ရှမ်းပြည်နယ်(တောင်ပိုင်း)၊
ရွှေမော်ကွန်း (Pre-School & Cambridge YLE Training Hub) ၏ ဒုတိယအကြိမ်မြောက် ၂၀၁၆
ပညာသင်နှစ်အတွက် ပညာရည်ချွန်ဆုပေးပွဲ၊ ချစ်စရာ ကလေးငယ်ပဒေသာကပွဲနှင့် Carnival အခမ်းအနားကို
ဒီဇင်ဘာ(၂၂)ရက် နံနက်(၁၁)နာရီခွဲက တောင်ကြီးမြို့၊ စန်းစန်းခန်းမ၌ ကျင်းပကြောင်း သိရသည်။
အခမ်းအနားတွင်
ရွှေမော်ကွန်းကျောင်း (ကျောင်းအုပ်ကြီး) ဒေါ်နန်းသိန်းတင်က အဖွင့်အမှာ စကားပြောကြားပြီး၊
သင်ကြားနည်းပြ အုပ်ချုပ်သူ ဒေါ်လှမဉ္ဇူက ပညာရေးနှင့် ပတ်သက်၍ ရှင်းလင်းပြောကြားကာ၊ ရွှေမော်ကွန်းကျောင်းမှ
ကျောင်းသူလေးများက အကပဒေသာများဖြင့် ဖျော်ဖြေတင်ဆက်ကြသည်။
ဆက်လက်၍
ဆုချီးမြှင့်ပွဲကျင်းပရာ ပညာရည်ချွန်ဆုရရှိကြသော
ရွှေမော်ကွန်းကျောင်းမှ ကျောင်းသားကျောင်းသူလေးများအား သင်ကြားပို့ချပေးသည့် ဆရာမများက
ဆုများချီးမြှင့်ကြပြီး ပျော်ပွဲရွှင်ပွဲနှင့် ဈေးရောင်းပွဲတော်များ၊ ချစ်စရာ ကလေးငယ်လေးများ၏
လှယဉ်ကျေးမယ် သရုပ်ပြပွဲများ၊ မောင်ဗမာသရုပ်ပြပွဲများ၊ သီချင်းဆိုပွဲများဖြင့် ဖျော်ဖြေတင်ဆက်ကြကြောင်း
သိရှိရသည်။
အဆိုပါအခမ်းအနားသို့
ရွှေမော်ကွန်းကျောင်းမှ ကျောင်းအုပ်ဆရာမကြီးနှင့် ဆရာမများ၊ ချစ်စရာကျောင်းသားကျောင်းသူလေးများနှင့်
မိဘပြည်သူများ ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရှိရသည်။
မောင်မောင်သန်း(တောင်ကြီး)

No comments:
Post a Comment