အခြေခံကျောင်းများတွင် မိဘဆရာအသင်းများ ဖွဲ့စည်းဆောင်ရွက်ရေး စကားဝိုင်း

အခြေခံပညာကျောင်းများတွင် မိဘဆရာအသင်းများ၏ ဖွဲ့စည်းဆောင် ရွက်ရေး၊ စကားဝိုင်းဆွေးနွေးပွဲကို မြန်မာ့အသံနှင့် ရုပ်မြင်သံကြားမှ ရိ်ုက်ကူးထုတ်လွှင့်ခဲ့သည်။

စကားဝိုင်းဆွေးနွေး ပွဲတွင် အခြေခံပညာ ဦးစီးဌာနနှင့် ညွှန်ကြားရေးမှူးချုပ် (ငြိမ်း) ဒေါက်တာ တင်ညို၊ ညွှန်ကြားရေးမှူးချုပ် (ငြိမ်း) ဦးအေးကြိုင်၊ မန္တလေးတိုင်းဒေသကြီး ပညာရေးမှူးရုံး ဒုတိယညွှန်ကြားရေးမှူးချုပ် ဒေါ်စန်းစန်းရီတို့ ပါဝင်ဆွေးနွေး ခဲ့ကြသည်။

အစီအစဉ်မှူး။ ။။ ပထမဆုံး မေးခွန်းအနေနဲ့ အခြေခံ ပညာကျောင်းတွေ မှာ မိဘဆရာအသင်းတွေကို ဘာကြောင့် ဖွဲ့စည်းတည်ထောင်ဖို့ လိုအပ်သလဲဆိုတာပြောပေးပါ။

ဒေါက်တာတင်ညို။ ။ မိဘများအားလုံးနဲ့ အုပ်ထိန်းသူ အားလုံးကို ကိုယ်စားပြုနေတဲ့ မိဘဆရာအသင်းဟာ ကျောင်း တစ်ကျောင်းအတွက် အဓိကလိုအပ်ချက်အသင်းတစ်ခုဖြစ်ပါတယ်။ ဘာကြောင့်လဲဆိုတော့ ဒီအသင်း ရဲ့ လှုပ်ရှားမှုအရ၊ ဆောင်ရွက်နိုင် မှုအရ၊ ပညာရေးရဲ့ တာဝန်ယူဆောင်ရွက်ထားတဲ့ တိုးမြှင့် စီစဉ် တာတွေ အားလုံးဟာ အောင်မြင်မှု ရလာနိုင်မှာ ဖြစ်ပါတယ်။ ဒါကြောင့် ကျောင်းအလိုက် ဆောင်ရွက်နေကြတဲ့ စီမံ ဆောင်ရွက်မှုတွေ၊ ပညာရည် တိုးတက်မှုလုပ်ငန်းတွေကို မိဘများကနေတစ်ဆင့် ကျောင်းကိုပါဝင် ပူးပေါင်း နိုင်သလို ကျောင်းကတစ်ဆင့်မိဘများကို အသိပေးခြင်းအားဖြင့် ပူးပေါင်းကူညီနိုင်မှု အခြေအနေ အကောင်းဆုံးရနိုင်တဲ့ အစီအစဉ်ဖြစ်ပါတယ်။ ဒါကြောင့် ဒီမိဘဆရာအသင်းသည် ကျောင်းတစ်ကျောင်း အတွက် အင်မတန်ကို အရေးပါတဲ့ အသင်းဖြစ်တယ်လို့ ပြောလိုပါတယ်။ဒီလိုအသင်း ဖွဲ့စည်း တာကလည်း မြန်မာနိုင်ငံမှာ တင် မဟုတ်ပါဘူး။ အခုလေ့လာ မှုအရဆိုရင် ကမ္ဘာ့နိုင်ငံ အသီးသီးမှာကိုပဲ သူတို့ခေါ် တော့ PTA လို့ခေါ်ပါ တယ်။ Parent Teacher Association၊ တချို့နိုင်ငံတွေ ကျတော့ Parent Teacher Organization လို့ ခေါ်ပါ တယ်။ အဲဒီတော့ နိုင်ငံတိုင်းမှာလည်း ရှိပါတယ်။ မြန်မာနိုင်ငံမှာရှိလာတဲ့ မိဘဆရာအသင်းရဲ့ ဟိုတုန်းက စတင် ဖွဲ့စည်းခဲ့တဲ့ဟာတွေကို ပြန်ပြီးလေ့လာမိသလောက် တော့ ၁၉၅၂ ခုနှစ်မှာ ပြည်တော် သာစီမံကိန်းရဲ့ တစ်စိတ် တစ်ဒေသဖြစ်တဲ့ ဘ၀သစ်ဖန်တီး မှုပညာရေးစီမံကိန်း ဆိုတာရှိပါတယ်။ အဲဒီမှာ မိဘဆရာအသင်းကို စတင် ဖွဲ့စည်းခဲ့တယ်လို့ မှတ်တမ်းများအရ တွေ့ရပါတယ်။ အဲဒီ မတိုင်မီမှာလည်း ကျောင်းကော်မတီပေါ့။ School Committee ဆိုပြီးတော့ ဖွဲ့စည်းတဲ့အတွက် အစဉ် အဆက်အားဖြင့် မြန်မာနိုင်ငံရဲ့ ပညာရေးသမိုင်းမှာ ဒီမိဘ ဆရာအသင်းဟာ အင်မတန်အရေးပါတဲ့ အခန်း ကဏ္ဍက ပါဝင်ခဲ့တယ်ဆိုတာကို လေ့လာ တွေ့ရှိရပါတယ်။

အစီအစဉ်မှူး။ ။ အခုဆက်လက်ပြီးတော့ ဆရာမကြီးကို မေးချင်ပါ တယ်။ အခြေခံပညာကျောင်းတွေမှာ မိဘဆရာအသင်းတွေကို ဖွဲ့စည်းဆောင်ရွက် ခြင်းအားဖြင့် ကျောင်းသားကျောင်းသူတွေ အတွက် ဘယ်လိုမျိုး အကျိုးကျေးဇူးတွေ ရရှိစေမလဲဆိုတာကို ဆရာမကြီးက ဖြေကြားပေးပါဦး။

ဒေါ်စန်းစန်းရီ။ ။ မိဘဆရာအသင်းကို ကျောင်းတစ် ကျောင်းမှာ စနစ်တကျဖွဲ့မယ်။ ပြီးတော့ ပွင့်လင်း မြင်သာစွာနဲ့ ကျောင်းရဲ့အကျိုးကို ဆောင်ရွက်မယ်ဆိုရင် ကျောင်းသား ကျောင်းသူတွေရဲ့ စာရိတ္တ ကောင်းမွန်လာမှာ ဖြစ်ပါတယ်။ ကျောင်းတက် မှန်ကန်လာတဲ့အတွက် ပညာရည်မြင့်မားပြီးတော့ အဆင့် မြင့်တဲ့ပညာရေးကိုရရှိတဲ့ အကျိုးကျေးဇူးကို ခံစားရမှာ ဖြစ်ပါတယ်။ အဲဒီလိုပဲ မိဘဆရာအသင်းနဲ့အတူ ကျောင်း အကျိုးတော်ဆောင်အဖွဲ့တွေ၊ ကျောင်းကောင်စီတွေ၊ မိဘရပ်ရွာလူထုတွေ ပူးပေါင်းဆောင် ရွက်ခြင်း ဖြင့် အဲဒီ ကျောင်းဟာ ဘက်စုံဖွံ့ဖြိုးတိုးတက်တဲ့ ကျောင်းတစ်ကျောင်း ဖြစ်လာမှာ ဖြစ်ပါတယ်။ အဲဒီလို ဘက်စုံဖွံ့ဖြိုးတိုးတက်တဲ့ ကျောင်းမှာ ဘက်စုံဖွံ့ ဖြိုးတိုးတက်တဲ့ ကလေးတွေကို မွေးထုတ်လာနိုင်တဲ့အပြင် ကျောင်းတွင်းဒီမိုကရေစီပါ အလေ့အကျင့်ကောင်းတွေရရှိတဲ့ အကျိုးကျေးဇူးတွေကို မိဘဆရာ အသင်း ဖွဲ့စည်းခြင်းဖြင့် မိဘဆရာအသင်းက ရရှိနိုင်ပါတယ်။

အစီအစဉ်မှူး။ ။ ဒီတစ်ခါတော့ ဆရာကြီး ဦးအေးကြိုင်ကို မေးချင်ပါတယ်။ အမျိုးသားပညာရေး ဥပဒေမှာ ပါတဲ့ မိဘဆရာအသင်းရဲ့ အဓိပ္ပာယ်လေးကို လည်း သိပါရစေ။

ဦးအေးကြိုင်။ ။ ကျွန်တော်တို့ ပြည်ထောင်စုသမ္မတ မြန်မာနိုင်ငံတော် အမျိုးသားပညာ ရေးမူဝါဒအရ အမျိုးသား ပညာရေးဥပဒေမှာပါတဲ့ မိဘ ဆရာအသင်းကို ဖွင့်ဆိုတာကတော့ အခြေခံပညာကျောင်း များမှာ သင်ယူသူများ၏ တတ်မြောက်ရေးနှင့် ကိုယ်၊ နှုတ်၊ နှလုံး သုံးပါး ကောင်းမွန်ရေးကို ပိုမို ထိရောက်အောင်မြင် စေရန် မိဘအားလုံး၊ အုပ်ထိန်းသူအားလုံး အပြင် ကျောင်း မှာရှိသော ကျောင်းအုပ်ကြီးနှင့် ဆရာ ဆရာမတို့ အတူတကွ ပူးပေါင်းဖွဲ့စည်းထားသောအဖွဲ့ကို မိဘဆရာ အသင်း လို့ အမျိုးသားပညာရေးဥပဒေက ဖွင့်ဆို ပါတယ်။

အစီအစဉ်မှူး။ ။ အခုတစ်ခါထပ်ပြီးတော့ ဆရာမကြီးကို မေးချင်တာကတော့ မိဘဆရာ အသင်းရဲ့တံဆိပ်နဲ့ ဆောင်ပုဒ်လေးကိုလည်း ပြောပြပေးစေလိုပါတယ်။

ဒေါ်စန်းစန်းရီ။ ။ မိဘဆရာအသင်းရဲ့ ဆောင်ပုဒ်ကတော့ မိဘဆရာပူးပေါင်း ကလေးပညာ ကောင်းဖြစ် ပါတယ်။ မိဘဆရာအသင်းအထိမ်းအမှတ် တံဆိပ်ကတော့ စက်ဝိုင်းပုံထဲမှာ သုံးနားညီတြိဂံပုံ ဖြစ်ပါ တယ်။ အဲဒီစက်ဝိုင်းဟာ တိုင်းပြည်ရဲ့ ပညာရေးလောကကို ကိုယ်စားပြုတာဖြစ်ပြီးတော့ တြိဂံကတော့ သူသက်ဆိုင်တဲ့ ကျောင်းကို ကိုယ်စားပြုတာဖြစ်ပါတယ်။ အဲဒီတြိဂံရဲ့ ယာဘက်အနားကတော့ မိဘအုပ်ထိန်းသူတွေကို ကိုယ်စား ပြုပြီးတော့ မိဘ ဆိုတဲ့စာလေးကို ရေးပါ တယ်။ လက်ဝဲဘက်မှာတော့ ဆရာကို ကိုယ်စားပြုတဲ့ အတွက် ဆရာလို့ ရေးပြီးတော့ သုံးနားညီတြိဂံရဲ့ အောက်နားမှာတော့ ကျောင်းသား ကျောင်းသူတွေကို ကိုယ်စား ပြုတဲ့အတွက် ကျောင်းသား ဆိုပြီးတော့ အဲဒီထဲမှာ ရေးထားပါတယ်။

အစီအစဉ်မှူး။ ။ ဒီတစ်ခါ ဆရာကြီး ဦးအေးကြိုင်ကို ထပ်မေးချင်တာကတော့ မိဘဆရာ အသင်းရဲ့ သက်တမ်းနဲ့ အသင်းသား ဘယ်နှမျိုး ရှိပါလဲ။ အဲဒါလေးလည်း သိပါရစေ။

ဦးအေးကြိုင်။ ။ ကျောင်းတစ်ကျောင်း ဘက်စုံဖွံ့ဖြိုးတိုး တက်ရေး အတွက် ဒီကျောင်းကို အပ်ထားတဲ့ မိဘတွေ အားလုံးပူးပေါင်း ပါဝင်မှ ဒီကျောင်းက ကလေးတွေရဲ့ပညာရေးကို ကျောင်းက ဆရာတွေရဲ့ စွမ်း အားနဲ့ စွမ်းဆောင်နိုင်မှာ ဖြစ်ပါတယ်။ ဒါဆိုရင် မိဘ ဆရာအသင်းရဲ့ သက်တမ်းမှာ ပညာသင်နှစ်တစ်နှစ်ကိုပဲ သတ်မှတ် ထားပါတယ်။ အဲဒီပညာသင်နှစ် တစ်နှစ်မှာ လည်း ဖွဲ့စည်းရတဲ့ကာလကလည်း ဇူလိုင်လ ပထမပတ် ကို နောက်ဆုံးထားပြီး တစ်နိုင်ငံလုံးရှိ အခြေခံကျောင်း တွေက ဖွဲ့စည်းရပါတယ်။ ဒီလို ဖွဲ့စည်းတဲ့အခါမှာ မိဘ ဆရာအသင်းဆိုတာ အဲဒီကျောင်းမှာ ပညာသင်ခွင့်ရတဲ့ ကလေးတွေအားလုံးရဲ့ မိဘ(သို့မဟုတ်) အုပ်ထိန်း သူတွေ အားလုံးပါဝင်တဲ့အဖွဲ့ပါ။ အဲဒါကို မိဘဆရာအသင်းလို့ ခေါ်ပါတယ်။ အသင်းသားတွေဖြစ်ပါတယ်။ ဒါပေမယ့် အသင်းသားအားလုံး ပါဝင်ပူးပေါင်းဆောင်ရွက်ဖို့ အခြေ အနေမပေးတဲ့အခါမှာ သူတို့ကိုယ်စား၊ အသင်းကြီးရဲ့ ကိုယ်စား အလုပ်အမှုဆောင်အဖွဲ့ ဆိုပြီးတော့ ရွေးချယ် တင်မြှောက်ပြီး ကျောင်းရဲ့ ဖွံ့ဖြိုး တိုးတက်ရေးကို မိဘနဲ့ ဆရာပူးပေါင်း ကလေးပညာကောင်းဆိုသလို ကျင့်သုံး အကောင်အထည်ဖော်ပါတယ်။

အစီအစဉ်မှူး။ ။ အခုတစ်ခါတော့ မိဘဆရာ အသင်းရဲ့ အလုပ်အမှုဆောင်အဖွဲ့ ဖွဲ့စည်းပုံနဲ့ ပတ်သက်ပြီးတော့ သိချင်ပါတယ်။ ဆရာကြီး ဒေါက်တာဦးတင်ညိုကစပြီး ပြောပြပေးစေလိုပါတယ်။

ဒေါက်တာတင်ညို။ ။ အလုပ်အမှုဆောင် ဖွဲ့တဲ့အခါမှာ ဒီမိဘအုပ်ဒထိန်းသူ အားလုံးကို တကယ် ကိုယ်စား ပြုနိုင်တဲ့ ပုဂ္ဂိုလ်တွေကို ရွေးချယ်ရပါ တယ်။ အဲဒီအထဲမှာ အဓိက အားဖြင့်တော့ နာယကပေါ့။ ဒါဟာ အသင်း တစ်ခုရဲ့ အားလုံးကို စီမံခန့်ခွဲမှုရော၊ အကြံ ကောင်း ဉာဏ်ကောင်းပေးနိုင်မှုရော နာယကကို ဖွဲ့ရပါ တယ်။ နာယကသည် အားလုံးကနေပြီးတော့ ဒီလူကို လေးစားပြီးတော့ ဦးဆောင်နိုင်တဲ့ပုဂ္ဂိုလ်ကို ရွေးချယ် ခြင်း အားဖြင့် ဒီအသင်းရဲ့ ရပ်တည်မှု၊ ဒီအသင်းရဲ့ လှုပ်ရှားမှု ကို ပိုမိုပြီးတော့အားသန်ပြီး ကျောင်းကိုလည်း အကျိုးပြု နိုင်မှာပါ။ ဒါကြောင့် နာယကသည် အသင်းကြီးတစ်ခုလုံးရဲ့ ထိပ်ဆုံးက ရွေးချယ်ရမယ့် ပုဂ္ဂိုလ်ကြီးဖြစ်ပါ တယ်လို့ ပြောချင်ပါတယ်။

ဦးအေးကြိုင်။ ။ ကျောင်းတစ်ကျောင်း ဖွံ့ဖြိုးတိုးတက်မှု အတွက် ကလေးတွေရဲ့ ပညာ တတ်မြောက် မှု၊ သူတို့ရဲ့ကိုယ်၊ စိတ်၊ နှလုံးကောင်း မွန်မှုကို ပိုမိုထိရောက်အောင် လုပ်တဲ့အခါမှာ အသင်းသားတွေ အားလုံး၊ မိဘများ အားလုံး၊ ဆရာ ဆရာမအားလုံးကို ကိုယ်စားပြုတဲ့ အလုပ်အမှုဆောင်အဖွဲ့ ဖွဲ့တဲ့အခါမှာ နာယကရဲ့ ဦးဆောင်အဖွဲ့ကလည်း အရေးကြီးပါတယ်။ တကယ်တော့ အဲဒီကျောင်းတစ်ကျောင်းရဲ့ အောင်မြင်မှု အားလုံးရဲ့ တာဝန်ယူရတဲ့ပုဂ္ဂိုလ်ကတော့ ဖွဲ့စည်းပုံအရ ကျောင်းအုပ်ကြီးက ဥက္ကဋ္ဌဖြစ်ရပါမယ်။ ကျောင်းအုပ် ကြီးက ဥက္ကဋ္ဌဖြစ်တဲ့အခါမှာ ဒီကျောင်းရဲ့ အသင်းနာမည် ကိုက မိဘဆရာဆိုတဲ့ စကားပါတဲ့အတွက်ကြောင့် ဒုတိယ ဥက္ကဋ္ဌကတော့ မိဘဖြစ်ရပါမယ်။ ဒါ (၁) ပါ။ ဒုတိယ ဥက္ကဋ္ဌ(၂)ကတော့ ကျောင်းအုပ်ကြီးကို ကိုယ်စား ပြုတဲ့ ဆရာတစ်ဦးက တာဝန်ယူရမှာ ဖြစ်ပါတယ်။ ဒီကျောင်းကြီး တစ်ကျောင်းလုံးရဲ့အတွင်းမှာရှိတဲ့ ကလေး တွေရဲ့ အရည် အသွေးမြင့်မားရေးကို တာဝန်ခံရမယ့်ပုဂ္ဂိုလ်က ဆရာတွေ ဖြစ်တဲ့အတွက်ကြောင့် အတွင်း ရေးမှူး တာဝန်ကိုတော့ ဆရာက တာဝန်ယူရမှာဖြစ်ပါတယ်။ အလားတူပဲ မိဘနဲ့ပေါင်းတဲ့ အတွက်ကြောင့် ဒီဖွံ့ဖြိုး ရေးကို တာဝန်ယူတဲ့ အတွင်းရေးမှူးကိုပူးပေါင်းပြီးတော့ တွဲဖက်အတွင်းရေးမှူး အဖြစ်နဲ့ တာဝန် ယူရတဲ့ သူကတော့ မိဘဖြစ်ရပါမယ်။ ပြီးတော့ ဒီကျောင်းကြီးကို မိဘပြည်သူတွေက ကျောင်းရဲ့ ဘက်စုံ ဖွံ့ဖြိုး တိုးတက် ရေးအတွက် ကလေးတွေကို ထောက်ပံ့တာတွေ၊ ချီးမြှင့်တာတွေ၊ စောင့်ရှောက်တာတွေ ပေးအပ်တဲ့ ပစ္စည်းတွေအားလုံး စာရင်းဇယားငွေကြေးက အစပေါ့။ ထောက်ပံ့ထိန်းသိမ်းရေးမှူးဆိုပြီးတော့ ဆရာကို ရွေးချယ်ရပါမယ်။ ဆရာက အတွင်းမှာရှိတဲ့ ပစ္စည်းပစ္စယ၊ ငွေကြေးတွေကို ထိန်းသိမ်း စောင့်ရှောက်သလို ဒီကျောင်း ကြီးရဲ့ လှုပ်ရှားဆောင်ရွက်မှုတွေအားလုံးကို ပြန်လည် စိစစ်ပြီးတော့ အစီရင် ခံတင်ပြဖို့အတွက် စာရင်းစစ်ကိုတော့ မိဘတစ်ဦးက တာဝန်ယူရပါတယ်။

▄ ဖွဲ့စည်းပုံ ▄

ကျောင်းဖွဲ့စည်းပုံနဲ့ကြည့်မယ်ဆိုရင် အခြေခံပညာ ကျောင်းမှာ အထက်တန်း၊ အလယ်တန်း၊ မူလတန်း ဆိုပြီးတော့ ရှိပါတယ်။ အဲဒီအတွက် အထက်တန်းကျောင်း ဖွဲ့စည်းပုံမှာ ကိုယ်စားလှယ် ဘယ်လို ရွေးလဲ၊ အလယ် တန်းကျောင်းရဲ့ ကိုယ်စားလှယ် ဘယ်လိုရွေးသလဲ။ မူလတန်း ကိုယ်စားလှယ် ရွေးတာကိုတော့ ဒုတိယòန်ကြားရေး မှူးချုပ် ဆရာမကြီး ဒေါ်စန်းစန်းရီက ဆက်လက်ဆွေးနွေး တင်ပြမှာ ဖြစ်ပါတယ်။

ဒေါ်စန်းစန်းရီ။ ။ ခုနက ဆရာကြီးတို့ ဆွေးနွေးသလိုပဲ၊ထက်၊ လယ်၊ မူရှိတဲ့အတွက် တစ်ကျောင်း နဲ့ တစ်ကျောင်းမှာ မိဘဆရာအသင်းအလုပ်အမှုဆောင်ရဲ့ အရေအတွက်ဟာ မတူပါဘူး။ အထက်တန်းအဆင့် ကျောင်း ဆိုရင်တော့ ၁၃ ယောက်ကနေ ၁၅ ယောက်အထိ ဖွဲ့စည်းပါတယ်။ အလယ်တန်းဆိုရင် ၁၁ ယောက် ကနေ ၁၃ ယောက်အထိ ဖွဲ့တယ်။ မူလတန်းကျောင်း တစ်ကျောင်းမှာ ငါးယောက်ကနေ ခုနစ်ယောက် အထိ ဖွဲ့တဲ့ကျောင်းရှိသလို ကျောင်းကြီးရင် ခုနစ်ယောက်ကနေ ကိုးယောက်အထိ ဖွဲ့တဲ့ကျောင်းလည်း ရှိပါ တယ်။

အစီအစဉ်မှူး။ ။ ဒီမိဘဆရာ အသင်း အလုပ်အမှုဆောင် အဖွဲ့ရဲ့ ဥက္ကဋ္ဌ ဖြစ်တဲ့ ကျောင်းအုပ်ကြီးရဲ့ လုပ်ငန်းတာဝန်တွေနဲ့ ပတ်သက်ပြီးတော့လည်း သိချင်ပါတယ်။ ဆရာကြီးနဲ့ ဆရာမကြီးက ပြောပေးစေလိုပါတယ်။

ဦးအေးကြိုင်။ ။ တကယ်တော့ ပညာရေးဌာနမှာ တာဝန်ယူခဲ့တဲ့ ပုဂ္ဂိုလ်ထဲမှာ တကယ် ဦးဆောင်လုပ်တဲ့ ကျောင်း အုပ်ကြီးဟာ အခရာပဲ။ အမှန် အတိုင်းပြောရင်တော့ အငြိမ်းစားပညာရှင်ကြီးတွေကို ဆရာကြီး ဒေါက်တာ တင်ညို ဦးဆောင်ပြီးတော့ ပူဇော် ကန်တော့ပွဲလုပ်တဲ့အခါမှာ ညွှန်ကြားရေးမှူးချုပ်တွေ၊ ညွှန်ကြား ရေးမှူး၊ ဒုတိယညွှန်ကြားရေးမှူးတွေ အားလုံးရဲ့ ရင်ထဲမှာ သူတို့ဘ၀မှာ အတမ်းတဆုံးရာထူးဟာ ကျောင်း အုပ် ဆရာကြီးဆိုတဲ့ရာထူးကို တမ်းတကြပါတယ်။ ဘာကြောင့်လဲဆိုတော့ ကျောင်းအုပ်ဆရာကြီးဟာ သူနဲ့ အတူ တွဲ လုပ်တဲ့ ဆရာတွေရဲ့ ခေါင်းဆောင်ဖြစ်သလို တစ်ကျောင်းလုံးရဲ့ခေါင်းဆောင်လည်း ဖြစ်တယ်။ ဒါ့အပြင် ရပ်ရွာ တစ်ခုလုံးရဲ့ ခေါင်းဆောင်လည်းဖြစ်တယ်။ အမှန်တော့ ဆရာကြီးရဲ့ စွမ်းဆောင်ရည်မြင့်ရင် မြင့် သလောက် ကျောင်းက တိုးတက်တယ်။ ဆရာကြီးရဲ့ စိတ်ဓာတ်ခွန်အား ပြည့်ရင် ပြည့်သလောက် ကျောင်းက ဖွံ့ ဖြိုးတယ်။ ဒီဆရာကြီးဟာ ပြည်သူကို စည်းရုံးနိုင်ရင် စည်းရုံးနိုင် သလောက် ကျောင်းကြီး ဖွံ့ဖြိုး တိုးတက် တယ်ဆိုတာ တကယ့်အစစ်အမှန်ပါ။ ဒါကြောင့်မို့ လက်ထောက်ဆရာ တွေဟာ ကျောင်းအုပ်ကြီးရဲ့ ဦးဆောင် မှုကောင်းတဲ့ နောက်ကို အားလုံးလိုက်ပါကြတဲ့အတွက်ကြောင့် ကျောင်း တစ်ကျောင်းရဲ့အသက်ပမာ အချက်အချာကျတဲ့ ကျွန်တော်တို့နိုင်ငံမှာ အခြေခံပညာကျောင်း ဖွံ့ဖြိုး တိုးတက်ပြီဆိုရင် အဲဒီကျောင်းရဲ့ ကျောင်း အုပ်ကြီးဟာ အဓိကကျပါတယ်။ ဒါကြောင့်မို့ ကျောင်းအုပ်ကြီးရဲ့ အရည်အသွေးနဲ့ပတ်သက်တဲ့ အသေး စိတ် အချက်အလက် ကိုတော့ ဆရာမကြီး ဒေါ်စန်းစန်းရီက ဆက်လက်ဆွေးနွေး မှာဖြစ်ပါတယ်။

ဒေါ်စန်းစန်းရီ။ ။ ကျောင်းတစ်ကျောင်းမှာ ကျောင်းအုပ်ကြီးဟာ အဲဒီကျောင်းရဲ့ အခရာဖြစ်တဲ့ အတွက် ကျောင်းအုပ်ကြီး တစ်ယောက်ရဲ့ စည်းရုံးနိုင်မှု၊ ပွင့်လင်းမြင်သာစွာ လုပ်ဆောင်နိုင်မှု၊ ကိုယ့်ကျောင်းရဲ့ လိုအပ်ချက်တွေကို မိဘတွေကိုချပြပြီးတော့ ကိုယ့်ရဲ့ ကလေးတွေ ပညာရည်မြင့်မားဖို့အတွက် မိဘတွေနဲ့ ပူးပေါင်းလိုက်တဲ့အချိန်မှာ မိဘတွေက ကျောင်းရဲ့လိုအပ် ချက်တွေကို လူအား၊ ငွေအား၊ သူ့ရဲ့ အားတွေနဲ့ ဝင်ပြီး တော့ ကူညီပံ့ပိုးလာကြပါတယ်။ အဲဒီလို ကူညီပံ့ပိုးလာတဲ့ အတွက်ကြောင့် ကျောင်းရဲ့ရုပ်ပိုင်း ဖွံ့ဖြိုး တိုးတက်လာ သလိုပဲ ကလေးတွေ သင်ကြားရေးအတွက် လိုအပ်တဲ့ အဆောက်အအုံတွေ၊ ပရိဘောဂတွေပြည့်ဝ လာတဲ့အတွက် ကလေးတွေရဲ့ သင်ကြားရေးမှာ တိုးတက်လာသလို ကလေးတွေ စိတ်ဓာတ်မြင့် မားရေး အတွက် လိုအပ်တဲ့ ကျောင်းဖွံ့ဖြိုးရေးလုပ်ငန်းတွေ၊ ပညာရေးက စာတစ်ခုတည်းပဲ သင်လို့မရတဲ့ အရာဖြစ်တဲ့အတွက် ကလေးတွေအားလုံး ဖွံ့ဖြိုးတိုးတက်နိုင်အောင် ကျောင်းရဲ့ ဖွံ့ဖြိုးရေးလုပ်ငန်းတွေကိုလည်း မိဘတွေရဲ့ ပူးပေါင်းမှုနဲ့ ပါဝင်လိုက်တဲ့အချိန်မှာ ကျောင်းဟာ တကယ်ပဲ ဘက်စုံ ဖွံ့ဖြိုးတိုးတက်တဲ့ ကျောင်း တစ်ကျောင်းဖြစ်လာတယ်။ ဘက်စုံဖွံ့ဖြိုးတိုးတက်တဲ့ကျောင်းမှာ တကယ်ဘက်စုံ ထူးချွန်တဲ့ ကျောင်းသား တွေရရှိလာနိုင်တဲ့အထိ တိုးတက် လာမှာ ဖြစ်ပါတယ်။ ဒါဟာ ကျောင်းအုပ်ကြီးရဲ့ စွမ်းဆောင် မှုကြောင့် ကျောင်း အုပ်ကြီးသည် မိဘတွေနဲ့ ကျောင်းက ဆရာ ဆရာမတွေကို စည်းရုံးနိုင်တဲ့အတွက် ဖြစ်ပေါ် လာမယ့် အကျိုး တရားတွေ ဖြစ်ပါတယ်။

အစီအစဉ်မှူး။ ။ ဆရာမကြီးကိုပဲ ထပ်ပြီးတော့ မေးချင်ပါတယ်။ မိဘရာအသင်းအလုပ်အမှုဆောင် အဖွဲ့ရဲ့ လုပ်ပိုင် ခွင့်ရှိတဲ တာဝန်တွေ လုပ်ငန်းတွေနဲ့ ပတ်သက်ပြီးတော့လည်း ရှင်းပြပေးစေလိုပါတယ်။

ဒေါ်စန်းစန်းရီ။ ။ မိဘဆရာအသင်း လုပ်ပိုင်ခွင့်ရှိတဲ့ အလုပ်တွေက မိဘဆရာအသင်းသည် ကိုယ့်ရဲ့ နယ်မြေ ထဲမှာရှိတဲ့ ကလေးတွေအားလုံး ကျောင်း အပ်နိုင်မှု၊ ကျောင်းတက်နိုင်မှုနဲ့ ကျောင်းမထွက်ဖို့ အတွက် လည်းပဲ ကျောင်းက ဆရာ ဆရာမတွေနဲ့ ပူးပေါင်း တာဝန်ယူရပါတယ်။ အဲဒီလိုပဲ သူ့ရဲ့ ကျောင်းမှာရှိတဲ့ ကလေးတွေရဲ့ ပညာရည်နဲ့ပတ်သက်လို့ မူလတန်းအဆင့်၊ အလယ်တန်းအဆင့်၊ အထက်တန်းအဆင့်၊ တက္ကသိုလ် ဝင်တန်းအထိ ထူးချွန်တဲ့ကလေးတွေ ဆုချီးမြှင့်ရေးကိစ္စ တွေမှာလည်း ပူးပေါင်းပါဝင်ရသလိုပဲ ဘက်စုံ ဖွံ့ဖြိုးတဲ့ ကလေးတွေ၊ စာစီစာကုံး၊ အားကစား စတဲ့ ဖွံ့ဖြိုးရေးမှာ ထူးချွန်တဲ့ကလေးတွေအတွက်လည်းပဲ ဆုချီးမြှင့်မယ့် နေရာမှာ မိဘဆရာအသင်းက ကျောင်းအုပ်တွေနဲ့ ပူးပေါင်းတာဝန်ယူဆောင်ရွက်ရတာ ရှိပါ တယ်။ တကယ် ထောက်ပံ့ဖို့အတွက် အကူအညီလိုတဲ့ ကလေးတွေအတွက် လည်းပဲ မိဘဆရာ အသင်း က ပူးပေါင်း ပါဝင်ကူညီရတယ်။ ဒီလို ပူးပေါင်းပါဝင်ကူညီဖို့အတွက် မိဘဆရာအသင်းမှာ ပါဝင် ကူညီခွင့် ရှိတဲ့ လုပ်ငန်းတွေ ဖြစ်ပါတယ်။

အစီအစဉ်မှူး။ ။ ဆရာမကြီးက မိဘဆရာအသင်း အလုပ်အမှုဆောင်အဖွဲ့ရဲ့ လုပ်ပိုင်ခွင့် ရှိတဲ့အရာတွေကို ပြောပြီးသွားပြီဆိုတော့ ဆရာကြီးကနေပြီးတော့ လုပ်ပိုင်ခွင့် မရှိတဲ့ အရာတွေရှိရင်လည်း ပြောပြပေးစေ လိုပါတယ်။

ဦးအေးကြိုင်။ ။ အမှန်တော့ မိဘဆရာအသင်းရဲ့ ဖွဲ့စည်းတဲ့ရည်ရွယ်ချက်ကိုက ကလေးကို ဦးစား ပေးတာပါ။ မိဘဆရာပူးပေါင်း ကလေးပညာကောင်း ဆိုတော့ ကလေး ပညာကောင်းစေဖို့ မိဘဆရာ ပူးပေါင်း ကြပါစို့ ဆိုရင် သူတို့အနေနဲ့ ကလေးကိုပဲ ဦးစားပေးပြီး စဉ်းစားတဲ့အတွက်ကြောင့် ကျောင်းတွင်းစီမံခန့်ခွဲရေးကိစ္စ တွေကို သူတို့ ပါဝင်ဆောင်ရွက်ခြင်း မရှိပါဘူး။ သူတို့ ကလေးရဲ့ ဘက်စုံဖွံ့ဖြိုးရေးကိုသာ အာရုံပြုမှ ကလေးရဲ့ အရည် အသွေးကို မြှင့်ရာကျပါမယ်။ အဲဒီတော့ ကျောင်း တွင်းစီမံခန့်ခွဲရေးကို ကျောင်းအုပ်ကြီးနဲ့၊ ဆရာ ဆရာမနဲ့ သက်ဆိုင်ရာ ဦးစီးဌာန၊ ဝန်ကြီးဌာနက ဆောင်ရွက်တဲ့ အတွက်ကြောင့် မိဘတွေဟာ ဝင်ရောက် ဆောင်ရွက် ခြင်း မရှိပါဘူး။ အလားတူပဲ။ ကျောင်းတစ်ကျောင်းရဲ့ ပညာရေး တိုးတက်ဖို့အတွက် သင်ရိုးညွှန်းတမ်းတွေ၊ သင်ခန်းစာ ပြဋ္ဌာန်းမှုတွေ သင်ကြားပြသဖို့အတွက် ကိစ္စတွေ အားလုံး ကိုလည်း မိဘတွေဟာ ဆရာတွေကိုပဲ လုံးလုံးလျားလျား ပုံအပ်ထားတာဖြစ်ပါတယ်။ သူတို့ ဝင်ရောက်မဆောင်ရွက် ပါဘူး။ အလားတူပဲ ဒီဆရာ ဆရာမတွေ သင်ခန်းစာကို ပြဋ္ဌာန်းတဲ့အခါမှာ ဘာသာရပ်ခွဲတာတွေပေါ့။ အဲဒီလို ခွဲတဲ့အခါ၊ သင်ရိုးအဖွဲ့တွေ ဖွဲ့တဲ့အခါ ဆရာတွေကိုပဲ ယုံကြည်စွာ အပ်နှံထားပါတယ်။ သူတို့ပါဝင်ဆောင်ရွက်ခြင်း မရှိပါဘူး။ နောက် ကျောင်း လက်ခံတဲ့ကိစ္စတွေ၊ အတန်းတင်ပေး တယ်၊ အတန်း အောင်/ရှုံး သတ်မှတ်တယ်။ ဒါတွေဟာ လည်း ဆရာ တွေရဲ့ ပညာရေးလုပ်ငန်းဖြစ်တဲ့အတွက် ကြောင့် မိဘတွေက ဝင်ရောက်စွက်ဖက်ခြင်း မရှိပါဘူး။ သူတို့ အနေနဲ့ ပူးပေါင်းကူညီတဲ့ဘက်ကိုပဲ အာရုံစိုက်ပါ တယ်။ နောက် ဆရာတွေ ရာထူးခန့်တာတွေ၊ ပြောင်းရွှေ့ တာတွေ စတဲ့စီမံခန့်ခွဲရေးကိစ္စတွေမှာလည်း မိဘများက ပူးပေါင်းပါဝင်ဆောင်ရွက်ခြင်း မရှိပါဘူး။ ကျောင်းစည်း ကမ်းအရ ကျောင်းစည်းကမ်းထိန်းသိမ်းရေးကော်မတီရဲ့ ဆောင်ရွက်မှုတွေကိုလည်း မိဘတွေ ပါဝင်ဆောင် ရွက်ခြင်း မရှိပါဘူး။ သူတို့ရဲ့ရည်ရွယ်ချက်ကိုက ဒီကျောင်းမှာ အပ်ခဲ့တဲ့ သူတို့ ကလေးတွေရဲ့ဘ၀ ပညာ တတ်မြောက်ရေး၊ ယဉ်ကျေးသိမ်မွေ့ရေး၊ နိုင်ငံသားကောင်းဖြစ်ရေး၊ သူတို့ရဲ့ ယဉ်ကျေးလိမ္မာရေးကိစ္စတွေကို အာရုံပြုတဲ့အတွက်ကြောင့် ကျောင်းတွင်းစီမံခန့်ခွဲရေးကိစ္စတွေမှာ မိဘတွေက ပါဝင်ခြင်းမရှိကြောင်း မှတ်တမ်း ရှိပါတယ်။

(ဆက်လက်ဖော်ပြပါမည်)