ဟံသာဝတီ အပြည်ပြည်ဆိုင်ရာလေဆိပ် တည်ဆောက်ရေးစီမံကိန်း ဦးဆောင်ကော်မတီ၏ ပထမအကြိမ် အစည်းအဝေး ကျင်းပ

နေပြည်တော် ဒီဇင်ဘာ ၂၁

ဟံသာဝတီ အပြည်ပြည်ဆိုင်ရာလေဆိပ် တည်ဆောက်ရေးစီမံကိန်း ဦးဆောင် ကော်မတီ၏ ပထမအကြိမ် အစည်း အဝေးကို ယနေ့နံနက် (၁၀) နာရီတွင် နေပြည်တော် ရှိ ပို့ဆောင်ရေးနှင့် ဆက်သွယ်ရေးဝန်ကြီးဌာန အစည်း အဝေးခန်းမ၌ ကျင်းပသည်။

အစည်းအဝေးတွင် ဦးဆောင်ကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီး ယူ က ရန်ကုန် အပြည်ပြည် ဆိုင်ရာလေဆိပ်သည် မြေနေရာအကျယ်အ၀န်းအရ ပြေးလမ်းအသစ် ထပ်မံမတိုးချဲ့နိုင်ခြင်း၊ လေယာဉ်ရပ်နား ရန်နေရာ လုံလုံလောက် လောက်တိုးချဲ့နိုင်မှုမရှိခြင်း၊ ပတ်ဝန်းကျင်တွင် လူနေထူထပ်မှုကြောင့် ၂၄ နာရီ Operation အတွက် ဆူညံသံများရှိခြင်း၊ တပ်မတော်(လေ)နှင့်  တွဲဖက်အသုံးပြု နေရခြင်း၊ လေယာဉ် အတက် အဆင်းကိစ္စရပ်များတွင်လည်း ကန့်သတ်ချက်ဆိုင်ရာ ကိစ္စရပ်များရှိနေခြင်း စသည့်အခက်အခဲများကို တွေ့ရသည့် အပြင် နောင်အနာဂတ် တွင်  တိုးတက်များပြားလာမည့် ခရီးသည်တင်လေယာဉ်နှင့် ကုန်တင်လေ ယာဉ်များကို နိုင်ငံတကာ စံချိန်စံညွှန်းများဖြစ်သည့် အပြည်ပြည်ဆိုင်ရာ မြို့ပြလေကြောင်း အဖွဲ့ ချုပ်၏ ဘေးအန္တရာယ် ကင်းဝေးရေးဆိုင်ရာ စံချိန်စံညွှန်းများအတိုင်း ဆောင်ရွက်ရန် လိုအပ်လာပါကြောင်း၊ နိုင်ငံတကာ ခရီးသည်တင်လေယာဉ်နှင့် ကုန်တင်လေယာဉ်ကြီး များ တစ်ဆက်တည်း ၀င်ရောက် ဆင်းသက် နိုင်စေရေးအတွက် အဆင့်မီသည့် လေဆိပ် ကြီးများ ရှိရန်လိုအပ်ပါကြောင်း  ။

ယင်း လိုအပ်ချက်ကို ဖြည့်စွက်ရန်အတွက် ဟံသာဝတီအပြည်ပြည်ဆိုင်ရာ လေဆိပ်စီမံကိန်းကို ဆောင်ရွက်ခြင်း ဖြစ်ပါကြောင်း၊ ဟံသာဝတီလေဆိပ်သည် မြန်မာနိုင်ငံ၏ စီးပွားရေး ဖွံ့ဖြိုးတိုးတက်စေရန် အတွက် အထောက်အကူဖြစ်စေမည့် အနာဂတ်အတွက် မရှိမဖြစ်လိုအပ်သည့် အပြည်ပြည်ဆိုင်ရာ လေဆိပ် တစ်ခုဖြစ်ပါ ကြောင်း၊ ၂၀၁၂ ခုနှစ်က တင်ဒါခေါ်ယူဆောင်ရွက်ခဲ့သည့် အစိုးရ၊ ပုဂ္ဂလိက ပူးပေါင်း ဆောင်ရွက်သည့် (PPP) စနစ်ကိုအခြေခံသည့် စီမံကိန်းဖြစ်ပါကြောင်း၊ စီမံကိန်းကို အကောင်အထည်ဖော် ဆောင်ရွက်မှုနှင့်ပတ်သက်ပြီး စီမံကိန်းနောက်ခံသမိုင်း၊ တင်ဒါ ခေါ်ယူခဲ့မှုအခြေအနေ၊ တင်ဒါရှင်များနှင့် လက်ရှိ ဆွေးနွေးနိုင်မှုအခြေအနေ၊ ODA ချေးငွေဆိုင်ရာအခြေအနေနှင့် ရှေ့ဆက်ဆောင်ရွက်မည့် လျာထားချက် များကို အသေး စိတ် ရှင်းလင်းဆွေးနွေးစေလိုပါကြောင်း။

 ထို့ပြင် သက်ဆိုင်ရာဝန်ကြီးဌာနများနှင့် တိုင်းဒေသကြီးအစိုးရအဖွဲ့များ အနေဖြင့်လည်း လေဆိပ်ကြီး တည်ဆောက် ရာတွင် ရှိလာနိုင်မည့်အခက်အခဲများကို တင်ပြကြရန်ဖြစ်ကြောင်း၊ လေဆိပ် အသစ်တည် ဆောက် ရာတွင် လိုအပ်ချက်များဖြစ် သည့် ကောင်းမွန်ချောမွေ့သည့် လမ်းပန်းဆက်သွယ်သွားလာရေး၊ ရေရရှိရေး၊ လျှပ်စစ် မီးအလုံ အလောက်သွယ်တန်းရရှိရေး၊ ဆက်သွယ်ရေးကွန်ရက်များ တည်ဆောက် တပ်ဆင်ပေးရေး၊ လေဆိပ်နှင့်ဆက်စပ်နေ သည့် လက်ရှိလမ်းများကို အဆင့်မြှင့်တင် ပေးရေး၊ အသုံးပြုမည့်စီမံကိန်းမြေနေရာကို လေကြောင်းပို့ဆောင်ရေး ညွှန်ကြားမှုဦးစီး ဌာန အမည်ပေါက်ရရှိရေး၊ စီမံကိန်းဧရိယာအတွင်းရှိ ကျူးကျော်အိမ်နေရာများကို ရွှေ့ပြောင်းပေးရေးအတွက် သက်ဆိုင်ရာ ၀န်ကြီးဌာန များနှင့် တိုင်းဒေသကြီးအစိုးရ အဖွဲ့များကိ်ု ဆွေးနွေးပေးစေလိုပါကြောင်း ။

ဟံသာဝတီအပြည်ပြည်ဆိုင်ရာလေဆိပ်ပြီးစီးပါက မြန်မာနိုင်ငံသို့ အဓိက ၀င်ပေါက်ဖြစ်သည့် Major Gate Way ဖြစ်လာမည်ဖြစ်သည့်အတွက် နိုင်ငံတကာလေ ကြောင်းလိုင်းများ Operation ပြုလုပ်ရာတွင်လည်း အဆင်ပြေ လာမည် ဖြစ်ပါကြောင်း ၊ ထို့ကြောင့် နိုင်ငံတော်၏အနာဂတ်အတွက် အရေးကြီးသည့် လိုအပ်ချက် ဖြစ်သည့် အား လျော်စွာ မိမိတို့အစိုးရလက်ထက်တွင် နိုင်ငံတော်စီမံကိန်း တစ်ရပ်အဖြစ် ဆောင်ရွက် သွားမည်ဖြစ် ပါကြောင်း၊ စီမံကိန်းသည် ကြီးမားသည်နှင့်အမျှ စနစ်တကျစီမံဆောင်ရွက် နိုင်ရန် အရေးကြီးပါကြောင်း၊ စီမံကိန်းနှင့်ပတ်သက်၍ ပွင့်လင်းမြင်သာမှုရှိရန် လိုအပ် သကဲ့သို့ စနစ်တကျဖြစ်ရန်လည်း လိုအပ်ပါကြောင်း၊ ထို့အတွက် သက်ဆိုင်ရာဝန်ကြီး ဌာနများနှင့် တိုင်းဒေသကြီးအစိုးရများအနေဖြင့် တာဝန် ယူဆောင်ရွက် သွားရမည့် အပိုင်းအလိုက် တာဝန်ကျေပွန်ရန်နှင့် နိုင်ငံတော်နှင့် ပြည်သူအတွက် စံနမူနာ စီမံကိန်း ကြီးဖြစ် လာစေရန်အတွက် အလေးအနက်ထား ဆောင်ရွက်ပေးကြရန် တိုက်တွန်းလိုပါ ကြောင်း ပြောကြားသည်။

ယင်းနောက်  ပြည်ထောင်စုဝန်ကြီး ဦးသန့်စင်မောင်က အနာဂတ်ကာလတွင် ပိုမို များပြားလာမည့် ခရီးသည် ပမာဏနှင့် လိုက်လျောညီထွေမှုရှိစေရန်အတွက် အပြည် ပြည် ဆိုင်ရာလေဆိပ်သစ်များ တိုးချဲ့ဖွင့် လှစ်နိုင်ရေးနှင့် လိုအပ်ချက်များ ၊  ၀န်ကြီးဌာန များနှင့် ပူးပေါင်းညှိနှိုင်းဆောင်ရွက်ရန် လိုအပ်သည့် အချက် အလက်များ၊ နိုင်ငံတကာ အဆင့်မီ လေဆိပ်သစ်ကြီးတစ်ခုဖြစ်လာစေရန် ကြိုတင်ပြင်ဆင်ဆောင်ရွက်သွားရန် လိုအပ်သည့် ကိစ္စရပ်များကို ရှင်းလင်းတင်ပြသည်။

ဆက်လက်၍ လေကြောင်းပို့ဆောင်ရေး ညွှန်ကြားမှုဦးစီးဌာန ညွှန်ကြားရေးမှူး ချုပ် ဦးမင်းလွင်က စီမံကိန်း လုပ်ငန်းများနှင့် ပတ်သက်၍ ရှင်းလင်းတင်ပြသည်။

ထို့နောက် အစည်းအဝေးသို့ တက်ရောက်လာကြသည့် ၀န်ကြီးဌာနများနှင့် တိုင်းဒေသကြီးအစိုးရအဖွဲ့တို့မှ တာဝန်ရှိ သူများက ဟံသာဝတီ အပြည် ပြည်ဆိုင်ရာလေဆိပ် တည်ဆောက်ရေးစီမံကိန်းအချက်အလက်များ၊ ၀န်ကြီး ဌာနနှင့် တိုင်းဒေသကြီးအလုိက် ပံ့ပိုးကူညီဆောင်ရွက်ပေးသွားမည့် အခြေအနေများ နှင့် လိုအပ်ချက်များ အပေါ် အသေးစိတ် ဆွေးနွေးတင်ပြကြသည်။

ယင်းနောက် အစည်းအဝေးတက်ရောက်လာကြသူများက အထွေထွေကိစ္စရပ် များကို ဆွေးနွေးကြရာ ဆွေးနွေး တင်ပြချက်များနှင့် စပ်လျဉ်း၍ ဦးဆောင်ကော်မတီ ဥက္ကဋ္ဌ ဒုတိယသမ္မတက လိုအပ်သည်များကို ပေါင်းစပ် ညှိနှိုင်းပေးသည်။

 (သတင်းစဉ်)