ရခိုင်ပြည်နယ်ဖြစ်စဉ်များအား ပြည်တွင်း၊ ပြည်ပ သတင်းမီဒီယာများ မြေပြင်ကွင်းဆင်း သတင်းရယူ

ဒီဇင်ဘာ ၂၁၊ ၂၀၁၆

မောင်တောဒေသ အကြမ်းဖက် တိုက်ခိုက်ခံရမှုနှင့် ပတ်သက်၍ ပြည်တွင်း၊ ပြည်ပ သတင်းမီဒီယာ မြေပြင်ကွင်းဆင်းသည့် သတင်းရယူမှုများ ဆောင်ရွက်လျက်ရှိသည်။

ရခိုင်ပြည်နယ် မောင်တောဒေသအတွင်း ဖြစ်ပွားခဲ့သော ဖြစ်စဉ်များနှင့်ပတ်သက်၍ မြေပြင်ကွင်းဆင်း လေ့လာရန် သတင်းနှင့်စာနယ်ဇင်းလုပ်ငန်း အထွေထွေ မန်နေဂျာ ဦးရဲနိုင် ခေါင်းဆောင်သည့် ပြည်တွင်း ပြည်ပ သတင်းမီဒီယာ အဖွဲ့တွင် မြန်မာနိုင်ငံ သတင်းမီဒီယာကောင်စီ ဒုတိယဥက္ကဋ္ဌ ဦးအောင်လှထွန်း၊ Central News Bureau အယ်ဒီတာချုပ် ဦးအောင်ဆန်း (ခ) စည်သူအောင်မြင့်၊ Mizzima Media Group မှ MD & Editor Chief ဦးစိုးမြင့် (မဇ္ဈိမ)၊ Myanmar Times မှ Senior Reporter ဦးဥာဏ်လင်းအောင်၊ နိုင်ငံခြား သတင်းထောက်များအသင်းမှ ဒုတိယဥက္ကဋ္ဌ ဦးဟန်ထွေးအောင် (ခ) ဂျင်မီ၊ Kyodo News မှ Correspondent ဦးမြတ်သူရ၊ European Press-Photo Agency (EPA) မှ Chief Photographer ဦးငြိမ်းချမ်းနိုင်၊ မြန်မာ့သတင်းစဉ်မှ အကြီးတန်းသတင်းထောက် ဦးသူရဇော်၊ MITV မှ Reporter ဦးကျော်မျိုးစည်သူကြည်၊ MITV မှ ဦးစီးအရာရှိ ဦးဇော်သက်ထွန်း၊ ဓါတ်ပုံသတင်းထောက် ရွှေအင်းသား ခင်မောင်ဝင်း၊ 7 day မှ အကြီးတန်းသတင်းထောက် ဦးအောင်ခိုင် တို့ ပါဝင်သည့် အဖွဲ့ဝင် (၁၃) ဦးတို့သည် ဒီဇင်ဘာ ၁၉ ရက်တွင် စစ်တွေမြို့သို့ ရောက်ရှိကြသည်။

ဒီဇင်ဘာ ၂၀ ရက် နံနက်ပိုင်းတွင် မြေပြင်ကွင်းဆင်း လေ့လာရေး မီဒီယာအဖွဲ့သည် နံနက် ၇ နာရီတွင် စစ်တွေမြို့မှ မလိခအမြန်ရေယာဉ်ဖြင့် ထွက်ခွာခဲ့ရာ ဘူးသီးတောင် ဆိပ်ကမ်းသို့ မွန်းလွဲ ၁၂ နာရီ မိနစ် ၄၀ တွင် ရောက်ရှိကြသည်။

ကွင်းဆင်းလေ့လာရေး သတင်းမီဒီယာအဖွဲ့သည် ဘူးသီးတောင်မြို့နယ်ရှိ မြို့နယ်ပြည်သူ့ ဆေးရုံသို့ ရောက်ရှိကြပြီး လူမျိုးဘာသာမရွေး ကုသပေးနေမှုအခြေအနေကို မေးမြန်းကြရာ မြို့နယ်ဆရာဝန်ကြီး ဒေါက်တာ သန်းထွန်းကျော်နှင့် တာဝန်ရှိသူများက မေးမြန်းချက်များအပေါ် ပြန်လည် ရှင်းလင်း ဖြေကြား ကြသည်။

ထို့နောက် ဘူးသီးတောင်မြို့ရှိ အခြေခံပညာအထက်တန်းကျောင်းတွင် အေးချမ်းစွာ ပညာသင်ကြားနေမှု အခြေအနေကို လေ့လာခဲ့ကြသည်။ ဆက်လက်၍ မြို့မ စည်ပင်သာယာဈေးသို့ ရောက်ရှိကြကာ လူမျိုး ဘာသာပေါင်းစုံ အတူတကွ ယှဉ်တွဲပြီး ရောင်းဝယ်နေမှုအခြေအနေကို သတင်းရယူကြသည်။

ဆက်လက်၍ ဘူးသီးတောင်မြို့၏ တောင်ဘက်ရှိ သပိတ်တောင် ကျေးလက်ကျန်းမာရေးဌာနသို့ သွားရောက်ပြီး ရွာပေါင်း ၈၅ ရွာတွင် နယ်လှည့်ကွင်းဆင်း၍ ကျန်းမာရေးစောင့်ရှောက်မှု အခြေအနေကို မေးမြန်းကြသည်။

ယင်းနောက် ပြည်တွင်း၊ ပြည်ပ သတင်းမီဒီယာအဖွဲ့သည် ဘူးသီးတောင်မြို့မှ မောင်တောမြို့သို့ ဆက်လက် ထွက်ခွာကြပြီး ညပိုင်းတွင် မောင်တောမြို့ မြို့မတောင် ရပ်ကွက် ရပ်ကွက်အုပ်ချုပ်ရေးမှူးရုံး၌ အစ္စလာမ်ဘာသာရေး ခေါင်းဆောင်၊ ရပ်မိရပ်ဖများနှင့် ရပ်ကွက်အုပ်ချုပ်ရေးမှူးများအား တွေ့ဆုံပြီး မောင်တော မြို့နယ်အတွင်း အောက်တိုဘာ ၉ ရက်တွင် အကြမ်းဖက် စီးနင်းတိုက်ခိုက်ခံရမှုနှင့် နောက်ဆက်တွဲ ဖြစ်စဉ်များ ဖြစ်ပွားခဲ့မှု၊ ဖြစ်စဉ်ဖြစ်ပွားပြီးနောက် နယ်မြေ တည်ငြိမ်အေးချမ်းလာမှု အခြေအနေများနှင့် ပတ်သက်၍ မေးမြန်း သတင်းရယူခဲ့ကြသည်။

ပြည်တွင်း၊ ပြည်ပ သတင်းမီဒီယာအဖွဲ့သည် ဒီဇင်ဘာ ၂၁ ရက် နံနက်ပိုင်းတွင် အမှတ် (၁) နယ်ခြားစောင့် ရဲကွပ်ကဲမှု အဖွဲ့မှူးရုံး (ကျီးကန်းပြင်) သို့ ရောက်ရှိကြရာ ရှင်းလင်းဆောင်၌ ရဲမှူးချုပ် သူရစန်းလွင်က နှုတ်ခွန်းဆက်စကား ပြောကြားပြီး မီဒီယာအဖွဲ့ခေါင်းဆောင် ဦးရဲနိုင်က ကွင်းဆင်း မီဒီယာအဖွဲ့ လာရောက်ရခြင်း ရည်ရွယ်ချက်များကို ရှင်းလင်းပြောကြားသည်။

ထို့နာက် ရဲမှူးချုပ် သူရစန်းလွင်က အောက်တိုဘာ ၉ ရက်နေ့တွင် ဖြစ်ပွားခဲ့သည့် ဖြစ်စဉ်များနှင့် စပ်လျဉ်း၍ ရှင်းလင်းပြောကြားရာ သတင်းမီဒီယာအဖွဲ့ဝင်များက သိလိုသည်များ မေးမြန်းရာ တာဝန်ရှိသူ များက ရှင်းလင်းဖြေကြားကြသည်။

ယင်းနောက် မြေပြင်ကွင်းဆင်း မီဒီယာအဖွဲ့များသည် ကျီးကန်းပြင်မှ ၀ါးပိတ်ကျေးရွာနှင့် ပြောင်ပိုက် ကျေးရွာအတွင်း မြေပြင်ကွင်းဆင်း လေ့လာကြသည်။ ပြောင်ပိုက်ကျေးရွာမှ ကြိမ်ချောင်းကျေးရွာသို့ ဆက်လက်ထွက်ခွာခဲ့ကြပြီး ကျေးရွာအုပ်ချုပ်ရေးမှူးရုံး၌ ဒေသခံများနှင့် တွေ့ဆုံ၍ သိရှိလိုသည်များကို မေးမြန်းကြပြီးနောက် ကြိမ်ချောင်း အခြေခံပညာ အထက်တန်းကျောင်းတွင် ပညာသင်ကြားနေမှုနှင့် ကြိမ်ချောင်းဈေးအတွင်း ဈေးရောင်းဝယ် ဖောက်ကားနေမှုများအား သွားရောက် ကြည့်ရှုလေ့လာကြသည်။

သတင်းမီဒီယာအဖွဲ့သည် ညနေပိုင်းတွင် ငါးခူရ ရဲစခန်းသို့ ရောက်ရှိပြီး သိလိုသည်များကို မေးမြန်း မှတ်တမ်းယူကြပြီး ငါးခူရ အုပ်ချုပ်ရေးမှူးရုံးတွင် နှစ်ဖက် လူ့အဖွဲ့အစည်းမှ ဒေသခံများကို တွေ့ဆုံ၍ သိရှိလိုသည်များကို မေးမြန်း မှတ်တမ်းယူကြသည်။

ဆက်လက်၍ မြေပြင်ကွင်းဆင်း သတင်းရယူကြသည့် မီဒီယာ အဖွဲ့ဝင်များသည် ငါးခူရကျေးရွာအတွင်း သွားရောက်၍ အောက်တိုဘာ ၃၀ ရက် ည ၉ နာရီက မီးလောင်ကျွမ်းခဲ့သည့် ဆိုင်ခန်း ၆ ခန်းအား ကြည့်ရှု မှတ်တမ်းယူကာ သိလိုသည်များ မေးမြန်းမှတ်တမ်းယူကြသည်။

သတင်းမီဒီယာ အဖွဲ့များသည် ငါးခူရမှ မောင်တောမြို့သို့ ပြန်လည်ရောက်ရှိကြပြီး မောင်တောမြို့ ဈေး၊ ကယ်ဆယ်ရေးစခန်းများ၊ ဆေးရုံနှင့် စာသင်ကျောင်းများသို့ သွားရောက်၍ သိရှိလိုသည်များကို မေးမြန်း မှတ်တမ်းယူကြမည် ဖြစ်ကြောင်း သိရသည်။

ပြည်တွင်း၊ ပြည်ပ သတင်းမီဒီယာအဖွဲ့သည် မောင်တောဒေသသို့ ပထမဦးဆုံး သွားရောက်၍ သတင်းရယူသော အဖွဲ့ ဖြစ်ပြီး ဒီဇင်ဘာ ၁၉ ရက်မှ ၂၂ ရက်အထိ ဖြစ်သည်။ မီဒီယာများသွားရောက် သတင်းရယူခါင့်အတွက် နောက်ထပ် ခရီးစဉ်များ ထပ်မံ စီစဉ်ဆောင်ရွက်ပေးမည် ဖြစ်သည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)