မော်လမြိုင် ဩဂုတ်
၃၀
မွန်ပြည်နယ်ဝန်ကြီးချုပ် ဦးဇော်လင်းထွန်း၊ ပြည်နယ်အစိုးရအဖွဲ့ဝင် ဝန်ကြီးများနှင့် သက်ဆိုင်ရာ ဌာနအလိုက် တာဝန်ရှိသူများသည် ယမန်နေ့နံနက်၁၁နာရီက မော်လမြိုင်မြို့ အမှတ်(၁)အခြေခံ ပညာအထက်တန်းကျောင်းတွင် ဌာနဆိုင်ရာဝန်ထမ်းများအားကိုဗစ်-၁၉ရောဂါပိုးရှိ/မရှိ Rapid Antigen Diagnostic Test Kit ဖြင့်စစ်ဆေးပေးခြင်းကို သွားရောက်ကြည့်ရှုခဲ့သည်။
ယင်းသို့စစ်ဆေးဆောင်ရွက်ခြင်းသည် ကိုဗစ်-၁၉ရောဂါ ကြိုတင်ကာကွယ်ထိန်းချုပ်နိုင်ရန်နှင့်
ရောဂါဖြစ်ပွားမှုနှုန်း လျော့နည်းကျဆင်းသွားခြင်းရှိ/မရှိ သိရှိနိုင်ရန်အတွက် ခရိုင်/
မြို့နယ်စီမံ အုပ်ချုပ်ရေးအဖွဲ့၏ ကြီးကြပ်မှုဖြင့် ပြည်နယ်ပြည်သူ့ကျန်းမာရေးဦးစီးဌာနမှဝန်ထမ်းများ၊
မြို့နယ် မီးသတ်တပ်ဖွဲ့ဝင်များ၊ ပရဟိတလူမှု အဖွဲ့အစည်းများပူးပေါင်း၍ ဌာနဆိုင်ရာဝန်ထမ်းများ အား ကိုဗစ်-၁၉ရောဂါပိုးရှိ/မရှိ
Rapid Antigen Diagnostic Test Kitဖြင့် နှာခေါင်းတို့ပတ် နမူနာရယူ ကာ စစ်ဆေးခြင်းကို ဩဂုတ်၂၉မှ စက်တင်ဘာ
၃ရက်နေ့အထိ နေ့စဉ် နံနက်၉နာရီမှ ညနေ၄နာရီ ထိဆောင်ရွက်ပေးမည် ဖြစ်သည်။
အဆိုပါ Rapid Antigen Diagnostic Test Kitဖြင့် စစ်ဆေးတွေ့ရှိပါက ရောဂါဆက်လက် ကုသ နိုင်ရေးအတွက် သတ်မှတ်နေရာ Isolation Wardများသို့ ပို့ဆောင်ကုသပေးမည်ဖြစ်ပြီး အလား တူ မွန်ပြည်နယ်အတွင်း မော်လမြိုင်မြို့နယ် အပါအဝင် Stay at Home သတ်မှတ်ထားသည့် မြို့နယ် ၃ မြို့နယ်ရှိ ဌာနဆိုင်ရာဝန်ထမ်းများအား စစ်ဆေးဆောင်ရွက်ပေးလျက်ရှိကြောင်း သိရ သည်။
No comments:
Post a Comment