Wednesday, October 26, 2016

ပြည်ထောင်စုရွေးကောက်ပွဲကော်မရှင်နှင့် ဝန်ကြီးဌာနများအကြား တွေ့ဆုံညှိနှိုင်းအစည်းအဝေးကျင်းပ

နေပြည်တော်  အောက်တိုဘာ  ၂၆
ပြည်ထောင်စုရွေးကောက်ပွဲကော်မရှင်နှင့် ဝန်ကြီးဌာနများအကြား တွေ့ဆုံညှိနှိုင်း အစည်းအဝေးကို ယနေ့နံနက် ၁၀ နာရီ တွင် နေပြည်တော်ရှိ ပြည်ထောင်စုရွေးကောက် ပွဲကော်မရှင်ရုံး အစည်းအဝေးခန်းမ၌ ကျင်းပသည်။

အစည်းအေးသို့ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးလှသိန်းနှင့် အဖွဲ့ဝင်များ၊ ဝန်ကြီးဌာန (၇) ခုမှ တာဝန်ရှိသူ များ တက်ရောက်ခဲ့ကြသည်။
ရှေးဦးစွာ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌက ကြားဖြတ်ရွေးကောက်ပွဲကို ၂၀၁၇ ခုနှစ် ဧပြီလ (၁) ရက်နေ့ တွင် ကျင်းပသွားမည်ဖြစ်ပြီး လစ်လပ်မဲဆန္ဒနယ်(၁၉) နေရာဖြစ်ကြောင်း၊ ရွေးကောက်ပွဲလုပ်ငန်းစဉ် အချိန်ဇယားကိုလည်း ထုတ်ပြန်ပေးပြီးဖြစ်ကြောင်း။
ကြားဖြတ်ရွေးကောက်ပွဲအတွက် မဲစာရင်းကို ၂၀၁၅ ခုနှစ် အထွေထွေရွေးကောက်ပွဲ၏ မဲစာရင်းအား အခြေခံဆောင်ရွက် ရန် ဥပဒေတွင် ပြဌာန်းထား၍ အဆိုပါမဲစာရင်းကို အခြေခံပြီး သက်ဆိုင်ရာ ရွေးကောက်ပွဲ ကော်မရှင် အဖွဲ့ခွဲအဆင့်ဆင့် အနေဖြင့် Door to Door  စိစစ်ကောက်ယူသွားရန် စီစဉ်ဆောင်ရွက်နေကြောင်း၊ သက်ဆိုင်ရာဝန်ကြီးဌာနများ အနေဖြင့် ပူးပေါင်းဆောင်ရွက်ပေးကြရန်  မေတ္တာရပ်ခံလိုကြောင်း၊ အစိုးရ၏ ခွင့်ပြုချက်ဖြင့် နိုင်ငံပြင်ပရောက်ရှိနေသည့် မဲဆန္ဒရှင်များ ကြိုတင်ဆန္ဒမဲပေးခြင်းနှင့်စပ်လျဉ်း၍ ၂၀၁၅ ရွေးကောက်ပွဲ၏ အားနည်းချက်များကိုသုံးသပ်ပြီး အဆင်ပြေချောမွေ့စေရန် နိုင်ငံခြားရေး ဝန်ကြီးဌာနနှင့် ညှိနှိုင်းဆောင်ရွက်သွားမည်ဖြစ်ကြောင်း၊ ပညာရေးဝန်ကြီးဌာနအနေဖြင့် လစ်လပ်မဲဆန္ဒနယ် များရှိ ယခင်မဲရုံပြုလုပ်ခဲ့သည့် စာသင်ကျောင်းများတွင် မဲရုံများပြုလုပ် နိုင်ရေး ဆောင်ရွက်ပေးစေလိုကြောင်း၊ မဲရုံမှူးနှင့် မဲရုံဝန်ထမ်းအများစုကိုလည်း ပညာရေး ဝန်ကြီးဌာနမှ ဆရာ/ ဆရာမများကိုသာ ခန့်ထားဆောင်ရွက်မှာဖြစ်၍ ကြိုတင်လျာ ထား ဆောင်ရွက်ပေးစေလိုကြောင်း၊ ကြားဖြတ်ရွေးကောက်ပွဲတွင်  ပြည်တွင်း/ ပြည်ပရွေးကောက်ပွဲ စောင့်ကြည့် လေ့လာရေးအဖွဲ့များကို စောင့်ကြည့်လေ့လာခွင့်ပြုသွားမည်ဖြစ်ကြောင်း၊ ကော်မရှင်အနေဖြင့် ၂၀၁၇ ခုနှစ် ကြားဖြတ် ရွေးကောက်ပွဲကို လွတ်လပ်တရားမျှပြီး ပြည်သူ့ဆန္ဒနှင့်အညီ ပွင့်လင်းမြင်သာမှုရှိသည့် ရွေးကောက်ပွဲဖြစ်အောင် ကျင်းပ ပေးသွားမည်ဖြစ်ကြောင်း ပြောကြားသည်။
ဆက်လက်၍ ကော်မရှင်အတွင်းရေးမှူး ဦးတင်ထွန်းက ၂၀၁၅ ခုနှစ် အထွေထွေ ရွေးကောက်ပွဲဆိုင်ရာလုပ်ငန်းစဉ်များတွင် သက်ဆိုင်ရာဝန်ကြီးဌာနများနှင့် ပူးပေါင်းဆောင်ရွက်ခဲ့ရာ၌ ကြုံတွေ့ခဲ့ရသည့် အားသာချက်၊ အားနည်းချက်များ၊ အစိုးရ၏ ခွင့်ပြုချက်ဖြင့် နိုင်ငံပြင်ပရောက်ရှိနေသည့် မဲဆန္ဒရှင်များ ကြိုတင်ဆန္ဒမဲပေးရာတွင် အဆင်ပြေ ချောမွေ့စွာ မဲပေးနိုင်ရေး အတွက် ဆောင်ရွက်ထားရှိသည့် အစီအမံများအား အသေးစိတ်ရှင်းလင်းတင်ပြပြီး တက်ရောက်လာသည့် ဝန်ကြီးဌာန များမှ တာဝန်ရှိသူများက ၂၀၁၅ ခုနှစ် အထွေထွေရွေးကောက်ပွဲ ဆောင်ရွက်ခဲ့ရာတွင် တွေ့ကြုံခဲ့ရသည့် အားနည်းချက် များအား အကြံပြုဆွေးနွေးတင်ပြ၍ ကြားဖြတ်ရွေးကောက်ပွဲဆိုင်ရာလုပ်ငန်းစဉ်များတွင် သက်ဆိုင်ရာ ကဏ္ဍများအလိုက် ပူးပေါင်းပါဝင်ကူညီ ဆောင်ရွက်မည့်အစီအမံများအား ရှင်းလင်းတင်ပြကြသည်။

(သတင်းစဉ်)

No comments:

Post a Comment