ရေဒီယိုခေတ်ရွှေဖြစ်ခဲ့သော သီချင်းများဂီတပွဲတော် အကြိုခံစားမှု

ဖိုးစိန်လမ်းမှာရှိတဲ့ ဟာမိုနီစတူဒီယိုကို ကျွန်မရောက်တော့ ဂီတအဖွဲ့သားတွေ စုံစုံလင်လင် ရောက်နေကြပါပြီ။ ဖေဖော်ဝါရီလ ၃ ရက်နေ့ ညနေ အမျိုးသားဇာတ်ရုံမှာကျင်းပမယ့် ရေဒီယို ခေတ်ရွှေဖြစ်ခဲ့သော သီချင်းများ တေးဂီတဖျော်ဖြေပွဲအတွက် ကြိုတင်သီချင်း တိုက်ကြမှာ ဖြစ်ပါတယ်။

ဒီပွဲကို ရေနံချောင်းမြို့နယ်အသင်း(ရန်ကုန်) က ဦးစီးစီစဉ်တာဖြစ်ပါတယ်။ ကျွန်မတို့ရဲ့ ဆရာမ ဒေါ်မြင့်မြင့်ခင်၊ ဒေါ်ညိုညိုထွန်း၊ အတွင်းရေးမှူး ဦးစန်းလွင်တို့နဲ့ နာယကကြီးတွေက ကျွန်မနဲ့ မမဂျူးကို အကူအညီတောင်းပါတယ်။ ကျွန်မတို့က လည်း မြန်မာနိုင်ငံစာရေးဆရာ ဆရာဝန်အသင်း ရန်ပုံငွေပွဲနဲ့ အစ်မကြီး အေ၀မ်းတင်တင်လှရဲ့ ရွှေရတုအလွန် ဂီတသံစဉ်ညပွဲနှစ်ခုကို စီစဉ်ခဲ့ဖူး လေတော့ လက်မှတ်သာမရောင်းခိုင်းပါနဲ့ ဆရာမ တို့ရယ်၊ လိုအပ်တဲ့နေရာလေးတွေမှာ ကူညီပေး ပါ့မယ်လို့ ကတိပေးမိတယ်။

တကယ်တော့ ကျွန်မကလည်း ဆေးရုံ ဆေးခန်းလူနာတွေ အလုပ်တွေများတယ်။ ဒီရက် မှာမှ မြောက်ဦးဆရာတော်ကြီးရဲ့ ဇာတိမြေ မအီမြို့ကို မျက်စိအခမဲ့ခရီးစဉ် စီစဉ်နေရတယ်။ မမဂျူး ကလည်း စာပေဟောပြောပွဲတွေက ဆက်တိုက်ဆို တော့ ရသမျှအချိန်ကိုလုပြီး စီစဉ်ပေးကြရတယ်။ ဦးစန်းလွင်ကတော့ အဓိကပင်ပန်းသူ ဖြစ်တယ်။

▲တာဝန်ခွဲယူ အားထုတ်ခဲ့ကြ▲

ဦးဌေးဝင်း (ငွေစံပယ်လှိုင်) ကလည်း တာဝန် တွေ ခွဲယူ၊ ဆရာမတို့နဲ့ ကိုမောင်မောင်မြတ်ရယ်၊ အလုပ်အမှုဆောင်တွေရယ် အားလုံးက လက်မှတ် တွေ ရောင်းကြရတယ်။ နာယကကြီးဦးကောင်း လည်း အေးအေးဆေးဆေးမနေရ၊ ၀င်ပါရတယ်။ သူရဦးဖုန်းစိန်ကလည်း အမျိုးသားဇာတ်ရုံကြီး မှာ ကျင်းပနိုင်ဖို့ စီစဉ်ပေးတယ်၊ ပွဲစမယ်ဆိုတော့ ဦးစိုးသန်းထွန်း-ဒေါ်ခင်မေသန်း(ပွင့်သစ်စမ်း)မိသားစုက ငွေကျပ် ၁၀ သိန်း မတည်ပေးတယ်၊ ကြိုတင်အစည်းအဝေးတွေလုပ်ကြတယ်၊ ရေနံ ချောင်းအသင်း (ရန်ကုန်)ဟာ ဒီပွဲအတွက် အတော်လေးအားထုတ်ခဲ့ကြပါတယ်။

ပွဲတစ်ခုစီစဉ်တဲ့အခါ အခက်အခဲတွေ လိုအပ် ချက်တွေ ရှိစမြဲပါ။ ကျွန်မတို့အနေနဲ့ ကိုယ့်ရဲ့ အသက်မွေးဝမ်းကျောင်းအလုပ် အစစ်မဟုတ် လေတော့ လမ်းကြောင်းတွေက သိပ်မမှန်ဘူး လေ။ ပြီးကာမှ သြော်.. ဒါလေးကဖြင့် ဘယ် သူ့ ကို အပ်လိုက်ရမှာပါလား၊ တော်ပါပြီ၊ နောက်ဆို ကိုယ်နဲ့မဆိုင်တာတွေ မလုပ်တော့ဘူးဆိုပြီး ကတိတွေ ခဏခဏ ပေးခဲ့ပေါင်းများပြီ ။ ဒါပေမယ့် အမူးပြေတော့ ထန်းပင်မော့ကြည့်တဲ့ ဥပမာလိုပါပဲ၊ ကြာတော့လည်း ပြောခဲ့တာတွေ မေ့သွားပြီးလုပ်မိပြန်တယ်။ လက်မှတ်တော့ မရောင်းပါရစေနဲ့ ပြောထားခဲ့ပေမယ့် ပွဲနီးလာတော့မှ လက်မှတ် တွေကုန်ဖို့လိုလာတော့ ကိုယ်တိုင်ရောင်းပေးဖို့ ဖန်လာပြန်ရော။ ဒီတော့လည်း ကိုယ်နဲ့ရင်းနှီးတဲ့ သူတွေဆီပြေးရပြီပေါ့။

လက်မှတ်တွေကို အမြဲအပြုံးနဲ့ ဆီးကြို အားပေးခဲ့တဲ့ ကလေးဆေးရုံက ဒေါက်တာ အောင်ထွန်းဦး(ဒုဆေးရုံအုပ်) ကိုတော့ အဓိက အားထားတယ်။ ပြီးမှ ဒပ်ဖရင်ဆေးရုံအုပ်ကြီး မမဒေါက်တာခင်ပြုံးကြည်၊ ပြီးရင် အနောက်ပိုင်း ဆေးရုံအုပ်ကြီး ဒေါက်တာဇော်လွင်ကလည်း ပင်တိုင်အားပေးသူဆိုတော့ ပြောစရာမရှိ။ ဒီထဲ ကမှ အရိုးဆေးရုံအုပ်ကြီး ဒေါက်တာအောင်ဆွေဆီ ဖုန်းဆက်ပေးတော့ လက်မှတ်တွေ အတော် ရောင်းလိုက်ရတယ်။ ၀ယ်ယူအားပေးကြသူ အားလုံးကို အထူးကျေးဇူးတင်မိပါတယ်။ အခုလို အားပေးသူတွေဖြစ်လို့သာ အားမနာတမ်း ရောင်းရဲ တာပါ။ လက်မှတ်ရောင်းတယ်၊ အလှူခံတယ်ဆိုတာ လွယ်တဲ့အလုပ်မှမဟုတ်ဘဲ နောက်ဆုံးတော့ သိမ်ဖြူ ၁၀၁ လမ်းမှာရှိတဲ့ ဘိုဘို အင်တာတိန်းမင့်က လက်မှတ်ရောင်းပေးမယ်ဆိုတော့မှ ကျွန်မနဲ့ မမဂျူးတို့ အသက်ရှူချောင်သွားတော့တယ်။

▲အနုပညာသစ်ပင်ကြီး ရှင်သန်နိုင်ရေး▲

အနုပညာဆိုတဲ့ပိုးကလည်း အသက်အရွယ်အလုပ်အကိုင်တွေနဲ့မဆိုင်၊ ၀ါသနာက အရင်းခံ တယ်။ အနုပညာမျိုးစေ့ပိုင်ရှင်တွေဆိုတာ မိမိ စိုက်ပျိုးထားတဲ့ အနုပညာသစ်ပင်လေး ရှင်သန် ကြီးထွားခက်လက်ဝေဖြာစေဖို့ တာဝန်ရှိတယ်။ သစ်တစ်ပင်စိုက်ပျိုးပြီးရင် ရေလောင်းပေါင်းသင် မြေတောင်မြှောက်၊ သြဇာမြေဆွေးကျွေးပေး နေရသလို အနုပညာသစ်ပင်အတွက်လည်း “ဆိုကရေးတီး” ဆိုတဲ့ အနုပညာအတတ်တွေကို ဆက်လက်ဖြည့်ဆည်းပေးနေမှသာ အရိပ်အာဝါသ ကောင်းတဲ့ အနုပညာသစ်ပင်ကြီးအဖြစ် ဆက်လက်ရှင်သန်ရပ်တည်နိုင်မှာ ဖြစ်ပါတယ်။

အခုလည်း ဒီပွဲလေးကို စီစဉ်မယ်ဆိုတော့ ရေနံသာဝင်းမောင်က ရေဒီယိုခေတ် ရွှေဖြစ်ခဲ့ သော သီချင်းများ ဖျော်ဖြေပွဲလို့ ခေါင်းစဉ်ပေးခဲ့ ပါတယ်။ ရေနံချောင်းမြို့နယ် အသင်းအနေနဲ့ လည်း ရေနံချောင်းသား တေးရေးတေးဆို ဂန္တဝင် အဆိုတော်၊ ဂီတပညာရှင်ကြီးသုံးဦး ကျန်းမာ နေစဉ်မှာ ဂုဏ်ပြုချင်တယ်။ တကယ်လည်း ရေနံချောင်းမြို့ဂုဏ်ကိုဆောင်ရုံတင် မကဘူး၊ အနုပညာ လောကကြီးရဲ့ ကြယ်ပွင့်အကြီးကြီး တွေလည်း ဖြစ်ခဲ့တယ်၊ လူတစ်ယောက်မရှိတော့မှ လွမ်းပြတမ်းတ၊ ဂုဏ်ပြုကြရတာထက် သက်ရှိ ထင်ရှား ကျန်းမာနေချိန်မှာ ဂုဏ်ပြုရတာက ပိုပြီး အနှစ်သာရရှိတယ်။

အခုဆို ဆရာ ရေနံသာစိုးလှိုင်က ၈၄ နှစ် ရှိခဲ့ပြီ။ ဦးတင်လှိုင်က ၈၁ နှစ်၊ ရေနံသာဝင်းမောင် က ၇၅ နှစ်။ ဒါပေမယ့် အနုပညာစိတ်တွေနဲ့ နေထိုင် နေကြသူတွေဆိုတော့ လူငယ်တွေနဲ့အပြိုင် ဆိုနိုင် နေသေးတယ်။ အသံတွေက နုပျိုနေကြသေး တယ်။ သီချင်းသံလေးတွေနဲ့ တက်ကြွနေကြသေး တယ်။ တကယ့်ကို လုပ်ပေးသင့်တဲ့ပွဲပါ။

▲မြန်မာ့အသံမှာ ဓာတ်ပြားရ▲

ဂီတကြယ်ပွင့်တစ်ဦးဖြစ်တဲ့ ရေနံသာစိုးလှိုင်ဟာ ရှေးဟောင်းသံချိုသီချင်းများ ခေတ်ပေါ် သီချင်းများကို ဂီတနက်သန် ကိုစောငြိမ်း၊ ဂီတ နက်သန် ဦးအုန်းလွင်တို့ထံမှာ သင်ယူခဲ့တယ်။ ၁၉၅၃ ခုနှစ်မှာ ပြေးနေတဲ့အချစ်သီချင်းကို ကိုယ်တိုင်ရေးသားသီဆိုခဲ့တယ်။ အသက်၂၀ အရွယ်မှာ ဂီတနက်သန် ကိုစောငြိမ်းရဲ့ ၀ိဇယ သီချင်းနဲ့ မြန်မာ့အသံမှာ ရေဒီယိုဓာတ်ပြားရခဲ့ တယ်။

စခန်းအောင်မြေ၊ ညွှန်းပါရစေ၊ ချစ်ရိပ်သွယ်၊ ညောင်ပင်သာရွာ၊ ပန်းလက်ဆောင်၊ သီချင်းတွေ နဲ့လည်း ရေဒီယိုဓာတ်ပြားရခဲ့တယ်။ တောင်တန်း ပြာနဲ့ကျောပိုးအိတ်၊ ချစ်ပြုံးနှင်းဆီ၊ ပွင့်ဦး၊ သစ္စာ၊ ထားသခင်၊ သူငယ်ချင်းလိုပဲ ဆက်၍ခေါ်မည်ခိုင်၊ သီချင်းတွေကဖြင့် ယနေ့ထက်တိုင်ကျော်ကြား နေဆဲဖြစ်တယ်။ သင်္ကြန်သီချင်းတွေဖြစ်တဲ့ ဟောတော့၊ ချမ်းပါတယ်၊ မြန်မာတွေချစ်တဲ့ သင်္ကြန်သီချင်းတွေက ယနေ့ခေတ် အဆိုတော် များစွာ လက်ဆင့်ကမ်းသီဆိုလို့မရိုးနိုင်ခဲ့ဘဲ နှစ်စဉ်သင်္ကြန်ကျတိုင်း မြူးမြူးကြွကြွ ကြားနေရမြဲ ဖြစ်ပါတယ်။

နွေနှောင်းရက်ကျန်၊ ငွေဝန်းသော်တာ၊ မြနဒီ၊ ကိုယ်အလှဘ၀ငွေလမင်း၊ လမင်း ငိုအောင်လှတဲ့သူ၊ ဆောင်းညဥ့်၊ လွမ်းတေးမဆုံးစေနှင့် စောသခင်၊ မေတ္တာဝင်္ကပါခရီးလမ်း စတဲ့တေးသီချင်းပေါင်း ၂၀၀ ကျော် ရေးသားသီဆိုခဲ့သူဖြစ်ပါတယ်။

အဆိုတော်ကြီး ကိုတင်လှိုင်ဆိုရင် တစ်ခေတ် တစ်ခါက အလွမ်းသီချင်းတွေ ၊ အလွမ်းတေးစီးရီး တွေနဲ့နာမည်ကျော်ကြားခဲ့တယ်။ ဘကြီးအောင် ညာတယ်၊ ယောက်ျားမှာလည်း အသည်းနဲ့ပါ၊ အမုန်းခွန်အားပေးသနားပါ၊ ရွာရန်ရာနှုန်း ၈၀၊ စိန်ပန်းပြာနဲ့ဝေးသူရေ၊ ပန်းနဲ့ပေါက်တာလည်း နာချင်တယ်၊ သံသရာဆုတောင်း၊ ချစ်သူတိုင်း လည်းညားကြပါစေ၊ ချစ်သူကိုယ့်ထံမရောက်လာ ပါလား၊ အချစ်ဦးသို့ ရွှေနားတော်သွင်း ဧချင်း၊ မပြောတော့ဘူး စတဲ့တေးသီချင်းများနဲ့ မောင်မုန်း ရက်ရင် မုန်းလိုက်ပါကိုတော့ ကိုယ်တိုင် ရေးသား သီဆိုခဲ့ပါတယ်။ မြောက်မြားလှစွာသော အလွမ်း သီချင်းပေါင်း ၂၀၀ ကျော်က သောတရှင်တွေရဲ့ အသည်းစွဲဖြစ်ခဲ့ပါတယ်။ ခေတ်စကားနဲ့ပြောရရင် ဆိုတဲ့သီချင်းတိုင်းပေါက်ခဲ့တယ်။ နားဆင်မိသူတိုင်း လွမ်းရိပ်တွေဆင်၊ လွမ်းမိုးတွေရွာ၊ အလွမ်း ကမ္ဘာ တောမှာ၊ လွမ်းမောလှိုက်ဖြာစေခဲ့သူ၊ တေးပလ္လင်မှ အဆွေးဘုရင်ဘွဲ့ကို ရရှိခဲ့သူ ဖြစ်ပါတယ်။

ဆရာရေနံသာဝင်းမောင်ကတော့ သီချင်း လည်းဆို၊ သီချင်းလည်းရေးသလို စာလည်း ရေးသား တဲ့သူဖြစ်ပါတယ်။ မကြာခင်မှာ လုံးချင်း စာအုပ်ဖြစ်တဲ့ ပုဂံချစ်သူ စာအုပ်ထွက်ရှိတော့မှာ ဖြစ်ပါတယ်။

▲သီချင်းများကိုယ်တိုင်ရေးစပ်▲

ပထမဦးစွာ သူပို့သသော မေတ္တာကြောင့်နဲ့ ၀ိုင်းဝိုင်းလည် အငြိမ့်သီချင်းများ စတင်ရေးသား ခဲ့ရာ မြန်မာ့အသံမှာ ဓာတ်ပြားရရှိခဲ့ပါတယ်။ ထင်ရှားကျော်ကြားတဲ့ သီချင်းပေါင်းများစွာရှိတဲ့ အနက်က ရွှေတိဂုံကိုမြင်လျှင်၊ မြန်မာပြည်သား၊ နေမ၀င်အချစ်၊ မိဂဒါဝုန်၊ မချစ်စု၊ မလိခချစ်သူ စကား၊ သီချင်းတွေနဲ့ ဓာတ်ပြားရရှိခဲ့ပြီး သောတရှင်အကြိုက် တေးသီချင်း များဖြစ်ခဲ့ပါ တယ်။ စာမလာသတင်းမကြား၊ မျက်စိလည်သွားပြီ၊ မောင့်တိုင်းပြည်သီချင်းတွေ ကိုတော့ ကိုယ်တိုင် ရေးစပ်သီဆိုခဲ့ပါတယ်။

ဒီဂီတပွဲတော်ကြီးမှာတော့ ရေနံသာကြယ်ပွင့် သုံးဦးနဲ့အတူ ယနေ့နိုင်ငံကျော် အဆိုတော်တွေက သီဆိုကြမယ်၊ သင်္ကြန်အကအလှတွေနဲ့ မြိုင်မြိုင် ဆိုင်ဆိုင် ဖျော်ဖြေကြမယ်။

ကျွန်မကဖြင့် အနုပညာရှင်အားလုံးကို လေးစားတယ်၊ တန်ဖိုးထားတယ်၊ အားကျတယ်။ ပါရမီရှိမှ အဆိုတော်ကောင်းဖြစ်တာလို့ ခံယူ တယ်။ လူတိုင်းသီချင်းဆိုလို့ရတယ်၊ ဆိုခွင့်ရှိတယ်၊ ဒါပေမယ့် ပါရမီရှိသူမှသာ ပိုမိုအောင်မြင်၊ ရေရှည် တည်တံ့နိုင်တယ်၊ ကိုယ့်ရဲ့အသံကြောင့် နားဆင် သူတွေကို ပျော်ရွှင်မှုရသကို ပေးစွမ်းနိုင်တဲ့ သမ္မာအာဇီဝအလုပ်ကိုလည်း ပိုင်ဆိုင်ထားသူတွေမို့ ကုသိုလ် ထူးတယ်လို့မြင်တယ်။

ဒီလိုပွဲတွေပေါ်လာတာ ကျေနပ်မိတယ်။ တကယ်တော့ အင်မတန်ကိုတန်ဖိုးရှိတဲ့ အနုပညာ ရှင်ကြီးတွေ၊ သက်ရှိထင်ရှားရှိသူတွေ အများကြီး ရှိနေပါသေးတယ်။ သူတို့အတွက် ဒီလိုပွဲတွေ စီစဉ် ပေးစေချင်မိပါတယ်။ ဒါဟာမျိုးဆက်သစ်လူငယ် အနုပညာရှင်တွေဆီ လက်ဆင့်ကမ်းပေးတဲ့ပွဲ ဆိုလည်း မမှားပါဘူး။ တစ်ခေတ်တစ်ခါက ထင်ရှား ကျော်ကြားခဲ့တဲ့ ရေဒီယိုသီချင်းတွေရဲ့ ကောင်းခြင်း တွေကို ယနေ့လူငယ်တွေ ခံစားနားဆင်စေချင် တယ်။ မြန်မာ့ဂီတကို ချစ်တတ်စေချင်တယ်။ ဒီလို ရေဒီယိုခေတ်က သီချင်းတွေကို သူတို့လေးတွေ နှစ်သက်တဲ့၊ လက်ခံတဲ့အဆိုတော်တွေနဲ့ ဆိုပြ လိုက်တဲ့အခါ သူတို့ရင်ထဲလွယ်လွယ်ရောက် သွား နိုင်မယ်။

▲အနုပညာက စိတ်ကိုငြိမ်းအေးစေ▲

အနုပညာဆိုတာ လူတွေရဲ့နှလုံးသားကို နူးညံ့ပျော့ပျောင်းစေတယ်။ ကရုဏာစိတ်၊ မေတ္တာ စိတ်ကိုပွားစေတယ်။ ပူလောင်နေတဲ့စိတ်ကို တဒင်္ဂငြိမ်းအေးစေတယ်။

ကျွန်မ ယုံကြည်မိတယ်၊ အနုပညာရှင်ဆိုတာ ခန္ဓာနဲ့ အသက်တည်မြဲနေသရွေ့ ဘယ်တော့မှ ရပ်တန့်နေမှာ မဟုတ်ဘူးဆိုတာကိုပါ။ ဒီတော့ လည်း တစ်ခေတ်တစ်ခါက ထင်ရှားကျော်ကြားခဲ့တဲ့ ရေနံချောင်းမြို့ရဲ့ ဂန္တဝင်အနုပညာရှင်ကြယ်ပွင့် သုံးဦးကို ဂုဏ်ပြုတင်ဆက်မယ့် ရေဒီယိုခေတ် ရွှေဖြစ်ခဲ့သောသီချင်းများ ဖျော်ဖြေပွဲ ဂီတညလေးကို ကြိုတင်ခံစားမိရင်း စည်ကားသိုက်မြိုက် ခမ်းနားအောင်မြင်ပါစေကြောင်း ဆုမွန်တောင်း လိုက်ရပါတော့တယ်။ ။

ဒေါက်တာနီလာသိန်း (လင်းရောင်သစ်)