ဇမ္ဗူသီရိ ဧပြီ ၂၅
နွေရာသီကျောင်းပိတ်ရက်တွင် ကျောင်းသား၊ ကျောင်းသူ လူငယ်များအနေဖြင့် ယဉ်ကျေးလိမ္မာပြီး ဘာသာတရားကို ငယ်စဉ်ကလေးဘဝမှစ၍ သိရှိလိုက်နာကျင့်သုံးတတ်စေပြီး ယဉ်ကျေးလိမ္မာသိမ်မွေ့၍ ရတနာသုံးပါးနှင့် လူကြီးမိဘဆရာသမားတို့အား ရိုသေလေးစား ချစ်ခင်မြတ်နိုးတန်ဖိုးထားတတ်သည့် လူတော်လူကောင်းများအဖြစ် ပေါ်ထွန်းလာစေရန် ရည်ရွယ်၍ ပြည်ထောင်စုနယ်မြေ၊ နေပြည်တော်၊ ဇမ္ဗူသီရိမြို့နယ်၊ သပြေကုန်းရပ်ကွက်၊ သာသနမဉ္ဇူဓမ္မာရုံ၊ အမှတ် (၁၄)နှင့် အမှတ် (၂၂) အခြေခံပညာအထက်တန်းကျောင်းတို့တွင် ဗုဒ္ဓဘာသာအခြေခံယဉ်ကျေးလိမ္မာသင်တန်း ဖွင့်လှစ်သင်ကြားနေမှုအား ယနေ့နံနက်ပိုင်းက ဇမ္ဗူသီရိမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးနေမျိုးထွန်း၊ အဖွဲ့ဝင် (၂) ဦးကျော်အောင်တို့က လှည့်လည်ကြည့်ရှု အားပေးခဲ့သည်။
အဆိုပါ သင်တန်းတွင် ငါပါးသီလ၊ ဗုဒ္ဓဝင်ခုနစ်နေ့ ဘုရားရှိခိုး၊ သုစရိုက် (၁၀)ပါး၊ ပုညကြိယာ (၁၀) ပါး၊ ယဉ်ကျေးခြင်း အပိုင်း(၁)နှင့် (၂)၊ ယဉ်ကျေးလိမ္မာဆုံးမစာများ အပိုင်း (၁)နှင့် (၂)၊ “ကန်တော့ကြမယ်”၊ သုံးဆယ့်ရှစ်ဖြာမင်္ဂလာ စသည့်ဘာသာရပ်များကို ဧပြီလ ၂၁ ရက်နေ့မှ ၂၉ ရက်နေ့အထိ ဖွင့်လှစ်သင်ကြားလျက်ရှိကြောင်း သိရသည်။
ဟိန်းသူအောင်(ပြန်/ဆက်)
No comments:
Post a Comment