နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေး ဦးစီးချုပ်(ကြည်း) ဒုတိယဗိုလ်ချုပ်မှူးကြီးစိုးဝင်း လက်ဖက်အချိုခြောက်နှင့် သစ်သီးအခြောက်ခံစက်ရုံ (နောင်တရား) ဖွင့်ပွဲအခမ်းအနားသို့ တက်ရောက်

နေပြည်တော် ဧပြီ ၈

လက်ဖက်အချိုခြောက်နှင့် သစ်သီးအခြောက်ခံစက်ရုံ(နောင်တရား) ဖွင့်ပွဲအခမ်းအနားကို ယနေ့နံနက်ပိုင်းတွင် ရှမ်းပြည်နယ်(တောင်ပိုင်း)၊ နောင်တရားမြို့ရှိ အဆိုပါ စက်ရုံနေရာ၌ ကျင်းပပြုလုပ်ရာ နိုင်ငံတော်စီမံ အုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီး ချုပ်(ကြည်း) ဒုတိယဗိုလ်ချုပ်မှူးကြီးစိုးဝင်း တက်ရောက်ဖွင့်လှစ်ပေးသည်။

ဦးစွာ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း)နှင့် အဖွဲ့ဝင်များသည် အဆိုပါ လက်ဖက်အချိုခြောက်နှင့် သစ်သီး အခြောက်ခံ စက်ရုံ(နောင်တရား)သို့ ရောက်ရှိရာ ဒေသခံတိုင်းရင်းသားပြည်သူများက လှိုက်လှဲစွာ ကြိုဆိုနှုတ်ဆက်ကြသည်။

အခမ်းအနားသို့ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ၊ ဒုတိယ တပ်မတော်ကာကွယ်ရေး ဦးစီးချုပ်၊ ကာကွယ်ရေးဦးစီးချုပ်(ကြည်း)နှင့် အတူ ရှမ်းပြည်နယ် ဝန်ကြီးချုပ် ဒေါက်တာကျော်ထွန်း၊ မြန်မာစီးပွားရေး ကော်ပိုရေးရှင်းဥက္ကဋ္ဌ ဒုတိယဗိုလ်ချုပ်ကြီး ညိုစော၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး အောင်ဇော်အေး၊ ကာကွယ်ရေးဦးစီးချုပ်ရုံး(ကြည်း၊ ရေ၊ လေ)မှ တပ်မတော် အရာရှိကြီးများ၊ အရှေ့ပိုင်း တိုင်းစစ်ဌာနချုပ် တိုင်းမှူး၊ ဒုတိယဝန်ကြီးများ၊ ပအိုဝ်း ကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေး အဖွဲ့ဥက္ကဋ္ဌနှင့် တာဝန်ရှိသူများ၊ ဖိတ်ကြား ထားသူများ၊ ဒေသခံတိုင်းရင်းသားများ တက်ရောက်ကြသည်။

ဦးစွာ လက်ဖက်အချိုခြောက်နှင့် သစ်သီးအခြောက်ခံစက်ရုံ(နောင်တရား) ဖွင့်ပွဲအခမ်းအနားအား ရှမ်းပြည်နယ် ဝန်ကြီးချုပ် ဒေါက်တာကျော်ထွန်း၊ မြန်မာစီးပွားရေး ကော်ပိုရေးရှင်းဥက္ကဋ္ဌ ဒုတိယဗိုလ်ချုပ် ကြီးညိုစော၊ အရှေ့ပိုင်းတိုင်း စစ်ဌာနချုပ် တိုင်းမှူးဗိုလ်ချုပ် နီလင်းအောင်နှင့် ပအိုဝ်းကိုယ်ပိုင် အုပ်ချုပ်ခွင့်ရ ဒေသဥက္ကဋ္ဌ ဦးခွန်ရဲထွေးတို့က ဖဲကြိုးဖြတ်ဖွင့်လှစ်ပေးသည်။

ထို့နောက် နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယ တပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းက လက်ဖက်အချိုခြောက်နှင့် သစ်သီး အခြောက်ခံ စက်ရုံ(နောင်တရား) ဆိုင်းဘုတ်အား စက်ခလုတ်နှိပ်ဖွင့်လှစ်ပေးသည်။ ယင်းနောက် နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယတပ်မတော် ကာကွယ်ရေးဦးစီးချုပ်၊ ကာကွယ် ရေးဦးစီးချုပ်(ကြည်း)နှင့် အဖွဲ့ဝင်များက လက်ဖက်ရွက်စိမ်းများအား ဘတ်ကွန်ပေယာဇယားအတွင်းသို့ ထည့်သွင်းကြပြီး စက်ရုံအား စတင်လည်ပတ်စေသည်။ ထို့နောက် နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း)နှင့် အခမ်း အနားသို့ တက်ရောက်လာကြသူများသည် လက်ဖက်အချိုခြောက်နှင့် သစ်သီးအခြောက်ခံစက်ရုံ (နောင်တရား) မုခ်ဦးရှေ့၌ အမှတ်တရ စုပေါင်းဓာတ်ပုံရိုက်ကြပြီး စက်ရုံအတွင်း သစ်သီးအခြောက်ခံမှုလုပ်ငန်း အဆင့်ဆင့်နှင့် လက်ဖက်အချိုခြောက်ထုတ်လုပ်နေမှု အဆင့်ဆင့်တို့အား တာဝန်ရှိသူ များနှင့်အတူ လှည့်လည်ကြည့်ရှုကြသည်။ ယင်းနောက် နိုင်ငံတော်စီမံအုပ်ချုပ်ရေး ကောင်စီဒုတိယဥက္ကဋ္ဌ၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေး ဦးစီးချုပ်(ကြည်း) ဒုတိယ ဗိုလ်ချုပ်မှူးကြီးစိုးဝင်းက စက်ရုံမှ ဝန်ထမ်းများအတွက် ဂုဏ်ပြုချီးမြှင့်ငွေများ ပေးအပ်သည်။

အခမ်းအနားအစီအစဉ်အရ စက်ရုံရှင်းလင်းဆောင်၌ လက်ဖက်အချိုခြောက်နှင့် သစ်သီးအခြောက်ခံ စက်ရုံ(နောင်တရား) ဆိုင်ရာ Documentary Video Clip အား ပြသသည်။ ထို့နောက် မြန်မာစီးပွားရေး ကော်ပိုရေးရှင်း ဦးဆောင်ညွှန်ကြားရေးမှူး ဦးကျော်လင်းက စက်ရုံဆိုင်ရာ အချက်အလက်များအား ရှင်းလင်း တင်ပြသည်။

ထို့နောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းက အဖွင့်အမှာစကားပြောကြားရာတွင် နိုင်ငံတောင်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ၂၀၁၉ ခုနှစ်၊ ဒီဇင်ဘာလ ခရီးစဉ်တွင် ဒေသခံပြည်သူများ၏ လူမှုစီးပွားဘဝ အထောက်အကူဖြစ်စေရန် ရည်ရွယ်ပြီး နောင်တရားဒေသအတွင်း လက်ဖက်အခြောက်ခံ စက်ရုံဖွင့်လှစ်ရေး လမ်းညွှန်ချက်နှင့်အညီ လက်ဖက်အချိုခြောက်နှင့် သစ်သီးအခြောက်ခံ စက်ရုံ (နောင်တရား)ကို ဖွင့်လှစ်ခြင်း ဖြစ်၍ ပအိုဝ်းဒေသတိုင်းရင်းသားများအတွက် ဂုဏ်ယူဝမ်းမြောက်ဖွယ် နေ့တစ်နေ့ဖြစ်ပါကြောင်း၊ ဒေသတွင်း လက်ဖက်ကို လွန်ခဲ့သည့် ရှေးနှစ်ပေါင်း ၂၀၀ ခန့်က စတင်စိုက်ပျိုးခဲ့ကြပြီး အသက်မွေးဝမ်းကြောင်း အတွက် အဓိကကျသော လုပ်ငန်းတစ်ရပ်အနေဖြင့် မဟုတ်ဘဲ ဖြည့်စွက်သီးနှံအနေဖြင့် စိုက်ပျိုးခဲ့ကြကြောင်း၊ အရွက်အညွန့်များ ခူးရာတွင်လည်း ထွက်ရှိသရွေ့ မခူးနိုင်ဘဲ ဝယ်လိုအားအရသာ ခူးဆွတ်၍ ရသည့်ဈေးဖြင့်သာ ရောင်းချခဲ့ရကြောင်း၊ နောင်တရား ပတ်ဝန်းကျင် ကျေးရွာအုပ်စု ၈ စုတွင် လက်ရှိလက်ဖက်စိုက်ဧက စုစုပေါင်း ၄၅၂၆ ဧကခန့်နှင့် တစ်ဧကပျမ်းမျှ လက်ဖက် ရွက်စိမ်း ၆၀၀ ပိဿာခန့် ထွက်ရှိပြီး တစ်နှစ် စုစုပေါင်း လက်ဖက်ရွက်စိမ်း ၂ ဒသမ ၇ သန်းပိဿာခန့်ထွက်ရှိကြောင်းနှင့် ပင်လောင်းမြို့နယ် အတွင်းတွင် လက်ဖက်စိုက်ဧက ၁၅၅၄၃ ဧကမှ တစ်နှစ်လက်ဖက်ရွက်စိမ်း ၆၆၁၀၂၀၀ ပိဿာခန့် ထွက်ရှိသည့်အတွက် ဒေသတစ်ခုလုံးတွင် လက်ဖက်ရွက်စိမ်းထွက်ရှိမှုအနေဖြင့် ၉၃၂၅၈၀၀ ပိဿာ (၁၅၂၂၈)တန် ထွက်ရှိသည်ကို တွေ့ရှိရကြောင်း၊ ဒေသအတွင်း သရက်၊ နဂါးမောက်၊ လိမ္မော်၊ ထောပတ်၊ နာနတ်နှင့် ငှက်ပျောသီးများထွက်ရှိပြီး ပင်လောင်း၊ အောင်ပန်း၊ တောင်ကြီးမြို့များသို့ တင်ပို့ရောင်းချမှုရှိသော်လည်း အဓိကအားဖြင့် ပင်လောင်းမြို့ ဈေးကွက်အတွင်းကိုသာ တင်ပို့နိုင်ကြောင်းကို တွေ့ရှိရကြောင်း၊ လက်ဖက်ခြောက်နှင့် သစ်သီးအခြောက်ခံ စက်ရုံ(နောင်တရား)ကို တည်ဆောက်ပြီး တန်ဖိုးမြင့် လက်ဖက်အချိုခြောက် ထုတ်ကုန်အဖြစ် ထုတ်လုပ် နိုင်ခြင်း ဖြင့် နောင်တရားနှင့် ပင်လောင်းဒေသ အနီးပတ်ဝန်းကျင်မှ ထွက်ရှိသည့် လက်ဖက်ရွက်စိမ်းများကို ထွက်ရှိသလောက် ဆွတ်ခူးရောင်းချနိုင်မှာဖြစ်ပြီး ဒေသခံ လက်ဖက်စိုက်တောင်သူများ၏ လူမှုစီးပွားဘဝ ပိုမိုဖွံ့ဖြိုးတိုးတက် ကောင်းမွန်လာမည်ဖြစ်သလို ဒေသအတွင်း၌ စိုက်ပျိုးသည့် အသီးများကိုလည်း လေလွင့်ဆုံးရှုံးမှုမရှိစေဘဲ သစ်သီးခြောက်အဖြစ် ကျယ်ကျယ်ပြန့်ပြန့် ထုတ်လုပ်ပြီး ဈေးကွက်အတွင်း တင်ပို့ရောင်းချနိုင်မည်ဖြစ်သည့်အတွက် ဝင်ငွေပိုမိုတိုးတက်ရရှိနိုင်မှာဖြစ်ကြောင်း၊ လက်ဖက်အချို ခြောက်ထုတ် လုပ်ရာတွင် မိရိုးဖလာထုတ်လုပ်မှု Orthodox နည်းစနစ်နှင့် CTC ခေတ်မီနည်းစနစ်ဟူ၍ နည်းစနစ် ၂ မျိုးရှိသည့်အနက် ယခုစက်ရုံ၏ တပ်ဆင်ထားသည့်စနစ်မှာ CTC (Crush-Tear- Curl) စနစ်ဖြစ်ပြီး လက်ဖက်အချိုခြောက်၏ အရည်အသွေးကို မြင့်မားစွာ ထုတ်လုပ်နိုင်သည့်အပြင် အလေအလွင့်နည်းပါးစွာဖြင့် ထုတ်လုပ်နိုင်မှာ ဖြစ်သည့်အတွက် စီးပွားရေးအရ ပိုမိုတွက်ချေကိုက်မှာဖြစ်ကြောင်း၊ တစ်ရက်လျှင် ၈ နာရီ ကုန်ကြမ်း ၅ တန် ကြိတ်ဝါးပါက ကုန်ချော ၁ ဒသမ ၁ တန် ထွက်ရှိမည့် CTC အချိုခြောက်စက်များ တပ်ဆင်ထားခြင်းဖြစ် ကြောင်း၊ ရှမ်းပြည်နယ်တောင်ပိုင်း (တောင်ကြီး)ခရိုင် ပင်လောင်းမြို့နယ်မှာရှိသည့် နောင်တရားမြို့အတွင်း ယခုကဲ့သို့ လက်ဖက်ခြောက်နှင့် သစ်သီးအခြောက်ခံစက်ရုံကြီး တည်ဆောက်ဖွင့်လှစ်ရ သည့် ရည်ရွယ်ချက်များအနေဖြင့် ရှမ်းပြည်နယ်တောင်ပိုင်း (နောင်တရား)ဒေသ၊ ပင်လောင်း ဒေသနှင့် အနီးဝန်းကျင်ဒေသများတွင် ထွက်ရှိသည့် သစ်သီးများကို အခြောက်ခံပြီး အသီးအခြောက်ပြုလုပ်ကာ ပြည်တွင်း၊ ပြည်ပ ဈေးကွက်အတွင်း အဆင့်မြင့်ထုတ်ကုန် အဖြစ် ထုတ်လုပ်ရောင်းချပြီး ဒေသခံပြည်သူ များ၏ လူမှုစီးပွားဘဝဖွံ့ဖြိုးတိုးတက်ရေးကို အထောက်အကူဖြစ်စေပြီး ဝင်ငွေတိုးပွား စေရန်ဖြစ် ကြောင်း၊ ပင်လောင်း- နောင်တရားဒေသများသည် ပတ်ဝန်းကျင်ရှိ ရွာငံ၊ ပင်းတယမြို့များထက် စိုက်ဧကများသော်လည်း အကျိုးမြတ်ရရှိမှုနည်းသဖြင့် လက်ဖက်ခြံလုပ်ငန်းများနှင့် အသီးခြံလုပ်ငန်းများ စွန့်ခွာမည့်အခြေအနေများ ဖြစ်ပေါ်လျက်ရှိရာ စက်ရုံမှဝယ်ယူမည့် လက်ဖက်နှင့်သစ်သီးကုန်ကြမ်း ဝင်ငွေပုံမှန် ရရှိလာမည်ဖြစ်၍ လက်ဖက်နှင့် သစ်သီးခြံလုပ်ငန်းများ ဆက်လက်လုပ်ကိုင်ဆောင်ရွက် နိုင်စေရန်ဖြစ်ကြောင်း။

လက်ဖက်ရွက်စိမ်းများနှင့် ဒေသထွက်သစ်သီးဝလံများ ဈေးကွက်ခိုင်မာရှင်သန်လာသည်နှင့် စိုက်ပျိုးရေး လုပ်ငန်းများ တိုးတက်ဖွံ့ဖြိုးလာပြီး ပအိုဝ်းဒေသတွင် အစားထိုးလက်ဖက်သီးနှံအဖြစ် တိုးချဲ့စိုက်ပျိုးနိုင်ခြင်း၊ ဒေသအတွင်းအလုပ်အကိုင် အခွင့်အလမ်းများ ပိုမိုတိုးတက် ရရှိလာခြင်းနှင့် တောင်သူများ၏ လူမှုစီးပွားဘဝ ပိုမိုဖွံ့ဖြိုးတိုးတက် ကောင်းမွန်လာနိုင်ခြင်းစသော အကျိုးကျေးဇူးများမှတဆင့် နိုင်ငံသာယာဝပြောရေး၊ စားရေရိက္ခာပေါများဖူလုံရေးနှင့် ဒေသတွင်း ဖွံ့ဖြိုးတိုးတက်မှုကို အထောက် အကူပြုမည်ဖြစ်သည့်အတွက် လက်ဖက်အချိုခြောက်နှင့် သစ်သီးအခြောက်ခံစက်ရုံ(နောင်တရား)အား ရင်းနှီးမြှုပ်နှံမှုပမာဏများစွာဖြင့် တည်ဆောက်ပေးခဲ့ခြင်း ဖြစ်ကြောင်း၊ ယခုဖွင့်လှစ်လိုက်သည့် လက်ဖက်ခြောက်နှင့် သစ်သီးအခြောက်ခံ စက်ရုံ(နောင်တရား)သည် နောင်တရားမြို့အပါအဝင် ပအိုဝ်းကိုယ်ပိုင်အုပ်ချုပ်ခွင့်ရ ဒေသအတွက် အဆင့်အတန်းမြင့်မား၍ ဂုဏ်ယူဖွယ်ကောင်းသော စက်ရုံကြီးအဖြစ် တည်ရှိနေမည်ဖြစ်ကြောင်း၊ ဒေသအတွက် အများနှင့် သက်ဆိုင်သော ပထမဆုံးတစ်ခု တည်းသော စက်ရုံကြီးဖြစ်ပြီး နိုင်ငံတော်ဝန်ကြီးချုပ်၏ လမ်းညွှန်ချက်နှင့်အညီ ဖြစ်ပေါ်လာမည့် အသီးအပွင့် အခွင့်အလမ်းများကို လက်ဝယ်ပိုင်ပိုင်ရယူကြရန် တစ်နည်းအားဖြင့် မိမိလုပ်အားနှင့် ညီမျှသည့် ငွေကြေးထုတ်ပေးရာ စက်ရုံလည်း ဖြစ်ကြောင်းနှင့် ဒေသဖွံ့ဖြိုးမှု ကို အထောက်အကူပြုသော စက်ရုံ၏ ရေရှည်ရပ်တည်နိုင်ရေး မိမိပိုင်စက်ရုံကဲ့သို့သဘောထား၍ ဝိုင်းဝန်းထိန်းသိမ်းသွားရန် တိုက်တွန်းလို ကြောင်းဖြင့် ပြောကြားသည်။

ထို့နောက် ဒေသခံပြည်သူတစ်ဦးက စက်ရုံတည်ဆောက်ခြင်းနှင့် ပတ်သက်၍ ဒေသအတွင်း ပြည်သူများ အလုပ်အကိုင်အခွင့်အလမ်းများ ရရှိမှုနှင့်ပတ်သက်၍ ကျေးဇူးတင် စကား ပြန်လည်ပြောကြားသည်။ ယင်းနောက် မြန်မာစီးပွားရေး ကော်ပိုရေးရှင်းဥက္ကဋ္ဌ ဒုတိယဗိုလ်ချုပ်ကြီး ညိုစောက လက်ဖက်အချိုခြောက်နှင့် သစ်သီးအခြောက်ခံ စက်ရုံ(နောင်တရား) ဖွင့်ပွဲအထိမ်းအမှတ်တံဆိပ်အား နိုင်ငံတော်စီမံအုပ်ချုပ်ရေး ကောင်စီဒုတိယဥက္ကဋ္ဌ၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း) ထံ ပေးအပ်သည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ၊ ဒုတိယ တပ်မတော်ကာကွယ်ရေး ဦးစီးချုပ်၊ ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်းက အဆိုပါလက်ဖက် အချိုခြောက်နှင့် သစ်သီးအခြောက်ခံ စက်ရုံ(နောင်တရား) စက်ရုံတည်ဆောက်ပြီး လုပ်ငန်းများတွင် ပါဝင်ကူညီ ဆောင်ရွက်ခဲ့ကြ သော နိုင်ငံခြားသားပညာရှင်များအား ဂုဏ်ပြုသစ်သီးခြင်းပေးအပ်ပြီး အခမ်းအနားကို အောင်မြင်စွာ ရုပ်သိမ်းခဲ့သည်။

အဆိုပါ လက်ဖက်အချိုခြောက်နှင့် သစ်သီးအခြောက်ခံစက်ရုံ(နောင်တရား)မှ တစ်ရက် ၈ နာရီတစ်ဆိုင်းဖြင့် ထုတ်လုပ်ပါက လက်ဖက်ကုန်ချော လက်ဖက် အချိုခြောက် ၁၁၃၆ ကီလိုဂရမ် ထုတ်လုပ်နိုင်ပြီး တစ်နှစ်လျှင် စက်လည်ရက် ၂၂၄ ရက် ဖြင့် လက်ဖက်ကုန်ချော လက်ဖက်အချိုခြောက် ၄၈၈၀၀၀ ကီလိုဂရမ်(၅၃၈ တန်)ခန့် ထုတ်လုပ်နိုင်မည် ဖြစ်ကြောင်းသိရှိရသည်။