လွိုင်ကော် နိုဝင်ဘာ ၃
နိုင်ငံတော်သမ္မတ ဦးထင်ကျော်သည်
ပြည်ထောင်စုဝန်ကြီး ဒေါက်တာသန်းမြင့်၊ ဦးသိန်းဆွေ၊ ဦးဖေဇင်ထွန်း၊ ဒုတိယ၀န်ကြီး ဗိုလ်ချုပ်သန်းထွဋ်နှင့်
အတူ ယနေ့ နံနက်ပိုင်းတွင် လေကြောင်းခရီးဖြင့် ကယားပြည်နယ် လွိုင်ကော်မြို့သို့ရောက်ရှိပြီး
လွိုင်ကော်မြို့နယ် နွားလ၀ိုးကျေးရွာအုပ်စု
လင်ဖုံလေးကျေးရွာ၌ ပြည်နယ်၊ ခရိုင်နှင့် မြို့နယ်အဆင့် ဌာနဆိုင် ရာတာဝန်ရှိသူများ၊
လုပ်ငန်းရှင်အဖွဲ့အစည်းများ၊ တောင်သူလယ်သမားများ၊ ဒေသခံပြည် သူများနှင့် တွေ့ဆုံသည်။
တွေ့ဆုံစဉ် နိုင်ငံတော်သမ္မတ
ဦးထင်ကျော်က ကယားပြည်နယ်မှ ပြောင်းစိုက် တောင်သူများ၏ အခက်အခဲကို ကြားသိရသဖြင့် ဖြေရှင်းဆောင်ရွက်ပေးနိုင်ရန်အတွက်
ယခုကဲ့သို့လာ ရောက်တွေ့ဆုံခြင်းဖြစ်ပါကြောင်း၊ မည်သည့်ကဏ္ဍကိုမဆို ပွင့်ပွင့်လင်းလင်း
ဆွေးနွေး တင်ပြကြရန်နှင့် တင်ပြချက်များအား မှတ်သား၍ သက်ဆိုင်ရာဝန်ကြီးဌာနများနှင့်
ပေါင်းစပ်ညှိနှိုင်းဖြေရှင်းဆောင်ရွက်ပေးသွားမည်ဖြစ်ပါကြောင်း။
တိုင်းပြည်ဖွံ့ဖြိုးတိုးတက်ရေးအတွက်
လုပ်ငန်းများဆောင်ရွက်ရာတွင် နိုင်ငံတော်အ စိုးရ၊ ဌာနဆိုင်ရာများ၊ ပြည်သူများအားလုံးပူးပေါင်းပါဝင်ရန်
လိုအပ်သည့်အပြင် လုပ်ငန်းရှင် များ၏ အခန်းကဏ္ဍသည်လည်း အရေးကြီးပါကြောင်း၊ လုပ်ငန်းရှင်များ
အနေဖြင့်လည်း ပြည်သူပြည်သားများ၏ ကောင်းကျိုးအတွက် ၀ိုင်းဝန်းပူးပေါင်းဆောင်ရွက်ရန်
လိုအပ်ပါ ကြောင်း၊ ဒေသ၏ လိုအပ်ချက်များကို
ပွင့်ပွင့်လင်းလင်း လွတ်လွတ်လပ်လပ်တင်ပြရန် တိုက်တွန်းပါကြောင်း ပြောကြားသည်။
ယင်းနောက် ဒေသခံလုပ်ငန်းရှင်များ၊
တောင်သူများနှင့် ရပ်မိရပ်ဖများက စိုက်ပျိုးသီးနှံဈေးကွက် ခိုင်မာရေး၊ စိုက်ပျိုးသီးနှံများ
ပြည်ပသို့တင်ပို့နိုင်ရေးဆောင်ရွက်ရာတွင် နိုင်ငံတော် အစိုးရမှ လိုအပ်သည်များ ကူညီဖြည့်ဆည်းဆောင်ရွက်ပေးရေး၊
တောင်သူလယ်သမားများ ဘ၀လုံခြုံရေးနှင့် လယ်ယာမြေပိုင်ဆိုင်မှု အခွင့်အလမ်းများရရှိရေး၊
စိုက်ပျိုးစရိတ်ချေးငွေများ ပိုမိုရရှိရေး၊ သိမ်းဆည်းလယ်ယာမြေများ ပြန်လည်စွန့်လွှတ်ရေး၊
အလုပ်အကိုင်အခွင့်အလမ်း များဖော်ဆောင်ပေးရေး၊ သစ်တောများ ပြန်လည်တည်ထောင်ရေးနှင့်
မူးယစ်ဆေးဝါး ပပျောက်ရေးဆိုင်ရာကိစ္စရပ်များကို တင်ပြကြသည်။
နိုင်ငံတော်သမ္မတ တင်ပြချက်များအပေါ်
ပြန်လည်သုံးသပ်ပြောကြားပြီး ပြည်နယ် ဖွံ့ဖြိုးတိုးတက်ရေးနှင့် ပြည်သူများ ရသင့်ရထိုက်သည့်
အခွင့်အလမ်းများရရှိရေးအတွက် အတတ်နိုင်ဆုံးဖြည့်ဆောင်ရွက်ပေးနိုင်ရန် ကြိုးစားဆောင်ရွက်ပေးသွားမည်ဖြစ်ကြောင်း
ပြောကြားသည်။
ပြည်နယ်ဝန်ကြီးချုပ် ဦးအယ်လ်ဖောင်ရှိုးက
ပြည်နယ်ဖွံ့ဖြိုးတိုးတက်ရေးအတွက် နိုင်ငံတော်သမ္မတ၏ လုပ်ငန်းလမ်းညွှန်ချက်များအတိုင်း
ကိုယ်စွမ်းဥာဏ်စွမ်းရှိသ၍ ဆောင်ရွက်ပေးသွားမည်ဖြစ်ကြောင်း ပြောကြားပြီး တွေ့ဆုံပွဲအခမ်းအနားကို
ရုပ်သိမ်းလိုက်သည်။
တွေ့ဆုံပွဲအပြီးတွင် နိုင်ငံတော်သမ္မတသည်
ဒေသခံပြည်သူများအား ရင်းရင်းနှီးနှီးတွေ့ဆုံနှုတ်ဆက်သည်။
မွန်းလွဲပိုင်းတွင် နိုင်ငံတော်သမ္မတနှင့်အဖွဲ့သည်
ဘီလူးချောင်းရေအားလျှပ်စစ်စီမံကိန်း ရှင်းလင်းဆောင်သို့ရောက်ရှိရာ လျှပ်စစ်ဓာတ်အားထုတ်လုပ်ရေးလုပ်ငန်း
ဦးဆောင်ညွှန်ကြား ရေးမှူး ဦးခင်မောင်ဝင်းက ဘီလူးချောင်းရေးအားလျှပ်စစ်စက်ရုံများ၏
သမိုင်းအကျဉ်း၊ မိုးဗြဲရေလှောင်တမံဆိုင်ရာအချက်အလက်များ၊ ဘီလူးချောင်း အမှတ်(၁)၊ (၂)၊
(၃)စက်ရုံများ ဆိုင်ရာ အချက်အလက်များ၊ ဓာတ်အားထုတ်လုပ်မှုနှင့် ဖြန့်ဖြူးမှုအခြေအနေများကို
ရှင်းလင်းတင်ပြသည်။
ထို့နောက် နိုင်ငံတော်သမ္မတသည်
ရှုရပ်မှ စီမံကိန်းဧရိယာကိုလည်းကောင်း၊ အမှတ်(၂) ဘီလူးချောင်း ရေအားလျှပ်စစ်စက်ရုံအတွင်း
စက်ပစ္စည်းများ တပ်ဆင်ထားမှုနှင့် လျှပ်စစ်ဓာတ်အားဖြန့်ဖြူးပေးနေမှုအခြေအနေများကိုလည်းကောင်း
ကြည့်ရှုလေ့လာသည်။
ညနေပိုင်းတွင် နိုင်ငံတော်သမ္မတနှင့်အဖွဲ့ဝင်များသည်
ဒီးမော့ဆိုမြို့နယ် တနှီးလာလဲကျေးရွာအနီးရှိ ကန်ခုနစ်ဆင့်သို့ရောက်ရှိကြရာ ဖိုးဗျားခန်းမ၌
ဟိုတယ်နှင့်ခရီးသွားလာရေးဝန်ကြီးဌာနမှ ပြည်နယ်ဦးစီးမှူး
ဦးဇော်လင်းထွန်းက ကယားပြည်နယ် ခရီးသွားကဏ္ဍ ဖွံ့ဖြိုးတိုးတက်ရေး အတွက် ဆောင်ရွက်နေသည့်
အခြေအနေများကို ရှင်းလင်းတင်ပြသည်။
ယင်းနောက် နိုင်ငံတော်သမ္မတက
ရိုးရာယဉ်ကျေးမှု အမွေအနှစ်ပစ္စည်းများ၊ ၀တ်စား ဆင်ယင်မှုများနှင့် ဓလေ့ထုံးစံများကို
အတတ်နိုင်ဆုံး ထိန်းသိမ်းဖော်ထုတ် ပြသသွားရန် လိုအပ်ကြောင်း လမ်းညွှန်မှာကြားသည်။
ထို့နောက် ဒေသခံ ရပ်မိရပ်ဖတစ်ဦးက
လျှပ်စစ်မီးရရှိရေးနှင့် ပညာရေး၊ ကျန်းမာရေး ဆိုင်ရာလိုအပ်ချက်များကို တင်ပြသည်။
ဆက်လက်၍
ပြည်ထောင်စုဝန်ကြီး ဦးသိန်းဆွေက နှစ်နိုင်ငံ နယ်စပ်ဝင်ပေါက်မှ ကူးသန်းသွားလာရေးဆိုင်ရာများနှင့်
စပ်လျဉ်း၍ လည်းကောင်း၊ ပြည်ထောင်စုဝန်ကြီး
ဒေါက်တာသသန်းမြင့်က ဒေသအတွင်း ရင်းနှီးမြှုပ်နှံမှုဆိုင်ရာ
လုပ်ငန်းစဉ်များနှင့်စပ်လျဉ်း၍ လည်းကောင်း ဆွေးနွေး ပြောကြားသည်။
ယင်းနောက် နိုင်ငံတော်သမ္မတသည်
ဖိုးဗျားခန်းမအတွင်းရှိ ကယား တိုင်းရင်းသားရိုးရာ ချည်မျှင်ထုတ်လုပ်ငန်းနှင့် ရိုးရာယဉ်ကျေးမှု
ဓလေ့များ၊ ဖိုးဗျားရိုးရာအိမ်၊ ကန်ခုနှစ်ဆင့် တို့ကို လှည့်လည်ကြည့်ရှုလေ့လာသည်။
နိုင်ငံတော်သမ္မတနှင့်အဖွဲ့သည်
ဒီးမောဆိုမြို့နယ် ပန်ပက်ကျေးရွာသို့ ရောက်ရှိပြီး ကယန်း(ပဒေါင်) တိုင်းရင်းသားများအား
ရင်းရင်းနှီးနှီး နှုတ်ဆက်၍ ရိုးရာလက်မှု လုပ်ငန်းများ၊
ရိုးရာယဉ်ကျေးမှုအကများကို လှည့်လည်ကြည့်ရှုအားပေးသည်။
ထို့နောက် ဒေသခံပြည်သူများ၏ လူမှုရေး၊ စီးပွားရေးနှင့် ဒေသဖွံ့ဖြိုးရေး
လိုအပ်ချက်များကို သက်ဆိုင်ရာတာဝန်ရှိသူများ နှင့်ညှိနှိုင်းဖြည့်ဆည်းပေးသည်။
(သတင်းစဉ်)
No comments:
Post a Comment