နေပြည်တော် နိုဝင်ဘာ ၂၀
အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)မှ လူ့စွမ်းအားအရင်းအမြစ်ဖွံ့ဖြိုးမှုအစီအစဉ်ဖြင့် အချိန်ပိုင်း အနုပညာဒီပလိုမာနှင့် အသိအမှတ်ပြုအနုပညာအောင်လက်မှတ်ရ သင်တန်းများကို ဖွင့်လှစ်သင်ကြားပေးလျက်ရှိရာ အနိမ့်ဆုံးပညာအရည်အချင်း သတ်မှတ်ချက်မှာ အခြေခံပညာအထက်တန်း Grade 12 (သို့မဟုတ်) ဒသမတန်းတက်ရောက်ခဲ့သူဖြစ်ရမည်။
ယခုအခါ မြန်မာနိုင်ငံရှိ အခြေခံပညာ(မူလတန်း၊ အလယ်တန်း)ဖြင့် ကျောင်းထွက်ထားသူများအတွက် အသက်မွေးဝမ်းကျောင်း အထောက်အကူဖြစ်စေရန် ဂီတပညာဌာနက စောင်း၊ ပတ္တလား၊ စန္ဒရား၊ တယောနှင့် အဆိုဘာသာရပ်များကိုလည်းကောင်း၊ သဘင်ပညာဌာနက မြန်မာ့ရိုးရာရုပ်သေးပညာနှင့် မြန်မာ့ရိုးရာအကပညာကိုလည်းကောင်း၊ ပန်းချီပညာဌာနက အခြေခံပန်းချီပညာ၊ ခဲပန်းချီနှင့် ရေဆေးပန်းချီရေးဆွဲနည်းကိုလည်းကောင်း၊ ပန်းပုပညာဌာနက အခြေခံပန်းပုပညာ၊ မြန်မာ့ရိုးရာပန်းပုနှင့် ပန်းပုပုံဖော်နည်းပညာကိုလည်းကောင်း သင်ကြားပေးမည်ဖြစ်ပြီး သတ်မှတ်အရည်အချင်းနှင့်ပြည့်စုံ၍ သတ်မှတ် ကာလပြီးမြောက်ပါက အသိအမှတ်ပြု အနုပညာအောင်လက်မှတ် ပေးအပ်ချီးမြှင့်သွားမည်ဖြစ်သည်။
လျှောက်ထားနိုင်
အဆိုပါ သင်တန်းများကို ၂၀၂၅ ခုနှစ် ဒီဇင်ဘာ ၁ ရက်တွင် စတင်ဖွင့်လှစ်သွားမည်ဖြစ်ရာ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်) သင်တန်းရေးရာဌာန ဖုန်း-၀၉-၄၂၁၀၁၂၈၀၈၊ ၀၉-၇၈၈၁၈၉၁၈၀၊ ၀၉-၂၅၀၀၈၈၂၆၈ သို့ ရုံးချိန်အတွင်း ဆက်သွယ်လျှောက်ထားနိုင်ကြောင်း သိရသည်။
သတင်းစဉ်
No comments:
Post a Comment