ဒုတိယသမ္မတ ဦးဉာဏ်ထွန်း အာဆီယံစီးပွားရေးအသိုက်အ၀န်းအတွင်း စွန့်ဦးတီထွင်မှုနှင့် ဆန်းသစ်တီထွင်မှု တိုးမြှင့်စေခြင်း ဆွေးနွေးပွဲသို့ တက်ရောက်

ကယ်လီဖိုးနီးယား ဖေဖော်ဝါရီ၁၅

အမေရိကန်-အာဆီယံ ခေါင်းဆောင်များထိပ်သီးအစည်းအဝေး ပထမပိုင်း အစီအစဉ်ဖြစ်သည့် အာဆီယံစီးပွားရေး အသိုက်အ၀န်း (Promoting an innovative, Enterpreneurial ASEAN Economic Community) ကို ဖေဖော်ဝါရီ ၁၅ ရက် ဒေသစံတော်ချိန် ညနေ ၃ နာရီ ၃၅မိနစ်တွင် အမေရိကန်ပြည်ထောင်စု ကယ်လီဖိုးနီးယား ပြည်နယ် Rancho Mirage မြို့ရှိ Sunny Lands ၌ ကျင်းပရာ ပြည်ထောင်စုသမ္မတ မြန်မာနိုင်ငံတော် ဒုတိယ သမ္မတ ဦးဉာဏ်ထွန်း တက်ရောက်သည်။

ဒုတိယသမ္မတ ဦးဉာဏ်ထွန်းသည် ညနေ(၃)နာရီတွင် အာဆီယံ ခေါင်းဆောင်များနှင့်အတူ Sunny Lands သို့ရောက်ရှိရာ အမေရိကန်သမ္မတ ဘားရက် အိုဘားမား က ခင်မင်ရင်းနှီးစွာ ကြိုဆိုနှုတ်ဆက်သည်။

အဆိုပါအစည်းအဝေးသို့ အမေရိကန်သမ္မတ ဘားရက်အိုဘားမား၊ အာဆီယံ အလှည့်ကျဥက္ကဋ္ဌ လာအိုဒီမိုကရက်တစ် သမ္မတနိုင်ငံ သမ္မတ ကျူမာလီဆိုင်ည ဆွန်၊ဘရူနိုင်းဒါရူဆလမ်နိုင်ငံဘုရင် ဆူလ်တန် ဟာဂျီဟာ ဆန်နယ် ဘိုလ်ကီး ယား မူအစ်ဇာဒင် ဝါဒေါင်လာ၊ ဖိလစ်ပိုင်သမ္မတနိုင်ငံ သမ္မတ ဘီနစ်ဂ်နိုအကွီနို၊ အင်ဒိုနီးရှားနိုင်ငံသမ္မတ မစ္စတာဂျိုကိုဝီဒိုဒို၊ ကမ္ဘော ဒီးယားနိုင်ငံဝန်ကြီးချုပ် ဆမ်ဒက်ခ်ဟွန်ဆန်၊ စင်ကာပူနိုင်ငံဝန်ကြီးချုပ် လီရှန်လွန်း၊ ဗီယက်နမ်နိုင်ငံ ဝန်ကြီးချုပ် ငုယင်တန်ဇွန်း၊မလေးရှားနိုင်ငံ ဝန်ကြီးချုပ် ဒါတိုဆရီဟာဂျီမိုဟာ မက်နာဂျစ်၊ ထိုင်းနိုင်ငံဝန်ကြီးချုပ် ပရာယွတ် ချန်အိုချာ၊ အာဆီယံနိုင်ငံများ မှဝန်ကြီးများ၊ အာဆီယံအတွင်းရေးမှူးချုပ် မစ္စတာလီလျောင်မင်နှင့် တာဝန်ရှိသူများ တက်ရောက်ကြသည်။

အစည်းအဝေးတွင် အမေရိကန်သမ္မတဘားရက်အိုဘားမားက အဖွင့်အမှာစကား ပြောကြားသည်။ ထို့နောက် လာအို ဒီမိုကရက်တစ် သမ္မတနိုင်ငံသမ္မတ ကျူမာလီ ဆိုင်ညဆွန်က အဖွင့်အမှာစကားပြောကြားသည်။

ဆက်လက်၍အမေရိကန်သမ္မတနှင့် အာဆီယံနိုင်ငံများမှ အကြီးအကဲများ၊ အစိုးရအဖွဲ့အကြီးအကဲများက တီထွင် ဆန်းသစ်မှုနှင့် စွမ်းဆောင်ရည် မြှင့်တင်ခြင်းဖြင့် ဒေသတွင်းကြွယ်ဝချမ်းသာမှုကို တိုးမြှင့်နိုင်ရေးနှင့် စပ်လျဉ်း၍ အပြန်အလှန်ဆွေးနွေးကြသည်။

ထို့နောက် လာအိုနိုင်ငံသမ္မတနှင့် အမေရိကန်သမ္မတတို့က နိဂုံးချုပ် အမှာစကား ပြောကြားကြသည်။

အစည်းအဝေးတွင် ဒုတိယသမ္မတ ဦးဉာဏ်ထွန်းက ယခု ထိပ်သီးအစည်းဝေးကို အမေရိကန်နိုင်ငံတွင် ပထမဆုံးကျင်းပ နိုင်သည့် အခြေအနေမှတစ်ဆင့် အမေရိကန်-အာဆီယံဆက်ဆံရေးကို ပိုမိုတိုးမြှင့်နိုင်ရေး၊ တစ်ခုတည်းသော အာဆီယံ စီးပွားရေးအသိုက်အ၀န်းတွင် အပြည့်အ၀ ပါဝင်နိုင်ရေးအတွက် မြန်မာနိုင်ငံ၏ ကြိုးပမ်းဆောင်ရွက်မှုအခြေအနေ၊ မြန်မာ နိုင်ငံမှ အသေးစားနှင့် အလတ်စားစီးပွားရေး လုပ်ငန်းရှင်များအနေဖြင့် အာဆီယံစီးပွားရေး အသိုက်အ၀န်းတွင် ပေါ်ပေါက် လာသည့် အခွင့်အလမ်းများကို အသုံးပြုပြီး အခြားအဖွဲ့ဝင်နိုင်ငံများမှ စီးပွားရေးလုပ်ငန်းရှင်များနည်းတူ နိုင်ငံတကာ ဈေးကွက်တွင် ယှဉ်ပြိုင်နိုင်ရေး ကြိုးပမ်းဆောင်ရွက်မှုများ၊ ထိုသို့ တန်းတူယှဉ်ပြိုင်နိုင်စွမ်းရှိရန်အတွက် အမေရိကန်နိုင်ငံ အနေဖြင့် မြန်မာနိုင်ငံ အပေါ် ဖွံ့ဖြိုးမှုနိမ့်ကျသည့် နိုင်ငံများသို့ ပေးအပ်သည့် အထူးအခွင့်အရေး Generalized System Preference (GSP)များ ပေးအပ်ခြင်းနှင့် ကျန်ရှိနေသော စီးပွားရေးပိတ်ဆို့ အရေးယူမှုများကို ဖယ်ရှားပေးရန် လိုအပ်သည့် အခြေအနေများကို ဆွေးနွေးခဲ့သည်။

ထို့ပြင် ဒုတိယသမ္မတက အမေရိကန်သမ္မတ ဘားရက်အိုဘားမား အဆိုပြုသည့် အမေရိကန်-အာဆီယံ ပေါင်းစပ် ဆက်သွယ်ရေး US- ASEAN Connect အစီအစဉ်ကို ကြိုဆိုကြောင်းနှင့် မြန်မာနိုင်ငံအနေဖြင့် အာဆီယံ အဖွဲ့ဝင်နိုင်ငံ များနှင့်လည်းကောင်း၊ အမေရိကန် ပြည်ထောင်စုနှင့်လည်းကောင်း ချစ်ကြည်ရင်းနှီးမှုကို တိုးမြှင့်ရေး၊ ကုန်သွယ်မှုနှင့် ရင်းနှီးမြှုပ်နှံမှုများ မြှင့်တင် နိုင်ရေးအတွက် ပူးပေါင်းဆောင်ရွက်ရန် ဆန္ဒရှိကြောင်း ထပ်လောင်းပြောကြားခဲ့သည်။

ယနေ့အစည်းအဝေးတွင် အမေရိကန် အမှုဆောင်အရာရှိချုပ်များ ဖြစ်ကြသည့် Mr. Staya Nadella (CEO, Microsoft) ၊ Mrs.Ginni Rometty (CEO, IBM) နှင့် Mr. Chuck Robbins (CEO, CISCO System)တို့က ဒီဂျစ်တယ် နည်းပညာဖြင့် အစိုးရနှင့် စီးပွားရေးလုပ်ငန်းများ၏ စွမ်းဆောင်ရည်နှင့် တီထွင်ဆန်းသစ်နိုင်စွမ်းများကို မြှင့်တင်နိုင်မည့် အလားအလာများ အား ရှင်းလင်းပြောကြားခဲ့ပြီး နိုင်ငံ့ခေါင်းဆောင်များ၏ မေးမြန်း ချက်များကို ပြန် လည်ဖြေကြားခဲ့ကြသည်။

ညပိုင်းတွင် ဒုတိယသမ္မတ ဦးဉာဏ်ထွန်းသည် အာဆီယံနိုင်ငံများမှ အကြီးအကဲများ၊ အစိုးရအဖွဲ့ အကြီးအကဲများနှင့်အတူ အမေရိကန်သမ္မတ ဘားရက် အိုဘားမား ကအမေရိကန်-အာဆီယံ ခေါင်းဆောင်များ ထိပ်သီးအစည်းအဝေးသို့ တက်ရောက်လာကြသည့် ခေါင်းဆောင်များအား တည်ခင်းဧည့်ခံသည့် ညစာစားပွဲသို့ တက်ရောက်သည်။