ပြည်ထောင်စုသမ္မတမြန်မာနိုင်ငံတော်
သတင်းထုတ်ပြန်ရေးအဖွဲ့
သတင်းထုတ်ပြန်ချက် ( ၁၀ / ၂၀၁၃
)
၁၃၇၅ ခုနှစ် ၊ ဝါဆိုလပြည့်ကျော် ၄ ရက်
( ၂၀၁၃ ခုနှစ် ၊ ဇူလိုင်လ ၂၆ ရက် )
၁။ပြည်ထောင်စု မြန်မာနိုင်ငံတော် အစိုးရသည်
ပြည်သူလူထု တစ်ရပ်လုံး၏ ဆန္ဒနှင့်အညီ အေးချမ်းသာယာ၍ ခေတ်မီ ဖွံ့ဖြိုးတိုးတက်သော ဒီမိုကရေစီ
နိုင်ငံတော်သစ်ကို စည်းလုံး ညီညွတ်စွာဖြင့် အားကြိုးမာန်တက် တည်ဆောက်လျက် ရှိပါသည်။
၂။နိုင်ငံတော် ဖွဲ့စည်းပုံ အခြေခံဥပဒေအရ
နိုင်ငံသား အားလုံးသည် ဗုဒ္ဓဘာသာ၊ ခရစ်ယာန် ဘာသာ၊ အစ္စလာမ်ဘာသာ၊ ဟိန္ဒူဘာသာနှင့် နတ်ကိုးကွယ်သည့်
ဘာသာတို့ကို လွတ်လပ်စွာ ကိုးကွယ်ပိုင်ခွင့်ရှိသည်။ သမိုင်းစဉ် တစ်လျောက် မတူညီသော ဘာသာဝင်များအကြား
စည်းလုံးညီညွတ်စွာ သဟဇာတဖြစ်ဖြစ် နေထိုင်လျက်ရှိပါသည်။
၃။၂၀၁၂ ခုနှစ်၊ မေလက ရခိုင်ပြည်နယ်၌ ဖြစ်ပွားခဲ့သော
ရာဇဝတ်ပြစ်မှု တစ်ခုအပေါ် အခြေခံ၍ လူမှုအသိုက်အဝန်း နှစ်ခုအကြား ဇွန်လနှင့် အောက်တိုဘာလတို့တွင်
ဖြစ်ပျက်ခဲ့သော အကြမ်းဖက်မှု ဖြစ်စဉ်များသည် နိုင်ငံတစ်ဝန်းရှိ တိုင်းရင်းသား ပြည်သူများအတွက်
များစွာ စိတ်မချမ်းမြေ့ဖွယ်ရာ ဖြစ်စဉ်များ ဖြစ်ခဲ့ပါသည်။ ၂၀၁၃ ခုနှစ်၊ မတ်လတွင် မန္တလေးတိုင်း
ဒေသကြီး၊ မိတ္ထီလာမြို့၌ ဈေးဝယ်သူချင်း အချင်းများရာ၌ အုပ်စုချင်း အကြမ်းဖက် လုပ်ရပ်များနှင့်
ပဲခူးတိုင်း ဒေသကြီးရှိ မြို့နယ်အချို့၌ အကြမ်းဖက်မှု ဖြစ်စဉ်များ ဖြစ်ပွားခဲ့သည်။ ၂၀၁၃
ခုနှစ်၊ မေလတွင် ရှမ်းပြည်မြောက်ပိုင်း လားရှိုးမြို့တွင်လည်း ဆူပူသည့် ဖြစ်စဉ်တစ်ရပ်
ဖြစ်ပွားခဲ့သည်။
၎။မြန်မာနိုင်ငံတော် အစိုးရသည် ဤဖြစ်စဉ်များ၊
အကြမ်းဖက်မှုများကို အမြန်ဆုံး ရပ်တန့်ရန် နှင့် တရားဥပဒေ စိုးမိုးရေးကို အချိန်တိုအတွင်း
ပြန်လည်ထိန်းသိမ်း ဆောင်ရွက်ခဲ့ပါသည်။ ဤသို့ ဆောင်ရွက်ရာတွင်လည်း အင်အားအလွန်အကျွံ
သုံးစွဲခြင်းမပြုရန် သတိကြီးစွာဖြင့် ဆောင်ရွက်ခဲ့သလို အကြမ်းဖက်မှု ကျူးလွန်သူ မည်သူ့ကိုမဆို
ဥပဒေနှင့် အညီ တားဆီး ဆောင်ရွက်ခဲ့ပါသည်။ ဥပဒေ ချိုးဖောက်သူများကိုလည်း မည်သည့်လူမျိုးနှင့်
ဘာသာဝင်မဆို ခွဲခြားခြင်းမပြုဘဲ ကျူးလွန်သည့် ပြစ်မှုအတိုင်းအတာအရ ဥပဒေနှင့် ညီညွတ်သော
ပြစ်ဒဏ်များ ချမှတ်အရေးယူခဲ့ပါသည်။ ဖမ်းဆီး အရေးယူမှု၊ ပြစ်ဒဏ်ချမှတ်မှုများ၊ စစ်ဆေးဆဲ
ပြစ်မှုများကိုလည်း သတင်းစာများတွင် ဖော်ပြခဲ့ပြီး ဖြစ်ပါသည်။
၅။မြန်မာနိုင်ငံတော် အစိုးရသည် သက်ဆိုင်ရာ
ဝန်ကြီးဌာနများ၊ ရခိုင်ပြည်နယ် အစိုးရ၊ ကုလသမဂ္ဂ အေဂျင်စီများ၊ အိုင်အင်ဂျီအိုများ၊
အင်ဂျီအိုများနှင့် ပူးပေါင်း၍ အိုးမဲ့အိမ်မဲ့ ဖြစ်ခဲ့ရသူများအား ဘာသာရေး၊ လူမျိုးရေး
ခွဲခြားမှုမရှိဘဲ လူသားချင်း စာနာ ထောက်ထားမှု အကူအညီများ ပေးအပ်ခဲ့ပါသည်။ စေတနာရှင်
နိုင်ငံအသီးသီး၏ အစိုးရများမှ တစ်ဆင့် ထောက်ပံ့ကူညီမှုများကိုလည်း နှစ်ဖက် အသိုက်အဝန်းသို့
မျှတစွာ ထောက်ပံ့ ဖြန့်ဝေပေးခဲ့ပါသည်။ ရခိုင်ပြည်နယ်တွင် ပြည်ထောင်စုအစိုးရက တာဝန်ယူ
ဆောက်လုပ်ပေးသော လူနေအဆောက်အဦ လုံးချင်းအိမ် (၉၆၀) လုံး ဆောက်လုပ်ရန် အနက် (၉၄၅)လုံး
ဆောက်လုပ်ပြီးစီးပြီး၊ တဲတန်းလျား (၁၄၄၃) လုံး ဆောက်လုပ်ရန် အနက် (၁၄၁၃)လုံး ဆောက်လုပ်ပြီး၍
ဒုက္ခသည်များအား နေရာချထား ပေးပြီးဖြစ်ပါသည်။ ကုလသမဂ္ဂနှင့် နိုင်ငံတကာ အဖွဲ့အစည်းများမှ
တာဝန်ယူသော အဆောက်အဦ လုံးချင်းအိမ် (၂၈၂) လုံး ဆောက်လုပ်ရန် အနက် အားလုံး ဆောက်လုပ်ပြီးစီးပြီး၊
တဲတန်းလျား (၉၃၇) လုံး ဆောက်လုပ်ရန် အနက် (၅၃၈)လုံး ဆောက်လုပ်ပြီးစီးပြီး ဖြစ်ပါသည်။
အိုးမဲ့အိမ်မဲ့ ဖြစ်သူများအား ပြန်လည် နေရာချထားရေး၊ ပြန်လည် ထူထောင်ရေးများကိုလည်း
ဆက်လက်အကောင် အထည်ဖော် ဆောင်ရွက်လျက် ရှိပါသည်။
၆။ဗုဒ္ဓဘာသာနှင့် မူဆလင် ဘာသာဝင်များ အကြား
ယုံကြည်မှုနှင့် သဟဇာတ ဖြစ်မှုတို့သည် မြန်မာပြည်သူများ အကြား ရေရှည် တည်ငြိမ် အေးချမ်းမှု
အတွက် အရေးကြီးကြောင်း မြန်မာနိုင်ငံ နိုင်ငံတော် အစိုးရနှင့် လူမှုအဖွဲ့အစည်းများ၊
ဘာသာရေး အသီးသီးမှ ခေါင်းဆောင်များက ကောင်းစွာ သိမြင်သလို အလေးထား ဆောင်ရွက်နေသည့်
ကိစ္စရပ်လည်း ဖြစ်သည်။ မြန်မာနိုင်ငံတွင် လွတ်လပ်စွာ ယုံကြည် ကိုးကွယ်ခွင့် ရှိသကဲ့သို့
အပြန်အလှန် ယုံကြည်လေးစားမှုနှင့် နားလည်စာနာ သည်းခံမှုများ ရှိရန်လည်း လိုအပ်သည်။ ထို့ပြင်
ဘာသာရေး အစွန်းရောက်သည့် ရန်လို မုန်းတီးမှုများကို ဆန့်ကျင် တိုက်ဖျက်သွားရန်နှင့်
ဘာသာရေး ပဋိပက္ခများ ကြီးထွားအောင် မတည်မငြိမ် ဖြစ်အောင် လုပ်ဆောင် နေသူများကို ဝိုင်းဝန်း
ဆန့်ကျင်သွားရန်လည်း လိုအပ်ပါသည်။
၇။ယနေ့ အချိန်အခါတွင် မြန်မာနိုင်ငံ၌ တည်ငြိမ်မှုများ
ပြန်လည်ရရှိနေပြီ ဖြစ်သော်လည်း ပြည်တွင်း ပြည်ပမှ အချို့အဖွဲ့အစည်းများက မြန်မာနိုင်ငံအတွင်း
ဘာသာရေး ခွဲခြားမှု၊ လူမျိုးရေး ခွဲခြားမှုများ ပြင်းထန်စွာ ဖြစ်ပွားနေသကဲ့သို့ ပုံဖော်စွပ်စွဲမှုများ
ပေါ်ပေါက်လျက် ရှိပါသည်။ ထိုသို့သော ပုံဖော် စွပ်စွဲမှုများကြောင့် ပြဿနာများ ပို၍ ရှုပ်ထွေး
သွားစေနိုင်မည်ကို သတိပြုသင့်ပါသည်။
၈။တိုင်းရင်းသား ပြည်သူ လူထုများ၊ နိုင်ငံသားများ
အားလုံး လူမျိုးဘာသာ ခွဲခြားမှုမရှိဘဲ ငြိမ်းချမ်း ညီညွတ်စွာဖြင့် သမိုင်းစဉ် တစ်လျောက်
ဂုဏ်သိက္ခာမြင့်မားစွာ နေထိုင်ခဲ့သည့် ပြည်ထောင်စု မြန်မာနိုင်ငံ၏ အစဉ်အလာကို စောင့်ထိန်းလျက်
အနာဂတ် ကာလတွင်လည်း ယင်းသို့ ညီညွတ်စွာ နေထိုင်သွားရေးကို ရှေးရှု ဆောင်ရွက်သွားကြရမည်
ဖြစ်သည်။ တစ်ချိန်တည်းမှာပင် နိုင်ငံရေး၊ စီးပွားရေး၊ စနစ်သစ် တစ်ရပ်အား အောင်မြင်စွာ
တည်ဆောက်နိုင်ရေးကို နိုင်ငံသားတိုင်း၏ အဓိက တာဝန်အဖြစ် ခံယူကြိုးပမ်း ဆောင်ရွက်သွားကြရန်
အလေးအနက် မေတ္တာရပ်ခံ တိုက်တွန်းအပ်ပါသည်။
၉။နိုင်ငံတော် အစိုးရသည် လူမျိုးဘာသာ မခွဲခြားဘဲ
အထက်ပါ ဖြစ်စဉ်များကြောင့် ထိခိုက် နစ်နာခဲ့သူများအား ပြန်လည် နေရာချထားရေး၊ ပုံမှန်ဘဝသို့
ပြန်လည် ထူထောင်ရေး၊ ရေရှည်တည်တံ့ ခိုင်မြဲသော သဟဇာတဖြစ်မှု၊ ငြိမ်းချမ်းမှုကို ဆောင်ကျဉ်းနိုင်ရေး
အတွက် စေတနာရှင် နိုင်ငံများ၊ ကမ္ဘာ့ကုလသမဂ္ဂနှင့် နိုင်ငံတကာအဖွဲ့အစည်းများ၊ ပြည်တွင်းမှ
စေတနာရှင် အဖွဲ့အစည်းများနှင့် ပူးပေါင်း ဆောင်ရွက်သွားမည် ဖြစ်ကြောင်း ထုတ်ပြန်ကြေညာအပ်ပါသည်။
No comments:
Post a Comment