ဒုတိယသမ္မတဦးဟင်နရီဗန်ထီးယူညောင်တုန်းမြို့ကမ်းပါးကာကွယ်ရေးဆောင်ရွက်ထားရှိမှု ကြည့်ရှုစစ်ဆေး

  ညောင်တုန်း၊ ဖေဖော်ဝါရီ ၂

အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီဥက္ကဋ္ဌ၊ ဒုတိယသမ္မတ ဦးဟင်နရီဗန်ထီးယူ သည် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ဧရာဝတီတိုင်းဒေသကြီး ၀န်ကြီး ချုပ်ဦးလှမိုးအောင်၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးလှကျော်နှင့် ဌာနဆိုင်ရာ တာဝန်ရှိသူများနှင့်အတူ ယနေ့ ညနေ ၃ နာရီက ဧရာဝတီတိုင်းဒေသကြီး ညောင်တုန်းမြို့တွင် ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ရေအရင်းအမြစ်နှင့် မြစ်ချောင်းများ ဖွံ့ဖြိုး တိုးတက်ရေးဦးစီးဌာနမှ တာဝန်ယူဆောင်ရွက်လျက်ရှိသည့် ညောင်တုန်းမြို့ ကမ်းပါးကာကွယ် ရေးအတွက် ကမ်းထိန်းလုပ်ငန်းများ ဆောင်ရွက်ထားရှိမှုအခြေအနေများကို သွားရောက် ကြည့်ရှု စစ်ဆေးသည်။

ရှေးဦးစွာ ဒုတိယသမ္မတ ဦးဟင်နရီဗန်ထီးယူနှင့် အဖွဲ့အား ရေအရင်းအမြစ်နှင့် မြစ်ချောင်းများဖွံ့ဖြိုး တိုးတက်ရေးဦးစီးဌာနမှ ဒုတိယညွန်ကြားရေးမှူးချုပ် ဦးဝင်းလှိုင်က ညောင်တုန်းမြို့ ကမ်းပါးကာကွယ် ရေးအတွက် နှစ်အလိုက် ရံပုံငွေရရှိမှု အပေါ်မူတည်၍ လုပ်ငန်းများအပိုင်းလိုက် ဆောင်ရွက်ထားရှိမှု၊ နယ်သာလန် နိုင်ငံနှင့် ပူးပေါင်းပြီး ညောင်တုန်းမြို့ ကမ်းပါးကာကွယ်ရေးအတွက် ဆောင်ရွက်နေမှု အခြေအနေများကို ရှင်းလင်း တင်ပြပြီး တိုင်းဒေသကြီး ၀န်ကြီးချုပ်ဦးလှမိုးအောင်က ကမ်းပါး ကာကွယ် ရေး အခြေအနေများနှင့် စပ်လျဉ်းပြီး ဖြည့်စွက်တင်ပြသည်။

တင်ပြချက်များနှင့်စပ်လျဉ်း၍ ဒုတိယသမ္မတ ဦးဟင်နရီဗန်ထီးယူက ပြန်လည် ဆွေးနွေးရာတွင် ဧရာဝတီတိုင်းဒေသကြီးသည် နှစ်စဉ်ရေကြီးရေလျှံမှု သဘာဝဘေးဒဏ်ကို ကြုံတွေ့နေရသည့် ဒေသ တစ်ခု ဖြစ်ပါကြောင်း၊ ရေကြီးရေလျှံမှုဘေးမှ ထိခိုက်မှု လျော့နည်းစေရန် မြစ်ကော၊ ချောင်းကောများ ရှင်းလင်းတူးဖော်ခြင်းလုပ်ငန်းကို ဘဏ္ဍာရန်ပုံငွေသတ်မှတ်၍ ဆောင်ရွက်သွားရန် လိုအပ်ပါကြောင်း၊ ဧရာဝတီတိုင်း ဒေသကြီးတွင် ၂၀၁၆ ခုနှစ်က ရေကြီးရေလျှံမှုဖြစ်ပွားချိန်တွင် ကူညီကယ်ဆယ်ရေး လုပ်ငန်းများဆောင်ရွက်ရန် မိမိရောက်ရှိခဲ့ပါကြောင်း၊ ယင်းနောက်ပိုင်း ကြိုတင် ကာကွယ်ရေးလုပ်ငန်း အား အလေးထားဆောင်ရွက်ခဲ့မှု ရလဒ်ကြောင့် ၂၀၁၈ ခုနှစ်တွင် ထိခိုက် ဆုံးရှုံးမှု လျော့နည်းသက်သာ ခဲ့သည်ကို တွေ့ရှိရပါကြောင်း၊ ညောင်တုန်းမြို့ မြစ်ကမ်းပါးထိန်းသိမ်းရေးလုပ်ငန်းသည်လည်း သဘာဝ ဘေး ကြိုတင်ကာကွယ်ရေး လုပ်ငန်းတစ်ခုဖြစ်၍ ရရှိသည့် ဘဏ္ဍာရန်ပုံငွေပေါ်မူတည်ပြီး အရေးကြီး လိုအပ်သည့် နေရာများကို ဦးစားပေး ဆောင်ရွက်သွားရန် မှာကြားသည်။

ထို့နောက် ဒုတိယသမ္မတဦးဟင်နရီဗန်ထီးယူနှင့် အဖွဲ့သည် ညောင်တုန်းမြို့ ကမ်းနားတစ်လျှောက် ကမ်းပါးကာကွယ်ရေး ဆောင်ရွက်ထားရှိမှု အခြေအနေများကို လှည့်လည်ကြည့်ရှုစစ်ဆေးသည်။

ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနမှ ညောင်တုန်းမြို့ ကမ်းပါးကာကွယ်ရေး အတွက် နှစ်အလိုက် ကမ်းထိန်းလုပ်ငန်းများဆောင်ရွက်ခဲ့ရာ ၂၀၁၇ - ၂၀၁၈ ဘဏ္ဍာနှစ်တွင် ညောင် တုန်းမြို့ ၂၁ လမ်းထိပ် ကမ်းထိန်းလုပ်ငန်း အလျားပေ ၂၅၀ အရှည် ဘိုးပိုင်အခြေပြု ကျောက်စီ မြေထိန်းနံရံ လုပ်ငန်း၊ ညောင်တုန်း မြို့ ၂၄ လမ်းမှ ၂၇ လမ်းအထိ ကမ်းထိန်းလုပ်ငန်း အလျား ပေ ၃၃၀ အရှည် ဘိုးပိုင် အခြေပြုကျောက်စီမြေထိန်းနံရံလုပ်ငန်း၊ ညောင်တုန်းမြို့ ၁၉ လမ်းထိပ် ကမ်းထိန်း လုပ်ငန်း အလျား ပေ ၃၂၀ အရှည် ဘိုးပိုင်အခြေပြုကျောက်စီမြေထိန်းနံရံ လုပ်ငန်း၊ ညောင်တုန်းမြို့ ၇ လမ်းမှ ၈ လမ်း ရေလမ်းကောင်းမွန်ရေးလုပ်ငန်း အလျားပေ ၁၃၀၀ အရှည် အခြေထိန်းနှစ်တန်းသွား အုန်းတိုင်စိုက် ရေကာလုပ်ငန်း ၊ ၂၀၁၈ ဘဏ္ဍာ နှစ် ပထမ ၆ လကာလတွင် ညောင်တုန်းမြို့ အ၀င်ရေလမ်း ကောင်းမွန်ရေးလုပ်ငန်း အ လျား ပေ ၈၀၀ အရှည် အခြေထိန်း နှစ်တန်းသွားအုန်းတိုင်စိုက်ရေကာလုပ်ငန်း ၊ ၂၀၁၈ -၂၀၁၉ ဘဏ္ဍာနှစ်တွင် ညောင်တုန်းမြို့ ၃၁ လမ်းထိပ်ကမ်းထိန်းလုပ်ငန်း အလျား ပေ ၁၂၀ အရှည် ဘိုးပိုင်အခြေပြု ကျောက်စီ မြေထိန်းနံရံ လုပ်ငန်း ၊ ညောင်တုန်း မြို့အ၀င် ရေလမ်းကောင်းမွန်ရေးလုပ်ငန်း ၃၄၂ ပေ အုန်းတိုင်စိုက် ရေကာ လုပ်ငန်းနှင့် အလျား ၂၇၆ ပေ အရှည် အုန်းတိုင် ရေကာဟောင်းနှစ်ခု အားဖြည့် ဆောင်ရွက် ခြင်းလုပ်ငန်း ၊ ညောင်တုန်းမြို့ ၄ ရပ်ကွက် တိုးချဲ့နယ်မြေအရေးပေါ် ကာကွယ်ရေးလုပ်ငန်း အလျား ၂၉၄ ပေ အရှည် အုန်းတိုင်အခြေပြုကမ်းထိန်းလုပ်ငန်း၊ Floating Unit ပေ ၁၅၀၀ အရှည်နှင့် Steel Cable Groyne ပေ ၁၀၀ လုပ်ငန်းများ ဆောင်ရွက်ခဲ့ကြောင်း သိရ သည်။

ညောင်တုန်းမြို့ ကမ်းထိန်းလုပ်ငန်းဆောင်ရွက်ရန် စုစုပေါင်း အလျားပေ ၆၂၅၀ ရှိပြီး လုပ်ငန်းဆောင် ရွက်ပြီး အလျား ၁၅၇၅ ပေ ရှိကာ လုပ်ငန်းဆောင်ရွက်ရန်ကျန် အလျား ၄၆၇၅ ပေ ရှိကြောင်း သိရသည်။

(သတင်းစဉ်)