နေပြည်တော်၊ ဧပြီ - ၁၂
ဆူပူအကြမ်းဖက်သူများအသုံးပြုလျက်ရှိသည့် လက်နက်များနှင့် ပစ္စည်းများ သိုဝှက်ထားမှုနှင့် ကိုင်ဆောင်မှုများကို လုံခြုံရေးတပ်ဖွဲ့ဝင်များက စစ်ဆေးရှာဖွေ သတင်းဖော်ထုတ် ဖမ်းဆီးထိန်းသိမ်းခြင်းများ ဆောင်ရွက်လျက်ရှိရာ အေပြီ ၁၁ ရက် တွင် ဒဂုံမြို့သစ်(အရှေ့ပိုင်း)မြို့နယ်၊ (၅)ရပ်ကွက်၊ ဗိုလ်မှူးဗထူးလမ်း၊ လူနေထိုင်ခြင်းမရှိသည့် အိမ်အမှတ်(၂၈၆)၌ ဆူပူအကြမ်းဖက်မှုတွင်အသုံးပြုသည့် ပစ္စည်းများအား လည်းကောင်း၊ သံတွဲမြို့နယ်၊ နန်းချောင်း ကျေးရွာအုပ်စု၊ အထက်နန်းချောင်းကျေးရွာရှိ ဝေဇင်ကျော်(ဘ) ဦးညီကျော်မြအား ၎င်း၏နေအိမ်၌ လက်လုပ်သေနတ် ၁ လက်၊ ဇော်မင်းဦး(ဘ) ဦးကျော်မြင့်အား ၎င်း၏နေအိမ်၌ လက်လုပ်သေနတ် ၂ လက်နှင့် ဇော်ရဲ(ဘ) ဦးယဉ်ထွေးအား ၎င်း၏တောင်ယာတဲအတွင်းမှ လေသေနတ် ၁ လက်တို့နှင့်လည်းကောင်း၊ ချမ်းမြသာစည် မြို့နယ်၊ ကန်သာယာရပ်ကွက်၊ အကွက် (ခခ-၃/၇၅)၊ ၅၇ လမ်းနှင့် ၅၈ လမ်းကြား၊ ၁၀၂ လမ်းနှင့် ၁၀၃ လမ်းကြားရှိ Nobel INN တည်းခိုခန်းရှိ အခန်းအမှတ် (၁၀၆)၌ မစုစုမာ(ဘ) ဦးပေစိအား လက်လုပ်မိုင်း ၂ လုံး၊ အခြားဆက်စပ်ပစ္စည်းများနှင့် လည်းကောင်း ဖမ်းဆီး ထိန်းသိမ်းရမိခဲ့သည်။
အလားတူ ယနေ့တွင် သထုံမြို့နယ်၊ ဒေးဘရိန်းကျေးရွာရှိ ရန်မင်းအောင်(ဘ) ဦးမြတ်ကိုအား ၎င်း၏နေအိမ်၌ လက်လုပ်သေနတ် ၂ လက်၊ အခြားဆက်စပ်ပစ္စည်း များဖြင့်လည်းကောင်း၊ ကော့သောင်းမြို့နယ်၊ ရွှေပြည်စိုးကျေးရွာအုပ်စု၊ (၈)မိုင်၊ လေယာဉ်ကွင်းအနောက်ဘက်ခြမ်း ဉယျာဉ်ခြံဝန်းအတွင်းမှ အောင်အောင်(ဘ) ဦးမောင်နီ၊ စာတန်းဗိုလ်(ဘ)ဦးစိုးမြင့်နှင့် ဦးဝင်းမောင်(ဘ)ဦးဗဒန်မဟာဒူးတို့ ၃ ဦးအား တူမီးသေနတ် ၂ လက်၊ အခြားဆက်စပ်ပစ္စည်းများဖြင့်လည်းကောင်း၊ မင်္ဂလာ တောင်ညွန့်မြို့နယ်၊ ပုသိမ်ညွန့်ရပ်ကွက်၊ ပုသိမ်ညွန့်(၈)လမ်း၊ အမှတ်(၄၅)ရှိ အဆောက်အဦအတွင်းမှ လက်လုပ်ဗုံး ၂၅ လုံး၊ ဒူးလေး ၇ လက်၊ အခြားဆက်စပ် ပစ္စည်းများအားလည်းကောင်းဖမ်းဆီးထိန်းသိမ်း ရမိခဲ့သည်။
အထက်ပါ ဆူပူအကြမ်းဖက်ရာတွင် အသုံးပြုသည့် လက်နက်များ၊ ဆက်စပ် ပစ္စည်းများနှင့်အတူ ဖမ်းဆီးထိန်း သိမ်းရမိသူများကို ဉပဒေအရထိရောက်စွာ အရေး ယူနိုင်ရန် အမှုဖွင့်လှစ် ဆောင်ရွက်လျက် ရှိကြောင်းနှင့် စစ်ဆေးရှာဖွေသတင်းဖော်ထုတ် မှုများကို ဆက်လက် ဆောင်ရွက်လျက်ရှိကြောင်း သတင်းရရှိသည်။
သတင်းစဉ်
No comments:
Post a Comment