မြန်မာနိုင်ငံ အိုလံပစ်ကော်မတီဥက္ကဋ္ဌ ပြည်ထောင်စုဝန်ကြီး ဦးမင်းသိန်းဇံ SEAGF COUNCIL အစည်း အဝေးတက်ရောက်

 

နေပြည်တော် ဧပြီ  ၁၀

ကမ္ဘောဒီးယားနိုင်ငံ Borei Angkor Resort andSpa ၌ ယနေ့ နံနက် ၈ နာရီခွဲက ကျင်းပသည့် SEAGF COUNCILအစည်းအဝေးသို့မြန်မာနိုင်ငံ အိုလံပစ် ကော်မတီဥက္ကဋ္ဌ အားကစားနှင့် လူငယ်ရေးရာ ဝန်ကြီးဌာနပြည်ထောင်စုဝန်ကြီးဦးမင်းသိန်းဇံ၊ အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးထွန်းမြင့်ဦး၊ ယှဉ်ပြိုင်ရေးနှင့် လေ့ကျင့်ရေးဌာနခွဲ(၁)ညွှန်ကြားရေးမှူးဦးခွန်ဂျာအောင်၊ SOUTH EAST ASIAN GAMES FEDERATION မှ တာဝန်ရှိသူများနှင့် SEAGF COUNCIL အဖွဲ့ဝင်များက နေပြည်တော် ဝဏ္ဏသိဒ္ဓိအားကစားကွင်း အစည်းအဝေးခန်းမမှ ဗီဒီယိုကွန်ဖရင့်စနစ်ဖြင့် တက်ရောက်ကြသည်။

ရှေးဦးစွာကမ္ဘောဒီးယားနိုင်ငံ SEA Games ကျင်းပရေးလုပ်ငန်းကော်မတီပူးတွဲဒုဥက္ကဋ္ဌ H.E.DR. THONG KHON က ကြိုဆိုနှုတ်ခွန်းဆက်စကားပြောကြားခဲ့ပြီးကမ္ဘောဒီးယားနိုင်ငံဒုတိယ ဝန်ကြီးချုပ် SEA Games ကျင်းပရေးဦးစီးကော်မတီဥက္ကဋ္ဌ SAMDECH PICHEY SENA TEA BANH က အဖွင့်အမှာစကား ပြောကြားသည်။

ယင်းနောက် SEAGF COUNCIL အဖွဲ့ဝင်များကအသီးသီး နှုတ်ခွန်းဆက်စကားပြောကြားကြပြီး မြန်မာနိုင်ငံအိုလံပစ်ကော်မတီဥက္ကဋ္ဌ အားကစားနှင့် လူငယ်ရေးရာဝန်ကြီးဌာန ပြည်ထောင်စုဝန်ကြီး ဦးမင်းသိန်းဇံကအရှေ့တောင်အာရှဒေသတွင်းမှ SEAGF အဖွဲ့ဝင်များနှင့် ထပ်မံတွေ့ဆုံရသည့်အတွက် ဂုဏ်ယူပါကြောင်း၊ အရှေ့တောင်အာရှဒေသတွင်း၌ အားကစားလှုပ်ရှားမှုများဖွံ့ဖြိုးတိုးတက်စေရန်နှင့် မြှင့်တင်ရေးဆောင်ရွက်မှုများတွင် ရှေ့ဆက်ပူးပေါင်း ဆောင်ရွက်သွားရန်မျှော်လင့်ပါကြောင်း၊ ကမ္ဘော ဒီးယားနိုင်ငံ၌အိမ်ရှင်အဖြစ်လက်ခံကျင်းပမည့် 32^nd SEA Games အတွက် အစစအရာရာ အောင်မြင် စေရန်ဆုမွန်ကောင်းတောင်းပေးပါကြောင်း၊ လာမည့်ဗီယက်နမ်နိုင်ငံတွင် ကျင်းပမည့် 31^st SEA Games တွင် တွေ့ဆုံရန်မျှော်လင့်ပါကြောင်း မိတ်ဆက်စကားပြောကြားသည်။

ဆက်လက်၍ ကမ္ဘောဒီးယားနိုင်ငံ SEA Games ကျင်းပရေးလုပ်ငန်းကော်မတီ ပူးတွဲဒုဥက္ကဋ္ဌ H.E.DR. THONG KHON မှ 32^nd Combodia SEA Games တွင် ထည့်သွင်းကျင်းပမည့် အားကစားနည်း အမျိုး အစားများကို ရှင်းလင်းပြောကြားရာ SEAGF အဖွဲ့ဝင် နိုင်ငံများကထပ်မံထည့်သွင်း ကျင်းပလိုသည့် အားကစားနည်းများကို အဆိုပြုတင်ပြဆွေးနွေးပြီး ဆပ်ကော်မတီအလိုက် အတည်ပြုချက်များကို တင်ပြဆွေးနွေးကြသည်။

ယင်းနောက်ဗီယက်နမ်နိုင်ငံ SEA Games ကျင်းပရေးကော်မတီတာဝန်ရှိသူက 31^st SEA Games နှင့်ပတ်သက်သည့် အချက်အလက်များ၊ ကျင်းပမည့်နေရာများနှင့် ပြင်ဆင်ဆောင်ရွက်ထားရှိမှုများကို ရှင်းလင်းပြောကြားသည်။

ထိုနောက်ကမ္ဘောဒီးယားနိုင်ငံ SEA Games ကျင်းပရေးကော်မတီတာဝန်ရှိသူက 32^nd SEA Games နှင့်ပတ်သက်သည့်အချက်အလက်များ၊ ကျင်းပမည့်နေရာများနှင့် ပြင်ဆင်ဆောင်ရွက်ထားရှိမှုများကို ရှင်းလင်းပြောကြားခဲ့ကြောင်း သိရသည်။

သတင်းစဉ်