နိုင်ငံတော်သမ္မတ ဦးသိန်းစိန် မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့အစည်းအဝေးသို့ တက်ရောက် အဖွင့်အမှာစကား ပြောကြား

နေပြည်တော် ဒီဇင်ဘာ ၂၁

မြန်မာအထူးစီးပွားရေးဇုန်ဆိုင်ရာဗဟိုအဖွဲ့အစည်းအဝေးကို ယနေ့မွန်းလွဲ ၂နာရီတွင် နိုင်ငံတော်သမ္မတ အိမ်တော်ရှိ ပြည်ထောင်စုအစိုးရအဖွဲ့ရုံးအစည်းအဝေးခန်းမ၌ ကျင်းပရာ မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့ဥက္ကဋ္ဌ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်တက်ရောက် အဖွင့်အမှာစကားပြောကြားသည်။

အစည်းအဝေးသို့ ဒုတိယသမ္မတ ဒေါက်တာစိုင်းမောက်ခမ်း၊  မြန်မာအထူးစီးပွားရေး ဇုန်ဆိုင်ရာဗဟိုလုပ်ငန်းအဖွဲ့ဥက္ကဋ္ဌ ဒုတိယသမ္မတ ဦးဥာဏ်ထွန်း၊  ဗဟိုအဖွဲ့ အတွင်းရေးမှူး ပြည်ထောင်စုဝန်ကြီး ဒေါက်တာကံဇော်၊ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ အထူးစီးပွားရေးဇုန် စီမံခန့်ခွဲမှုကော်မတီ ဥက္ကဋ္ဌများဖြစ်ကြသည့် ဒုတိယ၀န်ကြီးများနှင့် မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ၊ ဒုတိယ၀န်ကြီးများ၊ တာဝန်ရှိသူများနှင့် ဖိတ်ကြားထားသူများတက်ရောက်ကြသည်။

အစည်းအဝေးတွင် မြန်မာအထူးစီးပွားရေးဇုန်ဆိုင်ရာဗဟိုအဖွဲ့ဥက္ကဋ္ဌ နိုင်ငံတော် သမ္မတ ဦးသိန်းစိန်က အဖွင့်အမှာစကားပြောကြားရာ၌ မိမိတို့အစိုးရလက်ထက် ၂၀၁၁ ခုနှစ်ကစပြီး အထူးစီးပွားရေးဇုန်များ အကောင်အထည်ဖော်မှုကို မူဝါဒပိုင်းအဆင့် (Policy Level)၊ ညှိနှိုင်းမှုအဆင့် (Coordination Level)၊ အကောင်အထည်ဖော်မှု အဆင့် (Impementation Level)များတွင်ညှိနှိုင်းဆောင်ရွက်မှုများကို အသီးသီး ဆောင်ရွက်ခဲ့ပြီးဖြစ်ပါကြောင်း။          ယခုဆောင်ရွက်မှုများ၏ အသီးအပွင့်ကို နောင် တစ်ချိန်တွင် ခံစားနိုင်ရေးအတွက် အစိုးရအဆက်ဆက် လက်ဆင့်ကမ်း ဆောင်ရွက်ကြ ရမည်ဖြစ်ပါကြောင်း၊ ထို့ကြောင့် တာဝန်ရှိသူအသီးသီးအနေဖြင့် မိမိတို့၏ ဆောင်ရွက် ဆဲလုပ်ငန်းများနှင့် ဆက်လက်ဆောင်ရွက်ရန် ကျန်ရှိသည့်ကိစ္စရပ်များကိုလည်း အကောင်းဆုံး ကြိုးပမ်းဆောင်ရွက်သွားရန် ပြောကြားလိုပါကြောင်း။

ထားဝယ်အထူးစီးပွားရေးဇုန်နှင့် ဆက်စပ်စီမံကိန်းဧရိယာများ အကောင်အထည် ဖော်နိုင်မှုသည် မြန်မာ-ထိုင်းနှစ်နိုင်ငံအတွက်သာမက ဒေသတွင်းနိုင်ငံများအတွက် လည်း အကျိုးကျေးဇူးများရရှိမည် ဖြစ်ပါကြောင်း၊ ထားဝယ်အထူးစီးပွားရေးဇုန်တွင် ဂျပန်နိုင်ငံပါဝင်လာခြင်းဖြင့် စီမံကိန်းအကောင်အထည်ဖော်မှု ပိုမိုထိရောက် မြန်ဆန်လာမည်ဖြစ်သည့်အတွက် တည်ဆောက်ရေးလုပ်ငန်းများကို အရှိန်အဟုန်မြှင့် ဆက်လက် ဆောင်ရွက်သွားရန် တိုက်တွန်းလိုပါကြောင်း။

သီလဝါအထူးစီးပွားရေးဇုန်သည် ဂျပန်နိုင်ငံ၏ စိတ်ပါဝင်စားမှုအပြည့်အ၀ ရရှိခဲ့သဖြင့် အောင်မြင်မှုအရှိန်အဟုန်ကို ဆက်လက်ထိန်းထားနိုင်ရန် လုပ်ငန်း အဆင့်အဆင့်ကို သတ်မှတ်ချိန်များအတွင်း ပြီးစီးအောင်ဆောင်ရွက်သွားကြရန် မှာကြားလိုပါကြောင်း။

ကျောက်ဖြူအထူးစီးပွားရေးဇုန်အတွက် အကြံပေးကုမ္ပဏီ၊ မြန်မာနိုင်ငံဘက်နှင့် Preferred Bidder တို့အကြား တင်ဒါရလဒ်ကြေညာနိုင်ရန်အတွက် ပြီးစီးအောင် ဆောင်ရွက်သွားကြရန် မှာကြားလိုပါကြောင်း၊ သို့မှသာ နောင်အစိုးရအနေဖြင့် အလွယ်အကူ ဆက်လက်အကောင်အထည်ဖေါ် ဆောင်ရွက်သွားနိုင်မည် ဖြစ်ပါ ကြောင်း။

မိမိတို့ လက်ရှိဖော်ဆောင်နေသည့် အထူးစီးပွားရေးဇုန်များသည် ပင်လယ် ကမ်းရိုးတန်း၊ ရေဆိပ်လမ်းကြောင်းများအပေါ်တည်ရှိပြီး မိမိနိုင်ငံအတွက်သာမက အာဆီယံနိုင်ငံများအတွက်လည်း connectivity ရှုထောင့်ကကြည့်လျှင် အရေးကြီး သည့် မဟာဗျူဟာကျသောနေရာတွင်ရှိသဖြင့် အောင်မြင်အောင် ဆောင်ရွက်ရန် တိုက်တွန်းပြောကြားသည်။

ယင်းနောက် မြန်မာအထူးစီးပွားရေးဇုန်ဆိုင်ရာဗဟိုလုပ်ငန်းအဖွဲ့ဥက္ကဋ္ဌ ဒုတိယ သမ္မတ ဦးဥာဏ်ထွန်းက ဆွေးနွေးတင်ပြရာတွင်  မြန်မာနိုင်ငံရှိ ထားဝယ်၊ ကျောက်ဖြူနှင့် သီလဝါဟူ၍ အထူးစီးပွားရေးဇုန် ၃ ခု စတင်ဆောင်ရွက်ခဲ့ရာ အထူးစီးပွားရေးဇုန်များ အကောင်အထည်ဖော်မှုကို ကြီးကြပ်ကွပ်ကဲနိုင်ရန် မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့၊ မြန်မာအထူးစီးပွားရေးဇုန်ဆိုင်ရာ ဗဟိုလုပ်ငန်းအဖွဲ့၊ သက်ဆိုင်ရာဇုန် အလိုက် စီမံခန့်ခွဲမှုကော်မတီများကို စနစ်တကျဖွဲ့စည်းနိုင်ခဲ့ပြီး ဖြစ်သကဲ့သို့ နောင်ပေါ်ထွန်းလာမည့် အစိုးရသစ်လက်ထက်တွင် အရှိန်အဟုန်မပြတ် ဆက်လက် ဆောင်ရွက်သွားနိုင်ရန် အထူးစီးပွားရေးဇုန်များ ပေါင်းစပ်ညှိနှိုင်းရေးအဖွဲ့ကိုလည်း ၂၀၁၅ ခုနှစ် စက်တင်ဘာ ၃ ရက်တွင် အမိန့်ကြော်ငြာစာအမှတ် ၂/၂၀၁၅ ဖြင့် ထုတ်ပြန် ဖွဲ့စည်းခဲ့ပြီးဖြစ်ပါကြောင်း။

အထူးစီးပွားရေးဇုန် (၃)ခုလျာထားခဲ့ရာတွင် အောင်မြင်မှုအရှိဆုံးနှင့် လက်တွေ့ စတင်ဖော်ထုတ်နိုင်သည်မှာ သီလဝါအထူးစီးပွားရေးဇုန်ပင် ဖြစ်ပါ ကြောင်း။ သီလဝါ အထူးစီးပွားရေးဇုန် ပထမအဆင့်(၁) အနေဖြင့် ဟက်တာ ၄၀၀ ရှိသည့် Residential Area နှင့် Commercial Area ကို လုပ်ဆောင်မည် ဖြစ်ပါကြောင်း။        

ဆက်လက်၍သီလဝါအထူးစီးပွားရေးဇုန်၏ ဒုတိယအဆင့်အနေဖြင့် ဟက်တာ ၇၀၀ ကို စတင်အကောင်အထည်ဖော် ဆောင်ရွက်မည်ဖြစ်ပြီး ဟက်တာ (၇၀၀) အကောင်အထည်ဖော်မည့် MOU စာချုပ် လက်မှတ်ရေးထိုးရန်အတွက် ၂၀၁၅ ခုနှစ် နိုဝင်ဘာ ၂၇ ရက်တွင်  အစည်းအဝေး ကျင်းပခဲ့ပါကြောင်း။

အထူးစီးပွားရေးဇုန်များ အကောင်အထည်ဖော်နိုင်မှုနှင့်ပတ်သက်ပြီး လက်ရှိ ဆောင်ရွက်နေမှုအခြေအနေကို သုံးသပ်ရလျှင်ထားဝယ်အထူးစီးပွားရေးဇုန်၌ Roland Berger ကုမ္ပဏီအနေဖြင့် Project Management Office (PMO)အဖြစ် ဆက်လက် ဆောင်ရွက်ပြီး ကနဦးစီမံကိန်းများပြီးစီးရေးအတွက် ဆောင်ရွက်လျက်ရှိနေပြီ ဖြစ်ပါကြောင်း။

သီလဝါအထူးစီးပွားရေးဇုန်တွင်ရင်းနှီးမြှုပ်နှံမှုအနေဖြင့် ၂၀၁၄ခုနှစ် နိုဝင်ဘာ ၂၅ ရက်မှ ၂၀၁၅ခုနှစ် ဒီဇင်ဘာ ၁၈ ရက်အထိ နိုင်ငံပေါင်း(၁၂) နိုင်ငံမှ ကုမ္ပဏီ ၄၈ ခုအား ရင်းနှီးမြှုပ်နှံမှုခွင့်ပြုမိန့် ထုတ်ပေးခဲ့ပြီး ကုမ္ပဏီ ၄၆ ခုအား ဖွဲ့စည်း မှတ်ပုံတင် ပေးခဲ့ပါကြောင်း၊ ကုမ္ပဏီ ၄၈ ခု၏ ရင်းနှီးမြှုပ်နှံမှုစုစုပေါင်းမှာ အမေရိကန်ဒေါ်လာ  သန်း ၅၀၀ ကျော် ရှိပြီဖြစ်ပါကြောင်း။

ကျောက်ဖြူအထူးစီးပွားရေးဇုန် အကောင်အထည်ဖော်ရာတွင် လမ်းညွှန်အသုံးပြု ဆောင်ရွက်နိုင်မည့် ဒေသလွှမ်းခြုံပင်မစီမံချက် (Regional Master Plan) ကို CPG အကြံပေးကုမ္ပဏီအုပ်စုမှ ၂၀၁၄ ခုနှစ် စက်တင်ဘာ ၂၄ ရက်တွင် အပြီးသတ် ရေးဆွဲထားရှိပြီးဖြစ်ပါကြောင်း။ ဒေသလွှမ်းခြုံပင်မစီမံချက် (Regional Master Plan)တွင် ကျောက်ဖြူမြို့နယ်၊ ရမ်းဗြဲမြို့နယ်နှင့် မာန်အောင်မြို့နယ်တို့ပါဝင်ပြီး ကျောက်ဖြူ ဒေသတစ်ခုလုံးလွှမ်းခြုံပါဝင်ပါကြောင်း၊ဒေသလွှမ်းခြုံပင်မ စီမံချက် (Regional Master Plan)ကို ပြည်ထောင်စုအစိုးရအဖွဲ့၏ (၁၉/၂၀၁၅) ကြိမ်မြောက်အစည်းအဝေးမှ အတည်ပြုပြီးဖြစ်ပါကြောင်း။

ကျောက်ဖြူအထူးစီးပွားရေးဇုန် တည်နေရာအတည်ပြု တိုင်းတာသတ်မှတ် ကြေညာရန်အတွက် တိုင်းတာပြီးစီးသည့် မြေဧရိယာ၄၂၈၉ ဒသမ ၃၂ဧကအား အမိန့်ကြော်ငြာစာ ထုတ်ပြန်နိုင်ရေးအတွက် ပြည်ထောင်စုအစိုးရအဖွဲ့၏ ခွင့်ပြုချက်ဖြင့် ပြည်ထောင်စုလွှတ်တော်သို့တင်ပြထားပြီး အတည်ပြုချက် ရရှိသည်နှင့် အမိန့် ကြော်ငြာစာ ထုတ်ပြန်သွားမည်ဖြစ်ပါကြောင်း ပြောကြားသည်။

ဆက်လက်၍ ဗဟိုအဖွဲ့အတွင်းရေးမှူး ပြည်ထောင်စုဝန်ကြီး ဒေါက်တာကံဇော် က ၂၀၁၁ခုနှစ်မှ ၂၀၁၅ခုနှစ်အထိ ထားဝယ်၊ သီလ၀ါနှင့် ကျောက်ဖြူ အထူးစီးပွားရေး ဇုန်များအကောင်အထည်ဖော် ဆောင်ရွက်နေမှုနှင့် စပ်လျဉ်း၍ ဆောင်ရွက်ပြီး၊ ဆောင်ရွက် ဆဲနှင့် ဆက်လက်ဆောင်ရွက်မည့် လုပ်ငန်းအခြေအနေများကို ရှင်းလင်းတင်ပြသည်။

ထို့နောက် ထားဝယ်စီးပွားရေးဇုန် စီမံခန့်ခွဲမှုကော်မတီဥက္ကဋ္ဌ ပို့ဆောင်ရေးဝန်ကြီးဌာန ဒုတိယ၀န်ကြီး ဦးဟံစိန်၊ သီလ၀ါအထူးစီးပွားရေးဇုန် စီမံခန့်ခွဲမှုကော်မတီဥက္ကဋ္ဌ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးဆက်အောင်၊ ကျောက်ဖြူအထူးစီးပွားရေးဇုန် စီမံခန့်ခွဲမှုကော်မတီဥက္ကဋ္ဌ ရထားပို့ဆောင်ရေးဝန်ကြီးဌာန ဒုတိယ၀န်ကြီး ဦးမြင့်သိန်းတို့က ဇုန်အလိုက် ဆောင်ရွက်ထားရှိမှု အခြေအနေများအား ရှင်းလင်းတင်ပြကြသည်။

ယင်းနောက် တက်ရောက်လာသူများက အထွေထွေကိစ္စရပ်များကို ဆွေးနွေး တင်ပြကြသည်။

ထို့နောက် နိုင်ငံတော်သမ္မတက နိဂုံးချုပ်အမှာစကားပြောကြားရာတွင် ကျောက်ဖြူ အထူးစီးပွားရေးဇုန် တင်ဒါရလဒ်ကြေညာနိုင်ရန်အတွက် ပြီးစီးအောင် ဆောင်ရွက် သွားကြရန်မှာကြားလိုကြောင်း၊ မိမိတို့လက်ရှိဖော်ဆောင်နေသည့် အထူးစီးပွားရေးဇုန်များ အားလုံး သည်မိမိနိုင်ငံနှင့် ပြည်သူများအတွက်သာမကဒေသတစ်ခုလုံးအတွက် အကျိုးရှိ မည်ဖြစ်၍ သတ်မှတ်ချိန်များအတွင်း အမြန်ပြီးစီးအောင် ဆောင်ရွက်သွားကြရန်ဖြစ်ကြောင်း တိုက်တွန်း ပြောကြားသည်။