နေပြည်တော် မတ် ၁
ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စု ဝန်ကြီး ဦးဝင်းရှိန်သည် ရခိုင်ပြည်နယ် စီးပွား ရေးရာဝန်ကြီး ဦးစံရွှေ မောင်နှင့်အတူ ဖေဖော်ဝါရီ ၂၆ ရက်တွင် ရခိုင်ပြည်နယ် စစ်တွေမြို့ရှိ စီမံကိန်းရေးဆွဲရေးဦးစီးဌာန၊ ဗဟိုစာရင်းအင်းအဖွဲ့၊ မြန်မာ့စီးပွား ရေးဘဏ်၊ မြန်မာ့လယ်ယာဖွံ့ဖြိုးရေးဘဏ်၊ မြန်မာ့အာမခံလုပ်ငန်း၊ ရသုံး မှန်းခြေငွေစာရင်း ဦးစီးဌာန၊ ပြည်တွင်းအခွန်များဦးစီးဌာန၊ အကောက် ခွန်ဦးစီးဌာန၊ ငွေရေးကြေးရေးကြီး ကြပ်စစ်ဆေးရေးဦးစီးဌာနနှင့် ပင်စင် ဦးစီးဌာနတို့မှ ဝန်ထမ်းများကို တွေ့ဆုံသည်။
ထို့ပြင် ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးဝင်းရှိန်သည် ရခိုင်ပြည်နယ် ဝန်ကြီးချုပ် ဦးထိန်လင်း နှင့်အတူ ဖေဖော်ဝါရီ ၂၈ ရက် တွင် ကျောက်ဖြူမြို့ရှိ မြန်မာ့စီးပွားရေးဘဏ် (ခရိုင်ဘဏ်ခွဲ)၊ မြန်မာ့ လယ်ယာ ဖွံ့ဖြိုးရေးဘဏ် (ခရိုင်ဘဏ်ခွဲ)နှင့် အကောက်ခွန်ဦးစီးဌာနရုံး များသို့လည်းကောင်း၊ ယနေ့တွင် အမ်းမြို့ရှိ မြန်မာ့ စီးပွားရေးဘဏ် (မြို့နယ်ဘဏ်ခွဲ)၊ မြန်မာ့လယ်ယာဖွံ့ဖြိုးရေးဘဏ် (မြို့နယ်ဘဏ်ခွဲ)၊ ပြည်တွင်း အခွန် များ ဦးစီးဌာနနှင့် စီမံကိန်းရုံးများသို့ လည်းကောင်း သွားရောက်စစ်ဆေးပြီး ဝန်ထမ်းများနှင့် တွေ့ဆုံသည်။
ယင်းသို့တွေ့ဆုံစဉ် ဒုတိယဝန်ကြီးချုပ်နှင့် ပြည်ထောင်စုဝန်ကြီးက ဝန်ထမ်းများအနေဖြင့် နှစ်အလိုက် စီမံကိန်းများကို လျာထားချက် အလိုက် အောင်မြင်စွာအကောင်အထည်ဖော်ရေး၊ အရည်အသွေး ပြည့်မီသောချေးငွေများကို ထုတ်ချေးနိုင်ရေးနှင့် Non-Preforming Loans (NPL) ကျဆင်းရေးအတွက် စီမံချက်များရေးဆွဲပြီး ထိရောက်စွာ ဆောင်ရွက်နိုင်ရေး၊ သတ်မှတ်ဘဏ္ဍာ နှစ်အတွင်း အခွန်လျာထားချက် ပြည့်မီအောင် ကောက်ခံနိုင်ရေးနှင့် ပြည်သူများအား အခွန်ဆိုင်ရာ ဗဟုသုတများ နားလည်မှုရှိစေရေးအတွက် အသိပညာ ပေးဆောင်ရွက် ရေး၊ MSME လုပ်ငန်းများအား ဖွံ့ဖြိုးတိုးတက်စေရေးအတွက် ဝန်ထမ်း များအနေဖြင့် MSME လုပ်ငန်းရှင်များကို ဝိုင်းဝန်းပံ့ပိုးဆောင်ရွက် ပေးနိုင်ရေးနှင့် ဝန်ထမ်းများအနေဖြင့် စည်းလုံး ညီညွတ်စွာဖြင့် မိမိတို့၏ လုပ်ငန်းတာဝန်များကို ကြိုးပမ်းဆောင်ရွက်ရေးတို့အား မှာကြားခဲ့ပြီး ဝန်ထမ်းများ၏ တင်ပြချက်များအား ဖြေရှင်းဆောင်ရွက်ပေးခဲ့ကြောင်း သိရသည်။
သတင်းစဉ်
No comments:
Post a Comment