နေပြည်တော် ဒီဇင်ဘာ ၁၁
ရေလုပ်ငန်းလုပ်ကိုင်ရန်ပို့ဆောင်၍ လုပ်အားခခေါင်းပုံဖြတ်ရယူခဲ့သူများအား လူကုန်ကူးမှုဖြင့် အလုပ်နှင့်ထောင်ဒဏ် ၁၀ နှစ် ချမှတ်ခဲ့ကြောင်း မြန်မာနိုင်ငံ ရဲတပ်ဖွဲ့မှ သိရသည်။
ရန်ကုန်တိုင်းဒေသကြီး လှိုင်သာယာမြို့နယ်နေ ဝင်းကို(ခ)အရှည်ကြီးနှင့် ဧရာဝတီတိုင်းဒေသကြီး ဖျာပုံမြို့နယ်နေ ဒေါ်နီနီဝင်း(ခ)မဗိုက်တို့က ရန်ကုန်တိုင်းဒေသကြီး လှိုင်သာယာမြို့နယ်နေ မောင် ----၊ ၁၆/၂၀၂၁ နှစ်အား ငါးဖမ်းစက်လှေတွင် ရေလုပ်သားအဖြစ်လုပ်ကိုင်ပါက လစာကောင်းကြောင်း၊ အလုပ်ရှာပေးမည်ဟု စည်းရုံးပြောဆို၍ဖျာပုံမြို့ရှိ ကြည်ပြာလှိုင်းစက်လှေသို့ ပို့ဆောင်ကာ လုပ်အားခငွေကျပ် ၁၀ သိန်းအား ခေါင်းပုံဖြတ်ရယူခဲ့သဖြင့် လှိုင်သာယာ (အနောက်ပိုင်း)မြို့မရဲစခန်း (ပ) ၉၇/၂၀၂၁၊ လူကုန်ကူးမှု တားဆီးကာကွယ် ရေးဥပဒေပုဒ်မ ၂၄ ဖြင့် အမှုရေးဖွင့်ခဲ့ပြီး အင်းစိန်ခရိုင်တရားရုံးသို့ တရားစွဲတင်ပို့ခဲ့ရာ ဒီဇင်ဘာ ၈ ရက်က တရားခံဝင်းကို(ခ)အရှည်ကြီးနှင့် ဒေါ်နီနီဝင်း(ခ)မဗိုက်တို့အား လူကုန်ကူးမှုတားဆီးကာကွယ်ရေး ဥပဒေပုဒ်မ ၂၄ အရ အလုပ်နှင့် ထောင်ဒဏ် ၁၀ နှစ်ချမှတ်ခဲ့ကြောင်း သိရ သည်။
သတင်းစဉ်
No comments:
Post a Comment