နေပြည်တော်၊ ဇန်နဝါရီ ၂၂
7 Day News ဂျာနယ်၏ ဇန်နဝါရီ ၁၃ ရက်ထုတ်
အတွဲ-၁၄၊ အမှတ်စဉ် ၄၅ စာမျက်နှာ၂၃တွင် “ပုဂံဘုရားပွဲအသစ်နှင့် ပုဂံအမြင်သစ်” ခေါင်းစဉ်ဖြင့်
သတင်းဆောင်းပါးနှင့် တွဲလျက် ဗုဒ္ဓဘာသာဝင်များ အထွဋ်အမြတ်ထားရှိသည့် ပုဂံရှေးဟောင်းဘုရားစေတီပုထိုးများနှင့်ကမုတ်ခွက်ကို
တွဲဖက်၍ သရုပ်ဖော် ပုံဖော်ပြခဲ့ပြီးနောက်ဇန်နဝါရီ ၁၆ ရက်ထုတ် 7 Day Daily သတင်းစာနှင့်
ဇန်နဝါရီ ၂၀ ရက်ထုတ် 7 Day News ဂျာနယ်တို့တွင်ထိုသို့ဖော်ပြခဲ့ခြင်းနှင့် ပတ်သက်၍
"ရဟန်းရှင်လူ ပြည်သူများအား တောင်းပန်အပ်ပါကြောင်း" ပြန် လည်ဖော်ပြခဲ့သည်ကို
တွေ့ရှိရသည်။
ထိုကဲ့သို့7 Day Daily သတင်းစာနှင့်
7 Day News ဂျာနယ်တို့တွင်ပြန် လည်တောင်းပန်ခဲ့သော်လည်းအချို့သော ရဟန်းရှင်လူပြည်သူများ
မှာကျေနပ် မှုမရှိကြောင်း သိရှိရသဖြင့် 7 Day News ဂျာနယ်အနေဖြင့် ဘာသာရေး ဆိုင်ရာကိစ္စရပ်များ
ဖော်ပြမည်ဆိုပါက အထူးအလေး ထားဆောင်ရွက် သွားရေး မြန်မာနိုင်ငံသတင်းမီဒီယာ ကောင်စီမှ
သက်ဆိုင်ရာ ဂျာနယ်သို့ အကြောင်းကြားပေးနိုင်ပါရန် သာသနာရေးဝန်ကြီးဌာနမှ ပြန်ကြားရေး
ဝန်ကြီးဌာနသို့ညှိနှိုင်းခဲ့သည်။
အဆိုပါဖြစ်စဉ်နှင့်ပတ်သက်၍ ပြန်ကြားရေးဝန်ကြီးဌာနမှ
မြန်မာနိုင်ငံသတင်း မီဒီယာကောင်စီထံသို့ 7 Day News ဂျာနယ်အနေဖြင့် ဘာသာရေးဆိုင်ရာ
များ ဖော်ပြရာတွင် အလေးထားလိုက်နာဆောင်ရွက်ရေးအတွက် သတင်း မီဒီယာဥပဒေပါ မီဒီယာကျင့်ဝတ်များနှင့်အညီဆက်လက်ဆောင်ရွက်နိုင်ပါရန်
အကြောင်းကြားထားကြောင်း သတင်းရရှိသည်။
No comments:
Post a Comment