နေပြည်တော် အောက်တိုဘာ ၁၈
(၂၂) ကြိမ်မြောက်
မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲဖွင့်ပွဲအခမ်းအနားကို
ယနေ့နံနက် (၉) နာရီတွင် နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၂
၌ ကျင်းပရာ ဒုတိယသမ္မတ ဦးဟင်နရီ ဗန်ထီးယူ တက်ရောက်ဖွင့်လှစ်သည်။
ရှေးဦးစွာ အတီးပြိုင်ပွဲ
Theme Song ဖြစ်သည့် “တိုင်းရင်းသားအားလုံး၏ မြန်မာနိုင်ငံ” တေးသီချင်းဖြင့် အနုပညာ
ပညာရှင်များက သီဆိုဖျော်ဖြေ ကြသည်။
(၂၂)ကြိမ်မြောက် မြန်မာတိုင်းရင်းသားတို့၏
ရိုးရာယျဉ်ကျေးမှု အဆို၊ အက၊ အရေး၊ အတီး ပြိုင်ပွဲကျင်းပရေး ဦးစီးကော်မတီဥက္ကဋ္ဌ ပြည်ထောင်စုဝန်ကြီး
သူရဦးအောင်ကိုက ပြိုင်ပွဲကျင်းပရန် စီစဉ်ဆောင်ရွက်ထားရှိမှုများနှင့် စပ်လျဉ်း ၍ ရှင်းလင်းတင်ပြရာတွင်
အဆို၊ အက၊ အရေး၊ အတီး ပြိုင်ပွဲများကို ၁၉၉၃ ခုနှစ်က စတင်ပြီး ကျင်းပခဲ့ရာ ယခုကျင်းပမည့်
ပြိုင်ပွဲသည် (၂၂)ကြိမ်မြောက် ဗဟိုအဆင့် ပြိုင်ပွဲဖြစ်ပါကြောင်း၊
ယနေ့ကျင်းပသည့် ပြိုင်ပွဲတွင် တိုင်းဒေသကြီးနှင့် ပြည်နယ်များမှ ပြိုင်ပွဲဝင်အင်အား
အမျိုးသား ၇၂၂ ဦး၊ အမျိုးသမီး ၁၀၄၄ ဦး စုစုပေါင်း ၁၇၆၆ ဦး ပါဝင်ယှဉ်ပြိုင်သွားကြ မည်ဖြစ်ပါကြောင်း။
ယခုနှစ်ပြိုင်ပွဲတွင်
ပိုမိုလေးနက်သည့် ထူးခြားချက်တစ်ရပ်အဖြစ် ကချင်၊ ကယား၊ ကရင်၊ ချင်း၊ မွန်၊ ရခိုင်၊
ရှမ်းနှင့် ထားဝယ် တိုင်းရင်းသားများ၏ ထင်ရှားသည့် ရိုးရာအက များထဲမှ အကနှစ်ခုကို
(၂၂)ကြိမ်မြောက် ပြိုင်ပွဲကြီး၏ ပြည်ထောင်စု အကအဖြစ် သတ်မှတ်ရန် တိုင်းဒေသကြီးနှင့်
ပြည်နယ်အားလုံး ကြိုတင်မဲနှိုက်ပြီး ရခိုင်တိုင်းရင်း
သားများ၏ သာလီစွ ရခိုင်ပြည် ယိမ်းအကနှင့် ကရင်တိုင်းရင်းသားများ၏ လက်တွဲညီညီ ရှေ့သို့ချီ
တိုင်းရင်းသားရိုးရာ ဒုံးယိမ်းအကတို့ကို အားလုံးမှ ပါဝင်ယှဉ်ပြိုင်သွားကြ မည်ဖြစ်ကြောင်း
ပြောကြားသည်။
(၂၂)ကြိမ်မြောက် မြန်မာတိုင်းရင်းသားတို့၏
ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲကျင်းပရေးဦးစီးကော်မတီ နာယက ဒုတိယသမ္မတ
ဦးဟင်နရီဗန်ထီးယူက အဖွင့်အမှာစကား ပြောကြားရာတွင် ကမ္ဘာ့နိုင်ငံတစ်နိုင်ငံချင်း အနေဖြင့်
မိမိတို့နိုင်ငံ၏ ရှည်လျားလှသည့် ယဉ်ကျေးမှု အနုသုခုမဆိုင်ရာ သမိုင်း ကြောင်းများ၊ အမွေအနှစ်များကို
လွန်စွာမှ ဂုဏ်ယူတန်ဖိုးထားပြီး ထိန်းသိမ်းကြ ကြောင်း၊ မိမိတို့၏ ကြာမြင့်ခိုင်ခန့်လှသည့်
ယဉ်ကျေးမှုသမိုင်းကြောင်းကို မိမိတို့နိုင်ငံ တစ်ဝန်း ဂုဏ်သိက္ခာအဖြစ် မှတ်ယူကြကြောင်း၊
မိမိတို့နိုင်ငံတွင် ရိုးရာယဉ်ကျေးမှု အမွေအနှစ်များကို ဖော်ထုတ်ထိန်းသိမ်း ရုံမျှမက
ပြန့်ပွားထွန်းကားစေရန် ရည်ရွယ်သည့် အဆို၊ အက၊ အရေး၊ အတီးပြိုင်ပွဲကြီး စတင်ပေါ်ပေါက်လာခဲ့သည်မှာ
ရာစုနှစ်တစ်ခု၏ လေးပုံတစ်ပုံ နီးပါးကာလကို ဖြတ်သန်းနိုင်ခဲ့ပြီးဖြစ်ကြောင်း။
ယဉ်ကျေးမှု အနုသုခုမစံနှုန်းများ
တစ်ခုနှင့်တစ်ခု ရေမြေဒေသကြောင့် မတူကွဲပြားသယောင် ရှိကြသော်လည်း သဘော သဘာဝများ တူညီကြကြောင်း၊
သို့ဖြစ်၍ မိမိတို့နိုင်ငံမှာ ကာလရှည်ကြာခဲ့ပြီဖြစ်သည့် သဘောသဘာဝအခြေခံ တူညီသည့် ရိုးရာယဉ်ကျေးမှု
အနုသုခုမများ မပျောက်မပျက် မတိမ်ကောအောင် ဆက်လက်ထိန်းသိမ်းရန်အတွက် တိုင်းရင်းသား ညီအစ်ကို
မောင်နှမအားလုံးတွင် တာဝန်ရှိကြောင်း၊ နိုင်ငံတစ်နိုင်ငံ၏ အချုပ်အခြာအာဏာပိုင်စိုးမှုထဲတွင်
နိုင်ငံရေး၊ စစ်ရေး၊ စီးပွားရေး၊ ဥစ္စာဓန၊ သယံဇာတ၊ နည်းပညာဖွံ့ဖြိ်ုးတိုးတက်မှု၊ ပညာရည်ထူးချွန်
မြင့်မားမှုများအပါအ၀င် ယင်းနိုင်ငံ ၏ ရှည်လျားသည့် သမိုင်းကြောင်းနှင့်ယှဉ်၍ ဖြစ်ထွန်းပေါ်ပေါက်လာသည့်
ရိုးရာယဉ်ကျေးမှု အနုသုခုမများ၊ ဓလေ့ထုံးစံများ လည်း အပါအ၀င်ဖြစ်ကြောင်း၊ ရိုးရာအမွေအနှစ်များ
မပျောက်ပျက်စေရန်အတွက် မျိုးဆက်သစ် လူငယ်ပေါင်းများစွာက လက်ဆင့်ကမ်း ပခုံးပြောင်း ရယူနိုင်ရန်
ယခုကဲ့သို့ ပြိုင်ပွဲကြီးများကို ကျင်းပပေးနေခြင်းဖြစ်ကြောင်း။
ပညာရှင်ကြီးများ၊
မျိုးဆက်သစ်တိုင်းရင်းသားလူငယ်မောင်မယ်များ၊ အထောက် အကူပြု ပံ့ပိုးကြသည့် အဖွဲ့အစည်းများ
အနေဖြင့် မိမိတို့၏ ရိုးရာယဉ်ကျေးမှု ဓလေ့ထုံးစံများ၊ အနုသုခုမပညာရပ်များကို အထိအခိုက်
အပွန်းအပဲ့ အမှားအယွင်း အတိမ်းအစောင်းမခံဘဲ မြတ်နိုးစွာထိန်းသိမ်း လက်ဆင့်ကမ်းသယ်ဆောင်ပြီး
မြင့်မြတ်သည့် အမျိုးသားရေးတာဝန်တစ်ရပ် အနေဖြင့် ၀ိုင်းဝန်းပူးပေါင်း ကူညီဆောင်ရွက်ပေးကြပါရန်
တိုက်တွန်းလိုကြောင်း ပြောကြားသည်။
ထို့နောက် (၂၂)ကြိမ်မြောက်
မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲဖွင့်ပွဲကို
ဒုတိယသမ္မတ ဦးဟင်နရီဗန်ထီးယူနှင့် ပြည်ထောင်စုဝန်ကြီး သူရဦးအောင်ကိုတို့က ဖဲကြိုးဖြတ်ဖွင့်လှစ်ပေးကြသည်။
ယင်းနောက် မြန်မာနိုင်ငံဂီတအစည်းအရုံးနှင့်
အနုပညာဦးစီးဌာနမှ အနုပညာရှင်များက “မျိုးဂုဏ်တင့်စေ” တေးသီချင်းဖြင့် လည်းကောင်း၊
အနုပညာဦးစီးဌာနမှ အနုပညာရှင်များက “သာစွမြန်မာပြည်” တေးသီချင်းဖြင့်လည်းကောင်း သီဆိုကပြ
ဖျော်ဖြေကြသည်။
အခမ်းအနားအပြီးတွင်
ဒုတိယသမ္မတသည် ပြိုင်ပွဲကျင်းပရေး ဦးစီးကော်မတီဝင်များ၊ အကဲဖြတ်ဒိုင်များ၊ အုပ်ချုပ်သူများ၊
တိုင်းဒေသကြီးနှင့် ပြည်နယ်များမှ ပြိုင်ပွဲဝင်များအား လိုက်လံနှုတ်ဆက်ပြီး ပြိုင်ပွဲကျင်းပရေးဦးစီးကော်မတီနှင့်
လုပ်ငန်း ကော်မတီများမှ တာဝန်ရှိသူများနှင့်အတူ မှတ်တမ်းဓာတ်ပုံရိုက်ကြသည်။
No comments:
Post a Comment