နေပြည်တော်
အောက်တိုဘာ ၅
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း)
ဒုတိယဗိုလ်ချုပ်မှူးကြီး စိုးဝင်းနှင့် အမေရိကန်ပြည်ထောင်စု ပစိဖိတ်ဌာနချုပ် (US
Pacific Command-PACOM)မှ Deputy Commander ဒုတိယဗိုလ်ချုပ်ကြီး Anthony
Crutchfield တို့သည် ယနေ့နံနက် ၉ နာရီတွင် နေပြည်တော်ရှိ ဘုရင့်နောင် ရိပ်သာ ဧည့်ခန်းမဆောင်၌
တွေ့ဆုံသည်။
ထိုသို့တွေ့ဆုံစဉ် မြန်မာနိုင်ငံ၏ ပြုပြင်ပြောင်းလဲရေးနှင့်
တပ်မတော်၏ အခန်းကဏ္ဍ၊ စစ်ဘက်အရပ်ဘက် ဆက်ဆံရေးအခြေအနေ၊ ငြိမ်းချမ်းရေးဖော်ဆောင်မှု လုပ်ငန်းစဉ်နှင့်
လတ်တလော ဖြစ်ပွားနေသည့် တိုက်ပွဲများ ကချင်ပြည်နယ်ရှိ IDP စခန်းများ၏ ပကတိအခြေအနေများ
မြန်မာ-အမေရိကန် တပ်မတော်နှစ်ရပ် ဆက်ဆံရေး အခြေအနေများကို ဆွေးနွေးကြသည်။
တွေ့ဆုံပွဲသို့ ဒုတိယဗိုလ်ချုပ်မှူးကြီး
စိုးဝင်းနှင့်အတူ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ တက်ရောက်ကြပြီး
ဒုတိယဗိုလ်ချုပ်ကြီး Anthony Crutchfield နှင့်အတူ မြန်မာနိုင်ငံဆိုင်ရာ အမေရိကန် နိုင်ငံသံအမတ်ကြီး
H.E.Mr. Scot Marciel၊ ကြည်းတပ်စစ်သံမှူး Col.James McAden၊ လေတပ်စစ်သံမှူး Lt.
Col. Rachel Smith နှင့် တာဝန်ရှိသူတို့တက်ရောက်ကြသည်။
No comments:
Post a Comment