ရုပ်သံထုတ်လွှင့်ခြင်းနှင့် Fiber ဆက်ကြောင်း

၁၉၇၀ ပြည့်နှစ်တွင် Fiber Optic Cable များ အသုံးပြုမှုစတင်ခဲ့ပြီး ဆက်သွယ်ရေး ကဏ္ဍတွင် စက်မှုတော်လှန်ရေး တစ်ခေတ် ပြောင်းလဲခဲ့ပါသည်။ ဆက်သွယ်ရေးလုပ်ငန်းများတွင် လျှပ်စစ်ကြေးနန်းကြိုး (Copper Wire) အသုံးပြုနေရာမှ Optical Fiber အမျှင်များပါသော Cable များ အစားထိုး အသုံးပြုလာပြီး FiberOptic Cable မှာ အဓိက အခန်းမှ ပါဝင်လာ ပါသည်။

လေဆာထုတ်လွှင့်မှု (Laser Transmission)ကို အခြေခံသည့် ဆက်သွယ်ရေးကြား ခံဖန် သား(Glass) သို့မဟုတ် ပလတ် စတစ်ဖိုင်ဘာကိုအသုံးပြု၍အလင်းကို သယ်ဆောင်ကာ အရုပ်၊ အသံနှင့် အချက်အလက် Signal များကို ထုတ်လွှင့်ပေး ပါသည်။ ဆက်သွယ်ရေးဝန်ဆောင်မှုလုပ်ငန်းများ၊ Internet ဝန်ဆောင်မှု လုပ်ငန်းများနှင့် ရုပ်မြင်သံကြားထုတ်လွှင့်မှု ဝန်ဆောင်မှု လုပ်ငန်းများအတွက် Fiber Optic Cable ကို အသုံးပြုကြပါသည်။

▲▲တစ်နေရာမှ တစ်နေရာသို့▲▲

ဖိုင်ဘာအမျှင်တစ်ခုတွင် ပင်မအူတိုင် (Core) ၊ ဘေးအကာရံ(Cladding) ၊ ဖိုင်ဘာချောင်း(Fiber) ၊ အပြင်အကာ (Outer Jacket)တို့ ပါရှိပါသည်။ ဖိုင်ဘာ အမျှင်တစ်ခု ချင်းစီသည် ဒစ်ဂျစ်တယ်အချက် အလက်(သို့မဟုတ်) အသံလိုင်းများစွာကို တစ်စက္ကန့်တွင် သယ်ဆောင်ပေးနိုင်ပါသည်။ သတင်းအချက် အလက် ရုပ်ပုံအချက်ပြများ (Image Signal) ကို လျှပ်စစ်အချက်ပြ (Electrical Signal)မှတစ်ဆင့် အလင်း အချက်ပြ(Optical Signal)သို့ ပြောင်းလဲ အသုံးပြုပြီး အလင်းပြန်ခြင်း နိယာမသဘော တရား(Total Internal Reflection)ကို အသုံးပြု၍ ဆောင်ရွက်ကာ Fiber Cable မှ ပေးပို့လိုသည့်နေရာသို့ ပေးပို့ပါသည်။

ဖမ်းယူရရှိသည့်နေရာ၌ ဝင်ရောက်လာသည့် အလင်းအချက်ပြ(Optical Signal) ကို လျှပ်စစ်အချက်ပြ (Electrical Signal) သို့ပြောင်းလဲ၍ အသုံးပြုပါသည်။ ထုတ်လွှင့်မသည် တစ်လမ်းသွား(သို့မဟုတ်) နှစ်လမ်း သွားစနစ်၊ အသံ၊ အချက်အလက်၊ အရုပ်၊ ပေးပို့ခြင်း ဝန်ဆောင်မှုများကို ပြုလုပ်နိုင်ပါသည်။ Fiber Cable တစ်ခုတွင် Fiber အမျှင်ကြိုး (Strands)များ အရေအတွက်အားဖြင့် (၁)ခု သို့မဟုတ် ရာပေါင်းများစွာ ပါဝင်ပါသည်။ Fiber အမျှင်ကြိုး (၁)ခု၏ အရွယ်အစားမှာ လူသားတစ်ဦးရှိ ဆံပင်ထက် (၁/၁၀)ပုံခန့်သာရှိသော် လည်း တယ်လီဖုန်း ခေါ်ဆိုမှုပေါင်း ၂၅၀၀၀ ခန့် သယ်ဆောင်နိုင်ပါသည်။

▲▲မရေတွက်နိုင်သော အချက်အလက်များ▲▲

Fiber အမျှင်များ စုပေါင်းထားသော Fiber Cable ကို အသုံးပြုသည့် လုပ်ငန်း လိုအပ်ချက် အပေါ် မူတည်၍ 2 Core Fiber ၊ 4 Core Fiber ၊ 8 Core Fiber စသဖြင့် သတ်မှတ် သုံးစွဲပါသည်။ သို့ဖြစ်ရာ Fiber Cable တစ်ခုတွင် မရေတွက်နိုင်သော သန်းပေါင်းများစွာ Data အချက်အလက်များ ပါဝင်ပါသည်။

ဖိုင်ဘာကွန်ရက်များကို ချိတ်ဆက်အသုံးပြုရာတွင် မြေအောက်Cable ဆက်သွယ်ခြင်း (Underground) ၊ မြေပေါ် Cable (Overhead) ဆက်သွယ်ခြင်း အပြင် နိုင်ငံတကာ ဆက်သွယ်ရေး အတွက် ရေအောက် Cable(Submarine Cable) သွယ်တန်းနည်း စနစ်များဖြင့် ဆက်သွယ်ချိတ်ဆက်ထားပါသည်။

ယေဘုယျအားဖြင့် အသုံးပြုသည့် လုပ်ငန်းအပေါ်မူတည်၍ Single Mode Fiber နှင့် Multimode Fiber ဟူ၍လည်း အသုံးပြုကြပါသည်။ ထို့အပြင် ဆေးပညာ လုပ်ငန်းများတွင် ရောဂါရှာဖွေခြင်း၊ စက်မှုပိုင်းဆိုင်ရာ လုပ်ငန်းများတွင် စက်ပစ္စည်းများအား စစ်ဆေးဆောင် ရွက်ခြင်းတို့အတွက်အသုံးပြုပါသည်။

▲▲မြေအောက်ဖိုင်ဘာ ကေဘယ်လ်ချခင်းခြင်း▲▲

မြေအောက်ဖိုင်ဘာ ကေဘယ်လ်ချခင်းခြင်း လုပ်ငန်း ဆောင်ရွက်မည်ဆိုပါက အကျယ် ၁ ဒသမ ၅ ပေနှင့် အနက် လေးပေတွင် ချခင်းဆောင်ရွက်ရပါသည်။ Fiber Cable အကွာအဝေး မီတာ ၁၀၀ အကွာအဝေး တိုင်းတွင် ပြုပြင်ထိန်းသိမ်းခြင်းဆောင်ရွက်ရန် အတွက် Man Hole ထားရှိပေးရပါသည်။ ဖိုင်ဘာဆက် ကြောင်း အကွာအဝေး ၁၀၀ ကီလိုမီတာတိုင်းတွင်လည်း Transmission စက်ပစ္စည်းများ တပ်ဆင် ထားရှိရပါသည်။

ဖိုင်ဘာဆက်ကြောင်းကွန်ရက်အသုံးပြု ခြင်းကြောင့် ပေးပို့သည့်ရုပ်ပုံအချက်အလက်များ အရည်အသွေး ကျဆင်းမှု နည်းပါးခြင်း (Less Attenuation) ၊ နှောင့်ယှက်မှု နည်းပါးခြင်း (No Interference) ၊ ပမာဏ အကန့်အသတ်မရှိ သုံးစွဲနိုင်ခြင်း၊ လျှပ်စစ် ဓာတ်အားနှင့် စက်သုံးဆီသုံးစွဲမှု သက်သာခြင်း၊ ပို့ဆောင်ချိတ် ဆက်မှု လျင်မြန်ခြင်း၊ လုံခြုံစိတ်ချရမှုရှိခြင်း စသည့် အကျိုးကျေးဇူးများ ရရှိပါသည်။ သို့ရာတွင် ရင်းနှီးမြှုပ်နှံမှု များပြားခြင်း၊ ပြုပြင်ထိန်းသိမ်း မှုအတွက် ကုန်ကျစရိတ်ရှိခြင်း၊ ရာသီဥတုနှင့် သဘာဝ ဘေးအန္တရာယ်များ အတွက် ပြတ်တောက်မှု များ ဖြစ်ပေါ်နိုင်ခြင်း စသည့် အားနည်းချက်များလည်း ရှိပါသည်။

▲▲စက်ဝိုင်းပုံကွန်ရက်များ ချိတ်ဆက်ထား▲▲

Fiber ကွန်ရက်များ အသုံးပြုရာတွင် Fiber ပင်မဆက်ကြောင်းတွင် ဆက်သွယ်မှု ပြတ်တောက်ခြင်းမှ ကာကွယ်ရန် စက်ဝိုင်းပုံ ကွန်ရက်များ ချိတ်ဆက်ထားရှိပါသည်။ သီးသန့်တိုက်ရိုက်ချိတ်ဆက် သည့် Dedicated လိုင်းများတွင်လည်း မြေပေါ်နှင့် မြေအောက်လိုင်းဟူ၍ အရန်လိုင်းကိုပါထားရှိ အသုံးပြုကြပါ သည်။ ငွေကြေးသုံးစွဲနိုင်မှု အပေါ်မူတည်၍ ဆက်ကြောင်းတစ်ခုတည်း ချိတ်ဆက်ဆောင်ရွက်သည့် အခါလည်းရှိပြီး အခြားဆက်သွယ်ရေးနည်းလမ်းတစ်မျိုးမျိုးကို အရန်အဖြစ် စီစဉ်ထားလေ့ရှိပါသည်။

Fiber ဆက်ကြောင်းတစ်လျှောက်တွင် ကြားခံအသုံးပြုသော စက်ပစ္စည်းများကြောင့် လည်းကောင်း၊ Fiber များ ချိတ်ဆက်မှု ကြောင့်လည်းကောင်း၊ ထုတ်လွှင့်သော သတင်းအချက်အလက်များကြားတွင် အနှောင့်အယှက်များ ဖြစ်ပေါ်ပြီးစွမ်းရည် ဆုံးရှုံးမှုများ တွေ့ကြုံနိုင်ပြီး ပေးပို့သောသတင်းအချက် အလက်များ မရောက်ရှိသည်ကိုလည်း တွေ့ကြုံနိုင် ပါသည်။

သဘာဝဘေးအန္တရာယ်များကြောင့် လည်းကောင်း၊ အခြားမမျှော်လင့်နိုင်သော ကိစ္စရပ်များေ ကြာင့် လည်းကောင်း၊ လူနှင့် ပြင်ပပယောဂများကြောင့် လည်းကောင်း၊ Fiber ပြတ်တောက်မှုများ ဖြစ်ပေါ်လာနိုင်ပါသည်။

မြန်မာ့အသံနှင့် ရုပ်မြင်သံကြား၊ နေပြည်တော် တပ်ကုန်းသို့ ၂၀၀၈ ခုနှစ်မှ ပြောင်းရွှေ့ချိန်မှ စတင်ပြီး ရုပ်/သံ သတင်း ပေးပို့ခြင်းလုပ်ငန်းများ ကို Fiber Network ငှားရမ်းအသုံးပြု၍ ဆောင်ရွက်ခဲ့ပါသည်။

▲▲ဖိုင်ဘာဆက်ကြောင်း အသုံးပြု▲▲

လက်ရှိတွင် MRTV (တပ်ကုန်း)နှင့် MRTV (ရန်ကုန်)တို့အကြား သတင်းနှင့်သက်ဆိုင်သည့် ရုပ်သံအစီအစဉ်များ အပြန်အလှန်ပေးပို့ခြင်း၊ သတင်းအစီအစဉ်များ အပြန်အလှန်ရိုက်ကူး ထုတ်လွှင့်ခြင်း၊ ပျဉ်းမနားရုပ်မြင်သံကြား ထပ်ဆင့်လွှင့်စက်ရုံ (သပြေတောင်)နှင့် ရုပ်သံသတင်းများ ပေးပို့ခြင်း၊ နေပြည်တော် အနီးတစ်ဝိုက်တွင် ကျင်းပပြုလုပ် သည့် အခမ်းအနားများအား တိုက်ရိုက်ရိုက်ကူး ထုတ်လွှင့်ခြင်း၊ လွှတ်တော် အခမ်းအနား ကျင်းပပုံများ တိုက်ရိုက်ရိုက်ကူး ထုတ်လွှင့်ခြင်း စသည့်လုပ်ငန်း များတွင် ဖိုင်ဘာဆက်ကြောင်းကို အသုံးပြုလျက်ရှိပါသည်။

▲▲၅ မိနစ်ခန့် ပြတ်တောက်မှုဖြစ်ပေါ်▲▲

၂၉-၁-၂၀၁၉ ရက်နေ့တွင် ကျင်းပပြုလုပ်သည့် ဒုတိယအကြိမ် ပြည်ထောင်စုလွှတ်တော် (၁၁)ကြိမ်မြောက် ပုံမှန်အစည်းအဝေး တတိယနေ့ကျင်းပနေမှုကို လွှတ်တော် ရုပ်သံလိုင်းမှ တိုက်ရိုက်ထုတ်လွှင့်နေစဉ် မွန်းလွဲ(၁၄း၂၀)နာရီမှ (၁၄း၂၅)နာရီအထိ (၅)မိနစ်ခန့် ပြတ်တောက်မှု ဖြစ်ပွားခဲ့ပါသည်။ ပြည်ထောင်စု လွှတ်တော် ဆွေးနွေးမှုအစီ အစဉ်များကို ပြည်ထောင်စုလွှတ်တော်မှ မြန်မာ့အသံနှင့် ရုပ်မြင်သံကြား (တပ်ကုန်း) ရုံးချုပ်သို့ ဖိုင်ဘာဆက်ကြောင်းမှတစ်ဆင့် ပေးပို့ထုတ်လွှင့်ရာ ယင်းအချိန်တွင်ဖိုင်ဘာ လိုင်းကျ၍ အစီအစဉ်ပြတ်တောက်ခဲ့ခြင်း ဖြစ်ပြီး ဂြိုဟ်တုဆက်ကြောင်းဖြင့် ပြောင်းလဲထုတ်လွှင့်ခဲ့ရပါ သည်။

ပြည်သူများထံသို့ ပြတ်တောက်မှုဖြစ်ရ ခြင်းအတွက် အသိပေးတောင်းပန်ခြင်း စာသားကို လွှင့်တင်ခြင်း၊ ပြတ်တောက် သွားခဲ့သည့်အပိုင်းကိုလည်း ထည့်သွင်းပြီး အစ-အဆုံး ပြန်လည်ထုတ်လွှင့်ပေးခြင်းတို့ ဆောင်ရွက်ခဲ့ပါသည်။ နောက်နောင်တွင် အလားတူဖြစ်စဉ်မျိုး ထပ်မံမဖြစ်ပွားစေရေးအတွက် လွှတ်တော် နှင့် မြန်မာ့အသံနှင့် ရုပ်မြင်သံကြား (ရုံးချုပ်) တို့အကြား ဖိုင်ဘာဆက်ကြောင်းလမ်း တစ်လျှောက်ကို ပြန်လည်စစ်ဆေးခြင်းအား သက်ဆိုင်ရာ Fiber ချခင်းခြင်း လုပ်ငန်း ဆောင်ရွက်သည့်ဌာနများမှ တာဝန်ရှိ သူများ နှင့် ပူးပေါင်းဆောင် ရွက်လျက်ရှိပါသည်။

ဖိုင်ဘာလိုင်း စစ်ဆေးပြုပြင်မှု ဆောင်ရွက်ပြီးပါက ဖိုင်ဘာလိုင်းအား အဓိကဆက်ကြောင်း အဖြစ် အသုံးပြုသွား မည်ဖြစ်ပြီး ဂြိုဟ်တုဆက်ကြောင်းအား အရန်အဖြစ်အသုံးပြုပါမည်။ ဤကဲ့သို့ ဖြစ်ပွားခဲ့ပါက ပြည်သူသို့ တောင်းပန်ခြင်းအား အချိန်နှင့် တစ်ပြေးညီ အသိပေးဆောင်ရွက်နိုင်ရေး စီမံထားရှိပြီး ဖိုင်ဘာဆက်ကြောင်းချို့ယွင်းမှုဖြစ်စဉ်များအတွက် သက်ဆိုင်ရာ ဌာနများသို့ တရားဝင်အကြောင်းကြား ညှိနှိုင်းဆောင်ရွက်သွားမည် ဖြစ်ပါသည်။

▲▲တွင်ကျယ်စွာအသုံးပြု▲▲

Fiber Optic ကွန်ရက်ဆက်ကြောင်းကို ဆက်သွယ်ရေး၊ အင်တာနက်ဝန်ဆောင်မှုများ၊ Cable ရုပ်သံထုတ် လွှင့်မှုများအတွက် ဆက်သွယ်ရေးလုပ်ငန်းများနှင့် ရုပ်သံထုတ်လွှင့်ရေးလုပ်ငန်းများတွင် တွင်ကျယ်စွာ အသုံးပြုကြပါသည်။ Bell Lab မှ သုတေသီ များက ယခုအခါ Fiber Optic ဆက်သွယ်ရေးကို အသုံးပြုလျှင် (၁) စက္ကန့်လျှင် 100 Petabit/ Km အမြန်နှုန်းသို့ ရောက်ရှိ အသုံးပြုနိုင်ကြောင်း ပြောကြားထားပါသဖြင့် အရည်အသွေးမြင့် 4K/ 8K ၊ Super Hi-Vision၊ Ultra-High Definition ခံစားကြည့်ရှုနိုင်သည့် ရုပ်မြင်အစီအစဉ်များ၊ ရုပ်ရှင် များ၊ အားကစားပွဲများ၊ Interactive Games၊ Internet အခြေခံဝန်ဆောင်မှု များကို မိမိတို့၏ နေအိမ်အရောက် Fiber to the Home (FTTH) စနစ်ဖြင့် ဝန်ဆောင်မှု ပေးနိုင်နေပြီဖြစ်ကြောင်း ဗဟုသုတအလို့ငှာ အသိပေးရေးသားတင်ပြလိုက်ရပါသည်။ ။

စက်မှုခင်