အိမ်မဲ ဒီဇင်ဘာ ၃
ဧရာဝတီတိုင်းဒေသကြီး၊ မြောင်းမြခရိုင်၊ အိမ်မဲမြို့နယ် ဘုရားကြီးကုန်းကျေးရွာအုပ်စု တောင်သူဦးပန်းမောင်၏ လယ်မြေတွင် မြို့နယ်စိုက်ပျိုးရေးဦးစီးဌာနမှ ၂၀၂၂-၂၀၂၃ ဆောင်းသီးနှံနေကြာ စိုက်နည်းစနစ်ကွင်းသရုပ်ပြပွဲ အခမ်းအနားနှင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဆောင်ရွက်သည့် ဆိုလာဖြင့်ရေပေးဝေမှု ပြသခြင်းအခမ်းအနားကို ယမန်နေ့နံနက် ၈ နာရီတွင်ကျင်းပရာ ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်းနှင့် တာဝန်ရှိသူများ တက်ရောက်ကြည့်ရှုအားပေးခဲ့သည်။
ရှေးဦးစွာ ၂၀၂၂-၂၀၂၃ ဆောင်းသီးနှံနေကြာ စိုက်နည်းစနစ်ကွင်းသရုပ်ပြပွဲအခမ်းအနားကျင်းပရာ ဆင်းရွှေကြာ မျိုးစေ့ကို မျိုးစေ့ချစက်ကိရိယာဖြင့် မျိုးစေ့ချစိုက်ပျိုးခဲ့ရာ ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်း နှင့်တာဝန်ရှိသူများက ကြည့်ရှုအား ပေးခဲ့သည်။
ထို့နောက် တိုင်းဒေသကြီး ဝန်ကြီးချုပ်နှင့်တာဝန်ရှိသူများက အိမ်မဲမြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှဆိုလာဖြင့် လယ်ယာစိုက်ပျိုးမြေတွင် ရေပေးဝေမှုကိုကြည့်ရှုအားပေးပြီး လိုအပ်သည်များကို လမ်းညွှန်မှာကြားခဲ့သည်။
ချစ်သက်လယ်(အိမ်မဲ)
No comments:
Post a Comment