မဟာအောင်မြေ မေ ၃၁
မန္တလေးတိုင်းဒေသကြီး၊ မဟာအောင်မြေမြို့နယ်၊ ဟေမမာလာတောင်ရပ်ကွက် ၇၉ A × ၄၀ × ၄၁ လမ်းကြားရှိ အလျား(၈၀၀)ပေ၊ အနံ(၂၀)ပေရှိ ကွန်ကရစ်လမ်းသစ်ဖွင့်ပွဲအခမ်းအနားကို ယနေ့နံနက်ပိုင်းက ကျင်းပသည်။
ဦးစွာ
မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးအောင်က
အဖွင့်အမှာစကားပြောကြားခြင်း၊ ရပ်မိရပ်ဖ ဦးနိုင်ဝင်းအောင်က
ကျေးဇူးတင်စကားပြောကြားပြီးနောက် ကွန်ကရစ်လမ်းသစ်ဖွင့်ပွဲကို တက်ရောက်လာသော
တာဝန်ရှိသူများက ဖဲကြိုးဖြတ်ဖွင့်လှစ်ခဲ့ပြီး ရပ်မိရပ်ဖများ၊ ရပ်ကွက်နေပြည်သူများ
ကိုယ်ထူကိုယ်ထဖြင့် ဆောင်ရွက်ထားသည့် အလျား(၈၀၀)ပေ အနံ(၂၀)ပေရှိ
ကွန်ကရစ်လမ်းသစ်အား တာဝန်ရှိသူများက လှည့်လည်ကြည့်ရှုခဲ့ကြောင်း သိရသည်။
အဆိုပါအခမ်းအနားသို့
မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးအောင်၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊
တိုင်းဒေသကြီးလွတ်တော်ဥက္ကဋ္ဌ ဦးအောင်ကျော်မိုး၊ တိုင်းဒေသကြီးလွှတ်တော်ကိုယ်စားလှယ်
ဦးယဉ်မောင်ဟိန်း (ခ)ဦးယဉ်မောင်ထွန်း၊ ခရိုင်အထွေထွေအုပ်ချုပ်ရေးဦးစီးဌာနမှ
ဒုတိယညွှန်ကြားရေးမှူး ဦးဉာဏ်လှိုင်၊
မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးမောင်မောင်၊
ရပ်ကွက်အုပ်ချုပ်ရေးမှူးနှင့် ရပ်မိရပ်ဖများ၊ ရပ်ကွက်နေပြည်သူများ
တက်ရောက်ခဲ့ကြောင်း သိရသည်။
အောင်ဇော်မင်း
No comments:
Post a Comment