ရေကြည် ဩဂုတ်၂၀
ဧရာဝတီတိုင်းဒေသကြီး ပုသိမ်ခရိုင် ရေကြည်မြို့နယ်အတွင်း အောက်ဆီဂျင်အထူးလိုအပ်နေသော လူနာများ အသုံးပြုနိုင်စေရန် ရည်ရွယ်၍ မြို့နယ်အုပ်ချုပ်ရေးမှူး ဦးသန်းဝင်းမှ(၁၄)သိန်းခန့်တန်ဖိုးရှိ Oxygen Concentrator (၁) လုံးနှင့် ရွှေအသုတ်အောက်ဆီဂျင်အလှူတော်အဖွဲ့ဥက္ကဋ္ဌ(ဦးဝင်းနိုင်ဦး)နှင့် မိသားစုမှ 40 liter အောက်ဆီဂျင်အိုး(၉)လုံးနှင့်Flow Meter (၄)ခုတို့အား မြို့နယ်ပြည်သူ့ဆေးရုံသို့ ယနေ့နံနက် (၁၀)နာရီအချိန်က သွားရောက်လှူဒါန်းခဲ့ရာ မြို့နယ်ဆရာဝန်ကြီးဒေါက်တာအေးအေးလင်းမှ လက်ခံရယူခဲ့ကြောင်း သိရသည်။
အဆိုပါ သွားရောက်လှူဒါန်းရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဆောင်သော အဖွဲ့ဝင်များနှင့် ထွေ/ အုပ် ဝန်ထမ်းများသည် မြို့နယ်ပြည်သူ့ဆေးရုံသို့စက်ပစ္စည်းများသွားရောက်လှူဒါန်းခဲ့ပြီး မြို့မရပ်ကွက် ပိတောက်ချောင်ပိုင်းတွင် တည်ဆောက်လျှက်ရှိသော အောက်ဆီဂျင်စက်ရုံဆောက်လုပ်ရေးလုပ်ငန်းခွင်သို့ သွားရောက်စစ်ဆေးခဲ့ပြီးနိုင်ငံတော်ဖွဲ့စည်းအုပ်ချုပ်ပုံခုံရုံး၊နေပြည်တော်အမြဲတန်းအတွင်းဝန် ဦးလှဌေးနှင့် ဒေါ်သင်းသင်းမိသားစုမှအလှူငွေ(၅)သိန်းကျပ်၊ မြောင်းမြခရိုင်အုပ်ချုပ်ရေးမှူး ဦးစန်းဌေးနှင့်ဒေါ်မော်မော်သန်း မိသားစုမှ အလှူငွေ(၅)သိန်းကျပ်၊ ဆည်မြောင်းဦးစီးဌာန၊ ရုံးချုပ်၊ နေပြည်တော်ညွှန်ကြားရေးမှူး ဦးသောင်း ထိုက်နှင့်ဒေါ်မြစန္ဒာမောင်မိသားစုမှအလှူငွေ(၅)သိန်းကျပ်၊ဆည်မြောင်းဦးစီးဌာန၊ ရန်ကုန်မြို့ဒု-ညွှန်ကြားရေးမှူး ဦးဝင်းဌေးနှင့် ဒေါ်လဲလဲဝင်း မိသားစုမှ အလှူငွေ(၅)သိန်းကျပ်၊ ရေကြည်မြို့နယ်အုပ်ချုပ်ရေးမှူးဦးသန်းဝင်း မိသားစုမှ အလှူငွေ(၅)သိန်းကျပ်၊ စုစုပေါင်းအလှူငွေ (၂၅)သိန်းကျပ်တို့အား တာဝန်ရှိသူများထံသို့ပေးအပ်ပြီး နောက် Oxygen Plant ဖြစ်မြောက်ရေး နာယက ထန်းတောကျောင်းပရိယတ္တိစာသင်တိုက်ဆရာတော်ထံတွင် ရေစက်သွန်းချအမျှဝေလှူဒါန်းခဲ့ကြောင်းသတင်း ရရှိပါသည်။
အောင်သူဟန်
No comments:
Post a Comment