နေပြည်တော် အောက်တိုဘာ ၁၀
ရခိုင်ပြည်နယ်၊ မောင်တောမြို့နယ်နှင့်
ရသေ့တောင်မြို့နယ်များရှိ နယ်ခြားစောင့် ရဲတပ်ဖွဲ့ဌာနချုပ်နှင့် ကွပ်ကဲမှုအောက်ရှိ ကင်းစခန်း(၃)ခုကို
အောက်တိုဘာ ၉ ရက်နံနက်ပိုင်းက အကြမ်းဖက်စီးနင်းတိုက်ခိုက်မှု ဖြစ်စဉ်များအနက် ပျောက်ဆုံး
ခဲ့သော ရဲတပ်သားတစ်ဦးနှင့် လက်နက်တစ်လက်တို့ကို
သီးခြားစီပြန်လည်တွေ့ရှိခဲ့သည်။
အဆိုပါ ဖြစ်စဉ်များအပေါ်
တပ်မတော်နှင့် ရဲတပ်ဖွဲ့ဝင်များ ပူးပေါင်း၍ နယ်မြေရှင်းလင်းစဉ် ယနေ့ နံနက် ၉ နာရီခွဲခန့်တွင်
ငါးခူရ နယ်မြေရဲစခန်းနှင့် လိုင်းခန်းများအား အကြမ်းဖက်စီးနင်း တိုက်ခိုက်ခံရစဉ် လုံခြုံရေးတာဝန်ထမ်းဆောင်ရာမှ
ပျောက်ဆုံးခဲ့သော ရဲတပ်သား ကိုထိုက်အား ငါးခူရ ရဲစခန်းအနောက်ဘက် (၂)မိုင်ခန့်ရှိ ဓနီတော
အတွင်းမှ ဒဏ်ရာရရှိမှု မရှိဘဲ ပြန်လည်တွေ့ရှိခဲ့ခြင်းဖြစ်သည်။
ထို့ပြင် ရဲတပ်ဖွဲ့ဝင်များက
၎င်းစခန်း၏ ဗဟိုကင်းတစ်ဝိုက်ရှိ ခြုံများအတွင်း ရှာဖွေရှင်းလင်းစဉ် ယနေ့ညနေ ၃ နာရီခန့်တွင်
ဗဟိုကင်းမှ ပျောက်ဆုံးခဲ့သော M 22 သေနတ်တစ်လက်ကို ပြန်လည်တွေ့ရှိခဲ့ကြောင်း မြန်မာနိုင်ငံ
ရဲတပ်ဖွဲ့ထံမှ သတင်း ရရှိသည်။
No comments:
Post a Comment