ဘေးအန္တရာယ်ဖြစ်ပွားမှု သတင်းအချက်အလက်များကို အချိန်နှင့်တပြေးညီ ပေးပို့ရယူကြည့်ရှုနိုင်သည့် Mobile Application များ သထုံတွင် မိတ်ဆက်ရှင်းလင်း

သထုံ    ဒီဇင်ဘာ   ၂၂

မွန်ပြည်နယ်၊ သထုံမြို့နယ်၊ သုဓမ္မ၀တီမြို့သစ်ရှိ သထုံခရိုင် ကယ်ဆယ်ရေးနှင့်ပြန်လည်နေရာ ချထားရေး ဦးစီးဌာနရုံးတွင် ဇန်န၀ါရီလ ၂၂ ရက်၊ နံနက်က ဒေသအသီးသီးရှိ ဘေးအန္တရာယ်ဖြစ်ပွားမှု သတင်းအချက်အလက်များကို အချိန်နှင့်တပြေးညီပေးပို့နိုင်ပြီး သတင်းများရယူကြည့်ရှုနိုင်မည့် Mobile Application များ မိတ်ဆက်ခြင်းနှင့် အသုံးပြုပုံများကို တာဝန်ရှိသူတို့က ရှင်းလင်းပြသခဲ့ကြ ကြောင်း သိရသည်။

ပြည်သူများအနေဖြင့် ဘေးအန္တရာယ်ကျရောက်လာပါက အချိန်မီသိရှိပြီး ကြိုတင်ပြင်ဆင် နိုင်စေရန် နှင့် အရေးပေါ်တုံ့ပြန်မှုများ ပြုလုပ်နိုင်စေရန်အတွက် လူမှုဝန်ထမ်းကယ်ဆယ်ရေးနှင့်ပြန်လည် နေရာ ချထားရေး ၀န်ကြီးဌာနမှ Mobile Application များကို စီစဉ်ရေးဆွဲ ထားခြင်းဖြစ်ကြောင်း သထုံခရိုင် ကယ်ဆယ်ရေးနှင့်ပြန်လည်နေရာချထားရေးဦးစီးဌာနမှ ဒုတိယညွှန်ကြားရေးမှူး ဒေါ်လှကေသီမာက ပြောသည်။

“ဒီ Mobile Application  လေးကို သုံးပြီး သဘာဝဘေးနဲ့ဆိုင်တဲ့ ကနဦး သတင်းကို မည်သူ မဆို ပေးပို့နိုင်မယ်။ အဲဒီသတင်းတွေကို အတည်ပြုပြီး ပြည်သူတွေအမြန်ဆုံးသိအောင် ထုတ်ပြန် တာပေါ့။ သဘာဝဘေးဖြစ်တဲ့အခါမှာ မြန်မြန်သိ မြန်မြန်ကူညီကယ်ဆယ်နိုင်ရင် ထိခိုက်မှု နည်းမယ်။ ဒီမှာတော့ ဒေသတွင်း သဘာဝဘေးကယ်ဆယ်ဆယ်ရေးလုပ်ငန်းတွေမှာ အဓိက လုပ်နေတဲ့ အဖွဲ့အစည်းက လူတွေကို အသုံးပြုပုံသင်ပေးတာပါ။ သူတို့ကမှတစ်ဆင့် ပြန်ပြီး ဆင့်ပွားပေးကြဖို့ လည်း အကူအညီ တောင်းထားပါတယ်” ဟု ၎င်းက ဆက်လက် ပြောကြားသည်။

ရှင်းလင်းပွဲတွင် သဘာဝဘေးဖြစ်ပွားမှုဆိုင်ရာ သတင်းအချက်များကို အချိန်တိုအတွင်း ပေးပို့နိုင်သည့် KOBO Collect Application နှင့် သဘာဝဘေးနှင့်သက်ဆိုင်သည့် ပုံမှန်သတင်းနှင့် အရေးကြီး သတင်းများ၊ မိုးလေ၀သသတင်းများ၊ ဘေးအန္တရာယ်လျော့ပါးရေး ဆောင်ရွက်ချက်များ၊ အရေးပေါ် ဆက်သွယ်နိုင်သည့် ဖုန်းနံပါတ်များ၊ ပညာပေးလက်ကမ်းစာစောင်များ စသည့်တို့ ပါဝင်သည့် DAN Application တို့၏ အသုံးပြုပုံများကို ခရိုင်ကယ်ဆယ်ရေးနှင့်ပြန်လည်နေရာချထားရေး ဦးစီးဌာနမှ တာဝန်ရှိသူတစ်ဦးက ရှင်းလင်းပြသပေးခဲ့ကြောင်း သိရသည်။

သက်ဦး(သထုံ)