နေပြည်တော်
အောက်တိုဘာ ၂၈
ကိုရီးယားသမ္မတနိုင်ငံတွင် ချစ်ကြည်ရေးခရီး ရောက်ရှိနေသော
ပြည်သူ့ လွှတ်တော်ဥက္ကဋ္ဌ ဦးဝင်းမြင့်အား ကိုရီးယားသမ္မတနိုင်ငံ၊ သမ္မတ H.E. Park
Geun-hye က ယနေ့ ဒေသစံတော်ချိန် မွန်းလွဲ ၂ နာရီတွင် ကိုရီးယားသမ္မတအိမ်တော် ဧည့်ခန်းမ၌
လက်ခံတွေ့ဆုံသည်။
တွေ့ဆုံစဉ် နှစ်နိုင်ငံ အစိုးရနှင့် လွှတ်တော်အချင်းချင်း ချစ်ကြည် ရင်းနှီးမှုနှင့် ပူးပေါင်းဆောင်ရွက်ရေး၊
လွှတ်တော်၏ ဥပဒေပြုရေးဆိုင်ရာ ကိစ္စရပ်များ၊ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်များနှင့်
ပတ်သက်၍ ဆွေးနွေးကြသည်။
ပြည်သူ့လွှတ်တော် ဥက္ကဋ္ဌနှင့် အဖွဲ့သည် ယနေ့နံနက် ၉ နာရီခွဲတွင်
Samsung Innovation Museum သို့ ရောက်ရှိရာ တာဝန်ရှိသူများက လိုက်လံ ရှင်းလင်းပြသကြသည်။
ယင်းနောက် မွန်းလွဲ ၃ နာရီခွဲတွင် စွန့်ပစ်အမှိုက်များမှ
စွမ်းအင်ထုတ်လုပ်လျက်ရှိသော Gang Nam Resource Recovery Facility သို့ သွားရောက် လေ့လာကြသည်။
(သတင်းစဉ်)
No comments:
Post a Comment