ထားဝယ် ဇွန် ၃၀
လယ်ယာစိုက်ပျိုးရေးနှင့်ဆည်မြောင်းဝန်ကြီးဌာန၊ဝန်ကြီး၏လမ်းညွှန်ချက်နှင့်အညီ
တစ်မြို့နယ်(၁၀) ဧကစံပြကွက်စိုက်ပျိုးပြသခြင်း ကိုထားဝယ်ခရိုင်၊လောင်းလုံမြို့နယ် သာယာကုန်း
ကျေးရွာကွင်းအမှတ် (၈၁)၊တောင်သူဦးနေဝင်းပါ(၃)ဦး၏ လယ်မြေ(၁၀) ဧကပေါ်တွင်မိုး စပါးသိပ္ပံနည်းကျစိုက်နည်းစနစ် (GAP)ဖြင့်စိုက်ပျိုးရန်အတွက်ပျိုးဘောင်ပြင်ခြင်း ၊မျိုးစေ့ချခြင်းလုပ်ငန်းအား စံပြအဖြစ်ပြုလုပ်ပြသခဲ့ပါသည်။ယင်းမျိုးစေ့ချပွဲပြုလုပ်ရာတွင်တနင်္သာရီတိုင်းဒေသကြီး
စိုက်ပျိုးရေးဦးစီးဌာနမှတိုင်းဒေသကြီး ဦးစီးမှူးဦးထွန်းအောင်ကျော်နှင့် ထားဝယ်ခရိုင်ဦးစီးမှူးဦးကျော်လှတို့မှသိပ္ပံနည်းကျစိုက်
နည်းစနစ်(GAP)ဖြင့်ပျိုးထောင်နည်း စနစ်ကိုရှင်းလင်းပြသ
ပြီး မြို့နယ်ဦးစီးမှူးဦးမျိုးအောင်နှင့်တိုင်း၊ခရိုင်၊မြို့နယ်ဝန် ထမ်းများမှ စနစ်တကျ
ပျိုးဘောင်ပြုလုပ် ခြင်း၊ မျိုးစေ့ချခြင်းကိုလက်တွေ့ပြုလုပ်ပြသခဲ့ပါသည်။
ယင်းမျိုးစေ့ချပွဲသို့သာယာကုန်းကျေးရွာအုပ်ချုပ်ရေးမှူးနှင့်တောင်သူ(၅၀)ဦးခန့်
လာရောက် လေ့လာပြီးလက်တွေ့ ဘောင်ဆွဲခြင်း၊ မျိုးစေ့ချခြင်းကိုတပျော်တပါးဆောင်ရွက်ခဲ့ကြ
ကြောင်းသတင်းရရှိပါသည်။
No comments:
Post a Comment