နေပြည်တော် နိုဝင်ဘာ ၃၀
ဒုတိယအကြိမ် ပြည်ထောင်စုလွှတ်တော် တတိယပုံမှန်အစည်းအဝေး
ပဉ္စမနေ့ ကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော်
အစည်းအဝေးခန်းမ၌ ကျင်းပသည်။
အစည်းအဝေးတွင် ဥပဒေကြမ်း ပူးပေါင်းကော်မတီ
တွဲဖက်အတွင်းရေးမှူး ဦးစတီဖန် အစား အဖွဲ့ဝင် ဦးကျော်စိုးလင်းအား တွဲဖက်အတွင်းရေးမှူးအဖြစ်
တာဝန် ပေးအပ်ခြင်းနှင့် တွဲဖက်အတွင်းရေးမှူး ဦးစတီဖန်အား အဖွဲ့ဝင်အဖြစ် ပြောင်းလဲ
တာဝန်ပေးအပ်ခြင်းတို့ကို လွှတ်တော်က သဘောတူကြောင်း ဆုံးဖြတ်သည်။
ထို့ပြင် ၂၀၁၆-၂၀၁၇ ခု ဘဏ္ဍာရေးနှစ် ပြည်ထောင်စု၏
နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေကြမ်းနှင့် စပ်လျဉ်း၍ ဥပဒေဆိုင်ရာ သုံးသပ်ချက်
အစီရင်ခံစာနှင့် ငွေကြေးဆိုင်ရာ သုံးသပ်ချက် အစီရင်ခံစာများကို ဥပဒေကြမ်း ပူးပေါင်းကော်မတီနှင့်
ပြည်သူ့ငွေစာရင်း ပူးပေါင်းကော်မတီတို့မှ ဖတ်ကြားတင်ပြကြသည်။
ယင်းဥပဒေကြမ်း၏ မူနှင့်အခြေခံသဘောများ
ရငွေ သုံးငွေများနှင့်စပ်လျဉ်း၍ ဆွေးနွေးလိုသည့်ကိုယ်စား လှယ်ရှိပါက အမည်စာရင်းတင်သွင်းနိုင်ကြောင်း
လွှတ်တော် က ကြေညာသည်။
ထို့နောက် အမျိုးသားမြေအသုံးချမူဝါဒ (Naitonal
Land Use Policy)နှင့် စပ်လျဉ်း၍ ပြည်ထောင်စုလွှတ်တော် ဥပဒေရေးရာနှင့်အထူးကိစ္စရပ်များ
လေ့လာ ဆန်းစစ်သုံးသပ်ရေးကော်မရှင်၏ လေ့လာတွေ့ရှိချက်နှင့် သုံးသပ်အကြံပြုချက် အစီရင်
ခံစာကို ကော်မရှင်ဒုတိယဥက္ကဋ္ဌ(၂) ဒေါက်တာသန်းဝင်းက လွှတ်တော်သို့ တင်သွင်းရာ ပြည်ထောင်စုအစိုးရအဖွဲ့သို့
ပေးပို့သွားမည်ဖြစ်ကြောင်းနှင့် လွှတ်တော်က မှတ်တမ်း တင်ကြောင်း ကြေညာသည်။
အဆိုပါ အစီရင်ခံစာ၌ မြေအားလုံး၏ ပင်ရင်းပိုင်ရှင်ဖြစ်သော
နိုင်ငံတော်အနေဖြင့် နိုင်ငံတော်နှင့် နိုင်ငံသားများ ၏ အကျိုးစီးပွားအတွက် လိုအပ်လျှင်
မြေကိုသိမ်းဆည်းပြီး စီမံခန့်ခွဲပိုင်ခွင့်ကိုလည်း မူဝါဒတွင် ထည့်သွင်းရန် လိုအပ်ပါကြောင်း၊
လယ်မြေအား အခြားနည်း အသုံးပြုခွင့် ပြောင်းလဲရယူခြင်း၊ မြေကို လက်ဝါးကြီး အုပ်ရယူထားခြင်း
တို့ကြောင့် မြေဈေးနှုန်းများ အဆမတန်မြင့်တက်ပြီး ပြည်တွင်းပြည်ပ ရင်းနှီးမြှုပ်နှံသူများ
အခက်အခဲ ကြုံတွေ့နေရသဖြင့် ပြည်ထောင်စု သို့မဟုတ် တိုင်းဒေသကြီးနှင့် ပြည်နယ် အစိုးရအဖွဲ့က
သတ်မှတ်သည့် နှုန်းထားဖြင့် မြေသိမ်းဆည်း လျော်ကြေးပေးကာ ထိရောက်အကျိုးရှိစွာ စီမံခန့်ခွဲအသုံးချရန်
လိုအပ်ပါကြောင်း။
အမျိုးသားမြေအသုံးချမှု မူဝါဒတွင် နိုင်ငံတော်၏
မြေအားလုံးလွှမ်းခြုံအကျုံးဝင်ပြီး ရေရှည်တည်တံ့၍ လက်တွေ့ကျသော လုပ်ငန်းစဉ်များကို ရေးဆွဲချမှတ်နိုင်မှသာ
၎င်းမူ ၀ါဒကို အခြေခံပြီး နိုင်ငံတော်နှင့် နိုင်ငံသားများ၏ အကျိုးစီးပွားအတွက် အမျိုးသား
မြေဥပဒေကို ရေးဆွဲပြဋ္ဌာန်းနိုင်မည်ဖြစ်ကြောင်း ဖော်ပြပါရှိသည်။
ယင်းနောက် ပြည်ထောင်စုလွှတ်တော် ဥပဒေရေးရာနှင့်
အထူးကိစ္စရပ်များ လေ့လာဆန်းစစ်သုံး သပ်ရေးကော် မရှင် ဒုတိယဥက္ကဋ္ဌ(၁) ဦးကိုကိုနိုင်အစား
အဖွဲ့ဝင် ဒေါက်တာအောင်ခင်အား ဒုတိယဥက္ကဋ္ဌ(၁)အဖြစ်
ပြောင်းလဲတာဝန်ပေးအပ်ခြင်း၊ ဒုတိယဥက္ကဋ္ဌ(၁) ဦးကိုကိုနိုင်အား အဖွဲ့ဝင်အဖြစ် ပြောင်းလဲတာဝန်
ပေးအပ်ခြင်းနှင့် ကော်မရှင်၏ တာဝန်နှင့်လုပ်ပိုင်ခွင့်များ ပြင်ဆင်သတ်မှတ်ခြင်းတို့ကို
လွှတ်တော်က သဘောတူကြောင်း ဆုံးဖြတ်သည်။
ယင်းနောက် နိုင်ငံတော်သမ္မတထံမှ ပေးပို့သော
ပို့ဆောင်ရေးနှင့် ဆက်သွယ်ရေး ၀န်ကြီးဌာနအတွက် တွံတေးတူးမြောင်း ဖွံ့ဖြိုးတိုးတက်ရေးစီမံကိန်းဆောင်ရွက်ရန်
ကိုရီးယားသမ္မတနိုင်ငံ စီးပွားရေးနှင့် ဖွံ့ဖြိုးမှု ပူးပေါင်းဆောင်ရွက်ရေး ရန်ပုံငွေမှ
အမေရိကန် ဒေါ်လာ ၆၁ ဒသမ ၃ သန်း ချေးငွေရယူရန်နှင့် စပ်လျဉ်း၍ ဒုတိယ၀န်ကြီး ဦးကျော်မျိုးက
လုပ်ငန်းအကောင်အထည်ဖော်ဆောင်ရွက်မည့် အချိန်ကာလ၊ ဆိုင်းငံ့ ကာလအတွင်း ပေးချေရမည့် အတိုးနှင့်ဝန်ဆောင်ခစရိတ်၊
ပြန်ဆပ်ကာလ ရမည့် ငွေနှင့်အတိုး၊ ရေလွှမ်းမိုး မှုကြောင့် ပျက်စီးဆုံးရှုံးမှုများ ခန့်မှန်းခြေစာရင်း၊
စီမံကိန်း ဆောင်ရွက်ပြီးစီးပါကရရှိ်မည့် အကျိုးကျေးဇူးများနှင့် စပ်လျဉ်း၍လည်းကောင်း
စီမံကိန်းနှင့်ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ယခုချေးငွေ သည် သက်သာသောချေးငွေဖြစ်ပြီး
ဆိုင်းငံ့ကာလ ၁၅ နှစ် အပါအ၀င် စုစုပေါင်း သက်တမ်း နှစ် ၄၀ ဖွံ့ဖြိုးမှုချေးငွေဖြစ်ပါကြောင်း၊
ဖွံ့ဖြိုးမှုအကူအညီအဖြစ် ပေးအပ်သော ချေးငွေ ဖြစ်သည်နှင့်အညီ ချေးငွေပေးအပ်သော အဖွဲ့အစည်းက
ချေးငွေရယူရမည့် နိုင်ငံ၏ လက်ရှိအခြေအနေ၊ ဖွံ့ဖြိုးမှုအလားအလာ၊ ချေးငွေသုံးစွဲနိုင်သည့်
အရည်အချင်း၊ ပြန်လည်ပေးဆပ်နိုင်စွမ်း၊ စီမံကိန်း၏ ဒေသနှင့်ပြည်သူလူထု အပေါ် အကျိုးပြုမှုစသည်တို့ကို
အဖက်ဖက်မှ လေ့လာသုံးသပ်ပြီး ပေးအပ်ခြင်းဖြစ် ကြောင်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာနအနေဖြင့်
စီမံကိန်းချေးငွေများ ပြန်လည်ပေးဆပ်နိုင်ရေးအတွက် တူးမြောင်းဖွံ့ ဖြိုးတိုးတက်မှုမှ
ရရှိလာသည့် ရငွေများ ကို နိုင်ငံတော်သို့ ပေးသွင်းပြီး ချေးငွေအပေါ် အချိန်မီ ပြန်လည်ပေး
ဆပ်နိုင်ရန် ဘတ်ဂျက် လျာထားဆောင်ရွက်ရမည်ဟုလည်းကောင်း ရှင်းလင်းတင်ပြကြရာ လွှတ်တော်က
ယင်းချေးငွေ ချေးယူနိုင်ရန် အတည်ပြုကြောင်း ဆုံးဖြတ်သည်။
ဆက်လက်၍ နိုင်ငံတော်သမ္မတထံမှပေးပို့သော
စီမံကိန်းများ အကောင် အထည်ဖော်ဆောင်ရွက်နိုင်ရန်အတွက် ဂျပန်နိုင်ငံ အပြည်ပြည်ဆိုင်ရာ
ပူးပေါင်းဆောင် ရွက်ရေးအေဂျင်စီမှ ဂျပန်ယန်း ၉၃၉၇၀ သန်း ချေးယူရန် ကိစ္စနှင့်စပ်လျဉ်း၍
ပြည်ထောင်စုအဆင့် အဖွဲ့အစည်းဝင်များက လွှတ်တော်သို့ ရှင်းလင်းတင်ပြကြသည်။
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန
ပြည်ထောင်စုဝန်ကြီး ဒေါက်တာအောင်သူက ဂျပန်အပြည် ပြည်ဆိုင်ရာ ပူးပေါင်းဆောင်ရွက်ရေးအဖွဲ့၏
ချေးငွေ ဂျပန်ယန်း (၁၅၁၃၅)သန်းကို လယ်ယာကဏ္ဍနှင့် ကျေးလက်ဒေသ ဖွံ့ဖြိုးရေးစီမံကိန်း ဆောင်ရွက်ခြင်းဖြင့်
လယ်ယာကဏ္ဍနှင့်ကျေးလက်ဒေသဖွံ့ဖြိုး ရေး၊ အလုပ်အကိုင်ရရှိရေး၊ ဆင်းရဲမှုလျှော့ချရေး၊ ကျေးလက်ဒေသနှင့်မြို့ပြဒေသ
အချိုးညီညီ ဖွံ့ဖြိုးတိုးတက်ရေးနှင့် ခေတ်မီဘဏ်လုပ်ငန်းဖြင့် နိုင်ငံ၏စီးပွားရေးတည်ငြိမ်
မှုနှင့် ရေရှည်ဖွံ့ဖြိုးတိုးတက်မှုတို့အား အထောက် အကူဖြစ်စေနိုင်ကြောင်း၊ (JICA)မှ ချေးငွေအား
စီမံကိန်းနှင့်ဘဏ္ဍာရေးဝန်ကြီးဌာနမှတစ်ဆင့် မြန်မာ့လယ်ယာ ဖွံ့ဖြိုးရေးဘဏ်သို့ ထုတ်ချေးသွားမည်ဖြစ်ကြောင်း
စီမံကိန်းအကောင်အထည်ဖော် ဆောင်ရွက်မည့်ကာလမှာ ၂၀၁၇ ခုနှစ် ဇွန်လမှ ၂၀၂၀ ခုနှစ် စက်တင်ဘာ
အထိဖြစ် ကြောင်း။
စီမံကိန်းပထမနှစ်ဖြစ်သော (၂၀၁၇-၂၀၁၈)ဘဏ္ဍာရေးနှစ်တွင်
နေပြည်တော် ဧရာဝတီတိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး အနောက်ခြမ်း
တို့တွင် အကောင်အထည် ဖော်ဆောင်ရွက် သွားမည်ဖြစ်ကြောင်း၊ စီမံကိန်းဒုတိယ နှစ်ဖြစ်သော
(၂၀၁၈-၂၀၁၉)ဘဏ္ဍာနှစ်တွင် ရန်ကုန်တိုင်းဒေသကြီး မွန်ပြည်နယ်နှင့် ရှမ်းပြည်နယ်တောင်ပိုင်းတို့တွင်
အကောင်အထည်ဖော် ဆောင်ရွက်သွားမည် ဖြစ် ကြောင်း။
အဆိုပါစီမံကိန်းတွင် လယ်ယာလုပ်ငန်းလုပ်ကိုင်သော
တောင်သူလယ်သမား တစ်ဦးချင်းနှင့် လယ်ယာ ကုန်ထုတ် လုပ်မှုလုပ်ငန်းဆောင်ရွက်သော စီးပွားရေးလုပ်ငန်း
များသို့ ချေးငွေထုတ်ချေးပေးမည်ဖြစ်ကြောင်း ရှင်းလင်းတင်ပြသည်။
ဆောက်လုပ်ရေးဝန်ကြီးဌာန ပြည်ထောင်စုဝန်ကြီးကိုယ်စား
စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချိုက ဂျပန်နိုင်ငံ ချေးငွေဖြင့် လမ်း၊
တံတားများ ဖွံ့ဖြိုးတိုးတက်စေရန်အတွက် ဆင်းရဲမှုလျော့ ချရေးဆိုင်ရာ ဒေသတွင်းဖွံ့ဖြိုးမှုစီမံကိန်း
(အဆင့်-၂)အား ဆောင်ရွက်သွားမည်ဖြစ်ကြောင်း၊ ဆောက်လုပ်ရေး ၀န်ကြီးဌာနအနေ ဖြင့် ကရင်ပြည်နယ်အတွင်း
တောင်ငူ-လိပ်သို-ယာဒို-လွိုင်ကော် ဟိုပုံးလမ်း၊ စစ်ကိုင်း တိုင်းဒေသကြီးအတွင်း မန္တလေး-တကောင်း-ဗန်းမော်
မြစ်ကြီးနားလမ်း ၊ ပဲခူးတိုင်းဒေ သကြီးအတွင်း တောင်ငူ-လိပ်သို-ယာဒို-လွိုင်ကော်- ဟိုပုံးလမ်း၊
မကွေးတိုင်းဒေသ ကြီးအတွင်း ဂန့်ဂေါ-အိုက္ကားလမ်း၊ ဧရာဝတီတိုင်း ဒေသကြီးအတွင်း ငသိုင်းချောင်း-ဂွလမ်း
ရှမ်းပြည်နယ်အတွင်း တောင်ငူ-လိပ်သို-ယာဒို-လွိုင်ကော်-ဟိုပုံးလမ်းနှင့် ဟန်မြင့်မိုရ်-မြို့ကြီး-ရွာငံ-အောင်ပန်းလမ်းတို့ကို
လမ်းချဲ့ခြင်း၊ ကတ္တရာခင်းခြင်း၊ RC တံတား တည်ဆောက်ခြင်း၊ မြေထိန်းနံရံ၊ ကျောက်စီနံရံ၊
ရေမြောင်း တည်ဆောက်ခြင်းတို့ကို ဆောင်ရွက်သွားမည်ဖြစ်ကြောင်း။
ဆင်းရဲမှုလျော့ချရေးဆိုင်ရာ ဒေသတွင်းဖွံ့ဖြိုးမှုစီမံကိန်း
(အဆင့်-၂) အား အကောင်အထည် ဖော်ဆောင် ရွက်ခြင်းအားဖြင့် နိုင်ငံတော်၏ လူမှုရေး၊ စီးပွားရေး၊
ပညာရေး၊ ကျန်းမာရေးနှင့် သယ်ယူပို့ဆောင်ရေး ကဏ္ဍများအပါအ၀င် ကဏ္ဍပေါင်းစုံ ဖွံ့ဖြိုးတိုးတက်လာနိုင်မည်
ဖြစ်ကြောင်း ရှင်းလင်းတင်ပြသည်။
လျှပ်စစ်နှင့်စွမ်းအင်ဝန်ကြီးဌာန
ဒုတိယ၀န်ကြီး ဒေါက်တာထွန်းနိုင်က လျှပ်စစ်နှင့်
စွမ်းအင်ဝန်ကြီးဌာနမှ JICA ODA ထံမှ မမျှော်မှန်းနိုင်သော စရိတ်မပါချေးငွေ ဂျပန်ယန်း
၆၆၅၀ သန်း ရယူ၍ ကချင်ပြည်နယ်၊ ကယားပြည်နယ်၊
ချင်းပြည်နယ်၊ ရှမ်းပြည်နယ် (တောင်ပိုင်း)၊ ရခိုင်ပြည်နယ်၊ မွန်ပြည်နယ်များနှင့် စစ်ကိုင်းတိုင်း ဒေသကြီး၊
မကွေးတိုင်း ဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ဧရာဝတီတိုင်းဒေသကြီးနှင့်
မန္တလေးတိုင်းဒေသကြီးတို့တွင် ဆင်းရဲမှုလျှော့ချရေးနှင့် လူမှုစီးပွားဖွံ့ဖြိုးတိုးတက်စေရန်
ရည်ရွယ်ချက်ဖြင့် နိုင်ငံတော် ဓာတ်အားစနစ်မှ ဓာတ်အားမရရှိသေးသော ကျေးရွာများ ဓာတ်အားရရှိစေရန်
ဆောင်ရွက် လိုကြောင်း။
ပထမ
စီမံကိန်းမှ လျှပ်စစ်နှင့်စွမ်းအင်ဝန်ကြီးဌာနမှ တိုင်းဒေသကြီး (၆) ခုနှင့် ပြည်နယ်(၆)
ခုတို့တွင် ဒေသဖွံ့ဖြိုးရေးအတွက် လျှပ်စစ်ဓာတ်အား တိုးမြှင့်ပေးရန် ဆောင်ရွက်ခြင်းဖြင့်
စုစုပေါင်းအိမ်ထောင်စု (၂၂၇၃၀၀) ကျော်ကို နိုင်ငံတော် ဓာတ်အားစနစ်မှ လျှပ်စစ်ဓာတ်အားတိုးချဲ့
ဖြန့်ဖြူးပေးနိုင်မည် ဖြစ်ကြောင်း။
ဒုတိယစီမံကိန်းဖြစ်သည့် လျှပ်စစ်နှင့်စွမ်းအင်ဝန်ကြီးဌာနမှ
အဆိုပြုခဲ့သည့် (Power Distrbution System Impeovement Project in Major Cities) စီမံကိန်းတွင်
စုစုပေါင်းမြို့ကြီး (၁၇) မြို့တွင် ဓာတ်အားဖြန့်ဖြူး ရေးလိုင်းနှင့် ဓာတ်အားခွဲရုံများ
အဆင့်မြှင့်တင်ခြင်းလုပ်ငန်းများကို ဆောင်ရွက်သွားမည်ဖြစ်ကြောင်း၊ ယင်းသို့ ဆောင် ရွက်ခြင်းဖြင့်
အိမ်ထောင်စု (၁၆၀၈၀၀) ကျော်ကို ဓာတ်အားစနစ်မှ လျှပ်စစ်ဓာတ်အား တိုးချဲ့ဖြန့်ဖြူး ပေးနိုင်မည်ဖြစ်ကြောင်း
ရှင်းလင်းတင်ပြသည်။
ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယ၀န်ကြီးဦးကျော်မျိုးက
ယခု ဂျပန်နိုင်ငံချေးငွေဖြင့် ရန်ကုန်-မန္တလေးမီးရထားလမ်း အဆင့်မြှင့်တင်ခြင်း စီမံကိန်းအဆင့်
၁အပိုင်း၂ လုပ်ငန်းများအား ဆောင်ရွက်သွား မည်ဖြစ်ကြောင်း၊ ရန်ကုန်-မန္တလေး မီးရထားလမ်း
အဆင့်မြှင့်တင်နိုင်ရေးနှင့်စပ်လျဉ်း၍ ဂျပန်နိုင်ငံအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီမှလည်း
စီမံကိန်းရေးဆွဲထားပြီးဖြစ်ကြောင်း၊ ချေးငွေ မှာ ဆိုင်းငံ့ကာလနှင့် ပြန်ဆပ်ကာလမှာ နှစ်(၄၀)ဖြစ်ပါကြောင်း၊
ယင်းချေးငွေဖြင့် မီးရထားလမ်း၌ မြေကြီးလုပ်ငန်း၊ သံလမ်းလဲလှယ်ခြင်း၊ တံတားလဲလှယ်ခြင်းနှင့်
အသစ် တည်ဆောက်ခြင်း၊ အချို့နေရာများ၌ ခြံစည်းရိုးကာရံခြင်း၊ ခေတ်မီအချက်ပြကိရိယာ တပ်ဆင်ခြင်းတို့
ဆောင်ရွက်သွားမည်ဖြစ်ကြောင်း၊ ယင်းစီမံကိန်း ဆောင်ရွက်ခြင်းဖြင့် ခရီးသည်များ ကုန်စည်စီးဆင်းမှုမြန်ဆန်လာစေခြင်း၊
မြန်မာ့မီးရထား ၀င်ငွေတိုးတက် လာခြင်းစသည့် အကျိုးကျေးဇူးများ ရရှိလာမည်ဖြစ်ကြောင်း
ရှင်းလင်းတင်ပြသည်။
အလားတူ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး
ဦးမောင်မောင်ဝင်း က ရန်ကုန်မြို့တော်စည်ပင်သာယာရေးကော်မတီ ရေပိုမိုရရှိရေးလုပ်ငန်းများ
ဆောင်ရွက် ရန်နှင့် ၀န်ကြီးဌာနများ၏ ချေးငွေရရှိသုံးစွဲရေးဆိုင်ရာကိစ္စရပ်များကို ရှင်းလင်းတင်ပြ
သည်။
ယင်းကိစ္စနှင့်စပ်လျဉ်း၍ ဆွေးနွေးလိုသော လွှတ်တော်ကိုယ်စားလှယ်ရှိပါက
ဆွေးနွေးနိုင်ကြောင်း ကြေညာသည်။
ထို့နောက် နိုင်ငံတော်သမ္မတထံမှ ပေးပို့သော ဘင်းမ်စတက်အဖွဲ့ဝင်နိုင်ငံများ
အကြား ဓာတ်အားကွန်ရက်အချင်းချင်း ချိတ်ဆက်ကုန်သွယ်နိုင်ရေးဆိုင်ရာ နားလည်မှု စာချွန်လွှာကို
မြန်မာနိုင်ငံမှ ပါဝင်လက်မှတ်ရေးထိုးနိုင်ရန် ကိစ္စနှင့်စပ်လျဉ်း၍ လွှတ်တော် ကိုယ်စားလှယ်များက
ဆွေးနွေးကြသည်။
ချင်းပြည်နယ် မဲဆန္ဒနယ် အမှတ်(၄)မှ ဦးဇုန်လှယ်ထန်းက
ဘင်းစတက်အဖွဲ့ဝင် နိုင်ငံများအကြား ဓာတ်အားချိတ်ဆက်ကုန်သွယ်နိုင်ရေး နားလည်မှုစာချွန်လွှာ
လက်မှတ်ရေးထိုးခြင်းဖြင့် ပိုလျှံလာသည့် ဓာတ်အားများအား အိမ်နီးနားချင်းနိုင်ငံများသို့
ဖြန့်ဖြူးနိုင်မည်ဖြစ်ကြောင်း၊ ဓာတ်အားပိုမိုထွက်ရှိလာ နိုင်ရန် အတွက် မဏိပူရရေအား လျှပ်စစ်စီမံကိန်းကိုလည်း အမြန်ဆုံးအကောင်အထည်ဖော်
ဆောင်ရွက်စေ လိုကြောင်း ထောက်ခံဆွေးနွေးသည်။
ရေဖြူမဲဆန္ဒနယ်မှ ဦးသက်နိုင်ဦးက တနင်္သာရီတိုင်းဒေသကြီးသည်
မြန်မာနိုင်ငံ ၏ တောင်ဘက်အကျ ဆုံးအပိုင်းတွင် တည်ရှိပြီး ထိုင်းနိုင်ငံနှင့် ထိစပ်လျက်ရှိပါကြောင်း၊
ယင်းဒေသတွင် လျှပ်စစ်ဓာတ်အားခမှာ ဈေးကြီးပေး၍ သုံးစွဲနေရကြောင်း၊ ထို့ပြင် တနင်္သာရီတိုင်းဒေသကြီးတွင်
မဟာဓာတ်အားလိုင်းနှင့် ဝေးကွာနေဆဲဖြစ်သည့်အတွက် မသေချာသေးပါကြောင်း၊ အဆိုပါစာချွန်လွှာအား
လက်မှတ်ရေးထိုးခြင်းဖြင့် ဘင်းမ် စတက်အဖွဲ့ဝင်နိုင်ငံများအကြား လျှပ်စစ်ဓာတ်အား ကုန်သွယ်ရာတွင်
ဓာတ်အားခမူ ဘောင် ပေါ်ထွန်းစေခြင်းနှင့် နိုင်ငံဖြတ်ကျော်
စွမ်းအင်ကူးသန်းရောင်းဝယ်ခြင်း အစီ အစဉ်ရှိကြောင်း သိရသည့်အတွက် မိမိဒေသနှင့် ကိုက်ညီသည်ကိုလည်း
တွေ့ရှိရပါ ကြောင်း ထောက်ခံဆွေးနွေးသည်။ု
အလားတူ ပန်းတောင်း မဲဆန္ဒနယ်မှ ဒေါ်ခင်နှင်းသစ်နှင့်
ဝါးခယ်မမဲဆန္ဒနယ်မှ ဦးဇော်သိန်းတို့က ဆွေးနွေးကြရာ ယင်းကိစ္စနှင့် စပ်လျဉ်း၍ လွှတ်တော်က
ပါဝင်လက်မှတ် ရေးထိုးနိုင်ရန် သဘောတူကြောင်း ဆုံးဖြတ်သည်။
ဆက်လက်၍ ၂၀၁၄- ၂၀၁၅ ဘဏ္ဍာနှစ် ငွေကြေးမူဝါဒ အကောင်အထည်ဖော် ဆောင်ရွက် ချက် အစီရင်ခံစာနှင့်
ငွေရေးကြေးရေးစနစ် တည်ငြိမ်ရေးဆောင်ရွက်ချက် အစီရင်ခံစာ တို့နှင့်စပ်လျဉ်း၍ ပုလဲမဲဆန္ဒနယ်မှ
ဒေါ်ခင်စန်းလှိုင်က ယခုကဲ့သို့ စိန်ခေါ်မှုများဖြင့် ကြုံတွေ့နေရသည့် အစိုးရသစ်တာဝန်ယူသည့်
ပထမနှစ်တွင် ဗဟိုဘဏ်အနေဖြင့် နိုင်ငံ၏ငွေရေးကြေးရေး၊ ဈေးကွက်တည်ငြိမ်ရေး၊ ငွေရေးကြေးရေး
အားကောင်း ခိုင်မာ စေရေးနှင့် မိမိတို့၏ကြိုးပမ်းဆောင်ရွက်မှုများကို ဥပဒေပါပြဌာန်း
ချက်များအတိုင်း အချိန်နှင့်တစ်ပြေးညီ အစီရင်ခံစာတင်ပြနိုင်ရန် အလွန်အရေးကြီးပါ ကြောင်း၊
သို့မှသာ ပြည်ထောင်စု လွှတ်တော်အနေဖြင့်လည်း တာဝန်ယူမှု၊ တာဝန်ခံမှု အပြည့်ဖြင့် နိုင်ငံတော်
နှင့်နိုင်ငံသားများ အကျိုးစီးပွားအတွက် မြန်မာနိုင်ငံတော် ဗဟိုဘဏ်နှင့်အတူ ပူးပေါင်းပါဝင်ဆောင်ရွက်နိုင်မည်
ဖြစ်ကြောင်း ဆွေးနွေးသည်။
ထို့အတူ စစ်ကိုင်းတိုင်းဒေသကြီး မဲဆန္ဒနယ်အမှတ်
(၅)မှ ဦးရဲထွဋ်၊ ဒဂုံ မဲဆန္ဒနယ်မှ ဒေါက်တာသက်သက်ခိုင်၊ ရန်ကုန်တိုင်းဒေသကြီး မဲဆန္ဒနယ်
အမှတ် (၄)မှ ဦးသန်းစိုး(ခ)သန်းစိုး(ဘောဂဗေဒ) နှင့် သရက်မဲဆန္ဒနယ်မှ ဦးကံမြင့်တို့က
ဆွေးနွေး ကြသည်။
မျိုးမြင့် (သတင်းစဉ်)
No comments:
Post a Comment