ပြည်ထောင်စု ရွေးကောက်ပွဲ ကော်မရှင်ရုံးမှ ရွေးကောက်ပွဲဆိုင်ရာ အသိပညာပေးသင်တန်း အမှတ်စဉ် (၄/၂၀၁၅) ဖွင့်လှစ်

 

နေပြည်တော်  မေ ၂၈

ပြည်ထောင်စုရွေးကောက်ပွဲ ကော်မရှင်မှ ရွေးကောက်ပွဲဆိုင်ရာ အသိပညာပေး သင်တန်း အမှတ်စဉ်(၄/၂၀၁၅) ကို ပြည်နယ် အတွင်းရှိ ခရိုင်ရွေးကောက်ပွဲ ကော်မရှင် အဖွဲ့ခွဲများ၊ နိုင်ငံရေးပါတီများနှင့် လူမှုအဖွဲ့အစည်းများမှ သင်တန်းသား(၅၇)ဦးဖြင့် မေ ၂၈ ရက်မှ ၂၉ ရက်ထိ နှစ်ရက်ကြာ ဖွင့်လှစ်သွားမည်ဖြစ်သည်။ အဆိုပါ သင်တန်း ဖွင့်ပွဲအခမ်းအနားကို ယနေ့ နံနက် ၈ နာရီတွင် နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ရုံး အစည်းအဝေး ခန်းမ၌ ကျင်းပပြုလုပ်ရာ ပြည်ထောင် စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက အဖွင့် အမှာစကား ပြောကြားခဲ့ပြီး ကော်မရှင်အဖွဲ့ဝင်များ၊ အတွင်းရေးမှူးနှင့် တာဝန်ရှိသူများ တက်ရောက်ခဲ့ကြသည်။

ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌက အမှာစကား ပြောကြားရာတွင် သင်တန်း ဖွင့်လှစ်ရခြင်းမှာ ရွေးကောက် ပွဲကော်မရှင် အဖွဲ့ခွဲအဆင့်ဆင့်ရှိ ဝန်ထမ်းများ၊ နိုင်ငံရေးပါတီများ၊ လူမှုအဖွဲ့ အစည်းများအနေဖြင့် ရွေးကောက်ပွဲဆိုင်ရာ ဥပဒေ၊ နည်းဥပဒေများ၊ လုပ်ငန်း လမ်းညွှန်များနှင့် အမိန့်ညွှန်ကြားချက်များကို သိရှိ နားလည်ပြီး မိမိတာဝန်ယူရည့် လုပ်ငန်းပိုင်း တွင် ကျွမ်းကျင်ပိုင်နိုင်စွာ ဆောင်ရွက်နိုင်စေရန်နှင့် ၂၀၁၅ ခုနှစ် အထွေထွေ ရွေးကောက်ပွဲကို ဥပဒေနှင့်အညီ လွတ်လပ်မျှတ၍ ပွင့်လင်းမြင်သာစွာ ကျင်းပပေးနိုင်စေရန် ဖြစ်ကြောင်း။ 

အခြေခံမဲဆန္ဒရှင် စာရင်းကို တစ်နိုင်ငံလုံး အတိုင်းအတာဖြင့် ကြိုတင်ဆောင်ရွက်လျက် ရှိကြောင်း၊ ရန်ကုန်တိုင်း ဒေသကြီး  ၁၄  မြို့နယ်နှင့် နေပြည်တော် ကောင်စီနယ်မြေ  ၈ မြို့နယ် တို့၌ မေ ၂၅ ရက်တွင် ကြေညာခဲ့ပြီး ဖြစ်ကြောင်း၊ မဲဆန္ဒရှင်များအနေဖြင့် မဲစာရင်း ကပ်ထား ကြေညာထားသည့် သက်ဆိုင်ရာ ရပ်ကွက်/ကျေးရွာ အုပ်စု ရွေးကောက်ပွဲကော်မရှင် အဖွဲ့ခွဲ ရုံးများတွင် သွားရောက် ကြည့်ရှုနိုင်သည့်အပြင် Website မှ ကြည့်ရှု နိုင်ရေးအတွက် မဲဆန္ဒရှင် စာရင်းကြည့်ရှုစစ်ဆေးခြင်း ဝက်ဘ်ဆိုက်ကို လွှင့်တင်ထားပြီးဖြစ်ကြောင်း၊ မဲဆန္ဒရှင် များအနေဖြင့် ၄င်းတို့ အမည်စာရင်းရှိရာ မြို့နယ်များ၏ မဲစာရင်းများတွင် ၄င်းတို့အမည် ပါ/ မပါကို လူကိုယ်တိုင် သွားရောက်ရန်မလိုဘဲ ကြည့်ရှုစစ်ဆေးနိုင်မည်ဖြစ်ပြီး လိုအပ်သော ပြင်ဆင်၊ ဖြည့်စွက်၊ ပယ်ဖျက်မှုများ ပြုလုပ်ဆောင်ရွက်နိုင်မည်ဖြစ်ကြောင်း၊ ကျန်မဲစာရင်း ထုတ်ပြန်ခြင်း မရှိသေးသည့်မြို့နယ်များကိုလည်း မဲစာရင်း ထုတ်ပြန်ပြီးပါက Website မှကြည့်နိုင်ရေး ဆက်လက် ဆောင်ရွက်သွားမည်ဖြစ်ကြောင်း၊ မဲစာရင်းပါမှ မဲပေးနိုင်မည် ဖြစ် သဖြင့် ပြည်သူလူထုအနေဖြင့် မဲစာရင်း ကြည့်ရှုရေးနှင့် ပြည့်စုံမှန်ကန်သော မဲစာရင်းဖြစ်ရေး ပူးပေါင်းဆောင်ရွက်ကြ ရန် ကော်မရှင် အဖွဲ့ခွဲ အဆင့်ဆင့်၊ နိုင်ငံရေး ပါတီများ၊ လူမှုအဖွဲ့အစည်း များနှင့် မီဒီယာများက တိုက်တွန်းအသိပညာပေးစေ လိုကြောင်း။ 

ပြည်ထောင်စုရွေးကောက်ပွဲ ကော်မရှင်အနေဖြင့်  လွတ်လပ်မျှတသည့် ရွေးကောက်ပွဲကို အောင်မြင်စွာ ကျင်းပ နိုင်ရေး အတွက် နိုင်ငံရေး ပါတီများ၊ လူမှုအဖွဲ့အစည်းများ၊ မီဒီယာများ စသည့် ကဏ္ဍစုံမှပါဝင် ပတ်သက် သူများအား သတင်းအချက် အလက်များ ပိုမိုလျင်မြန် လွယ်ကူစွာ ရရှိနိုင်ရန် ရည်ရွယ်ပြီး ရန်ကုန်မြို့ ရွှေလီ လမ်းရှိ ပြည်ထောင်စု ရွေးကောက်ပွဲ ကော်မရှင် ရုံးခွဲတွင် ပြင်ပဆက်ဆံရေးဌာန ရုံးခွဲကို မေ ၂၆ ရက်က ဖွင့်လှစ်ခဲ့ပြီး ဖြစ်ကြောင်း၊  ကဏ္ဍစုံမှပါဝင် ပတ်သက်သူများ အနေဖြင့် ဥပဒေဆိုင်ရာ အချက်အလက်များ၊ ရွေးကောက်ပွဲ ကော်မရှင်က ထုတ်ပြန်ထားသည့် အမိန့်နှင့် ညွှန်ကြားချက်များ၊ ရွေးကောက်ပွဲ ဆိုင်ရာ ဆောင် ရွက်ချက်များ၊ သိရှိမေးမြန်းလိုသည့် သတင်းအချက်အလက်များကို ရယူနိုင်မည် ဖြစ်ကြောင်း ပြောကြားသည်။

ဆက်လက်၍ ကော်မရှင်အဖွဲ့ဝင် ဒေါက်တာ ဒေါ်မြင့်ကြည်က မဟာဗျူဟာ စီမံကိန်း (၂၀၁၄ − ၂၀၁၈)နှင့် ပတ်သက်၍ လည်းကောင်း၊ ကော်မရှင်အဖွဲ့ဝင် ဦးညွန့်တင်က ရွေးကောက်ပွဲ ကျင်းပခြင်း၊ ဆန္ဒမဲပေးခြင်းနှင့် ကြိုတင် ဆန္ဒမဲပေးခြင်းတို့နှင့် ပတ်သက်၍ လည်းကောင်း၊ ကော်မရှင်အဖွဲ့ဝင် ဦးဝင်းကိုက အမည်နှင့် အဓိပ္ပါယ် ဖော်ပြချက်များ၊ လွှတ်တော် (၃)ရပ် ဖွဲ့စည်းပုံ၊ ကိုယ်ပိုင် အုပ်ချုပ်ခွင့်ရတိုင်းနှင့် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဖွဲ့စည်း ခြင်း၊ မဲဆန္ဒနယ်များ သတ်မှက်ကြေညာခြင်း၊ ဆန္ဒမဲပေးပိုင်ခွင့်ရှိသူများ ရွေးကောက် တင်မြှောက်ခံပိုင်ခွင့် ရှိခြင်းနှင့် ဆက်လက် ရပ်တည်ပိုင်ခွင့်မရှိခြင်း၊ မဲစာရင်း ပြုစုခြင်းတို့နှင့် ပတ်သက်၍ လည်း ကောင်း ဆွေးနွေးပို့ချပြီးနောက် သင်တန်းသားများ၏ ဆွေးနွေး မေးမြန်းချက် များကို ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌက ပြန်လည် ရှင်းလင်း ပြောကြားခဲ့ကြောင်း သတင်း ရရှိသည်။