အမျိုးသားလွှတ်တော် တတိယပုံမှန်အစည်းအဝေး ၁၇ ရက်မြောက်နေ့ကျင်းပ

နေပြည်တော် ဒီဇင်ဘာ ၁၉

ဒုတိယအကြိမ် အမျိုးသားလွှတ်တော် တတိယပုံမှန်အစည်းအဝေး ၁၇ ရက်မြောက်နေ့ကို ယနေ့နံနက်(၁၀)နာရီတွင် နေပြည်တော်ရှိ အမျိုးသားလွှတ်တော် အစည်းအဝေးခန်းမ၌ ကျင်းပသည်။

အစည်းအဝေးတွင် ဧရာဝတီတိုင်းဒေသကြီး မဲဆန္ဒနယ်အမှတ်(၇)မှ ဒေါက်တာပြည့်ဖြိုး၏  ပြည်သူများနေ့စဉ်စားသုံး နေကြသော ဟင်းသီးဟင်းရွက်များ၊ သားငါးများထဲတွင် ပိုးသတ်ဆေး၊ ဓာတုဗေဒနှင့် အခြားဆေးကြွင်းများ ကင်းဝေးစေရန်နှင့် သဘာဝနည်းဖြင့် စိုက်ပျိုးသော ဟင်းသီးဟင်းရွက်များ၊ အသီးအနှံများ ဈေးကွက်ခိုင်မာမှု ရရှိစေရေးအတွက် ဆောင်ရွက်ပေးရန် အစီအစဉ် ရှိ/မရှိ မေးခွန်းနှင့်စပ်လျဉ်း၍ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူက ဟင်းသီးဟင်းရွက်များတွင် ပိုးသတ်ဆေး၊ ဓာတုဗေဒနှင့် အခြားဓာတုဆေးကြွင်းကျန်မှုကင်းဝေးစေရန် စိုက်ချိန်မှ ရိတ်သိမ်းသိုလှောင် သည်အထိ စိုက်ပျိုးဆိုင်ရာ အလေ့အကျင့်ကောင်းများ (GAP)Good Agriculture Practice ကို လိုက်နာရန် သင်တန်းများဖွင့်လှစ်ပေးခြင်း၊ ဓာတုပိုးသတ်ဆေးများကို ဆေးညွှန်းအတိုင်း စနစ်တကျသုံးစွဲနည်းများ ဘက်စုံကာကွယ် နှိမ်နင်းနည်းစနစ်များကို တောင်သူများလိုက်နာ ကျင့်သုံးနိုင်ရန် တိုင်းဒေသကြီးနှင့် ပြည်နယ်အသီးသီးတွင် တောင်သူများလိုက်နာကျင့်သုံး နိုင်ရန် တိုင်းဒေသကြီးနှင့် ပြည်နယ်များတွင် တောင်သူပေါင်း (၂၃၀၀)ကျော်ကို ပညာပေးခဲ့ပါကြောင်း။

စိုက်ပျိုးရေးဦးစီးဌာနအနေဖြင့် အာဆီယံ GAP Guideline ကို အခြေခံ၍ ဟင်းသီး ဟင်းရွက်သစ်သီးဝလံများအတွက် မြန်မာ GAP Guideline စာအုပ်ကို ပုံနှိပ်ထုတ်ဝေခဲ့ပြီး တောင်သူများအား ဖြန့်ဝေပေးခဲ့ပါကြောင်း၊ နိုင်ငံခြားသို့တင်ပို့ရန် အလားအလာကောင်းသော သီးနှံများဖြစ်သည့် ကျွဲကော၊ ဖရဲ၊ သခွားမွှေး၊ ခရမ်းချဉ်၊ ငရုတ်၊ ဂေါ်ဖီထုပ်၊ ကြက်သွန်နီ၊ ဆန်၊ ပဲ၊ ပြောင်း၊ မြေပဲနှင့် နှမ်းစသည့်သီးနှံများကို (GAP Certificate)လက်မှတ်ထုတ်ပေးနိုင်ရေး အတွက် မြန်မာ GAP Protocol ရေးဆွဲပြုစုဆောင်ရွက်နိုင်ရေး လုပ်ငန်းနှီးနှောဖလှယ်ပွဲ ကျင်းပခဲ့ပါကြောင်း။

သဘာဝနည်းဖြင့် စိုက်ပျိုးထုတ်လုပ်ထားသော သီးနှံများ၏ ဈေးကွက်အနေဖြင့် ဖွံ့ဖြိုးပြီး နိုင်ငံများတွင်လည်း အပြည့်အ၀ခိုင်မာမှုမရှိသေးသည်ကို တွေ့ရပါကြောင်း၊ မိမိတို့ကဲ့သို့ ဖွံ့ဖြိုးဆဲ နိုင်ငံများအနေဖြင့် အော်ဂဲနစ်သီးနှံများ စားသုံးခြင်း၏ အကျိုးကျေးဇူးများကို စားသုံးသူများ ကျယ်ကျယ်ပြန့်ပြန့်နားလည်သဘောပေါက်လက်ခံလာစေရန် အသိပညာပေးသည့် လုပ်ငန်းများကို ၀န်ကြီးဌာနအနေဖြင့် ဆောင်ရွက်သွားမည်ဖြစ်ပါကြောင်း၊ ထုတ်လုပ်သူနှင့် စားသုံးသူ တို့၏ အသိပညာပေးတိုးတက်မှုအပေါ် အခြေခံ၍ demand နှင့် supply တို့ မျှခြေတစ်ခုရှိရန် လိုအပ်မည်ဖြစ်ပါကြောင်း၊ ယင်းမျှခြေဖြစ်တည်ရေးအတွက် ပြည်သူလူထု တစ်ရပ်လုံး ကျယ်ကျယ်ပြန့်ပြန့် နားလည်လက်ခံလာစေရန်အတွက် ၀ိုင်းဝန်းလုပ်ဆောင်ရန် လိုအပ်ပါကြောင်း၊ ထို့ပြင်ဈေးကွက်ခိုက်မာမှုအတွက် အချိန်ကာလတစ်ခုကို ဖြတ်သန်းရန်လို အပ်ပါကြောင်း ဖြေကြားသည်။

ရန်ကုန်တိုင်းဒေသကြီး မဲဆန္ဒနယ်အမှတ်(၅)မှ ဦးဘမျိုးသိန်း၏ လယ်ယာစိုက်ပျိုးရေး ကဏ္ဍတွင် မျိုးကောင်းမျိုးသန့်၊ မျိုးစေ့များ ထုတ်လုပ်ဖြန့်ဖြူးနိုင်ရေးအတွက် မည်ကဲ့သို့ စီစဉ် ဆောင်ရွက်မည်ကို သိရှိလိုခြင်း မေးခွန်းနှင့်စပ်လျဉ်း၍ ပြည်ထောင်စုဝန်ကြီး ဒေါက်တာ အောင်သူက စိုက်ပျိုးရေးဦးစီးဌာနနှင့် အကျိုးဆောင်တောင်သူများ၊ ပုဂ္ဂလိကကုမ္ပဏီများ ပူးပေါင်း၍ မျိုးကောင်းမျိုးသန့်၊မျိုးစေ့များ နှစ်စဉ်ထုတ်လုပ်ဖြန့်ဖြူးလျက်ရှိပါကြောင်း၊ ဒေသနှင့် ကိုက်ညီပြီး တောင်သူများ ကြိုက်နှစ်သက်သည့် အရည်အသွေးနှင့် အထွက်နှုန်းကောင်းမွန်ပြီး ဈေးကွက်ဝင်သည့် သီးနှံမျိုးများအားထုတ်လုပ်ရန် တောင်သူများနှင့်တွေ့ဆုံဆွေးနွေးခြင်း၊ ကွင်းဆင်းလေ့လာဆောင်ရွက်ခြင်း၊ စမ်းသပ်သရုပ်ပြစိုက်ပျိုးခြင်းတို့ကို ဆောင်ရွက် လျက်ရှိ ပါကြောင်း။

မျိုးစေ့ခြံများ၏ မျိုးကောင်းမျိုးသန့် စိုက်ပျိုးထုတ်လုပ်ဖြန့်ဖြူးမှုအနေဖြင့် ၁၉၈၅-၁၉၈၆ခုနှစ်တွင်စပါးသီးနှံမျိုး (၁၀၂၂၈၃) တင်း၊ ပဲမျိုးစုံ(၃၇၆)တင်း၊ ဆီထွက်သီးနှံ(၂၂၀၇)တင်း ထုတ်လုပ်ဖြန့် ဖြူးနိုင်ခဲ့ပြီး ၂၀၁၅-၂၀၁၆ ခုနှစ်တွင် စပါးသီးနှံ မျိုးကောင်း မျိုးသန့်မျိုးစေ့ (၁၃၀၅၅၅)တင်း၊ ပဲမျိုးစုံ(၉၅၃၆)တင်းနှင့် ဆီထွက်သီးနှံ(၅၁၁၄)တင်း ထုတ်လုပ်ဖြန့်ဖြူးနိုင် ခဲ့ပါကြောင်း၊ ကျွမ်းကျင်လုပ်သားရှားပါးခြင်း၊ လုပ်ခနှင့်စရိတ်များ မြင့်တက်ခြင်းတို့ကြောင့် မျိုးစေ့ခြံများတွင် အသုံးပြုလျက်ရှိသော သီးနှံအခြောက်ခံခြင်း၊ မျိုးစေ့သန့်စင်ခြင်း၊ သိုလှောင် ခြင်းလုပ်ငန်းများ စက်ကိရိယာများ၊ အဆောက်အဦများ ဟောင်းနွမ်း၍ ခေတ်မမီခြင်းတို့ကြောင့် တောင်သူ လယ်သမားများ မျိုးကောင်းမျိုးသန့်မျိုးစေ့ သုံးစွဲရေးစိတ်ပါဝင်စားမှု မြင့်တက်လာပြီး၊ မျိုးစေ့လိုအပ်ချက် များပြားလာခြင်းကြောင့်လည်းကောင်း၊ မျိုးကောင်း မျိုးသန့်ထုတ်လုပ်ခြင်း ဌာနပိုင် ခြံများမှ ထုတ်လုပ်မှုသက်သက်ဖြင့် လုံလောက်မှုမရှိသည်ကို တွေ့ရှိပါကြောင်း။

မျိုးစေ့များလုံလောက်စွာ ထုတ်လုပ်ပေးနိုင်ရေးအတွက် ဌာနပိုင်ခြံများမှ ထုတ်လုပ်ခြင်း၊ ခြံ/စိုက်ကွင်းများနှင့် ပုဂ္ဂလိက လုပ်ငန်းရှင်များပူးပေါင်း၍ မျိုးစေ့ထုတ်လုပ်ခြင်း၊ တောင်သူအစု အဖွဲ့အလိုက် မျိုးစေ့ထုတ်အသင်းများ ထူထောင်၍ မျိုးစေ့ထုတ်လုပ်ခြင်းနည်းလမ်းများဖြင့် ဆောင်ရွက်သွားမည့်အစီအစဉ်များ ချမှတ်ဆောင်ရွက်လျက်ရှိပါကြောင်း၊ အရည်အသွေး ကောင်း မျိုးစေ့များတိုးတက်ထုတ်လုပ်ခြင်း၊ အရည်အသွေးထိန်းသိမ်းခြင်း ဖြန့်ဖြူးခြင်းဆိုင်ရာ နည်းလမ်း များကျင့်သုံးခြင်း၊ မျိုးစေ့ဓာတ်ခွဲခန်းများအဆင့်မြှင့်တင်ခြင်းနှင့် ပညာပေးရေးဆိုင်ရာ လုပ်ငန်းများအား နိုင်ငံတကာ အဖွဲ့အစည်းများဖြစ်သော JICA၊ Korea-KSVS တို့မှ နိုင်ငံတကာ မျိုးစေ့ပညာရှင်များနှင့် ပူးပေါင်းဆောင်ရွက်လျက် ရှိပါကြောင်း ဖြေကြားသည်။

အလားတူ မကွေးတိုင်းဒေသကြီး မဲဆန္ဒနယ်အမှတ်(၆)မှ ဦးဝင်းမောင်၏  တမံထိန်း သိမ်းခြင်း ဆောင်ရွက်ပေးရန်မေးခွန်း နှင့် မန္တလေးတိုင်းဒေသကြီး မဲဆန္ဒနယ်အမှတ်(၃)မှ ဒေါက်တာကျော်သန်းထွန်း(ကန်တုန်)၏ တိုင်းရင်းဆေးဝါးများ အခြေခံသည့် မူးယစ်ဖြတ် ဆေးများ ထုတ်လုပ်ပေးရန် မေးခွန်းတို့နှင့်စပ်လျဉ်း၍ ပြည်ထောင်စုဝန်ကြီး ဒေါက်တာအောင်သူ နှင့် ပြည်ထောင်စုဝန်ကြီး ဒေါက်တာမြင့်ထွေးတို့က ရှင်းလင်းဖြေကြားကြသည်။

ထို့နောက် အမျိုးသားလွှတ်တော် ဥပဒေကြမ်းကော်မတီက ပြည်ထောင်စုရွေးကောက်ပွဲ ကော်မရှင်ဥပဒေကို ဒုတိယအကြိမ် ပြင်ဆင်သည့် ဥပဒေကြမ်းနှင့်စပ်လျဉ်း၍ ဥပဒေကြမ်း ကော်မတီ၏ အစီရင်ခံစာကို ကော်မတီဥက္ကဋ္ဌ ဦးဇော်မင်းက ရှင်းလင်းဖတ်ကြားပြီး ဥပဒေကြမ်း အား တစ်ပိုဒ်ချင်းစီအလိုက် လွှတ်တော်၏ အဆုံးအဖြတ်ရယူသည်။

ယင်းဥပဒေကြမ်းနှင့်စပ်လျဉ်း၍  လွှတ်တော်က အတည်ပြုကြောင်း ဆုံးဖြတ်ခဲ့သည်။

အမျိုးသားလွှတ်တော် အစိုးရ၏အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီက ဒုတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတွင် တင်သွင်းခဲ့သည့် အဆို၊ မေးမြန်းခဲ့သည့် မေးခွန်းများနှင့် စပ်လျဉ်းသည့် ကော်မတီ၏ အစီရင်ခံစာကို ကော်မတီဝင် ဒေါ်ခင်ဆွေလွင်က လွှတ်တော်သို ဖတ်ကြားတင်သွင်းသည်။

အဆိုပါအစီရင်ခံစာတွင် ဒုတိယပုံမှန်အစည်းအဝေး၌ အမျိုးသားလွှတ်တော် ကိုယ်စား လှယ်များက ကြယ်ပွင့်ပြမေးခွန်း (၁၄၇)ခု၊ ကြယ်ပွင့်မပြမေးခွန်း(၇၂)ခု၊ စုစုပေါင်း (၂၁၉) ခု မေးမြန်းခဲ့ပြီး အဆို(၃)ခု တင်သွင်းခဲ့ပါကြောင်း၊ လွှတ်တော်ကိုယ်စားလှယ်များ မေးမြန်းခဲ့သည့် ကြယ်ပွင့်ပြမေးခွန်းများ၊ ကြယ်ပွင့်မပြမေးခွန်းများ၊ အဆိုများနှင့်ပတ်သက်၍ ကတိဖြစ်ပေါ်မှု စိစစ်နိုင်ရေးအတွက် ကော်မတီအဖွဲ့ဝင်များကိုအဖွဲ့(၆)ဖွဲ့ခွဲ၍ ၀န်ကြီးဌာနများ အလိုက် စိစစ်ဆောင်ရွက် ခဲ့ပါကြောင်း။

ကြယ်ပွင့်ပြမေးခွန်း(၁၄၇)ခုအနက် မေးခွန်း(၈၇)ခု ကတိဖြစ်ပေါ်ခဲ့ပြီး မေးခွန်း (၆၀)ခု ကတိမဖြစ်ပေါ်ခဲ့ကြောင်း၊ သက်ဆိုင်ရာ ပြည်ထောင်စုအဆင့်အဖွဲ့အစည်း၊ ပြည်ထောင်စု ၀န်ကြီးဌာနများအနေဖြင့် လုပ်ငန်းများ ရာနှုန်းပြည့် ပြီးမြောက်ခဲ့ပါက ကတိက၀တ်စာရင်းမှ ပယ်ဖျက်ပေးရန် အချက်အလက်များနှင့်တကွ ကော်မတီသို့တင်ပြ လာပါလျှင် စစ်ဆေးပေါ် ပေါက်ချက်များကိုညှိနှိုင်းပြီး ကတိက၀တ်စာရင်းမှ ပြန်လည်ပယ်ဖျက်ပေးမည်ဟု  ဆွေးနွေးခဲ့ပါ ကြောင်း။

ကတိဖြစ်ပေါ်သည့် မေးခွန်းများကို ကတိအတိုင်း ဆောင်ရွက်ပြီးစီးနိုင်ရေး အတွက်လည်း သက်ဆိုင်ရာ ၀န်ကြီးဌာနများ အနေဖြင့် နှစ်အလိုက်ဘတ်ဂျက်များတွင် ထည့်သွင်းရေး ဆွဲနိုင်ရန် လိုအပ်ပါကြောင်း၊ ကတိများပီပြင်စွာ ဖြစ်ပေါ်ရေးနှင့် တိကျစွာအကောင်အထည် ဖော်ရေးအတွက် ဖြေကြားသည့် ပြည်ထောင်စုအဆင့်အဖွဲ့အစည်းဝင်များအနေဖြင့် အမှန် တကယ်ဆောင်ရွက်နိုင်မည့် လုပ်ငန်းများကိုသာ တိတိပပတာဝန်ခံကတိပေးရန်လိုအပ်ပါ ကြောင်းဖြင့် ဖော်ပြပါရှိသည်။

ယင်းအစီရင်ခံစာနှင့်စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များရှိပါက အမည်စာရင်းတင်သွင်း နိုင်ကြောင်း ကြေညာသည်။

မျိုးမြင့် (သတင်းစဉ်)