ဆေးဝါးနှင့်ဆေးပစ္စည်းတင်သွင်းမှု အဆင်ပြေချောမွေ့စေရေးလုပ်ငန်းညှိနှုင်း အစည်းအဝေးကျင်းပ

 

 

နေပြည်တော် စက်တင်ဘာ ၈

 

ဆေးဝါးနှင့်ဆေးပစ္စည်းတင်သွင်းမှု လွယ်ကူချောမွေ့စွာ ဆောင်ရွက်နိုင်ရေး လုပ်ငန်းညှိနှိုင်း အစည်း အဝေးကို  ယနေ့နံနက်ပိုင်းတွင် ကျန်းမာရေးဝန်ကြီးဌာန အစည်းအဝေးခန်းမ၌ ကျင်းပသည်။

 

အစည်းအဝေးသို့  ကျန်းမာရေးဝန်ကြီးဌာန ပြည်ထောင်စုဝန်ကြီးပါမောက္ခ ဒေါက်တာသက်ခိုင်ဝင်း၊ ညွှန်ကြားရေးမှူးချုပ် ဦးစိန်ဝင်း၊ ဒေါက်တာမြတ်ဝဏ္ဏစိုး၊ ပါမောက္ခဒေါက်တာ ခင်ဇော်နှင့် တာဝန်ရှိ သူများ တက်ရောက်ခဲ့ကြသည်။

 

အစည်းအဝေးတွင် ပြည်ထောင်စုဝန်ကြီး ပါမောက္ခဒေါက်တာ သက်ခိုင်ဝင်းက ကိုဗစ်-၁၉ ဆေးဝါး နှင့်ဆေးပစ္စည်းများ ဈေးနှုန်းတည်ငြိမ်မှုရှိစေရေးအတွက် ဆေးဝါးနှင့် ဆေးပစ္စည်း တင်သွင်းရာတွင် အဆင်ပြေလွယ်ကူချောမွေ့မှုရှိစေရန် ဖြေလျော့မှုများ ဆောင်ရွက်ပေးလျက် ရှိပါကြောင်း၊ အခြားနှီးနွယ် ဌာနများနှင့် ဆောင်ရွက်ရာတွင် အဆင်ပြေချောမွေ့စေရေး ညှိနှိုင်းဆောင်ရွက် သွား ရန်၊ ထို့အတူ ဆေးဝါးနှင့် ဆေးပစ္စည်းများ၏ အရည်အသွေး စိတ်ချရမှု၊ ဘေးအန္တရာယ် ကင်းရှင်း မှုရှိစေရန်အတွက် အထူးဂရုပြုဆောင်ရွက်သွားရန် ပြောကြားသည်။

 

ထို့နောက် အစားအသောက်နှင့်ဆေးဝါးကွပ်ကဲရေးဦးစီးဌာနမှ ညွှန်ကြားရေးမှူးချုပ် ပါမောက္ခ ဒေါက်တာ ခင်ဇော်က ကိုဗစ်-၁၉ နှင့် ပတ်သက်သည့် ဆေးဝါးနှင့်ဆေးပစ္စည်းများ တင်သွင်း ခွင့် အတွက် လက်ရှိဖြေလျော့ဆောင်ရွက်နေမှုအခြေအနေများကိုလည်းကောင်း၊ ဒုတိယညွှန်ကြား ရေးမှူး ချုပ်၊ ဒေါက်တာခင်ချစ် က  Yangon Task Force တွင် ကိုဗစ်-၁၉ ရောဂါဆိုင်ရာ ဆေးဝါးများအတွက် စိစစ်ပေးနေမှုအခြေအနေနှင့် ပတ်သက်၍ ဆရာဝန် ညွှန်ကြားချက်မလိုသော ဆေးဝါးများနှင့် ဆေးဝါးမှတ်ပုံတင် သက်တမ်းတိုးဆဲ ဆေးဝါးများအတွက် ဆောလျင်စွာစိစစ် ဆောင်ရွက်လျက်ရှိသော အခြေအနေများနှင့် Task Force အဖွဲ့များနှင့် ညှိနှိုင်းဆောင်ရွက်မှု အခြေအနေများကိုလည်းကောင်း၊ ဒုတိယညွှန်ကြား ရေးမှူးချုပ်၊ ဒေါက်တာသိင်္ဂီဇင်က ကိုဗစ်-၁၉ ဖြေလျော့ဆေးဝါးများအတွက် တစ်ကြိမ် တင်သွင်းခွင့် ဆောင်ရွက်ရာတွင် သတ်မှတ်ချက် နှင့်ကိုက်ညီသော ဆေးဝါးများအား (၂)ရက် အတွင်း တင်သွင်းခွင့်ထောက်ခံ ချက်ထုတ်ပေးနေမှု အခြေအနေများကိုလည်းကောင်း၊ ညွှန်ကြား ရေးမှူး ဒေါက်တာ တင်ဝါဝါဝင်း က  လက်ရှိ FDA Online System (E-Submission) ဖြင့် Medical Devicesနှင့် Cosmetic လျှောက်ထားမှုများအား ရုံးပိတ်ရက်အတွင်း အချိန်နှင့်တပြေးညီ ထောက်ခံချက်ထုတ်ပေးနေမှုများ၊ ဌာန၏ E-Submission System  ဆောင်ရွက်ပုံအဆင့်ဆင့်ကို လည်းကောင်း ရှင်းလင်းတင်ပြကြသည်။

 

ယင်းနောက် ပြည်ထောင်စုဝန်ကြီးက တင်သွင်းလာသည့် ဆေးဝါးနှင့် ဆေးပစ္စည်း များ၏ အရည်အသွေး ကိုထိခိုက်မှုမရှိစေဘဲ အချိန်မီ တင်သွင်းထောက်ခံချက် ထုတ်ပေးနိုင်ရန် ကိစ္စများ အချိန်နှင့်တပြေးညီစနစ်တကျ ဆောင်ရွက်ရန်၊ တင်သွင်းထောက်ခံချက် လျှောက် ထားရာတွင် လိုအပ်ချက်များ၊ ဖြေလျော့မှုများအား အသိပေး ထုတ်ပြန်ပေးရန်နှင့် FDA Online System များ စနစ်တကျ တိုးချဲ့ဆောင်ရွက်နိုင်ရန်အတွက် လူအင်အား၊ IT ဆိုင်ရာ ပံ့ပိုးမှုများနှင့် စီမံခန့်ခွဲမှုဆိုင်ရာ အားဖြည့်ပံ့ပိုးဆောင်ရွက်ရန် ညှိနှိုင်း ဖြေရှင်းပေးခဲ့ကြောင်း သတင်းရရှိသည်။

 

 (သတင်းစဉ်)