ကြက်ခြေနီအမှတ် အသားကိုသိရက်နဲ့ ပစ်ခတ်တာဟာ ပြစ်မှုကျူးလွန်တယ်လို့ ဆိုရမှာဖြစ် မြန်မာနိုင်ငံ ကြက်ခြေနီ အသင်း အမှုဆောင်ညွှန်ကြားရေးမှူး ဦးခင်မောင်လှနှင့် တွေ့ဆုံခြင်း

ဖေဖော်ဝါရီ ၁၇ ရက်က ရှမ်းပြည်နယ် ကွမ်းလုံမြို့နယ် လောက်ကိုင်မြို့နှင့် ချင်းရွှေဟော်ကြားတွင် လောက်ကိုင် မြို့နယ်မှ နေရပ်ပြန်သူများအား လူသားချင်းစာနာမှုအထောက်အကူများ ပေးလျက်ရှိသည့် ကြက်ခြေနီအမှတ် အသား ထင်ရှားစွာဖော်ပြထားသော ယာဉ်တန်းကို လက်နက်ကိုင်အဖွဲ့မှ ချောင်းမြောင်းပစ်ခတ်မှုကြောင့် ကွမ်းလုံမြို့နယ် ကြက်ခြေနီတပ်ဖွဲ့မှ တပ်စုမှူး ဦးမိုးကျော်သန်းနှင့် တပ်သား ဦးဇော်မင်းထိုက်တို့နှစ်ဦး ဒဏ်ရာများ ရရှိခဲ့ သည်။

ယင်းသို့ ကြက်ခြေနီစေတနာလုပ်အားရှင်များနှင့် စစ်ရှောင်ဒုက္ခသည်များ လိုက်ပါ လာသော ယာဉ်တန်းပစ်ခတ်ခံရမှုနှင့် ပတ်သက်၍ အသေးစိတ်သိရှိ နိုင်ရန် မြန်မာနိုင်ငံ ကြက်ခြေနီအသင်း အမှုဆောင်ညွှန်ကြားရေးမှူး ဦးခင် မောင်လှနှင့် မြန်မာ့သတင်းစဉ် သတင်းအဖွဲ့မှ သွားရောက်တွေ့ဆုံမေးမြန်း ခဲ့ပါသည်။

မေး။ ။ မနေ့က လောက်ကိုင်မှာဖြစ်ပွားခဲ့တဲ့ ကြက်ခြေနီယာဉ်တန်း ပစ်ခတ်ခံရမှုနဲ့ပတ်သက်ပြီး အသေးစိတ်ရှင်းပြပေးပါရှင့်။

ဖြေ။ ။ လောက်ကိုင်မှာ ဖြစ်ပွားနေတဲ့ တိုက်ပွဲတွေကနေ စစ်ရှောင်လိုကြတဲ့ မြန်မာပြည်အနယ်နယ်အရပ်ရပ် က နေရပ်ပြန်သူ အင်အား ၁ဝဝ ကို ကွမ်းလုံက ကြက်ခြေနီတပ်ဖွဲ့ဝင်တွေက မော်တော်ယာဉ် ၁ဝ စီးပါ ယာဉ်တန်းနဲ့ သွားရောက် ကူညီခေါ်ဆောင် ပေးကြတာပါ။ လောက်ကိုင်ဒေသခံ ကြည်ခြေနီတွေ စုစည်းမရ သေးခင်းမှာ ကွမ်းလုံက ကြက်ခြေနီတပ်ဖွဲ့ဝင် ၁၅ ဦးနဲ့ ကွမ်းလုံကနေ ချင်းရွှေဟော်ကိုဖြတ်ပြီး လောက်ကိုင်ကို သွားခဲ့တယ်။ တိုက်ပွဲတွေဖြစ်နေတဲ့အချိန်မှာ ယာဉ်တန်းကို ရပ်ထားပြီး တိုက်ပွဲမရှိတဲ့အချိန်မှာ လောက်ကိုင်က သူတွေကို ကူညီခေါ်ဆောင်ခဲ့တာပါ။ လောက်ကိုင်နဲ့ ချင်းရွှေဟော်ကြားက တောင်ကုန်း ပေါ်ကနေပြီး ကိုးကန့် အဖွဲ့က ငါးမိနစ်ကြာလောက် ပစ်ခတ်ပါတယ်။ ဒီလိုပစ်ခတ်တဲ့အခါမှာ ယာဉ်တန်းရဲ့ ရှေ့ဆုံးယာဉ်မှာ ပါလာတဲ့ ကြက်ခြေနီတပ်စုမှူး ဦးမိုးကျော်သန်းနဲ့ တပ်သားအဆင့်ရှိတဲ့ ဦးဇော်မင်းထိုက်တို့ ဒဏ်ရာတွေရခဲ့ပါတယ်။ တပ်စုမှူးက ဝမ်းဗိုက်ကို ကျည်ဆန်ထိမှန်ခဲ့ပြီး တပ်သားကတော့ မော်တော်ယာဉ် လေကာမှန်မှတစ်ဆင့် မှန်စ စိုက်ဝင်ပြီး ညာဘက်မျက်လုံး ဒဏ်ရာရရှိခဲ့ပါတယ်။

မေး။ ။ ဒဏ်ရာရရှိခဲ့တဲ့ ကြက်ခြေနီနှစ်ဦးကို ဘယ်လိုစောင့်ရှောက်မှုတွေ ပေးခဲ့တာလဲရှင့်။

ဖြေ။ ။ ဒဏ်ရာရဲတဲ့သူ နှစ်ဦးလုံးကို ပါလာတဲ့ ကြက်ခြေနီတပ်သားတွေက ချက်ချင်းပဲ ကွမ်းလုံဆေးရုံကို ပို့ပေးကြပါတယ်။ ဝမ်းဗိုက်သေနတ်ထိမှန်တဲ့ တပ်စုမှူးကို ချက်ချင်းပဲ ကျည်ဆန်ခွဲထုတ်ပေးနိုင်ခဲ့ပါတယ်။ မျက်လုံးနဲ့ ဦးခေါင်းဒဏ်ရာရခဲ့တဲ့သူကတော့ မျက်စိအထူးကုဆရာဝန်ရှိတဲ့ လားရှိုးဆေးရုံကို ပို့နေပါတယ်။ အခုတော့ စိုးရိမ်စရာအခြေအနေမရှိတော့ဘူးလို့ သိရပါတယ်။

မေး။ ။ ယာဉ်တန်းမှာ ပါဝင်တဲ့စစ်ရှောင်ဒုက္ခသည်တွေကိုရော ဘယ်လိုများ စီစဉ်ပေးခဲ့လဲရှင့်။

ဖြေ။ ။ သူတို့ကိုတော့ ကွမ်းလုံမြို့ကို ဆက်လက်ပို့ဆောင်ပေးခဲ့ပါတယ်။ ဒီလိုဖြစ်ပွားပြီးတဲ့အချိန်မှာ ကြက်ခြေနီ ဝန်ထမ်းတွေနဲ့ တပ်မတော်စစ်ကြောင်းကနေ ကွမ်းလုံအထိ ပို့ဆောင်ပေးတယ်လို့ ယူဆပါတယ်။ ဒုက္ခသည် အများစုက လောက်ကိုင်မှာသွားပြီး ကြံခုတ်တဲ့လုပ်ငန်းကို လုပ်ကြသူတွေဖြစ်ပါတယ်။ ဟိုမှာတိုက်ပွဲ တွေဖြစ်တော့ နေထိုင် လုပ်ကိုင်စရာတွေ မရှိတော့ဘဲ ကြက်ခြေနီတပ်ဖွဲ့ဝင်တွေက သွားပြီးကယ်ထုတ်လာတဲ့ သဘောဖြစ်ပါတယ်။ အခု လားရှိုးအထက(၁)မှာ ၃၁၆ ယောက်ကို နေရာချထားပေးပါတယ်။ လားရှိုးမှာ ပြည်နယ်ကြက်ခြေနီကြီးကြပ်ရေးမှူး ကော်မတီနဲ့ ဒေသအာဏာပိုင်တွေက လိုအပ်တဲ့ စားနပ်ရိက္ခာ၊ အဝတ် အထည်နဲ့ ဆေးဝါးစတာတွေ ပံ့ပိုးပေးလျက် ရှိပါတယ်။

မေး။ ။ ပစ်ခတ်မှုတွေဖြစ်တဲ့အခါမှာ မော်တော်ယာဉ်တွေနဲ့ကြက်ခြေနီစေတနာလုပ်အားရှင်တွေမှာ ကြက်ခြေနီ အမှတ်အသားတွေ၊ အလံတွေပါဝင်ပါလားရှင့်။

ဖြေ။ ။ ယာဉ်တန်းက ယာဉ် ၁ဝ စီးအနက် ယာဉ်ရှစ်စီးမှာ ကြက်ခြေနီအလံတွေ လွှင့်ထူထားပါတယ်။ ကြက်ခြေ နီအလံတွေက ထင်ရှားပါတယ်။ အဖြူရောင်နောက်ခံပေါ်မှာ အနီရောင်ကြက်ခြေနီအမှတ်အသားဖြစ်ပါတယ်။ ဒါ့အပြင် တပ်ဖွဲ့ဝင်တွေက ရှေ့မှာမြန်မာနိုင်ငံကြက်ခြေနီအသင်းစာတန်းနဲ့ အနောက်မှာ ကြက်ခြေနီတံဆိပ်ပါတဲ့ ဝေ့စ်ကုတ်တွေဝတ်ထားပါတယ်။

မေး။ ။တိုက်ပွဲဖြစ်နေတဲ့ အနေအထားနဲ့ ကြက်ခြေနီယာဉ်တန်းကို တိုက်ခိုက်ခံရတာမျိုးအရင်ကရောဖြစ်ဖူးလား ရှင့်။

ဖြေ။ ။အရင်ကမဖြစ်ဖူးပါဘူး။ အခုသတင်းတွေ အရက အဲဒီယာဉ်တန်းထွက်သွားတဲ့အချိန်မှာ တပ်မတော်နဲ့ ကိုးကန့်တို့ တိုက်ပွဲဖြစ်ပွား နေတယ်လို့ သိရပြီး ယာဉ်တန်းကရှေ့ဆက်မသွားနိုင်ပါဘူး။ ခဏရပ်ထားပြီး တော်တော် ကြာတဲ့အခါမှာ တိုက်ပွဲပြီးသွားပြီလို့ ယူဆတဲ့အတွက် ယာဉ်တန်းနဲ့ ဆက်လက် ထွက်ခွာ တာဖြစ်ပါတယ်။ အရပ်သား တွေ အပြောအရ လက်နက်ကြီးနဲ့ပါ ပစ်ခတ်ပြီးမထိခဲ့ဘူးလို့လည်း သိရပါတယ်။

မေး။ ။ဒီလို အခြေအနေမျိုးမှာ သွားရောက် တာဝန် ထမ်းဆောင်မယ့် စေတနာလုပ်အားရှင်ကြက်ခြေနီများ လုံခြုံမှုအတွက် ဘယ်လိုမျိုးကြိုတင်ပြင်ဆင်မှုတွေရှိလဲရှင့်။

ဖြေ။ ။ကြက်ခြေနီ အဖွဲ့ဝင် အားလုံးအတွက် အကာအကွယ်က ကြက်ခြေနီ အမှတ်အသား ဖြစ်ပါတယ်။ ကြက်ခြေနီ အမှတ်အသားနဲ့ ပတ်သက်ပြီး ဂျနီဖာကွန်ဗင်းရှင်းရှိပါတယ်။ အဲဒီအမှတ်အသားဟာဆိုရင် အရပ် ဘက် အမှတ်အသားတွေ ဖြစ်တဲ့အတွက် အထူးသဖြင့် ကြက်ခြေနီအမှတ်တံဆိပ်နဲ့ဆိုရင် ပစ်ခတ်ခွင့် မရှိပါဘူး။ နောက်တစ်ခုက အပြည် ပြည်ဆိုင်ရာ လူသားချင်းစာနာထောက်ထားမှု ဥပဒေ (Interna-tional Humanitrarian Law) ရှိပါတယ်။ အဲဒီ ဥပဒေအရလည်းလုပ်ပိုင်ခွင့်မရှိပါဘူး။

ကြက်ခြေနီတွေကို ဒီလိုအန္တရာယ်ရှိတဲ့နေရာကိုလွှတ်မယ်ဆိုရင် အဓိကကအသက်အာမခံထားပေးပါတယ်။ အသက်အာမခံက တစ်နှစ်ကိုကြက်ခြေနီတပ်ဖွဲ့ဝင် ၃ဝဝဝ ကို ဆွစ်ဇာလန်မှာရှိတဲ့ ကြက်ခြေနီအဖွဲ့ချုပ်မှာ အာမခံ ပေးသွင်းထားပါတယ်။ လိုအပ်လို့အန္တရာယ်ရှိတဲ့နေရာထပ်လွှတ်ရမယ်ဆိုရင်တောင် အသက်အာမခံထားပြီးသား တပ်ဖွဲ့ဝင်တွေကို စေလွှတ်ရမှာဖြစ်ပါတယ်။

အခု ဒဏ်ရာရခဲ့တဲ့နှစ်ယောက်မှာ တပ်စုမှူးဖြစ်တဲ့ ဦးမိုးကျော်သန်းကတော့ အသက်အာမခံရှိပါတယ်။ တခြားတစ်ယောက်ကတော့ မရှိပါဘူး။ လောလောဆယ်တော့ ဒီတပ်ဖွဲ့ဝင်နှစ်ယောက်အတွက်ကို အရေးပေါ်ရန်ပုံ ငွေကနေ လိုအပ်တဲ့ဆေးဝါးကုသမှုအတွက် အသုံးပြုနိုင်အောင် ငွေကျပ် ၁ဝ သိန်း ပေးပို့ဖို့ စီစဉ်နေပါတယ်။ ရန်ကုန်မြို့အထိခေါ်ပြီး ဆေးကုသမှုဆောင်ရွက်နိုင်အောင် ကုန်ကျစရိတ်အားလုံးလည်း တာဝန်ယူဖို့ စီစဉ်ထား ပါတယ်။ မြန်မာနိုင်ငံကြက်ခြေနီအသင်းအနေနဲ့လည်း အဲဒီဒေသမှာ အရေးပေါ်ကယ်ဆယ်ရေးလုပ်ငန်းတွေလုပ်တဲ့အ ခါမှာ အသုံးတည့်မယ့် အရေးပေါ်တုံ့ပြန်မှုပစ္စည်းတွေလည်း ပို့ထားပြီးဖြစ်ပါတယ်။

မေး။ အခုဖြစ်စဉ်မှာ မြန်မာနိုင်ငံကြက်ခြေနီအသင်းအနေနဲ့ ဘယ်လိုတုံ့ပြန်ဖို့ စီစဉ်ထားပါလဲရှင့်။

ဖြေ။ ဒီကိစ္စနဲ့ပတ်သက်ပြီး သတင်းထုတ်ပြန်မှုတွေ ဆောင်ရွက်ဖို့ တိကျမှန်ကန်တဲ့ သတင်းတွေ စုဆောင်းနေပါတယ်။ အားလုံးရပြီဆိုရင်MRCSက တင်ထားတဲ့ ဝက်ဘ်ဆိုက်မှာ တင်သွားမှာပါ။ အဲ့ဒီကနေ နိုင်ငံတကာ သိသွားမှာဖြစ်ပါတယ်။

မေး။ နိုင်ငံတကာအသိုင်းအဝန်းကရော ဒီဖြစ်စဉ်အပေါ်မှာ တုံြ့ပန်ပြောဆိုတာတွေ ရှိလားရှင့်။

ဖြေ။ အခုချိန်အထိတော့ ဆက်သွယ်ပြောဆိုတာတွေ မရှိသေးပါဘူး။ သို့သော်လည်း အပြည် ပြည်ဆိုင်ရာ ကြက်ခြေနီနှင့် လခြမ်းနီများအဖွဲ့ချုပ်ရှိပါတယ်။ အဲ့ဒီက တာဝန်ခံကတော့ လာမေးသွားတာရှိ ပါတယ်။ သူတို့ကလည်း ဝက်ဘ်ဆိုက်ပေါ်တင်မှာဖြစ်ပါတယ်။

မေး။ ကြက်ခြေနီအလံတွေ လွှင့်ထူထားပြီး ကြက်ခြေနီအမှတ်အသားတွေ ထင်ရှားနေပေမယ့် မထင်မှတ်ဘဲ အခုလို ပစ်ခတ်ခံရတဲ့အပေါ်မှာ မြန်မာနိုင်ငံကြက်ခြေနီအသင်းတာဝန်ရှိသူတစ်ဦးအနေနဲ့ ဘယ်လို များယူဆပါသလဲရှင့်။

ဖြေ။ ကြက်ခြေနီတပ်ဖွဲ့ရဲ့ ဆောင်ရွက်ျခက်တွေ လက်နက်ကိုင်အဖွဲ့အစည်းတွေအနေနဲ့ ဂဃနဏ သိဖို့လိုအပ်ပါတယ်။ ကြက်ခြေနီက ကြားနေအဖွဲ့အစည်းဖြစ်ပြီး ကြားကနေဝင်ပြီး ဆောင်ရွက်တဲ့အခါ အစိုးရ အဖွဲ့အစည်းပဲဖြစ်ဖြစ် တစ်ဖက်က အဖွဲ့အစည်းပဲဖြစ်ဖြစ် ကြက်ခြေနီကို သိဖို့ လိုအပ်ပါတယ်။ လိုအပ်တဲ့ အချိန်မှာ လိုအပ်သလို ကူညီဆောင်ရွက်နိုင်ဖို့ ကြက်ခြေနီအဖွဲ့က သွားပြီး ဆောင်ရွက်နေမှာပါပဲ။ သူတို့ တွေမှာ အန္တရာယ်ရှိတာတောင် စွန့်လွတ်စွန့်စားတဲ့ စိတ်ဓာတ်က ရှိပြီးသားဖြစ်ပါတယ်။

ဒီအဖွဲ့က လက်နက်ကိုင်အဖွဲ့အစည်းမဟုတ်ဘူး။ သူတို့ကို ဒုက္ခပေးမယ့် အဖွဲ့အစည်းလည်းမဟုတ်ဘူး။ လောက်ကိုင်မှာလည်း ၂ဝဝ၆ ခုနှစ်ကစလို့ ကြက်ခြေနီအသင်းကို ဖွဲ့စည်းထားလို့ သူတို့မသိစရာတော့ မရှိပါ ဘူး။ ဒါကို သိရက်သားနဲ့ ပစ်ခတ်တာကတော့ လူသားချင်းစာနာထောက်ထားမှုမရှိတဲ့ ပြစ်မှု ကျူးလွန်တယ်လို့ ဆိုရမှာပါ။ ဘေးဒုက္ခကာကွယ်စောင့်ရှောက်ပေးတဲ့ အဖွဲ့ဖြစ်တဲ့ ဒီအဖွဲ့ကိုတော့ သူတို့ မလုပ်သင့်ဘူးလို့ ယူဆ ပါတယ်။