခွဲက ကျင်းပရာ သာသနာရေးနှင့် ယဉ်ကျေးမှုဝန်ကြီးဌာန အမြဲတမ်းအတွင်းဝန်၊ သမိုင်းသုတေသနနှင့် အမျိုးသားစာကြည့်တိုက် ဦးစီးဌာန ညွှန်ကြားရေးမှူးချုပ် ဒေါက်တာ နန္ဒာမွှန်း တက်ရောက် အမှာစကား ပြောကြားသည်။
ထို့နောက် မြန်မာနိုင်ငံဆိုင်ရာ သြစတြေးလျသံရုံးမှ ကောင်စစ်ဝန် Mr. Nick Cumpston၊  Aus Heritage မှ Mr. Vinod Daniel၊  Ms. Alex Marsden၊ Ms. Charlotte Galloway  တို့က အလုပ်ရုံဆွေးနွေးပွဲအကြောင်းအရာကို ရှင်းလင်း ပြောကြားသည်။
အလုပ်ရုံဆွေးနွေးပွဲကို အမျိုးသားပြတိုက် (နေပြည်တော်)၌ ဇန်နဝါရီ(၃၀)ရက်မှ ဖေဖော်ဝါရီ(၂)ရက်အထိ လည်းကောင်း၊ ပုဂံရှေးဟောင်းသုတေသန ပြတိုက်၌ ဖေဖော်ဝါရီ(၃)ရက်မှ (၄)ရက်အထိလည်းကောင်း ဆောင်ရွက် မည်ဖြစ်ကြောင်း သတင်းရရှိသည်။
(သတင်းစဉ်)

No comments:

Post a Comment