ဗန်းမောက်
နိုဝင်ဘာ ၂
စစ်ကိုင်းတိုင်းဒေသကြီး
ကသာခရိုင် ဗန်းမောက်မြို့နယ် နန့်မာကျေးရွာအုပ်စု တုံးပုံကျေးရွာတွင် မူးယစ်ဆေးဝါး
သတင်းအရ မံစီကြီးနယ်မြေရဲကင်းမှ ရဲအုပ်မောင်ဇော်ဦးစီးတပ်ဖွဲ့ဝင်များနှင့် ရပ်မိ၊ရပ်ဖများက
နိုဝင်ဘာ ၂ ရက် နံနက် ၂ နာရီခွဲတွင် မူးယစ်ဆေးဝါးများ ဖမ်းဆီးရမိကြောင်း
သိရသည်။
ထို့နောက်
နန့်မားကျေးရွာအုပ်စု တုံးပုံကျေးရွာနေ ဉာဏ်ဝင်း(ဘ)ဦးဝင်းဖေနေအိမ်အား ပူးပေါင်းအဖွဲ့များက
ဝင်ရောက်ရှာဖွေစဉ် ဉာဏ်ဝင်းအား နေအိမ်မီးဖိုချောင်တွင် တူမီးသေနတ်ကိုင်ဆောင်လျက်တွေ့ရှိ၍
ဖမ်းဆီးပြီး ဆက်လက်ရှာဖွေရာ ဘိန်းဆပ်ပြာခွက် ၄ ခွက် အလေးချိန် ၄၂ ဂရမ် ကာလတန်ဘိုး
၄၂ သိန်း၊ WY စာတမ်းပါစိတ်ကြွရူးသွပ်ဆေးပြား ၁၁၈၀ ပြား ကာလ
တန်ဖိုး ၅၉သိန်း စုစုပေါင်း ၁၀၁ သိန်းဖိုး တွေ့ရှိသဖြင့် သိမ်းဆီးပြီး မူးယစ်ဆေးဝါးများနှင့်
တူမီးသေနတ်လက်ဝယ်ထားရှိသူ ဉာဏ်ဝင်းအား မံစီကြီးနယ်မြေရဲကင်းစခန်း ရဲအုပ်မောင်ဇော်မှ
တရားလိုပြုလုပ် တိုင်တန်းသဖြင့် မံစီကြီးရဲစခန်းမှ (ပ) ၃၅/၂၀၁၆ မူးစိတ်ပုဒ်မ ၁၅/၁၉(က)/၂၂(ခ)ဖြင့်
အမှုဖွင့် စစ်ဆေးလျက်ရှိကြောင်း သိရသည်။
ဗန်းမောက်
(ပြန်/ဆက်)
No comments:
Post a Comment