မြန်မာနိုင်ငံတွင် ပထမဆုံးအကြိမ်အဖြစ် “တိုင်းရင်းဆေး တက္ကသိုလ်တွင် တာဝန်ထမ်းဆောင်ခဲ့ကြသည့် တိုင်းရင်းဆေးပညာ ပါမောက္ခကြီးများအား ဂုဏ်ထူးဆောင် ပါမောက္ခများအဖြစ် ခန့်အပ်လွှာပေးအပ်ပွဲ အခမ်းအနား” ကျင်းပ

မန္တလေး ဇွန် ၈

“မြန်မာနိုင်ငံတွင် ပထမဆုံးအကြိမ်အဖြစ် တိုင်းရင်းဆေးတက္ကသိုလ်တွင် တာဝန် ထမ်းဆောင်ခဲ့ကြသည့် တိုင်းရင်းဆေးပညာ ပါမောက္ခကြီးများအား ဂုဏ်ထူးဆောင် ပါမောက္ခ (Professor Emeritus) များအဖြစ် ခန့်အပ် တာဝန်ပေးမည့် သူများအား ခန့်အပ်လွှာပေးအပ်ပွဲ” ကို ယနေ့ နံနက်ပိုင်းတွင် တိုင်းရင်းဆေး တက္ကသိုလ် (မန္တလေး) တွင် ကျင်းပသည်။

အခမ်းအနားတွင် ပြည်ထောင်စုဝန်ကြီး ဒေါက်တာမြင့်ထွေး က မြန်မာနိုင်ငံ ကျန်းမာရေးနှင့်အားကစား ဝန်ကြီးဌာန၏ သမိုင်းတစ်လျှောက် ပထမဆုံးအဖြစ် တိုင်းရင်းဆေးပညာရပ်များ အခြေခံခိုင်မြဲ ကောင်းမွန်စွာဖြင့် ပိုမိုတိုးတက်ကောင်းမွန်စေရန်နှင့် အရည်သွေး ပြည့်ဝသော ကျန်းမာရေးလူ့စွမ်းအား အရင်းအမြစ်များ မွေးထုတ်ပေးနိုင်ရန် တို့အတွက် တိုင်းရင်းဆေးတက္ကသိုလ်၏ သင်ကြားရေး၊ ကုသရေး၊ သုတေသန၊ စီမံခန့်ခွဲ ရေးကဏ္ဍတွင် ကြိုးပမ်းပါဝင် ဆောင်ရွက်ပေးခဲ့သည့် အငြိမ်းစား ပါမောက္ခချုပ်၊ ပါမောက္ခများ၊ ကထိကများ၊ တိုင်းရင်းဆေး ပညာရှင်ကြီးများကို Professor Emeritus များ၊ Honorary Professor များနှင့် Visiting Lecturer များအဖြစ် ခန့်အပ် တာဝန်ပေးအပ်သွားမည့် ယနေ့အခမ်း အနားသည် တိုင်းရင်းဆေးလောကအတွက် ဂုဏ်ယူဖွယ်ရာပင် ဖြစ်ပါကြောင်း။

တိုင်းရင်းဆေးပညာရပ် သင်ကြားမှုများ ပိုမိုထိရောက်အောင်မြင်ကာ အရည်အသွေး ပြည့်ဝမြင့်မားသည့် တိုင်းရင်းဆေးပညာရှင်များ မွေးထုတ်နိုင်ရန်အတွက် အတွေအကြုံ မြင့်မားသည့် အဆိုပါ တိုင်းရင်းဆေး ပညာရှင်ကြီးများထံမှ အကြံပြုချက်များနှင့် ပူးပေါင်း ဆောင်ရွက်မှုများရယူ ဆောင်ရွက်သွားမည် ဖြစ်ပါကြောင်း၊ Professor Emeritus များ၊ Honorary Professor များနှင့် Visiting Lecturer များ အဖြစ် ခန့်အပ် တာဝန်ပေးထားသည့် တိုင်းရင်းဆေးပညာရှင်ကြီးများ အနေဖြင့်လည်း အရည်အသွေး ပြည့်ဝသည့် တိုင်းရင်းဆေးများ ထုတ်လုပ်မှု ကိစ္စရပ်များအပြင် တက္ကသိုလ်၏ သင်ကြားသင်ယူမှု၊ သင်ရိုးညွှန်းတမ်း၊ သုတေသန၊ အထောက်အကူပြုသော ပတ်ဝန်းကျင်၊ ဆရာ၊ ဆရာမများ၏ စွမ်းဆောင်ရည်၊ စာသင်ခန်းနှင့် ပစ္စည်းကိရိယာ၊ စာကြည့်တိုက်၊ စာအုပ်စာတမ်း စသည်ဖြင့် ဘက်စုံ ပိုမို တိုးတက် ကောင်းမွန်ရေး ကိစ္စရပ်များကို တိုင်းရင်းဆေးပညာ ဦးစီးဌာနနှင့် တိုင်းရင်းဆေး တက္ကသိုလ်တို့မှ တာဝန်ရှိသော ဆရာ/ဆရာမများနှင့် အလုပ်သဘော သာမက အလွတ်သဘော ပွင့်ပွင့်လင်းလင်း ဆွေးနွေးမှုများ ပြုလုပ်ဆောင်ရွက်သွားရမည် ဖြစ်ပါကြောင်း။

အရည်အသွေးပြည့်ဝသည့် တိုင်းရင်းဆေးပညာဘွဲ့ ရရှိသူများ အနေဖြင့် ဝန်ကြီးဌာနနှင့် ပုဂ္ဂလိက ကဏ္ဍတွင်လည်း အလုပ်အကိုင် အခွင့်အလမ်းများ ပိုမိုကောင်းမွန်မည်ဖြစ်ပါကြောင်း၊ တိုင်းရင်းဆေးပညာ ဘက်စုံ ပိုမိုဖွံ့ဖြိုးတိုးတက်ရေးအတွက် သုတေသန လုပ်ငန်းများ ကိုလည်း ပိုမိုအားဖြည့်ဆောင်ရွက်ရမည် ဖြစ်ပါကြောင်း၊ နှစ်ပေါင်းရာထောင်ချီ သုံးစွဲလာကြသည့် တိုင်းရင်းဆေးဝါးများ၏ ဆေးစွမ်းထက်ကုသနိုင်မှု စွမ်းရည်ကို သာမက ဘေးအန္တရာယ်ကင်းရှင်းမှု၊ အရည်အသွေးပြည့်ဝမှု ဆိုင်ရာများကို သုတေသနများ ဆောင်ရွက်သွားခြင်းဖြင့် ပြည်သူများမှ ပိုမိုယုံကြည်သုံးစွဲလာခြင်း သာမက နိုင်ငံတကာ အဆင့်မီ တိုင်းရင်းဆေးဝါးများ ထုတ်လုပ်နိုင်သဖြင့် တိုင်းရင်းဆေးကဏ္ဍကြီး တစ်ခုလုံးအတွက် များစွာ အကျိုးကျေးဇူးများ ရရှိနိုင်မည်ဖြစ်ပါကြောင်း၊

တိုင်းရင်းဆေးရုံများမှ ဆေးရုံအုပ်များအတွက် ယခင်ကပြုလုပ်ခြင်း မရှိသေးသည့် ဆေးရုံစီမံခန့်ခွဲမှု သင်တန်းများကိုလည်း မကြာမီ ပြုလုပ်တော့မည်ဖြစ်ပြီး တိုင်းရင်းဆေး ပညာဘွဲ့ရရှိသူများ ပြည်သူ့ကျန်းမာရေး မဟာဘွဲ့သင်တန်း တက်ရောက် သင်ကြားနိုင်ရေးကိုလည်း စီစဉ်ဆောင်ရွက်သွားမည် ဖြစ်ပါကြောင်း၊ တိုင်းရင်းဆေးပညာပါရဂူဘွဲ့ သင်တန်းများ ပေးအပ်နိုင်ရေး အတွက်ကိုလည်း ဝိုင်းဝန်းအကြံပြု ဆောင်ရွက်ကြစေလိုပါကြောင်း။

တိုင်းရင်းဆေးပညာရပ်ဆိုင်ရာ အကြံပေးအဖွဲ့၊ တိုင်းရင်းဆေးတက္ကသိုလ်မှ ပါမောက္ခများ၊ Professor Emeritus များ၊ ပညာရှင်ကြီးများ အနေဖြင့် မိမိတို့၏ တိုင်းရင်းဆေးပညာရပ်ကြီး ဘက်စုံပိုမိုဖွံ့ဖြိုး တိုးတက်ရေးအတွက် ရည်မှန်းချက်နှင့် ဦးတည်ချက်များ ချမှတ်ကာ လုပ်ငန်းများ ဆောင်ရွက်ရန်အတွက် ဦးစားပေးအလိုက် အကြံပြုချက်များ ပေးအပ်စေလိုပါကြောင်း ပြောကြားသည်။

ထို့နောက် ပြည်ထောင်စုဝန်ကြီးက Professor Emeritus (၃) ဦး၊ Honorary Professor (၃)ဦးနှင့် Visiting Lecturer (၂)ဦးတို့အား ခန့်အပ်လွှာများ ပေးအပ်သည်။

ဆက်လက်၍ တိုင်းရင်းဆေးပညာ ဦးစီးဌာန၊ ညွှန်ကြားရေးမှူးချုပ် ဒေါက်တာမိုးဆွေက တိုင်းရင်းဆေး တက္ကသိုလ် ဘက်စုံပိုမိုဖွံ့ဖြိုး တိုးတက်ရေး လုပ်ငန်းများ ဆောင်ရွက်နေမှု အခြေအနေများကို ရှင်းလင်း ပြောကြားသည်။

ထို့နောက် Professor Emeritus များ၊ Honorary Professor များနှင့် Visiting Lecturer များအဖြစ် ခန့်အပ်ခံရသူများ ကိုယ်စား Professor Emeritus ပါမောက္ခ ဦးအောင်ကျော်မင်းက ကျေးဇူးတင်စကား ပြောကြားသည်။

ဆက်လက်၍ ပြည်ထောင်စုဝန်ကြီးနှင့် အဖွဲ့သည် မွန်းလွဲပိုင်းတွင် တိုင်းရင်းဆေးဝါးစက်ရုံ (မန္တလေး) သို့ သွားရောက်ခဲ့ပြီး စက်ရုံလည်ပတ် ဆောင်ရွက်နေမှုများကို လှည့်လည်ကြည့်ရှုသည်။

ထို့နောက် တိုင်းရင်းဆေးဝါးစက်ရုံ (မန္တလေး) မှ စက်ရုံမှူးနှင့် တာဝန်ရှိသူများနှင့် တွေ့ဆုံဆွေးနွေးရာ၌ တိုင်းရင်းဆေးဝါးစက်ရုံ (မန္တလေး) မှ စက်ရုံမှူးနှင့် တာဝန်ရှိသူများက လိုအပ်ချက်များကို တင်ပြခဲ့ရာ ပြည်ထောင်စုဝန်ကြီးက တစ်ချက်ချင်းအလိုက် အသေးစိတ် ဆွေးနွေးကာ ဖြည့်ဆည်း ဆောင်ရွက်ပေးခဲ့ကြောင်း သိရသည်။

(သတင်းစဉ်)