အစွန်းရောက်အကြမ်းဖက် သောင်းကျန်းသူများသည် အေးချမ်းစွာနေထိုင်လျက်ရှိသော ခရီးသွားပြည်သူလူထု များအား ထိခိုက်ဒဏ်ရာရရှိစေရန်နှင့် ဒေသတွင်းလမ်းပန်းဆက်သွယ်မှုများ ပြတ်တောက်၍ တရားဥပဒေ စိုးမိုးမှုအား ထိခိုက်ပျက်ပြားစေရန် ရည်ရွယ်၍ အများပြည်သူသွား လာနေသော လမ်းမကြီးများ၊ လမ်းများနှင့် ဌာနဆိုင်ရာရုံးများအား လက်လုပ်ဗုံး၊ လက်လုပ်မိုင်းများဖြင့် မိုင်းထောင်ဖောက်ခွဲခြင်း၊ ပစ်ပေါက်ခြင်းများ ပြုလုပ်လျက်ရှိသည်။
လက်လုပ်မိုင်းပေါက်ကွဲမှုကြောင့် ကိုစိုးရာဇာ၊ ကိုပြည့်ဖြိုးဝေ၊ မနွေးနွေးလင်း၊ မောင်ရဲရင့်သူနှင့် မရွှန်းလဲ့ဝေ တို့သည် မိုင်းစထိမှန်ဒဏ်ရာများကြောင့် နေရာတွင် သေဆုံးခဲ့ပြီး ဦးသန်းဝင်းမောင်တွင် မိုင်းစထိမှန်ဒဏ်ရာ ရရှိခဲ့သဖြင့် ဆေးဝါးကုသနိုင်ရေး ကလေးမြို့နယ် ပြည်သူ့ဆေးရုံသို့ ပို့ဆောင်ထားရှိကြောင်း၊ မမိုးစန္ဒာမြင့်မှာ ပျောက်ဆုံးလျက်ရှိကြောင်းနှင့် မိုင်းထိမှန်မှုကြောင့် မော်တော်ယာဉ်မှာ ကြေမွပျက်စီးသွားကြောင်း သိရသည်။
အဆိုပါဖြစ်စဉ်မှ အပြစ်မဲ့ခရီးသွားပြည်သူများအား မိုင်းထောင်ဖောက်ခွဲခဲ့သူ အကြမ်းဖက် သမားများအား ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိသည်။
No comments:
Post a Comment