ယင်းမာပင် ဇန်နဝါရီ
၂၀
စစ်ကိုင်းတိုင်းဒေသကြီး
ယင်းမာပင် ခရိုင် ယင်းမာပင်မြို့နယ် စိုက်ပျိုးရေး ဦးစီးဌာနမှ
တောင်သူများအား စိုက်ပျိုးရေး ဆိုင်ရာပညာပေး ဆွေးနွေးပွဲကို ဇန်နဝါရီ
၂၀ ရက် နံနက် ၉ နာရီက မြို့နယ် စိုက်ပျိုးရေးဦးစီးဌာနရုံးတွင်
ကျင်းပခဲ့သည် ။
သင်တန်းဖွင့်ပွဲ အခမ်းအနားသို့
တိုင်းဒေသကြီး လွှတ်တော် ကိုယ်စားလှယ် များ / ဌာနဆိုင်ရာများ / ခရိုင် / မြို့နယ် စိုက်ပျိုးရေးဦးစီးဌာန
ဝန်ထမ်းများ နှင့် တောင်သူများ တက်ရောက်ကြပြီး ဒုတိုင်းဒေသကြီးဦးစီးမှူး
ဦးဝင်းမြင့် နှင့် ခရိုင်ဦးစီးမှူး ဦးသန်းထွန်းတို့က အဖွင့်အမှာစကား ပြောကြားကြသည်
။
ဆွေးနွေးပွဲတွင်
ဒုတိုင်းဒေသကြီး ဦးဝင်းမြင့်က သီးနှံ GAP ဆိုင်ရာ နည်းလမ်းများကို အကျယ်တဝင့်
ရှင်းလင်းဆွေးနွေးပြီး တိုင်းဒေသကြီး မြေအသုံးချရေးတာဝန်ခံ ဒေါ်ချိုချိုမာ
က ဓာတ်မြေသြဇာ ဥပဒေ / နည်းဥပဒေများ ကို ရှင်းလင်း ဆွေးနွေးသည် ။
ဆက်လက်ပြီး
တိုင်းဒေသကြီး သီးနှံ ကာကွယ်ရေးတာဝန်ခံ ဒေါ်စန်းစန်းမြင့် က ပိုးသတ်ဆေးဥပဒေ
နည်းဥပဒေများကို ရှင်းလင်းဆွေးနွေးပြီး တိုင်းဒေသကြီး မျိူးစေ့တာဝန်ခံ
ဒေါ်မင်းမင်းသန်း က မျိုးစေ့ဥပဒေ နှင့် နည်းဥပဒေများ ရှင်းလင်းခြင်း နှင့် သီးနှံမျိုးသန့်
မျိုးစေ့ ထုတ်လုပ်ခြင်း နည်းဥပဒေများကို ဘာသာရပ်အလိုက် ရှင်းလင်းဆွေးနွေး
ပို့ချကြသည် ။
ထို့နောက် စိုက်ပျိုးရေးဦးစီးဌာနမှ
တာဝန်ရှိသူများက ပရိုဂျက်တာများ အသုံးပြု၍ အသိပညာပေး ဆွေးနွေးကြရာ တက်ရောက်လာကြသည့်
ယင်းမာပင် ဒေသရှိ တောင်သူများက တိုင်းဒေသကြီး ပညာပေး အဖွဲ့၏ ရှင်းလင်း
ဆွေးနွေးချက် များအပေါ် စိတ်ပါဝင်စားစွာဖြင့် ဆွေးနွေး ခြင်း/ မေးမြန်းခြင်း ပြုလုပ်ကြပြီး
စိုက်ပျိုးရေး နှင့် ပတ်သက်၍ သိလိုသည့် မေးမြန်းချက်များကို တိုင်းဒေသကြီး မှ
လာရောက်သည့် စိုက်ပျိုးရေး ပညာပေး အဖွဲ့က ပြန်လည်ဖြေကြားကြသည် ။
အဆိုပါ စိုက်ပျိုးရေး
ပညာပေးဆွေးနွေး ပွဲအား ယင်းနေ့ တစ်နေကုန်ပြုလုပ်ခဲ့ပြီး မြို့နယ်အတွင်း ရှိ တောင်သူ
(၃၀) ဦး တက်ရောက်ခဲ့ကြကြောင်း သိရသည် ။
မြို့နယ် (ပြန်/ဆက်)
No comments:
Post a Comment