နေပြည်တော် ဇန်နဝါရီလ ၃
စစ်ကိုင်းတိုင်းဒေသကြီး၊ မုံရွာမြို့နယ် ၊ ထန်းပင်လှရွာနှင့် ကလေးမြို့နယ်၊ ဒိုးဝိုင်းချောင်းရွာကို ဇန်နဝါရီ ၂ ရက်နေ့တွင် လုံခြုံရေးတပ်ဖွဲ့များက မီးရှို့ဖျက်ဆီးခဲ့ကြောင်း သတင်းတု၊ သတင်းအမှားများကို တရားမဝင်ပြည်ဖျက်မီဒီယာ Khit Thit Media က လူမှုကွန်ရက်စာမျက်နှာများတွင် မဟုတ်မမှန် ရေးသားဖြန့်ဝေနေသည်ကို တွေ့ရှိရသည်။
အဆိုပါသတင်းနှင့်ပတ်သက်၍ သက်ဆိုင်ရာနယ်မြေများမှ
လုံခြုံရေးတာဝန်ရှိသူများ၏ ပြောကြားချက်အရ ဇန်နဝါရီ ၂ ရက်နေ့တွင် မုံရွာမြို့နယ် ၊
ထန်းပင်လှရွာနှင့် ကလေးမြို့နယ်၊ ဒိုးဝိုင်းချောင်းရွာတို့ရှိ
အနီးဝန်းကျင်များတွင် လုံခြုံရေးတပ်ဖွဲ့ဝင်များ သွားရောက်ခဲ့ခြင်း၊
နယ်မြေလုံခြုံရေးဆောင်ရွက်ခြင်း မရှိကြောင်း သိရှိရပါသည်။
နယ်မြေလုံခြုံရေးနှင့် တည်ငြိမ်အေးချမ်းရေးအတွက်
ထိန်းသိမ်းဆောင်ရွက်နေသည့် လုံခြုံရေးတပ်ဖွဲ့ဝင်များအား ဒေသခံပြည်သူများမှ
အထင်အမြင်လွဲမှားစေရန် သတင်းတု၊ သတင်းအမှားများကို အကြမ်းဖက်အားပေးမီဒီယာများမှ
မဟုတ်မမှန် ရေးသားဖြန့်ဝေနေခြင်းသာဖြစ်ကြောင်း သတင်းရရှိပါသည်။
No comments:
Post a Comment