နေပြည်တော် နိုဝင်ဘာ ၇
တပ်မတော်အနေဖြင့် ပြည်သူလူထု၏ ကျန်းမာရေးကဏ္ဍ တိုးတက်မြင့်မားစေရန်အတွက် ကျန်းမာရေးစောင့်ရှောက်မှုလုပ်ငန်းများတွင် တစ်ဖက်တစ်လမ်းမှ ကူညီစောင့်ရှောက်မှုများ ဆောင်ရွက်ပေးလျက်ရှိရာ ယနေ့နံနက်ပိုင်းတွင် ရန်ကုန်တိုင်းစစ်ဌာနချုပ် နယ်လှည့်ဆေးကုသရေးအဖွဲ့က ရန်ကုန်တိုင်းဒေသကြီး မှော်ဘီမြို့နယ် ကွမ်းခြံကုန်းကျေးရွာ မဟာပုညဝဎုနကျောင်းတိုက်၌ အခြေပြု၍ အဆိုပါကျေးရွာနှင့် ပတ်ဝန်းကျင်ကျေးရွာများရှိ သံဃာတော်များနှင့် ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးသည်။
နေပြည်တော် နိုဝင်ဘာ ၇
အိန္ဒိယနိုင်ငံ ချန်နိုင်းမြို့ Tamil Nadu and Pudu Cherry Naval Area ၌ Ex Rahat Mitra အမည်ဖြင့် နိုဝင်ဘာ ၅ ရက်မှ ၇ ရက်အထိ ကျင်းပပြုလုပ်ခဲ့သည့် လူသားချင်းစာနာထောက်ထားမှုနှင့် သဘာဝဘေး အန္တရာယ်ကယ်ဆယ်ရေးလေ့ကျင့်ခန်း (HADR-2026) ၌ မြန်မာ့တပ်မတော်မှ အရာရှိ၊ စစ်သည်များ ပါဝင်သော ကိုယ်စားလှယ်အဖွဲ့တက်ရောက်၍ ပါဝင် လေ့ကျင့်ခဲ့ကြောင်း သိရှိရသည်။
ရန်ကုန် နိုဝင်ဘာ ၇
ဆေးတက္ကသိုလ် - မန္တလေးမှ ပါမောက္ခ/ဌာနမှူးများ၊ သင်ကြားရေး ဆရာ ဆရာမများ၊ ဝန်ထမ်းများ၊ ပထမနှစ် ကျောင်းသား ကျောင်းသူများအား ကျန်းမာရေးဝန်ကြီးဌာန ဒုတိယဝန်ကြီး ပါမောက္ခ ဒေါက်တာတင်ထွန်းသည် ယမန်နေ့နံနက်ပိုင်းက တွေ့ဆုံပြီး ဆေးပညာသင်ကြားရေးလုပ်ငန်းများ တိုးတက်စေရေး လိုအပ်သည်များ မှာကြားသည်။
နေပြည်တော် နိုဝင်ဘာ ၇
ကရင်ပြည်နယ် ဘားအံမြို့ရှိရက်ကန်းနှင့် အသက်မွေးပညာသင်တန်းကျောင်းကို ယနေ့မွန်းလွဲပိုင်းတွင် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးမျိုးဇော်သိမ်းသွားရောက် ကြည့်ရှုစစ်ဆေးသည်။
နေပြည်တော် နိုဝင်ဘာ ၇
၂၀၂၆ ခုနှစ် အာဆီယံမီဒီယာ မိတ်ဖက်များ ပူးပေါင်းဆောင်ရွက်မှု ရက်သတ္တပတ် ဖွင့်ပွဲအခမ်းအနားကို ယနေ့နံနက်ပိုင်းတွင် တရုတ်ပြည်သူ့သမ္မတနိုင်ငံ နန်နင်းမြို့ ဝူရှန်းအပန်းဖြေဟိုတယ်ဧည့်ခန်းမဆောင်၌ ကျင်းပရာ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးထိန်လင်း ဦးဆောင်သော ကိုယ်စားလှယ်အဖွဲ့နှင့်အတူ China Media Group (CMG) မှ ဒုတိယဥက္ကဋ္ဌ Mr. Qi Zhuquan ၊ ကွမ်ရှီးကျွမ့် ကိုယ်ပိုင်အုပ်ချုပ်ခွင့်ရဒေသပါတီ ကော်မတီအမြဲတမ်းအဖွဲ့ဝင်၊ ပြန်ကြားရေးဌာနအကြီးအကဲ Ms. Chen Yijun နှင့် အာဆီယံအဖွဲ့ဝင်နိုင်ငံများဖြစ်သည့် လာအိုနိုင်ငံမှ ပြန်ကြားရေးဝန်ကြီးဌာန ဒုတိယဝန်ကြီး Mr. Vansy Kouamoua ၊ ကမ္ဘောဒီးယားနိုင်ငံမှ ပြန်ကြားရေးဝန်ကြီးဌာန ဒုတိယဝန်ကြီး Mr. Sambo Vannarith နှင့် ထိုင်းနိုင်ငံမီဒီယာဖွံ့ဖြိုးတိုးတက်ရေးဖောင်ဒေးရှင်းမှ အမှုဆောင်အရာရှိချုပ် Dr. Dhana-korn Srisooksai တို့ တက်ရောက်ကြသည်။
