မိတ္ထီလာ ဩဂုတ် ၁၀
လာမည့် ဩဂုတ်လ ၂၃ ရက်နေ့တွင် ပုပ္ပါးတောင်မကြီးသို့ တက်ရောက်မည့် မိတ္ထီလာတက္ကသိုလ်
ခြေလျင်တောင တက် အသင်းဝင် ကျောင်းသားကျောင်းသူများ ပဏာမ ကျန်းမာရေးစစ်ဆေးမှု အဖြစ် ခရီးရှည်
လမ်းလျှောက်ခြင်းကို ဩဂုတ် ၉ နံနက် ၆ နာရီက ပြုလုပ်ကြောင်း သိရသည်။
ပုပ္ပါးတောင်မကြီးသို့ တက်ရောက်ရန် မိတ္ထီလာတက္ကသိုလ် ခြေလျင်တောင်တက်အသင်းဝင် အဖြစ်
စာရင်းပေးသွင်းထားသည့် ကျောင်းသားကျောင်းသူ ၃၅၀ ဦး၊ တာဝန်ခံတက္ကသိုလ် ပါမောက္ခချုပ် ဒေါက်တာကိုကိုကျော်စိုး၊
ဒုတိယပါမောက္ခချုပ်များ၊ မိတ္ထီလာတက္ကသိုလ် ခြေလျင်တောင်တက်အသင်း ဥက္ကဋ္ဌ ပါမောက္ခ ဒေါက်တာဌေးအောင်
ဘူမိဗေဒဌာနမှူး အပါအဝင်ကြီးကြပ်သူ ၂၅ ဦး စုစုပေါင်း ၃၇၅ ဦးသည် မိတ္ထီလာ တက္ကသိုလ်ဝန်းရှေ့မှ
သီးကုန်း ၂၈၅ မိုင် အမြန်လမ်းမအနီးအထိ အသွားအပြန် ခရီးရှည်လမ်းလျှောက်ခြင်းဖြစ်သည်။
တက္ကသိုလ်ခြေလျင်တောင်တက် အသင်းဝင် အဖြစ် စာရင်းပေးသွင်းထားသူ ကျောင်းသားကျောင်းသူများ၊
ကြီးကြပ်သူဆရာဆရာမများ ခရီးရှည်လမ်းလျှောက်ရာ လမ်းတစ်လျောက် လုံခြုံရေး၊ ကျန်းမာရေး
စောင့်ရှောက်မှု စသည့်လိုအပ်ချက်များကို ခရိုင်မြို့နယ် အထွေထွေအုပ်ချုပ်ရေး ဦးစီးဌာန၊
မြို့နယ်ရဲတပ်ဖွဲ့ ၊မြို့နယ်ကျန်းမာရေး ဦးစီးဌာနနှင့် မြို့နယ်ကြက်ခြေနီအသင်းခွဲတို့မှ
တာဝန်ရှိသူများမှ ဝိုင်းဝန်းဖြည့်ဆည်း ကူညီဆောင်ရွက်ကြောင်း သိရှိရသည်။
No comments:
Post a Comment