တိုင်းဒေသကြီးနှင့်ပြည်နယ်များ၌ ကိုဗစ်- ၁၉ ရောဂါ ကာကွယ်ဆေးများ ဆက်လက် ထိုးနှံ

 

 

နေပြည်တော်၊ စက်တင်ဘာ ၈

 တိုင်းဒေသကြီးနှင့် ပြည်နယ်အသီးသီးရှိ ထေရ်ကြီးဝါကြီး ဆရာတော်ကြီးများ အပါအဝင် လူမျိုးမရွေး၊ ဘာသာမရွေး အသက်(၆၅)နှစ်အထက် သက်ကြီး ဘိုးဘွား များ၊ ဌာနဆိုင်ရာ ဝန်ထမ်းများ၊ တိုင်းရင်းသားပြည်သူများနှင့် အကျဉ်းထောင်များ၌ ပြစ်ဒဏ်ကျခံနေသည့် အကျဉ်း သား၊ အကျဉ်းသူများအား ကိုဗစ်- ၁၉ ရောဂါ ကာကွယ် ဆေးထိုးနှံနိုင်ရေးအတွက် ဆေးနှင့် ဆေးပစ္စည်းများ ကို တပ်မတော် လေယာဉ်များဖြင့် သယ်ယူပို့ဆောင်ပေးခြင်းများနှင့် ကာကွယ် ဆေးထိုးနှံပေးခြင်းများ ကို ဝိုင်းဝန်း ကြိုးပမ်း ဆောင်ရွက်လျက်ရှိသည်။

ကာကွယ်ဆေး ထိုးနှံပေး

 

ထိုသို့ ဆောင်ရွက်လျက်ရှိရာ ယနေ့တွင် ကချင်ပြည်နယ်၊ မြစ်ကြီးနားမြို့ရှိ ထေရ်ကြီးဝါကြီး ဆရာတော်ကြီးများ၊ ၆၅ နှစ်နှင့် အထက် သက်ကြီးဘိုးဘွားများ၊ ဌာန ဆိုင်ရာဝန်ထမ်းများနှင့် ပြည်သူ စုစုပေါင်း ၁၄၄၇ ဦးတို့အားလည်းကောင်း၊ ရှမ်းပြည်နယ် (မြောက်ပိုင်း)၊ နမ့်ဆန်မြို့နှင့် ကျောက်မဲမြို့များအတွင်းရှိ ထေရ်ကြီးဝါကြီး ဆရာတော် ကြီးများ၊ ၆၅ နှစ်နှင့်အထက် သက်ကြီးဘိုးဘွားများ၊ ဌာနဆိုင်ရာဝန်ထမ်းများနှင့် ပြည်သူစုစုပေါင်း ၉၅ ဦးတို့အား လည်းကောင်း၊ ရှမ်းပြည်နယ်(အရှေ့ပိုင်း)အတွင်းရှိ မြို့နယ်(၃)မြို့နယ်မှ ၆၅ နှစ်နှင့်အထက် သက်ကြီးဘိုးဘွားများ၊ ဌာနဆိုင်ရာဝန်ထမ်းများနှင့် ပြည်သူစုစုပေါင်း ၂၀၁၈ ဦးတို့အား လည်းကောင်း၊ တနင်္သာရီတိုင်းဒေသကြီး အတွင်းရှိ မြို့နယ်(၃)မြို့နယ်မှ ထေရ်ကြီးဝါကြီး ဆရာတော်ကြီးများ၊ ၆၅ နှစ်နှင့် အထက် သက်ကြီးဘိုးဘွားများ၊ ဌာနဆိုင်ရာဝန်ထမ်းများနှင့် ပြည်သူစုစုပေါင်း ၁၅၉၇ ဦးတို့အား လည်းကောင်း၊ ရန်ကုန်တိုင်းဒေသကြီးအတွင်းရှိ မြို့နယ် (၃)မြို့နယ်မှ ၆၅ နှစ်နှင့် အထက် သက်ကြီးဘိုးဘွားများ၊ ဌာနဆိုင်ရာဝန်ထမ်းများနှင့် ပြည်သူ စုစုပေါင်း ၇၅၉ ဦးတို့အားလည်းကောင်း၊ ဧရာဝတီတိုင်းဒေသကြီးအတွင်းရှိ မြို့နယ်(၁၁)မြို့ နယ်မှ သံဃာတော်များ၊ ၆၅ နှစ် နှင့်အထက် သက်ကြီးဘိုးဘွားများ၊ စေတနာ့ ဝန်ထမ်း များ၊ ဌာနဆိုင်ရာဝန်ထမ်းများနှင့် ပြည်သူစုစုပေါင်း ၅၇၅၅ ဦးတို့အား လည်းကောင်း၊ ရခိုင်ပြည်နယ်၊ စစ်တွေမြို့နယ်နှင့် ကျောက်ဖြူမြို့နယ်အတွင်းရှိ ကယ်ဆယ်ရေး စခန်းများမှ ဘင်္ဂါလီလူမျိုး ၁၁၅၅ ဦး၊ ရခိုင်ပြည်နယ်နှင့် ချင်းပြည်နယ် အတွင်းရှိ မြို့နယ်(၉)မြို့နယ်မှ သံဃာတော်များ၊ စေတနာ့ဝန်ထမ်းများ၊ ဌာနဆိုင်ရာဝန်ထမ်းများ၊ တိုက်ပွဲရှောင်ပြည်သူများနှင့် ဒေသခံပြည်သူ စုစုပေါင်း ၄၅၈၇ ဦးတို့အား လည်း ကောင်း၊ စစ်ကိုင်းတိုင်းဒေသကြီး၊ မုံရွာမြို့နယ်နှင့် ဆားလင်းကြီးမြို့နယ် အတွင်းရှိ သံဃာတော်များ၊ သာသနာနွယ်ဝင်သီလရှင်များ၊ ဌာနဆိုင်ရာ ဝန်ထမ်းများနှင့် ဒေသခံပြည်သူ စုစုပေါင်း ၂၈၃ ဦးတို့အားလည်းကောင်း၊ မန္တလေးတိုင်း ဒေသကြီးအတွင်းရှိ ခရိုင်(၇)ခု တို့မှ သံဃာတော်များ၊ ၆၅ နှစ်နှင့်အထက်သက်ကြီးဘိုးဘွားများ၊ ဌာနဆိုင်ရာဝန်ထမ်းများနှင့် ပြည်သူစုစုပေါင်း ၁၀၅၄၆ ဦးတို့အားလည်းကောင်း တပ်မတော်မှ ဆေးအဖွဲ့များက ပြည်သူ့ဆေးရုံများမှ ဆရာဝန်များ၊ သက်ဆိုင်ရာ ကျန်းမာရေးဝန်ထမ်းများ၊ စေတနာ့ဝန်ထမ်းများနှင့် ပူးပေါင်း၍ ကိုဗစ်- ၁၉ ရောဂါ ကာကွယ်ဆေးထိုးနှံပေးခြင်းများ ဆောင်ရွက်ပေးသည်။

 ပြောကြားချက်များ

ထိုသို့ကာကွယ်ဆေးထိုးနှံပေး နေမှုများနှင့်ပတ်သက်၍ ရခိုင် ပြည်နယ် စစ်တွေမြို့နယ် ကယ် ဆယ်ရေးစခန်းများမှ ဘင်္ဂါလီ လူမျိုးများ၏ ပြောကြားချက် များကို ယခုကဲ့သို့ သိရှိရသည်။

 ကျွန်တော်က သက္ကယ်ပြင် ကယ်ဆယ်ရေးစခန်းက အဒူမာန် ဂျက်ဖြစ်ပါတယ်။ ကျွန်တော်တို့ ဒီကိုဗစ်-၁၉ ကာကွယ်ဆေးနဲ့ ပတ်သက်ပြီး မမျှော်လင့်ဘဲနဲ့ ကျွန်တော်တို့ ကယ်ဆယ်ရေး စခန်းမှာ လာထိုးပေးတဲ့အတွက် အထူးဝမ်းသာပါတယ်။ နောက် နောင်လည်း ကာကွယ်ဆေး လာထိုးပေးနိုင်ဖို့ မျှော်လင့် ပါတယ်။ နိုင်ငံတော်စီမံအုပ်ချုပ် ရေးကောင်စီ အကြီးအကဲများ၊ ကျန်းမာရေး ဝန်ထမ်းများနှင့်ယင်းသို့ ဆောင်ရွက်ပေးနေမှုများကို သက်ဆိုင်ရာ တိုင်းစစ်ဌာန ချုပ်များမှ တာဝန်ရှိသူများက သွားရောက်ကြည့်ရှုအားပေးပြီး လိုအပ်သည်များညှိနှိုင်း ဆောင်ရွက် ပေးကြသည်။တပ်မတော်ကို အထူးကျေးဇူး တင်ပါတယ်။

 

ကျွန်တော်ကတော့ စစ်တွေ မြို့ပေါ်မှာနေတဲ့ ဦးရွှေလှ ဖြစ်ပါ တယ်။ ကျွန်တော်က ဘင်္ဂါလီ တွေရဲ့ ခေါင်းဆောင်တစ်ဦး ဖြစ်ပါ တယ်။ ကျွန်တော်ကတော့ ဒီလို ကာကွယ်ဆေးတွေကို ထိုးရမယ် လို့ ကျွန်တော် မထင်ခဲ့ပါ။ အခု ကတော့ ကျွန်တော်တို့ ကယ်ဆယ် ရေး စခန်းတွေကို လာပြီးတော့ ဆေးထိုးပေးတဲ့အတွက် အများ ကြီး ကျေးဇူးတင်ရှိပါတယ်။ နောင်ကိုလည်း ဒီလိုဆေးတွေကို နောက်တစ်ကြိမ်လည်း ထိုးရမယ် လို့ မျှော်လင့်ချက် အပြည့်အဝနဲ့ နိုင်ငံတော် အကြီးအကဲတွေကို ကျေးဇူးတင်ပါတယ်။

 ကျွန်မကတော့ သက္ကယ်ပြင် ကယ်ဆယ်ရေး စခန်းအသစ်၊ အဆောင် (၇၆)၊ အခန်း(၇)က ဒေါ်ခင်ဌေး ဖြစ်ပါတယ်။ ကိုဗစ် ကာကွယ်ဆေးထိုးလို့ရတဲ့အတွက် ကျေးဇူးတင်ထိုက်တဲ့ သူတွေကို ကျေးဇူးတင်ပါတယ်။ နောက်ထပ် ထိုးခွင့်ရဖို့အတွက် မျှော်လင့်နေရ ပါတယ်။

သတင်းစဉ်