Oliver Stones’s Documentary “Nuclear Now”ရုပ်ရှင်ပြသပွဲ ကျင်းပ

 

ရန်ကုန် ဇွန် ၃၀

ပြည်ထောင်စုသမ္မတ မြန်မာနိုင်ငံတော် သိပ္ပံနှင့်နည်းပညာဝန်ကြီးဌာနနှင့် ရုရှားဖက်ဒရေးရှင်းနိုင်ငံ နိုင်ငံပိုင်အဏုမြူစွမ်းအင်ကော်ပိုရေးရှင်း “ROSATOM”တို့ ပူးပေါင်းဆောင်ရွက်သော သိပ္ပံ ပွဲတော် ၂၀၂၃ တတိယနေ့တွင် Oliver Stones’s Documentary “Nuclear Now ”ရုပ်ရှင်ပြသပွဲကို ယနေ့မွန်းလွဲ ၂ နာရီတွင် ရန်ကုန်မြို့ လှိုင်မြို့နယ်ရှိ နျူးကလီးယား နည်းပညာသတင်းအချက်အလက်စင်တာ၌ ကျင်းပသည်။

တက်ရောက်

ရုပ်ရှင်ပြသပွဲသို့ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျ၊ ရုရှားဖက်ဒရေးရှင်းနိုင်ငံ နိုင်ငံပိုင်အဏုမြူစွမ်းအင်ကော်ပိုရေးရှင်း “ROSATOM”မှ တာဝန်ရှိသူများ၊ ဖိတ်ကြားထားသည့် ပြည်တွင်းမှ သတင်းမီဒီယာများနှင့် တာဝန်ရှိသူများ တက်ရောက်ကြသည်။

ဦးစွာ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး၊ ရုရှားဖက်ဒရေးရှင်းနိုင်ငံ နိုင်ငံပိုင်အဏုမြူစွမ်းအင်ကော်ပိုရေးရှင်း “ROSATOM”မှ တာဝန်ရှိသူများ၊ ဖိတ်ကြားထားသည့် ပြည်တွင်းမှ သတင်းမီဒီယာများနှင့် တာဝန်ရှိသူများက Oliver Stones’s Documentary “Nuclear Now” ရုပ်ရှင်ကို ကြည့်ရှုအားပေးကြသည်။

ယင်းနောက် အဆိုပါရုပ်ရှင်တွင်ပါဝင်သည့် အကြောင်းအရာများနှင့်ပတ်သက်၍ မီဒီယာများနှင့် တက်ရောက်လာကြသူများက သိရှိလိုသည်များကို မေးမြန်းကြရာ ရုရှားဖက်ဒေးရှင်းနိုင်ငံမှ ကျွမ်းကျင်ပညာရှင်က ပြန်လည်ဖြေကြားသည်။

ထို့နောက် ဒုတိယဝန်ကြီး ဒေါက်တာအောင်ဇေယျက ရုရှားဖက်ဒရေးရှင်းနိုင်ငံ နိုင်ငံပိုင် အဏုမြူစွမ်းအင်ကော်ပိုရေးရှင်း “ROSATOM”မှ တာဝန်ရှိသူထံ လက်ဆောင်ပစ္စည်းပေးအပ်ပြီး ရုရှားဖက်ဒရေးရှင်းနိုင်ငံ နိုင်ငံပိုင်အဏုမြူစွမ်းအင်ကော်ပိုရေးရှင်း “ROSATOM” တာဝန်ရှိသူက ကျေးဇူတင်စကား ပြောကြားခဲ့ကြောင်း သိရသည်။

သတင်းစဉ်